Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 84 дахь өдөр бөгөөд он дуусахад 281 хоног үлдлээ.
- Цаг агаар өдөртөө 7 хэмийн дулаан бол шөнөдөө 9 градус хүйтэн байх нь ээ.
- Билгийн тооллын 14, Харцага одтой, улаагчин гахай өдөр. Өдрийн наран мандах, жаргах цаг нь 6:46-19:10. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 10.00 цагт УИХ дахь намын бүлгүүд болон байнгын хороодын ажлын хэсэг хуралдана.
- 10.00 цагт НИТХ-ын ээлжит бус XVIII хуралдаан болно.
- 11.00 цагт “Монгол ньюс” мэдээлийн төвд: СХД-ийн Засаг дарга Н.Алтаншагайг огцруулах талаар тус дүүргийн иргэн Д.Ганбаатар мэдээлнэ. Утас: 8888-9732.
- 14.00 цагт Төрийн ордонд: Нийтийн тээврийн парк шинэчлэлээр 2023 онд нийлүүлсэн автобусны худалдан авалтын ажиллагааг хянан шалгах Түр хороо хуралдана.
- 14.00 цагт АШУҮИС-ийн ботаник цогцолборын “Blue Hall”-д: “Уламжлалт анагаах ухааны эмийн ургамал судлаач-мэргэжилтний цогц чадамж- сэдэвт хэлэлцүүлэг болно. Утас: 8802-3300.
- 16.00 цагт ОБЕГ-т Япон Улсын ЭСЯ-наас зудад нэрвэгдсэн иргэдэд туслах хүмүүнлэгийн тусламжийг хүлээлгэн өгөх үйл ажиллагаа болно. Утас: 8824-9813.
Энэ өдөр дэлхийн түүхэнд:
- 708 - Ромын папын суудалд Константин хамба сууж, Ромын шашны түүхэнд 88 дахь пап болжээ.
- 171 - Византийн эзэнт гүрний хаан III Теодосий хаан эрх ямбаасаа өөрийн хүсэлтээр татгалзаж, хаан ширээнээсээ буув.
- 919 - Романос Лекапенос Букелон ордонг бүслэж, өөрөө Византийн хаан ширээнд суужээ.
- 1199 - Английн хаан I Ричард Францад болсон жадтай тулааны үеэр хүнд бэртэв. Тэрээр энэ үйл явдлаас хойш 12 хоногийн дараа амиа алджээ.
- 1555 - Венесуэль улсад анхны хот суурин байгуулагдав.
- 1584 - Сир Уольтер Релей Виржиниа мужийг захирч, газрыг нь мэдэлдээ авчээ.
- 1655 - Нэрт одон оронч Кристиаан Хюгенс Санчир гарагын дагуул Титан гарагийг нээжээ.
- 1802 - Франц, Их Британийн хооронд энхийн гэрээ байгуулагдав.
- 1807 - Британийн эзэнт гүрэн боол худалдаалахыг хуулиар хоригложээ.
- Төмөр замын тээврийн үйлчилгээний анхны шугам Уэльсийн Суонси, Британийн Мамблес хотуудын хооронд тавигдав.
- 1821 - Грекын хувьсгалын төлөөх дайн дэгджээ.
- 1865 - Америкийн иргэний дайн: Виржиниа мужийг эх газрын арми булаан эзлэв.
- 1917 - Монгол Улсын Дээд хурал “Нийслэл хүрээнд ирэх мал, бусад зүйлийг зам тосон авч худалдан ашиг олохыг хориглох" дүрмийн төслийг хэлэлцэн батлав.
