Нийслэлийн мэргэжлийн хяналтын газарт иргэнээс ирүүлсэн гомдлын дагуу Баянзүрх дүүргийн 5-р хороо, 80 дугаар байрны зоорийн давхарт байрлах модон эдлэлийн цех, сийлбэрийн урлангийн үйл ажиллагаанд шалгалт хийлээ.
Шалгалтаар нийтийн зориулалттай орон сууцанд 40 дБА-иас их хэмжээний дуу чимээ гаргаж, үйлдвэрлэл эрхэлж байсан тул зөрчил гаргасан иргэнд /Зөрчлийн тухай хуулийн 12.4 дүгээр зүйлийн 4 дэх хэсэгт зааснаар/ зөрчлийн хэрэг үүсгэж, шийтгэлийн арга хэмжээ авчээ. Мөн зөрчил шалган шийдвэрлэх ажиллагаа явуулж, үйл ажиллагаа ашиглалтыг зогсоох Прокурорын тогтоол, эрх бүхий албан тушаалтны даалгавар хүргүүлж, гүйцэтгэлд хяналт тавин ажиллаж байна.
