Ханиад, томууны дэгдэлт 14 хувиар буурчээ
ХӨСҮТ-өөс томуу, томуу төст өвчний өнгөрсөн долоо хоногийн нөхцөл байдлын мэдээллийг танилцууллаа. Нийслэлийн хэмжээнд дүүргүүдийн Нэгдсэн эмнэлэг болон Эрүүл мэндийн төвүүдэд 1517 хүүхэд хэвтэн эмчлүүлж байгаа аж.
2025-01-14
Улсын олимпиадад 1400 орчим сурагч өрсөлдөх нь
Энэ хичээлийн жилийн аймаг, дүүргийн түвшний олимпиадыг зохион байгуулж дууссан байна. Нийт 11 хичээлээр 57 692 суралцагч, 2500 гаруй багш оюун ухаан, ур чадвараа дайчлан өрсөлдсөнөөс дараагийн шатны буюу улсын олимпиадад 530 гаруй багш, 1400 орчим сурагч оролцох эрхтэй болжээ. Тэд хувийн бэлтгэлээ хангаж буй бөгөөд улсын олимпиадыг хуваарийн дагуу ирэх дөрөвдүгээр сарын 1-нд зохион байгуулах юм.
2025-01-13
Соёл, спорт, аялал жуулчлалын 174 арга хэмжээ зохион байгуулахаар төлөвлөжээ
Аялал жуулчлалын асуудал эрхэлсэн төрийн захиргааны төв байгууллагынхан “Монголд зочлох жил” санаачилгын хүрээнд “Аялал жуулчлалын нэгдсэн арга хэмжээний цаглавар” гаргаж, Засгийн газраар батлуулдаг уламжлал тогтоод буй. Ингэхдээ үндэсний болон олон улсын хэмжээнд ямар арга хэмжээ зохион байгуулах тухай саналыг аялал жуулчлалын байгууллагуудаас урьдчилан авч боловсруулаад, оны эхэнд зарладаг. Тэгвэл Соёл, спорт, аялал жуулчлал, залуучуудын яамнаас 2025 оны арга хэмжээний нэгдсэн цаглаврыг боловсруулж, өнгөрөгч долоо хоногт Засгийн газрын хуралдаанд танилцуулснаа мэдээлэв.
2025-01-13
“МУБИС-ийн оюутан, багш нарыг гадаадад суралцуулахад анхаарна”
Улсын хэмжээнд багш нарын 50 орчим хувийг дангаараа бэлтгэж буй төрийн өмчийн сургууль болох Монгол Улсын боловсролын их сургууль (МУБИС)-ийн сургалтын хөтөлбөрүүдтэй Боловсролын сайд болон харьяа хэлтсийн удирдлагууд танилцжээ.
2025-01-13
Өвөрхангайд лавлагаа шатлалын эмнэлгийн оношилгооны аппарат суурилуулав
Өвөрхангай аймгийн Бүсийн оношилгоо, эмчилгээний төвд олон улсын дэвшилт технологи ашигласан зайн оношилгооны төвийг ажиллуулж буй. Тус төвд өнгөрсөн баасан гарагт Улаанбаатар хотын лавлагаа шатлалын эмнэлгийн түвшний онош тавих аппаратыг суурилуулжээ. Зайн оношилгооны төвөөр үйлчлүүлэгчид бусад аймгийнхтай харьцуулахад харьцангуй олон байгааг тус төвийн эмч нар онцолсон юм.
2025-01-13
“Зөрчлийн тухай хуулийг илт буруу тайлбарлаж, Б.Баярбаатарыг баривчилсан”
“Өнгөрсөн оны арванхоёрдугаар сарын 26-нд иргэн Б нь “Бурханы хүү Баярбаатар” нэртэй цахим хаягаар дамжуулан олон нийтийн сүлжээнд лайв бичлэг хийх үеэрээ зүй бус үг, хэллэг хэлж, олон нийтийг үл хүндэтгэсэн асуудалд Зөрчлийн тухай хуулийн дагуу зөрчлийн хэрэг нээж, шалгалтын ажиллагаа явууллаа.
2025-01-13
Дотоодын цэргийн штабын даргаар цагдаагийн хурандаа М.Лувсандоржийг томилов
Ерөнхий сайд Л.Оюун-Эрдэнэ өнгөрсөн долоо хоногт “Засгийн газрын эсрэг жагсаалыг П.Цагаан, түүний хүү болон Дотоодын цэргийн командлагч Р.Чингис, түүний дүү Р.Саруул нар санхүүжүүлж байгаа” хэмээн мэдэгдсэнд үндэслэн Хууль зүй, дотоод хэргийн сайд О.Алтангэрэл тушаал гаргаж Дотоодын цэргийн штабын дарга, бригадын генерал Р.Чингисийг чөлөөлсөн билээ.
2025-01-13
Б.Одончимэг: Бэлчээр доройтсоныг илэрхийлэх ургамал Хонгор сумд 35 хувиар ихэссэн
Дархан-Уул аймгийн Хонгор сумын бэлчээрийн төлөв байдлыг нарийвчлан судалсан, “Байгаль судлалын төв” ТББ-ын захирал Б.Одончимэгтэй ярилцлаа. Тэрбээр “Бэлчээрийн төлөв байдал, түүний шилжилтийг экологийн чадавхын зарчимд суурилан үнэлэх” сэдэвт судалгааны ажлаараа өнгөрсөн сард докторын зэрэг хамгаалсан юм. Мөн ХААИС-ийн Дархан-Уул аймаг дахь салбарт байгаль орчны менежмент, нөхөн сэргээлт, мониторинг зэрэг чиглэлээр 21 жил багшилсан аж.
2025-01-11
Заган ойг сэргээх зорилгоор 300 га талбайг хашаалжээ
Даян дэлхийн байгаль орчны сангийн санхүүжилтээр НҮБ-ын Хөгжлийн хөтөлбөр, Байгаль орчин, уур амьсгалын өөрчлөлтийн яам, Хүнс, хөдөө аж ахуй, хөнгөн үйлдвэрийн яамнаас хамтран хэрэгжүүлж буй “Монголын унаган байгалийн хүлцэл, тогтворжилтыг хангах нь” төслийн тайланг хэлэлцэж, энэ онд хэрэгжүүлэх ажлыг төлөвлөх хурал өчигдөр боллоо.
2025-01-11
Эрэлттэй мэргэжлийн жагсаалтыг өгөгдлийн шинжээч, санхүүгийн технологийн инженер тэргүүлэв
Дэлхийн эдийн засгийн форум (WEF)-аас “Ирээдүйн ажлын байрны тайлан”-г жил бүр гаргаж, хөдөлмөрийн зах зээл дэх ажил мэргэжлийн чиг хандлага, өөрчлөлтийг танилцуулдаг уламжлалтай. Тэгвэл тус байгууллагынхан 22 салбарын 1000 гаруй ажил олгогч, 14 сая ажилтныг хамруулсан ээлжит судалгааныхаа тайланг уржигдар танилцууллаа.
2025-01-10
“Хөх сувд” 10 хоног үргэлжлэх нь
24 дэх удаагийн “Хөх сувд” мөсний баярыг ирэх сарын 13-23-нд зохион байгуулна. Мөсний баяр өнгөрсөн жилүүдэд 2-3 өдөр болдог байсан бол энэ оноос 10 хоногийн хугацаанд үргэлжлэх нь.
2025-01-10
