10 жилийн хугацаанд 44 хүүхэд хурдан мориноос унаж амиа алджээ
Засгийн газрын 41 дүгээр тогтоолоор хүүхдийн эрхийн зөрчлөөс урьдчилан сэргийлэх, хүүхдийн хөдөлмөрийн тэвчишгүй хэлбэрийг таслан зогсоох арга хэмжээг үр дүнтэй зохион байгуулж, өвөл, хаврын улиралд зохион байгуулах хурдан морины уралдаан, сунгаа, үсэргээнд 18 хүртэлх насны хүүхдийг аливаа хэлбэрээр оролцуулахгүй байхаар шийдвэрлэсэн. Тэгвэл Цагаан сарын баярын өмнөхөн зарим аймаг, сумд хурдан морины уралдаанд хүүхэд оролцуулж, эрхийг нь зөрчсөн талаар ХЭҮК-оос өчигдөр мэдээлэв.
2026-02-27
“Ногоон автобус”-ны гэх хэргийг Дээд шүүх хэлэлцэхээ хойшлуулав
Улсын дээд шүүхийн Эрүүгийн хэргийн танхимын өчигдрийн шүүх хурлаар “Ногоон автобус”-ны гэх хэрэгт холбогдон ял шийтгүүлсэн хүмүүс, тэдний өмгөөлөгч нарын гаргасан гомдлыг хэлэлцэх, эсэхийг шийдвэрлэхээр товлосон байв. Гэвч илтгэгч шүүгч нь шүүгдэгчид, тэдний өмгөөлөгч нарын гаргасан олон гомдлыг нэг бүрчлэн танилцуулах учраас нэмэлт судалгаа хийх зайлшгүй шаардлагатай гэж үзэн хэлэлцэх хугацааг хойшлууллаа.
2026-02-27
Н.Тавинбэхийг эрүүл мэндийн шалтгааны улмаас батлан даалтад гаргажээ
“ДЦС-4” ХК-ийн гүйцэтгэх захирал Н.Тавинбэхийг АТГ-ын Мөрдөн шалгах хэлтсийнхэн өнгөрсөн сарын дундаас шалгаж эхлэн, улмаар яллагдагчаар тооцон 30 хоногийн хугацаанд цагдан хорьсон билээ. Түүнийг цагдан хорьсон хугацаа дуусаж буйтай холбоотойгоор прокурор нь таслан сэргийлэх арга хэмжээг сунгуулах саналыг Дүүргийн эрүү, иргэний хэргийн хялбар ажиллагааны анхан шатны тойргийн шүүхэд хүргүүлсэн аж. Шүүгч уг саналыг нь хэлэлцээд прокурорын саналыг хүлээн авч, дахин 30 хоног цагдан хорихоор шийдвэрлэжээ.
2026-02-27
“Хотула”-гийн эрхшээлд хотлоороо
Төрийн үйлчилгээний цахим шилжилт бодлогын хүрээнд нийслэлийн Засаг даргын Тамгын газраас хэрэгжүүлж буй нэг ажил нь “Хотула” хэмээх аппликэйшнийг бүтээж, ард иргэдэд тулган шахсан явдал юм. Ирэх сарын 1-нээс эхлээд нийслэлийн гэр хорооллынхон галлагааны түлшээ авахын тулд ухаалаг утастай болох, түүндээ “Хотула” гэдэг аппликэйшнийг заавал татаж суулгасан байх ёстойг сонордуулъя.
2026-02-27
Евро-92 шатахуун хэрэглэснээр агаарын бохирдол буурах уу
Улаанбаатрын агаарын бохирдол бол бидний “шүдний өвчин” бус, бүр “хорт хавдар”. Агаарын бохирдлыг хэрхэн бууруулах талаар сүүлийн жилүүдэд бүхий л түвшинд толгойгоо гашилгаж буй бөгөөд эхлээд зуух пийшингээ, дараа нь нүүрс түлшээ сольсон. Ингэсэн ч агаар цэвэр, тунгалаг болсонгүй, гамшгийн түвшинд хэвээр л байна. Тэгвэл агаарын бохирдлын өөр нэг буруутныг Аж үйлдвэр, эрдэс баялгийн яамнаас онцлон нэр лэж эхлэв. Тэр нь энгийн АИ-92 авто бензин юм.
2026-02-26
Сэлэнгэ, Дархан-Уул, Орхон аймагт шар усны үерийн аюул их байна
Хаврын шар усны үерийн аюулын зураглалыг Ус, цаг уур, орчны шинжилгээний газар өчигдрөөс эхлэн 10 хоног тутам гаргахаар болжээ. Шар усны үерийн аюулын зураглалаас харахад Сэлэнгэ, Дархан-Уул, Орхон аймагт үерийн аюул маш их, томоохон, гол, мөрөн олонтой газруудад их байна. Монгол орны нийт газар нутгийн 72 хувь нь цасан бүрхүүлтэй, дундаж зузаан нь 7.5 см, цасан дахь усны нөөц 12.5 шоо.км байгааг цаг уурын байгууллагаас мэдээлэв.
2026-02-26
Нидерландын түүхэн дэх хамгийн залуу Ерөнхий сайд тангаргаа өргөв
Нидерландын түүхэн дэх хамгийн залуу Ерөнхий сайд Роб Йеттен уржигдар тангаргаа өргөж, үүрэгт ажлаа албан ёсоор хүлээн авлаа. Өмнөх Ерөнхий сайд Дик Шуфын Засгийн газрыг 2025 оны зун огцруулсны дараа ээлжит бус сонгууль явуулж, 38 настай Р.Йеттений тэргүүлсэн эвсэл ялалт байгуулсан юм.
