Куба улсын Элчин сайдын бүрэн эрхийн хугацаа дууслаа
Бүгд Найрамдах Куба Улсаас Монгол Улсад суугаа Элчин сайд Хорхе Феррер Родригесийн бүрэн эрхийн хугацаа дуусаж буй аж. Тэрбээр 2021 оны арванхоёрдугаар сард Итгэмжлэх жуух бичгээ өргөн барьснаар ажилдаа орж байсан юм. Түүнийг Элчин сайдаар ажиллах хугацаанд Монгол Улсын Ерөнхийлөгч У.Хүрэлсүх Хөгжиж буй орнуудын 77- гийн бүлгийн дээд түвшний уулзалтад оролцохоор Куба Улсад айлчилж байв.
2025-10-13
“Улс төрчид явцуу эрх ашгийнхаа төлөө хувийн хэвшил, баялаг бүтээгчдийг гүтгэн, харлуулдгаа зогсоо”
Татварын дарамт нэмэгдсэн, төрийн оролцоо эдийн засагт хэтих болсон зэргээс үүдэн Монголд бизнесийн орчин сүүлийн жилүүдэд улам бүр доройтож, хувийн хэвшлийн орон зай хумигдсан тухай холбогдох байгууллагууд байр сууриа илэрхийлэв. Тодруулбал, МҮХАҮТ, Монголын Уул уурхайн үндэсний ассоциаци, Улаанбаатар хотын худалдааны танхим, Мэдээллийн технологийн нэгдсэн холбоо, Монгол дахь Америкийн худалдааны танхим, “CEO” клуб, Монголын даатгалын зах зээлийн холбоо, Монголын сав баглаа үйлдвэрлэгчдийн нэгдсэн холбоо, Бизнесийн зөвлөл хамтарсан мэдэгдэл хийж, өнгөрсөн баасан гарагт хэвлэлийн бага хурал зохион байгууллаа.
2025-10-13
Г.ЗАНДАНШАТАР: Ашиг сонирхлын зөрчилтэй хүн хурал удирдаж, дэг зөрчөөд байна
УИХ-ын Төрийн байгуулалтын байнгын хороо баасан гарагт хуралдаж, П.Сайнзориг тэргүүтэй 50 гаруй гишүүнээс өргөн барьсан Ерөнхий сайд Г.Занданшатарыг огцруулах тухай тогтоолын төслийг хэлэлцэв. Тэд Ерөнхий сайдыг огцруулах гурван үндэслэл дурдсан юм. Үүнд, гишүүн Б.Энхбаярыг ХЗДХ-ийн сайдаар томилохдоо эхлээд парламент, Ерөнхийлөгчид танилцуулаагүй, гэм буруутай нь тогтоогдоогүй байхад УИХ-ын дарга Д.Амарбаясгаланг нүүрсний хэрэгт холбоотой гэж зарласан, Засгийн газраас баталсан 55 дугаар тогтоолоор тодорхой этгээдүүдэд давуу байдал үүсгэсэн, эдгээр нь Үндсэн хуулийг зөрчсөн гэжээ.
2025-10-13
Түрүүлсэн багийг 200 сая төгрөгөөр шагналаа
Монгол Улсын Ерөнхий сайдын ивээл дор Боловсролын яам, Соёл, спорт, аялал жуулчлал, залуучуудын яам, Биеийн тамир, спортын улсын хороотой хамтран 21 аймгийн 330 сум, нийслэлийн есөн дүүргийн ерөнхий боловсролын сургуулийн сурагчдын дунд зохион байгуулсан “Мөрөөдлийн гоол-2025” тэмцээн өндөрлөж, аваргуудаа тодруулав.
