“Улаанбаатар амазонс”-ынхон дэд байрт шалгарлаа

Австрийн Вена хотод өнгөрсөн амралтын өдөр зохион байгуулсан сагсан бөмбөгийн 3х3 эмэгтэй­ чүүдийн цуврал тэмцээнд Монголоос “Улаанбаатар амазонс” багийнхан канад мэргэжилтэн Стив Сирийн удирдлагад оролцож, 12 орны тамирчидтай өрсөлдлөө. Манайхан хэсгийн эхний тоглолтоо Испанийн “Мадрид” багийнхантай өрнүүлж, 18:21ээр хожигдсон ч дараагийнхад нь Украины тамирч­ дыг 21:17-гоор хожив. Тэд хасагдах шатанд хэсгээсээ хоёроор гарч, шигшээ наймд Румын улсын “Бухарест” багийнхныг 21:15-аар илүүрхэн, хагас шигшээд Францыг тоглогчдыг 17:12-оор буулгаж авсан. Аваргын төлөө Испанийн “Мадрид”-ын тамир­ чидтай дахин таарч 14:20-оор ялагдсанаар мөнгөн медаль, 10 мянган ам.долларын хамт гардлаа. Тус тэмцээний дараа дэлхийн чансааг тэргүүлж эхэлсэн “Улаанбаатар амазонс” багийнхан энэ сарын 25, 26-нд эх орондоо болох “FIBA 3x3 Ulaanbaatar women’s series”-д оролцож, 10 орны 16 багтай өрсөлдөх нь. Манай улс зохион байгуулагч орны давуу эрхээр дөрвөн баг (“Улаанбаатар амазонс”, “Монгол”, “Сүхбаатар”, “Амгалан”) сойх аж.