БНСУ-ын Ерөнхийлөгч төрийн айлчлал хийхээр хүрэлцэн ирлээ 

Монгол Улсын Ерөнхийлөгч У.Хүрэлсүхийн урилгаар БНСУ-ын Ерөнхийлөгч И Жэ Мён манай улсад төрийн айлчлал хийхээр хүрэлцэн ирлээ. Түү­ нийг албан ёсоор угтан авах ёслол өнөөдөр 14.00 цагт Сүхбаатарын талбайд болох юм. Улмаар хоёр улсын Төрийн тэргүүн албан ёсны хэлэлцээ хийж, “Стратегийн түншлэл”-ийн харилцааг өргөжүүлэн бэхжүүлэх, хамтын ажиллагааг эдийн засгийн агуулгаар баяжуулах, олон улс, бүс нутгийн тавцан дахь хамтын ажиллагаа зэрэг чиглэлээр санал солилцоно. Үүний дараа Ерөнхийлөгч нар сэтгүүлч­ дэд мэдээлэл хийх юм байна. 

Айлчлалын үеэр талууд харилцаа, хамтын ажиллагааг өргөжүүлэн хөгжүүлэхтэй холбоотой Засгийн газар болон байгууллага хоорондын баримт бичгүүдэд гарын үсэг зурахаар төлөвлөж байна. Мөн өнөөдөр Монгол-Солонгосын бизнес форумыг зохион байгуулах бөгөөд нээлтэд нь Ерөнхийлөгч нар оролцох аж. Түүний айлчлал энэ сарын 9-11-нд үргэлжилнэ. 

Энэ нь БНСУ-ын Төрийн тэргүүн 2011 онд манай улсад айлчилснаас хойш 15 жилийн дараа болж буйгаа онцлог юм.

С.Уул