1960 онд ашиглалтад оруулсан, бүс нутгийн стратегийн чухал объектуудын нэг болох Люлан далан нь 95.52 сая шоо метр ус хадгалах хүчин чадалтай бөгөөд ойролцоогоор 170 мянган иргэнийг ундны усаар хангадаг аж. Тус байгууламжийг 100 жилд нэг удаа тохиох хэмжээний үерийг тэсвэрлэхээр төлөвлөн барьсан ч хар салхины нөлөөгөөр ердөө 24 цагийн дотор 411.5- 565 мм хур тунадас орсон гэнэ. Улмаар усны түвшин зөвшөөрөгдөх дээд хэмжээнээс хэтэрч, 111.2 метрт хүрснээр далангийн хоёр хэсэг эвдэрч, 50 гаруй метрийн өргөнтэй сэтэрхий бий болжээ. Цаг уурчдын мэдээлснээр Майсак хар салхи эх газар луу ойртох тусам хүч нь сулрах ч Гуанси, Гүйжоу, Хунань мужид үргэлжлэн орох аадар борооны улмаас үерийн аюул улам нэмэгдэж, эрэн хайх, аврах ажиллагаанд хүндрэл учруулж болзошгүйг анхаарууллаа.
Э.Сүйлэн
