Өнөөдөр Гэр бүл, хүүхэд, залуучуудын хөгжлийн газар 100 сайн дурын залуучуудын хамтаар хүүхдүүдэд утасны дугаар бичих зориулалт бүхий 5000 бугуйвч тарааж, хөтөч хийх чиглэлээр ажиллах юм.
Тус бугуйвч нь Жанжин Д.Сүхбаатарын талбай, Үндэсний цэцэрлэгт хүрээлэн, Үндэсний соёл амралтын хүрээлэн, Монголын Хүүхдийн ордонд баярлахаар ирсэн хүүхэд, багачуудад эрүүл, аюулгүй орчинд баярлах нөхцөл боломжийг бүрдүүлж, хүүхдүүдийг аливаа эрсдэлд өртөхөөс урьдчилан сэргийлэх, төөрсөн тохиолдолд ээж, аавтай нь холбогдох утасны дугаар бичих аж. Эцэг, эхчүүд маань хүүхдээ төөрсөн тохиолдолд талбай, дээр ажиллах түр хамгаалах байранд нэн түрүүнд очиж асуухыг зөвлөж байна.
