Өнөөдөр гадаа -17 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 51 дахь өдөр бөгөөд он дуусахад 314 хоног үлдлээ.
- Цаг агаар өдөртөө -17 хэмийн хүйтэн бол шөнөдөө -34 градус хүйтэн байх нь ээ.
- Билгийн тооллын 11, Өглөгт охин одтой, хөх бар өдөр. Өдрийн наран мандах, жаргах цаг нь 7:51-18:21. Тухайн өдөр морь, нохой жилтнээ аливаа үйлийг хийхэд эерэг сайн ба бич тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
- Валют арилжааны төвд ам.долларын авах ханш 3392.00 төгрөг, зарах нь 3398.00 төгрөг байна. Харин рублийн авах ханш 36.55, зарах ханш 37.10, юанийн авах ханш 472.00, зарах ханш 474.00, вонийн авах ханш 2.55, зарах ханш 2.57 төгрөг байна.
Өнөөдөр болох онцлох үйл явдлууд:
- 09.30 цагт “Туушин” зочид буудалд: ЦХХХЯ, Дэлхийн банкнаас “Ухаалаг засаг-2” төслийн танилцуулах уулзалт болно. Утас:9910-3830.
- 10.00 цагт Ардчиллын дууч, “Хонх” хамтлагийн дуучин С.Цогтсайхан агсны хөшөөнд хүндэтгэл үзүүлнэ. Утас: 9538-3282.
- 11.40 цагт “ЗМ” сонины мэдээллийн төвд: Улаанбаатар хот дахь Сүхбаатар аймгийн нутгийн зөвлөлөөс малчдад туслах хандивын аян эхлүүлж буй талаар мэдээлнэ.
- 13.30 цагт “Холидэй Инн” зочид буудалд: “Жуулчны хөтөч, тайлбарлагчдын III чуулган” болно. Утас: 9664-7818.
- 19.15 цагт “Централь Тауэр”-т: Монголын Спортын корпорациас Монголын хөлбөмбөгийн премьер лигийн ирэх 6 жилийн стратеги төлөвлөгөө, шинэ өнгө төрхийг танилцуулах ёслолын ажиллагаа болно.Утас: 8808-1418.
Энэ өдөр дэлхийн түүхэнд:
- 1547 - Вестминстер ордонд Английн хаан VI Эдуард хаан ширээнд суух ёслол болов.
- 1685 - Францын колоничлогч Рене-Роберт Кавелье Сейнт Луйс болон Матагордагийн хошууг байгуулжээ.
- 1792 - АНУ-д шуудангийн үйлчилгээний тухай хууль батлагдаж улмаар АНУ-ын шуудангийн хороог байгуулав.
- 1810 - Напалеоны эсрэг жагсаал цуглааныг өдөөн турхирсан хэргээр Андреа Хоферийг цаазаар авчээ.
- 1816 - Алдарт хөгжмийн зохиолч Россинигийн "Севилийн үсчин" дуурь Ром хотын тайзнаа анхлан тавигдав.
- 1846 - Польшийн эрх чөлөөний төлөөх Краковын бослого дэгдэв.
- 1865 - Уругвайн Ерөнхийлөгч Томас Виллальба босогчдын удирдагч Венансио Флорес нар энхийн гэрээнд гарын үсэг зурснаар Уругвайн дайн эцэс болжээ.
- 1872 - АНУ-ын Нью-Йорк хотод "Метрополитан урлагийн музей" үүдээ нээв.
- 1877 - Оросын нэрт хөгжмийн зохиолч П.И.Чайковсгийн "Хунт нуур" бүжгэн жүжиг "Большой театр"-ын тайзнаа олны хүртээл болов.
- 1914 - Монгол Улсын түүхэнд анх удаа "дээд", "доод" хурал байгуулагдаж, парламентын хоёр танхим бий болжээ.
- 1931 - АНУ-ын Конгресс Калифорни мужийн Сан Франциско-Оклендийг холбосон гүүр барих шийдвэр гаргажээ.
- 1933 - АНУ-ын үндсэн хуулийн 21 дэх нэмэлт өөрчлөлтөөр "хуурай хууль"-ийн хэрэгжилтийг зогсоов.
