Хүн ам ихтэй хороонд түлш борлуулах хоёр цэг байгаа нь хангалтгүй гэв
Нийслэлийн айл өрхүүд энэ сарын 1-нээс хагас коксон түлш хэрэглэж эхэлсэн. Иргэдийн гомдол, саналын дагуу ХЭҮК-ын дарга Д.Сүнжидээр ахлуулсан ажлын ржигдар түлш борлуулах төвүүдийн үйл ажиллагаатай танилцаж, хүртээмж, хэрэглээний бодит нөхцөлд дүн шинжилгээ хийжээ.
2025-10-24
Сүхбаатар аймгийнхан өдөрт нэг тонн сүү боловсруулах үйлдвэртэй боллоо
Өдөрт нэг тонн сүү боловсруулж, жилийн дөрвөн улиралд үйл ажиллагаа явуулах хүчин чадалтай сүүний үйлдвэрийг Сүхбаатар аймагт ашиглалтад орууллаа. Ингэснээр орон нутгийн иргэдийг эрүүл, стандартын шаардлага хангасан сүү, сүүн бүтээгдэхүүнээр хангах, малчдыг дэмжих, ерөнхий боловсролын сургуулиудад “Сүү” хөтөлбөр хэрэгжүүлэх нөхцөл бүрдсэн байна. Одоогоор цэвэршүүлсэн сүү, өрөм, элгэн тараг, зөөхий зэрэг бүтээгдэхүүн үйлдвэрлэж буй бөгөөд цаашид нэр, төрлийг нь нэмэгдүүлэх аж.
2025-10-24
“Хувийн эмнэлгүүд дампуурвал улсынх ачааллаа дийлэхгүй”
Монголын хувийн хэвшлийн эрүүл мэндийн байгууллагын нэгдсэн холбооноос “Ковид-19” цар тахлын үед ЭМДС-гаас 543 тэрбум төгрөгийг хэрхэн зарцуулсныг ил болгох, сангийн мөнгийг шударгаар хуваарилах талаар болон хувийн эмнэлгүүд санхүүгийн хүндрэлд орсон тухай өчигдөр мэдээлэл хийв.
2025-10-24
ОУВС-гаас дэмжлэг үзүүлнэ
Гэр бүл, хөдөлмөр, нийгмийн хамгааллын яам, Монголбанк, Олон улсын валютын сан (ОУВС), Дэлхийн банкныхны хамтарсан уулзалт-хурал тав хоногийн турш үргэлжиллээ. Тус уулзалтаар Монгол Улсын эдийн засгийн төлөв байдал, эрчим хүчний салбарт хувийн хэвшлийнхний хөрөнгө оруулалтыг татах хүчин чармайлт болон тэтгэврийн шинэчлэлийн асуудлаар хэлэлцсэн байна. Энэ үеэр манай улсад шаардлагатай техникийн зарим туслалцаа үзүүлнэ гэдгээ Дэлхийн банкны Зүүн Ази, Номхон далайн бүсийн дэд ерөнхийлөгч Фелипе Харамилло илэрхийлжээ.
2025-10-24
Эмч нарын цалинг 50 хувь нэмэх саналыг дэмжив
УИХ-ын Өргөдлийн байнгын хорооны өчигдрийн хуралдаанаар Монгол Улсын 2026 оны төсвийн тухай, Үндэсний баялгийн, Нийгмийн даатгалын, Эрүүл мэндийн даатгалын сангийн 2026 оны төсвийн тухай хуулийн төслүүдийн гурав дахь хэлэлцүүлгийг хийлээ. Нэгдсэн төсвийн тэнцвэржүүлсэн орлого 31.6, зарлага 29.6, суурь тэнцэл хоёр их наяд төгрөгийн ашигтай байхаар төлөвлөснийг Засгийн газрын Хэрэг эрхлэх газрын дарга С.Бямбацогт танилцуулав.