2026-02-26
Засгийн газар шинэ акт гаргахгүй бол “Ачит ихт” ХХК-д давуу байдал үүснэ
Засгийн газар 2024 оны дөрөвдүгээр сарын 24-ний хуралдаанаар “Эрдэнэт үйлдвэр” ТӨҮГ болон “Ачит ихт” ХХК-ийн хооронд байгуулсан хүдрийн овоолго ашиглуулах гэрээнд өөрчлөлт оруулж, үндсэн нөхцөл болох төрийн эзэмшлийн 34 хувийг эзэмшүүлээгүй орхигдуулсан, илт нэг талын эрх ашгийг хангуулж, төрийн өмчийг үнэгүйдүүлсэн гэрээ байгуулан ажилласан байх тул уг нөхцөл байдлыг үүсгэсэн асуудлыг шалгаж, шийдвэрлүүлэх арга хэмжээ авах, эдгээр компанийн хооронд байгуулсан 2010, 2013 оны гэрээгээр талуудын тохиролцсон 34 хувьд ногдох ногдол ашгийг “Эрдэнэт үйлдвэр” ТӨҮГ-т нөхөн төлүүлэх, овоолго ашиглалтаас байгаль орчинд учирсан хохирол, нөхөн сэргээх төлбөрийн үнэлгээг мэргэжлийн байгууллагаар хийлгүүлж, зохих төлбөрийг гаргуулахыг холбогдох хүмүүст даалгасан байдаг.
2026-02-26
Өвлийн хүлэмжид анх удаа заг үрслүүлж, ургууллаа
Зэвсэгт хүчний анги, нэгтгэлүүд дөрвөн улирлын хүлэмжид мод бут, төмс, хүнсний ногоо тарьж ургуулан өөрсдийн хэрэгцээг хангахаас гадна “Тэрбум мод” үндэсний хөдөлгөөнд нэгдэн оролцож буй билээ. Тухайлбал, Зэвсэгт хүчний 336 дугаар ангийн Мод үржүүлэг, агро-экологийн төвийнхөн Монголд анх удаа өвлийн хүлэмжид заг үрслүүлж, амжилттай ургуулжээ.
2026-02-26
Уул уурхайн компаниудыг Лондоны хөрөнгийн биржид бүртгүүлэхэд анхаарна гэв
Аж үйлдвэр, эрдэс баялгийн сайд Г.Дамдинням Лондоны хөрөнгийн биржийн гүйцэтгэх захирал Жулиа Хоггеттой уулзаж манай компаниудыг тус биржид бүртгүүлж, хөрөнгө оруулалт татахад дэмжлэг үзүүлэх, уул уурхайн бүтээгдэхүүний биржийн үйл ажиллагааг санхүүгийн хэрэгслүүдээр баяжуулах боломжийн талаар ярилцжээ.
2026-02-26
Эрчим хүчний компаниуд өнгөрсөн жил 190 тэрбум төгрөгийн алдагдалтай ажиллажээ
Монголын эрчим хүчний компаниуд 2024 онд 100 гаруй тэрбум төгрөгийн татаас улсаас авсан ч 130 тэрбум орчим төгрөгийн алдагдалтай ажилласан байдаг. Тэгвэл 2025 онд ч төрийн өмчийн эрчим хүчний компаниудын алдагдал нэмэгдэж, 190 орчим тэрбум төгрөг болохоор байгааг “Эрчист Монгол” компанийн гүйцэтгэх захирал Г.Амартүвшин мэдээллээ.
2026-02-26
М.Нарантуяа-Нарагийн ёс зүйн асуудлыг дэд хороогоор хэлэлцэх нь
УИХ-ын гишүүн М.Нарантуяа-Нарагийн бүдүүлэг, ёс зүйгүй үг, үйлдэл хэрээс хэтэрч буйд олон нийт дургүйцэж, эгүүлэн татахыг шаардаж эхэлсэн. Тэгвэл ИЗНН-ын дарга Б.Батбаатар УИХ-д жагсаалтаар сонгогдсон гишүүнийг эгүүлэн татах зохицуулалт бүхий хуулийн төслийг ирэх хаврын чуулганаар өргөн барихаар бэлтгэж эхэлсэн гэнэ. Ингэж л толгой дээр нь гараад суучихсан, намынх нь нэр хүндийг унагаж буй гишүүнтэйгээ “тэмцэх”- ээр шийдсэн бололтой. Учир нь Нара ИЗНН-ын жагсаалтын хоёрдугаарт эрэмбэглэгдэж гишүүн болсон юм.
2026-02-26
Улаанбаатар-Лүн чиглэлийн авто замыг энэ онд өргөтгөнө
Улаанбаатар-Лүн чиглэлийн авто замыг өргөтгөн шинэчлэх төслийн санхүүжилтийг гадаадын зээл, тусламж болон төр, хувийн хэвшлийн түншлэлийн хэлбэрээр шийдвэрлэх боломжийг судалж, саналаа Засгийн газрын хуралдаанд танилцуулахыг Зам, тээврийн сайд Б.Дэлгэрсайхан, Сангийн сайд Б.Жавхлан нарт даалгалаа. Улаанбаатар-Лүн чиглэлийн 101.7 км автозамыг зургаан эгнээ болгон өргөтгөж, шинэчлэхээр төлөвлөж буй аж.
2026-02-26
