Нотариатын тухай хуульд нэмэлт, өөрчлөлт оруулна

Нотариатын тухай хуульд нэмэлт, өөрчлөлт оруулах тухай хуулийн төсөл болон хамт боловсруулсан бусад хуулийн төслийг Засгийн газрын хуралдаанаар өчигдөр хэлэлцээд, УИХ-д өргөн мэдүүлэхээр тогтлоо. Эл хуулийн төсөлд иргэний хууль ёсны ашиг сонирхлыг хамгаалах, хууль зүйн үйлчилгээ авах боломжийг нэмэгдүүлэх зохицуулалт тусгасныг ХЗДХ-ийн сайд Г.Тэмүүлэн танилцуулав. Тухайлбал, нота­риатын үйлчилгээг цахимаар авах зайн гэрчлэлтийн зохицуулалтыг үүнд тусгажээ. Ингэснээр гэрээ, хэлцэл, итгэмжлэл, гарын үсгийн баталгаа зэргийг цахимаар гэрч­лэхболомж бүрдэх гэнэ. Гэрээс­лэл, өв зал­гамж­лал, эд хөрөнгийн эр­хийн бүрт­­гэлтэй хол­боотойүйлчилгээг үүнд хам­руулахгүй аж.

Мөн нотариатчийн нийгмийн хариуцлагыг нэмэгдүүлэх, төрөөс зорилтот бүлгийн ир­гэдэд ээлтэй бодлого хэрэгжүүлэх хүрээнд үйл­чилгээний хөлс, хураамжийг хөнгөлөх, чө­лөө­лөх заалт оруулжээ. Жишээлбэл, хөгжлийн бэрхшээлтэй хүн, ахмад настны гэрээслэл, өв залгамж­лал, үл хөдлөх хөрөнгөтэй холбоотой үйлчилгээний хөлсийг хөнгөлөхөөр зохицуулжээ. Харин хөдөлмөрийн чадвараа бүрэн алдсан иргэн, олон хүүхэдтэй өрх толгойлсон эцэг, эх, эрсдэлт нөхцөлд бай­гаахүүхэд, гэрч, хохирогч, төлбөрийн чад­варгүйиргэнд хууль зүйн туслал­цаа авахад нь итгэмжлэл, баримт бичгийн хуулбар гэрчлэх нотариатын үйлчилгээний хөлс, зардлаас чөлөөлөхөөр тусгасан байна.

Эл хуулийн төслийг баталснаар нотариатын үйл­чилгээ шуурхай, хүртээмжтэй болж, ир­гэдийн хууль ёсны эрх ашгийг хамгаалах боломж нэ­мэг­дэнэ гэж үзэж буй юм.