2025-10-24
“Өвгөн хуурч” тэргүүтэй ховор нандин бүтээлүүдийг өнөөдөр толилуулах нь
Монголын дүрслэх урлагийн нэрт төлөөлөгч, Төрийн шагналт, Ардын зураач Ү.Ядамсүрэнгийн мэндэлсний 120 жилийн ойд зориулсан “Амар баясгалан” үзэсгэлэнг Уран зургийн галерейд өнөөдөр толилуулна. Үзэсгэлэнгийн үеэр Монголын уран зургийн галерейн сан хөмрөг болон Ү.Ядамсүрэн сангийн архивт хадгалж буй ховор нандин бүтээлүүдийг олны хүртээл болгох аж.
2025-10-24
Зэсийн үнэ тонн нь 9952 ам.долларт хүрч, он гарснаас хойших хамгийн өндөр түвшинд очив
Экспортод гаргасан ашигт малтмалын бүтээгдэхүүний аравдугаар сарын олон улсын зах зээлийн мэдээллээс харахад зэсийн үнэ он гарснаас хойших хамгийн өндөр түвшинд хүрчээ. Тухайлбал, Лондоны металлын биржид зэсийн үнэ тонн тутам нь 9952 ам.долларт хүрсэн нь өнгөрсөн есдүгээр сартай харьцуулахад 307 ам.доллароор өссөн үзүүлэлт гэнэ. Өнгөрсөн жилтэй харьцуулахад энэ онд зэсийн илүүдэл нэг дахин нэмэгдэх төлөв гарсан, мөн АНУ-ын баримталж буй тарифын нөлөө зэрэг нь энэхүү зах зээлд цохилт өгөхгүй, үнэ өссөөр буй нь зэсийн ирээдүйг өөдрөгөөр төсөөлөхөөс өөр сонголтгүй болгож байна гэж шинжээчид дүгнэжээ.
2025-10-24
Тэгш эрхийн зарчим баримталдаг болсон цагт үйлчилгээний соёл тогтоно
Арав гаруй хоногийн өмнө дүүргийнхээ эмнэлгийн Яаралтай тусламжийн тасагт үйлчлүүлэхээр очлоо. Баасан гаргийн үдэш байсныг ч хэлэх үү ачаалал их, ёстой л эмч, үйлчлүүлэгчгүй “оволзож” байв. Хөгшин, залуу, согтуу, өвчтэй иргэд, эмч, сувилагч гээд ийш тийш гүйлдсэн, хэн хүнгүй л уурлаж бухимдсан дүр зурагтай. Үйлчлүүлэгчдийн биеийн байдлаас шалтгаалан улаан, ногоон, шар түвшнээр эрэмбэлж, хүлээлгэх аж.
2025-10-24
“Алт-3” хөтөлбөр хэрэгжүүлэхдээ өмнөх алдаагаа давтахгүй байх сан
Олон улсын зах зээлд энэ сарын 20-ны өдрийн байдлаар нэг унци буюу 30 орчим грамм алтны үнэ 4300 ам.доллароос давж, түүхэн дээд хэмжээнд хүрсэн. Ингэснээр уг металлын ханш зургаан сарын хугацаанд 40 орчим хувь, жилийн дотор бараг хоёр дахин өссөн үзүүлэлт боллоо. Улмаар 2026 оны эцэст 5000 “ногоон”-оос давах магадлалтайг ч шинжээчид дурдсан. Дэлхий дахинд хамгийн аюулгүй хөрөнгө оруулалтад тооцогддог, эдийн засгийн чадавхыг илэрхийлж, валютын нөөц болдог алтны үнэ ийнхүү өссөөр буйтаатай мөчлөгийг бид хэрхэн ашиглаж байна вэ. Алттай холбоотойгоор төрөөс баримталж буй бодлогыг сонирхлоо.
