Аутизмтай хүүхдэд тэгш, хүртээмжтэй боловсрол олгох нийгмийн оролцооны хөтөлбөр хэрэгжүүлнэ
Хөгжлийн бэрхшээлтэй болон аутизмтай хүүхдэд тэгш, хүртээмжтэй боловсрол олгох олон улсын шилдэг туршлагад суурилсан нийгмийн оролцооны хөтөлбөрийг 2026-2030 онд хэрэгжүүлэхээр болсныг нийслэлийн ЗДТГ-аас мэдээлэв. Үүний хүрээнд нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр Монголын аутизмын холбооны НҮТББ-ын зөвлөх Л.Алтангэрэл нар хамтын ажиллагааны санамж бичиг байгуулав. Ингэснээр олон улс, тэр дундаа Японы аутизмтай хүүхэдтэй харилцах, хөгжүүлэх туршлагыг судалж, үүнийгээ боловсролын байгууллагад болон нийгэмд үе шаттайгаар нутагшуулах гэнэ.
2026-01-27
АНУ-ын нутаг дэвсгэрийн тал хэсгийг цас, мөс “нөмрөв”
АНУ-ын Охайогийн хөндийн өмнөд хэсгээс Нью Энгланд муж хүртэлх нутаг дэвсгэрт их хэмжээний цас орсны улмаас 11 мянган нислэг цуцлагдаж, нэг сая орчим өрх цахилгаан, дулаангүй болжээ. Энэхүү бүс нутагт 118 сая хүн амьдардаг бөгөөд тээврийн хөдөлгөөн түр хугацаанд саатахыг тус улсын Үндэсний цаг уурын албанаас анхааруулав. Өнгөрсөн баасан гаргаас эрчээ авсан эл цасан шуурганы улмаас Колорадо, Иллинойс, Индиана, Миссури, Нью Жерси, Нью-Йорк, Пенсильвани мужийн зарим хэсэгт цасны зузаан 30 см-ээс дээш давсан аж.
2026-01-27
“Ниссан” компани Өмнөд Африк дахь үйлдвэрээ Хятадын “Chery”-д худалдана
“Ниссан мотор” компани Өмнөд Африкийн Рослин аж үйлдвэрийн бүс дэх үйлдвэрээ Хятадын автомашин үйлдвэрлэгч “Chery”-д худалдахаар болсноо өнгөрсөн баасан гарагт зарлав. Харин Хятадын автомашин үйлдвэрлэгчдээс чанар, стандартаараа эхний гуравт жагсдаг “Chery” энэ талаар тайлбар өгөхөөс татгалзаж, тус гэрээний үнийн дүнг нууцалж буй юм.
2026-01-27
Залуу тамирчид УАШТ-ийг өнгөлж, аваргуудад хүчтэй өрсөлдөгч болсноо харуулав
“Монголын спортын наадам 2026” тэмцээ ний хүрээнд 10 холбооны, 11 спортын төрөлд 1886 тамирчин 120 багц медалийн төлөө энэ сарын 18-25 хүртэл өрсөлдсөн юм. Долоо хоног спортоор амьсгалсан өдрүүдэд байт харвааны компаунд төрөлд эрэгтэйчүүдээс Т.Бат,Б.Баярсайхан (“Алдар”спорт хороо), Г.Ганзориг (“Хангарьд” клуб) нар эхний гурван байрт шалгарлаа. ЭмэгтэйчүүдээсБ.Батдулам(“Зэвт хасар”) алт, Б.Мөнгөнчимэг (“Алдар”) мөнгө, Ц.Батчимэг (“Бод шонхор” клуб) хүрэл медаль зүүв. Рекурв төрөлд эрэгтэйчүүдээс М.Энхбаяр (“Котинос”) түрүүлж, эмэгтэйчүүдээс Б.Урантунгалаг (“Алдар”) түрүүлжээ.