2025-10-11
Шинэ тавилга
“Хар муур” хэвлэлийн газрыгүүсгэн байгуулагч, зохиолч, яруу найрагч Ө.Үлэмжтөгсийн тун удахгүй мэндлэх түүврээс нэгэн өгүүллэг “шүүрдэн” уншигчдадаа хүргэж байна. Сэтгүүлч мэргэжилтэй тэрбээр “Абсурд зүүдний хот”, эрэн сурвалжлах сэтгүүлчийн амьдралын тухай хүүрнэх “5W1H” постмодерн роман, “Иргэншлээс оргох тасалбар”, “Хийсвэр үг” триллер өгүүллэг, яруу найргийн түүврээрээ эчнээ танил билээ. Эл хэвлэлийн газар өнгөрсөнтавдугаар сард байгуулагдсан хэдийчөдгөө дөрвөн бүтээл эрхлэн гаргаад буй. Эдгээрийн гоц онцлог нь “эгдүүтэй”, авсаархан, алганд багтах хэмжээтэй. Зохиолч Ө.Үлэмжтөгсийн “Шинэ тавилга” өгүүллэг тус халаасны ном цувралын дараагийн бүтээлийн нэг хэсэг хэмээн өгүүлсэн юм.
2025-10-11
Монголын гэрэл зургийн гурван үеийн түүхээр аялаарай
Монгол Улсад гэрэл зургийн алба байгуулагдсаны 90 жилийн ойг тохиолдуулан “Гурван цагийн өнгө төрх” тусгай үзэсгэлэнг “Чингис хаан” үндэсний музейд олны хүртээл болгож байна. Тус үзэсгэлэнд Монголын гэрэл зургийн хөгжлийн түүхийн онцлох гурван цаг үеийг илэрхийлэхүйц 100 орчим бүтээл дэлгэснээрээ онцлогтой юм. Тухайлбал, М.Гомбожав, Н.Чойжинням, Ц.Дагдандорж тэргүүтэй эл салбарт анхдагч гэгддэг 10 гаруй гэрэл зурагчны бүтээлийг толилуулж буй гэнэ.
2025-10-10
Хэвлэл мэдээллийн ёс зүйн зарчмуудтай танилцаарай
Хиймэл оюун ба дижиталчлалын эрин үед нийтийн эрх ашгийн төлөөх шударга, чөлөөт хэвлэл мэдээлэл, ёс зүйтэй сэтгүүл зүйн үнэ цэн улам чухал болж буйг Хэвлэл мэдээллийн зөвлөл (ХМЗ) ээлжит Ёс зүйн форум (JEF2025)-аараа онцолж байна. Технологийн шилжилт нь хэвлэл мэдээллийн салбарынхан төдийгүй иргэд, олон нийтэд давуу тал, боломжуудыг олгохын сацуу багагүй сорилтыг тулгаж буй. Хэвлэл мэдээллийн ёс зүйн зарчмын үндэс болох нягтлан шалгасан, үнэнд нийцсэн, баталгаатай, найдвартай мэдээллийг иргэдэд хүргэх нь сэтгүүл зүйн онцгой үүрэг хэвээр байгаа бөгөөд дижиталчлал, хиймэл оюуны хөгжлийн эринд илүү чамбайрах шаардлага тулгарах болсон тул форумын төлөөлөгчид маргааш энэ талаар өргөн хүрээнд хэлэлцэх аж.
2025-10-10
Хагас коксон шахмал түлшийг 331 цэгт борлуулж эхэллээ
Хагас коксон шахмал түлшийг өчигдрөөс борлуулж эхэлсэн талаар Налайх дүүрэг дэх “Тавантолгой түлш”-ний үйлдвэрийн болон нийслэлийн мэргэ¬жилтнүүд мэдээлэл өгөв. Нийслэлийн Засаг даргын орлогч А.Амартүвшин “Манай улс энэ жил 306 мянган тонн хагас коксон шахмал түлж худалдан авах гэрээ байгуулсан. Энэ сард 62 мянган тонныг оруулж ирнэ. Сар бүр 50-60 мянган тонныг худалдаж авч, нэгдүгээр сарын сүүлч гэхэд нийлүүлж дуусгах төлөвлөгөөтэй байна.
2025-10-10
Хүүхдээ битгий эрт хөгшрүүл
Тэр үед хөвгүүд, охид том хүмүүсийн хувцасны багасгасан хэв загварыг л эдэлж хэрэглэдэг, тухайн цагийн дэг журамд захирагдаж, ажил хөдөлмөрт ч эрт ордог байж. Уран зурагт эрэгтэй хүүхдүүдийг хэмжээ дамжаа нь зохицоогүй царай төрхтэй, насанд хүрсэн хүмүүсийнх шиг хэлбэр галбиртай дүрсэлдэг, уран сайхны үзэл баримтлал нь хүүхдийн дүрээр ч “эр хүн”-ийг харуулахыг шаарддаг байсан бололтой юм.