2025-10-24
Шатахууны нийлүүлэлтийг нэмнэ гэв
Аж үйлдвэр, эрдэс баялгийн сайд Г.Дамдинням ОХУ-аас Монгол Улсад суугаа Онц бөгөөд Бүрэн эрхт Элчин сайд Алексей Николаевич Евсиковтой өчигдөр уулзжээ. Энэ үеэр шатахууны зохиомол хомсдолыг арилган, ОХУ-аас нийлүүлэх бүтээгдэхүүний хэмжээг өсгөх, тээвэрлэлтийг эрчимжүүлэх талаар ярилцсан байна.
2025-10-24
Г.Занданшатарын Засгийн газрын бүрэн эрх сэргэлээ
Үндсэн хуулийн цэцийн Их суудлын хуралдаанаас гаргасан 08 тоот дүгнэлтийг уржигдар 22.50 цагт танилцуулсан юм. Ерөнхий сайд Г.Занданшатарын гаргасан хүсэлтийг хүлээн авч шалгасан Цэцийн гишүүн О.Мөнхсайхан дүгнэлтийн үндэслэлийн агуулга болон тогтоох хэсгийг бүхэлд нь уншиж сонсгов. Үүнд нэг цагийн хугацаа зарцуулсан юм. Зүйл, заалт бүрээр шүүж, тайлбарладаг учраас аргагүй биз. Г.Занданшатар Ерөнхий сайдыг огцруулах асуудлыг хэлэлцсэн чуулганы хуралдаан, гаргасан тогтоол, УИХ-ын дэд даргын үйлдэл гэсэн гурван асуудлаар Цэцэд гомдол гаргасан.
2025-10-24
Мөсөн талбай дахь өрсөлдөөн эхэллээ
Mонголын хоккейн холбооны шинэ улирлын эхний тэмцээн болох лигийн аварга шалгаруулах тэмцээнд оролцох багууд оноолтыг сугалснаар нэгдүгээр тойргийн тоглолт Чингэлтэй дүүргийн Биеийн тамир, спортын газрын мөсөн талбайд өчигдөр албан ёсоор эхэлсэн. “Степпe-Монстерс” клубийнхэн “Дархан-Уул” аймгийн “Дархан” багийнхантай эхний тоглолтоо өрнүүлсэн бол Орхон аймгийн “Хангарьд” клубийнхэн Багануур дүүргийн “Багануур”-ын хоккейчид үргэлжлүүллээ.
2025-10-23
Монголын баг өвлийн олимпод “Гоёл кашмер”-ийн урласан хувцсыг өмсөх нь
Монголын уулын цанын үндэсний шигшээ багийн “Милан-Кортина 2026” өвлийн олимпын эрх авахаар Олон улсын цанын холбооны оноо олгох тэмцээнд оролцохоор Литва улсыг зорьсон билээ. Эрэгтэйчүүдийн слалом төрөлд Ази, Европын 29 улсын 99 тамирчин өрсөлдсөнөөс А.Ариунбат эхний өдөр 25 дугаар байрт орж, 145.35, дараагийнхад 20 дугаар байр эзлэн 114.78 оноо авав.
2025-10-23
Б.АМАРСАНАА: Кино шүүмжлэгч бол хэн нэгэнд өртэй хүн биш
Монголын кино урлагийн салбарын өнөөгийн нөхцөл байдал болон шүүмжийн соёлын талаар Олон улсын кино шүүмжлэгчдийн холбооны гишүүн Б.Амарсанаатай ярилцлаа. Тэрбээр уран зохиол, хэл шинжлэлийн чиглэлээр бакалавр болон магистрын зэрэгхамгаалсанч кино урлагийгөөрийн амьдралын нэг хэсэг болгожээ. Мөн түүний бичсэн шүүмж, нийтлэлүүд олон улсын томоохон хэвлэлүүдэд тогтмол нийтлэгддэгээс гадна тэрбээр ирэх оны эхээр болох 83 дахь удаагийн “Алтан бөмбөрцөг” шагнал гардуулах ёслолын шүүгчээр ажиллах хүндтэй үүрэг хүлээгээд буй юм.