2026-01-27
ХААН банкны ашиг өсөж, “Голомт”, Худалдаа хөгжил зэргийнх буурчээ
IPO гаргасан банкууд өнгөрсөн оны санхүүгийн тайлангаа гаргасан байна. Тодруулбал, 2025 онд “Голомт”, Төрийн болон Худалдаа хөгжлийн банкны цэвэр ашиг өмнөх жилийнхээсээ буурчээ. Түүнчлэн “Хас” банк цэвэр ашгийн хэмжээндээ дөнгөж хүрсэн бол ХААН-ых 8.8 хувиар буюу 695 тэрбум төгрөгөөр өссөн байна. Ингэснээр ХААН банкны нэг ширхэг хувьцааны үнэ 1200 төгрөг байснаас өнгөрсөн долоо хоногийн байдлаар 1452-т хүрсэн аж.
2026-01-27
“Өмчийн халдашгүй байдлыг хангахад чиглэсэн 40 гаруй хуулийн зохицуулалтыг эргэн харна”
Эдийн засаг, хөгжлийн яамны дэргэд байгуулсан “Хөрөнгө оруулагчдын эрх ашгийг хамгаалах төв”-ийн үйл ажиллагааны хүрээнд “Уул уурхайн салбарын долоо хоног” арга хэмжээг өчигдөр эхлүүллээ. Тус арга хэмжээг нээж Тэргүүн шадар бөгөөд Эдийн засаг, хөгжлийн сайд Ж.Энхбаяр “Эдийн засгийн өсөлтийг тэлэх, бодлогын шинэчлэл хийхэд хөрөнгө оруулалт нэн шаардлагатай байна.
2026-01-27
Хэнтий аймагт улаанбурхнаар гурван сартай хүүхэд энджээ
Улаанбурхан өвчний тохиолдол улсын хэмжээнд 2025 оны сүүлээс энэ оны эхний гурван долоо хоногт нэмэгдэж, нийслэлд бүртгэгдсэн тохиолдлын 50 гаруй хувь нь эмнэлгийн орчинд халдварт өртсөн байна. Тиймээс эмнэлгийн орчинд халдвар тархахаас сэргийлэх, хяналтыг сайжруулах зорилгоор Эрүүл мэндийн яам, ХӨСҮТ зэрэг байгууллагын мэргэжилтний баг хяналт тавьж ажиллаж буй аж.
2026-01-27
Төр өмчдөө “алтан хувьцаа”-ны зарчмаар анхаарч чадах уу
Нөгөөтээгүүр, өдгөө үйл ажиллагаа явуулж буй төрийн өмчит компаниуд, үйлдвэрүүд нь ашиггүй ажилладаг, хур өр үүсгэдэг, засаглалын хямралтай, авлига болон ашиг сонирхлын зөрчил нүүрлэдэг зэрэг цөөнгүй асуудалтай. Тэгвэл “алтан хувьцаа”-ны буюу олон улсынхаар “Golden share” зарчмаар төр өмчдөө оролцоогоо хангах, чухал объектууд, компаниудад нөлөөгөө хадгалах, шийдвэр гаргалцах зохицуулалт бий. Үүнийг манайд хэрэгжүүлэх боломж байна уу, мэргэжилтнээс, төрийн албаны төлөөллөөс тодруулъя.
2026-01-27
“Өв тээсэн үнэ цэн” үзэсгэлэнг тольдоорой
“Өв тээсэн үнэ цэн” уран бүтээлийн үзэсгэлэнг Соёл, спорт, аялал жуулчлал, залуучуудын яамны үзэсгэлэнгийн танхимд өчигдөр нээлээ. “Дуут урлан” ХХКийн урчуудын алт, мөнгө, зэс, цайрын агууламж бүхий металлаар бүтээсэн “Чингис хаан”, “Болдоггүй бор өвгөн”, “Нүүдэлчин Монгол” тэргүүтэй 11 бүтээл дэлгэснээрээ онцлогтой. Тус компани нь 1992 оноос хойш үйл ажиллагаагаа явуулж буй бөгөөд монгол шатрын 40 орчим загварын бүтээлийг гадаад, дотоодын зах зээлд нийлүүлдэг аж. Энэхүү үзэсгэлэнг ирэх сарын 16 хүртэл олон нийтийн хүртээл болгох юм байна.
