Аминдэмийн дутагдалд орсон сармагчин шавар иддэг

Хүүхдүүд гадаа тоглож байгаад үе үе амандаа шороо хийдэг дээ. Нас­тай­чуудын яриагаар бол амин­дэмийн дутагдалд орсон хүүхэд бай­галийн зөнгөөрөө элс, шороо долоож, эрүүлжиж байгаа нь тэр юм . Тэгвэл Угандагийн ойн шим­пан­зенууд үе үе шавар иддэг нь мөн л аминдэмийн дутагдлаа нөхөх зорилготой гэж Оксфордын их сургуулийн судлаачид мэдээлсэн байна. Тэд Угандагийн Будонго дахь шимпанзенуудын идэш тэжээ­л, амьдралын хэв маягийг судалжээ. Тэдгээр амьтан хоол­лосныхоо дараа заавал шавар долоодог байсан нь анхаарал тат­жээ. Тэгээд гуравдугаар хоол буюу “амттан” болсон шаврыг нь суд­ла­хад аминдэмээр баялгаас гадна хоол боловсруулах эрхтэний үйл ажил­лагааг дэмждэг элдэв эрдэс бодисоор баялаг байсан гэнэ. Үүнээс үүдэн шимпанзе гэдэс дотроо цэвэр­лэж, эрдэс бодисоо нөхөхийн тулд шавар иддэг гэсэн дүгнэлтэд хүрсэн байна.