Тайландын алдарт SIAM ENTERTAINMENT группын санаачлан хэрэгжүүлдэг, олон улсын ялангуяа Зүүн Өмнөд Азийн бүсийн гол кино наадмуудын нэг болох Thai Film Festival-иас ТРИО кино маань ШИЛДЭГ КИНО-ны хамгийн хүндтэй шагналыг авч чадлаа. Энэ номинацид Солонгос, Япон, Польш, Итали, Англи, Тайланд, Бразилийн шилдэг кинонуудын нэрийг дэвшүүлж, дэлхийн шилдгүүд өрсөлдсөн билээ.
Монголын дауны холбооны гишүүн, 130 дугаар сургуулийн тэгш хамруулах ангийн сурагч Т.Тэлмүүн СТА, жүжигчин Д.Баттөмөрийн найруулсан "Трио" кинонд тоглосон юм. Энэхүү уран бүтээл нь даунтай хүүхэд тоглосон анхны монгол кино бөгөөд найруулагч Д.Баттөмөр олон улсын кино наадмуудад сойх бодолтой бүтээж буйгаа онцолж байсан билээ.