2026-01-27
Ерөнхийлөгч УИХ-ын дарга болон сайд нартай уулзлаа
Ерөнхийлөгч У.Хүрэлсүх өчигдөр УИХ-ын дарга Н.Учрал болон Засгийн газрын зарим сайд, агентлагийн даргатай өрөөндөө хуралдсан байна. Эл уулзалтад МАН-ын ерөнхий нарийн бичгийн дарга Я.Содбаатар бас байлцжээ. Үүгээр өвөлжилтийн байдал, Хархорин хот болон эрчим хүчний салбарт шаардлагатай бүтээн байгуулалтын талаар ярилцсан аж.
2026-01-27
Цахилгаан, дулаан гачигдсан өвлийн сургамж
“Дулааны цахилгаан станц-4” ТӨХК-ийн дөрөвдүгээр зуух эвдрэлийн улмаас энэ сарын 20-ны өдөр ажиллагаагүй болж, нийслэл Улаанбаатар хот даяар, мөн зарим орон нутагт цахилгааныг хэсэгчлэн хязгаарласан “адал явдалтай” өдрүүд арайхийн ард үлдэв үү гэтэл дахиад нэг зуух нь өчигдөр цоорчхов. Станцад гарсан гэмтэл, саатлыг шуурхай засварлаж дууссан инженер, техникийн ажилтнуудыг Ерөнхий сайд сайшаан, шагнаж урамшуулна гэдгээ мэдэгдэхтэй зэрэгцээд ээлжит явдал тохиосон юм.
2026-01-27
Унц алтны ханш 5000, мөнгөнийх 105 орчим ам.долларт хүрч, түүхэн дээд үзүүлэлтээ шинэчлэв
Олон улсын зах зээлд өчигдөр нэг унц (31 грамм орчим) алтны үнэ 5000 ам.доллароос давж, түүхэн дээд үзүүлэлтээ ахин шинэчиллээ. Түүнчлэн “Comex” биржийн арилжаагаар хоёрдугаар сард борлуулах алтны фьючерс ханш баасан гарагт өмнөх өдрийн хаалтаас 0.8 орчим хувиар өсөн, унц нь 5025 ам.долларт хүрсэн аж. Мөнгөний ханш ч мөн чангарч, өчигдрийн байдлаар 104 ам.доллароос давж, мөн түүхэн дээд өсөлт үзүүлснийг Bloomberg цахим хуудсанд дурджээ. Ингэснээр алтны ханш 2024 оноос 70 орчим хувиар, мөнгөнийх гурав дахин өссөн дүн болжээ.
2026-01-27
“Дууны үгс хэт энгийн, гунигтай болжээ”
Дууны үгс улам үзэн ядалтын агуулгатай, “би” төвтэй болж буй гэв. Тодруулбал, Австрийн Инсбрукийн болон Венийн их сургуулийн эрдэмтэд хамгийн нэр хүндтэй шинжлэх ухааны сэтгүүл гэгдэх “Scientific reports”-д нэгэн судалгаа хэвлүүлжээ. Тэд сүү лийн 40 жилийн хугацаанд гарсан реп, кантри, поп, R&B, рок урсгалын 12 мянга гаруй англи хэлээрх дуунд дүн шинжилгээ хийгээд дээрх дүгнэлтэд хүрсэн аж.