2025-10-10
Б.Энхбаярыг ХЗДХ-ийн сайдаар томилох асуудлыг ирэх долоо хоногт танилцуулна
Ерөнхий сайд Г.Занданшатар бүрэн эрхийнхээ хүрээнд Хууль зүй, дотоод хэргийн сайдаар УИХ-ын гишүүн Б.Энхбаярыг томилсон тухай шийдвэрээ нэгдсэн чуулганд энэ долоо хоногт танилцуулах байв. Гэвч УИХ-ын даргын дэргэдэх зөвлөлийн гишүүдийн олонхын шийдвэрээр уг танилцуулгыг ирэх долоо хоногт болгон хойшлуулсан байна.
2025-10-10
З.Мэндсайхан: УИХ-ын дарга Д.Амарбаясгаланг огцруулах бичигт 67 гишүүн гарын үсэг зурсан
УИХ-ын гишүүн З.Мэндсайхан, М.Бадамсүрэн нар мэдээлэл хийлээ. УИХ-ын гишүүн З.Мэндсайхан "УИХ-ын дарга Д.Амарбаясгаланг огцруулах саналыг гаргасан талаар иа бүхэнд мэдээлэл өгнө. УИХ-ын дарга Д.Амарбаясгаланг огцруулах саналд нийт 67 гишүүн гарын үсэг зурсан.Тухайлбал, МАН-ын 34, АН-ын 31, бусад нам эвслийн 2 гишүүн зурсан. Иймд УИХ-ын дэд дарга Х.Булгантуяад өнөөдөр өргөн барихаар болсон" гэх мэдээллийг өглөө.
2025-10-10
У.Хүрэлсүх: Шүүгчид улс төр, бизнесийн явцуу ашиг сонирхолд үйлчлэх ёсгүй
Бүх шатны шүүхийн нийт шүүгчийн ээлжит III чуулган өчигдөр Төрийн ордонд боллоо. Шүүхийн тухай хуулийн дагуу уг чуулганыг хоёр жил тутамд зохион байгуулдаг юм. Манай улсад нийт 518 шүүгч ажилладаг аж. Тэд энэ удаагийн чуулганаар хэрэг, нэхэмжлэл, өргөдөл, гомдол, хүсэлт хүлээн авах, хуваарилах болон хэрэг, маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журамд нэмэлт, өөрчлөлт оруулах талаар хэлэлцжээ.
2025-10-10
Суудлын болон ачааны автомашины импорт 20 орчим хувиар буурчээ
Гаалийн ерөнхий газраас гадаад худалдааны статистик мэдээллийг өчигдөр танилцууллаа. Энэ жилийн эхний есөн сарын дүнгээр манай улсын гадаад худалдааны нийт бараа эргэлт 19.2 тэрбум ам.доллар болж, 2024 оны мөн үеийнхээс 1.1 тэрбум буюу 5.6 хувиар буурчээ. Гэхдээ экспортын хэмжээ импортын дүнгээс 2.2 тэрбум ам.доллароор давж, гадаад худалдааны баланс эерэг гарсан байна.
2025-10-10
Бие даагчид 801 гарын үсэг цуглуулдаг хуулийн заалтыг цуцлав
Үндсэн хуулийн цэцийн Их суудлын хуралдаан болж, иргэн Д.Алтангэрэлээс ирүүлсэн УИХ-ын сонгуулийн ту¬хай хуулийн 31.2 дэх “Бие даан нэр дэвшигч нь СЕХ-ны баталсан маягтад тухайн сонгуулийн тойргийн 801-ээс доошгүй тооны сонгогчдын гарын үсгийг зуруулна” гэсэн заалттай холбоотой гомдлыг эцэслэн шийдвэрлэжээ. Уг заалт нь Үндсэн хуулийн 14.1 дэх “Монгол Улсад хууль ёсоор оршин суугаа хүн бүр хууль, шүүхийн өмнө эрх тэгш байна, 14.2 дахь “Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно.
2025-10-10