2025-10-23
Трамп, Путин нарын хоёр дахь уулзалт хойшлов
Трамп, Путин хоёр удахгүй бас уулзах нь. Тов нь одоогоор тодорхойгүй ч уулзах газар нь ил боллоо. Тэд Унгар улсын нийслэл Будапешт хотод уулзахаар тохиролцсон байна.
2025-10-23
Тогтвортой хөгжлийн асуудлаар олон талт чуулга уулзалт болж байна
Тогтвортой хөгжлийн асуудлаарх Зүүн Хойд Азийн олон талт чуулга уулзалтыг Улаанбаатар хотноо энэ сарын 21-23-нд зохион байгуулж байна. Энэ удаагийн чуулга уулзалт нь Тогтвортой хөгжлийн зорилтуудаас дэд бүтэц, эрчим хүч, усны асуудал, хотын тогтвортой байдал, хамтын ажиллагаа зэрэг таван чиглэлийг голчлон хэлэлцэж буйгаараа онцлогтой юм.
2025-10-23
Хөвсгөлд гаазар таван магнитудын хүчтэй хөдөлж, чичирхийлэл нь Завханд мэдрэгджээ
Хөвсгөл аймгийн Цэцэрлэг сумын нутагт уржигдар 17.14 цагт газар таван магнитудын хүчтэй хөдөлжээ. Тодруулбал, Хөвсгөлийн Цэцэрлэгээс зүүн урд 18, Цагаан-Уулаас баруун зүгт 62, Завханы Тосонцэнгэл сумаас хойд зүгт 76 км-т газар хөдөлсөн байна. Газар хөдлөлийн чичирхийлэл Завханы Баянхайрхан, Нөмрөг, Сантмаргаз, Сонгино, Тосонцэнгэл, Цэцэн-Уул сумд бага зэрэг мэдрэгджээ. Мөн энэ өдрийн 01.13 цагт ОХУ-д газар 3.9 магнитудын хүчтэй хөдөлсөн байна.
2025-10-23
Шатахууны үнэ нэмсэн 21 аж ахуйн нэгжид 52.6 тэрбумын торгууль ногдуулав
Шатахууны жижиглэнгийн худалдаа эрхлэгч 21 аж ахуйн нэгжид 52.6 тэрбум төгрөгийн торгуулийн шийтгэл ногдуулсан талаар Монополын эсрэг газраас өчигдөр мэдээлэв. Тодруулбал, нэр бүхий аж ахуйн нэгжүүд “Аи-92” автобензиний үнийг энэ оны тавдугаар сарын 23-наас эхлэн нэмэгдүүлсэн нь Өрсөлдөөний тухай хуулийн 11.1-д “Аж ахуй эрхлэгчид өрсөлдөөнийг хязгаарлахад чиглэсэн гэрээ, хэлцэл (картель) байгуулахыг хориглоно”, 11.1.1-д “бараа бүтээгдэхүүний үнийг хэлцэн тогтоох” гэж заасныг зөрчсөн байж болзошгүй гэж үзсэн юм.
2025-10-23
Мал, амьтны гаралтай, хугацаа хэтэрсэн бүтээгдэхүүнүүдийг устгаж байна
Мал эмнэлгийн ерөнхий газраас мал, амьтны гаралтай импортын түүхий эд, бүтээгдэхүүний үйлдвэрлэл, худалдаа, хадгалалт, тээвэрлэлтийн нөхцөлд төлөвлөгөөт бус хяналт, шалгалт хийж байна. Удирдамжийн хүрээнд хилийн боомт бүхий 11 аймаг болон нийслэлийг хамруулан шалгаж буй аж.
2025-10-23