2026-01-26
Саарал усаар шар айраг исгэж байна
АНУ-ын Сан-Франциско хотод төвтэй “Epic cleantec” компани албан байгууллага, орон сууцын барилгуудаас гарсан бохир усыг өөрсдийн аргачлалаар цэвэршүүлж, түүнийг шар айраг исгэхэд ашиглаж байна. Үүнтэй холбоотойгоор тус компанийн гүйцэтгэх захирал асан Аарон Тартаковский “Хүмүүс дахин боловсруулсан усны талаар зөв ойлголттой болох нь чухал” хэмээсэн аж. Тухайлбал, “Epic cleantec”-ийн систем нь шүршүүр, угаалгын машинаас гарсан усыг шүүлтүүр, биологийн цэвэрлэгээ, ариутгал зэрэг олон шатаар дамжуулан цэвэршүүлдэг бөгөөд уг усаа шар айргийн “Devil’s canyon brewing co.” үйлдвэрт нийлүүлдэг гэнэ.
2026-01-26
55 мянган нэр, төрлийн бүтээгдэхүүнийг үйлдвэрийн үнээр борлуулж эхлэв
Монголчуудын уламжлалт баяр Цагаан сарын шинийн нэгэн ирэх сарын 18-нд тохионо. Сар шинийн баярыг угтсан үзэсгэлэн худалдааг нийслэлд цөөнгүй газар зохион байгуулж байна. Тухайлбал, “Амар байна уу 2026” үзэсгэлэн худалдаа “Их наяд”, “Соёлж молл” худалдааны төвд гарч буй. Дөрөв дэх жилдээ зохион байгуулж буй уг үзэсгэлэн худалдаанд 21 аймаг, есөн дүүргийн 1000 гаруй жижиг, дунд бизнес эрхлэгч 55 мянган нэр, төрлийн бүтээгдэхүүн дэлгэжээ. Түрээсний төлбөргүй учир үйлдвэрийн үнээр борлуулж буй аж.
2026-01-26
Э.Амартүвшин эх орондоо “Травиата” дуулна
Дэлхийн сонгодог урлагийн сор болсон Ж.Вердийн “Травиата” дуурийг ДБЭТ-ын тайзнаа ирэх сарын 7-нд 17.00 цагт толилуулах нь. 170 гаруй жилийн түүхтэй, дэлхийн шилдэг долоон дуурийн нэг гэгддэг эл бүтээлд эх орныхоо нэрийг олон улсад цуурайтуулж яваа Ардын жүжигчин Э.Амартүвшин дуулахаар болжээ.
2026-01-26
Өвлийн олимпод оролцох манай тамирчдын хувцсыг танилцуулав
“Милан-Кортина 2026” өвлийн олимпын наадамд оролцох Монголын шигшээ багийн ёслолын болон чөлөөт хувцасны хослолыг өнгөрсөн баасан гарагт албан ёсоор танилцууллаа. “Гоёл кашмир” компанийн загвар зохион бүтээгчид, оёдолчид тамирчдын хувцсыг урлажээ. Тэд “Уламжлалт дээл хувцсыг орчин үеийн загварт хослуулахаас илүүтэй, агуу их түүх, өв соёлын салшгүй хэсэг болсон эртний монгол хувцасны соёлыг өнөө цагт дахин таниулж, дэлхий дахинд хүргэхийг машид зорьсон” хэмээсэн юм.
2026-01-26
Их хэмжээний мансууруулах бодис авч явсан үндэслэлээр н.Эрдэнэт-Одыг баривчилжээ
ЦЕГ-ын Хар тамхитай тэмцэх албаныхан мансууруулах бодис борлуулагч, хэрэглэгч, хилээр оруулж ирж наймаалдаг бүлэглэлтэй эрчимтэй тэмцэж буй. Тиймдээ ч өнгөрсөн долоо хоногт олны танил гэх нэгэн залууг баривчиллаа. “100- гийн хайр” гэх контент бүтээгч н.Эрдэнэт-Од хэмээх залуу биедээ 900 хүн нэг удаа хэрэглэх хэмжээний мансууруулах бодис авч яваад үйлдэл дээрээ баригджээ. Түүний авч явсан хар тамхи нь НҮБ-ын Мансууруулах болон сэтгэцэд нөлөөлөх бодисын тухай 1971 оны конвенцод багтсан байдаг аж.
2026-01-26
