Алтны ханш 3540 ам.доллароос давж, дээд түвшнээ шинэчлэв
Геополитикийн нөхцөл, худалдааны дайн зэргээс шалтгаалан дэлхийн эдийн засагт тодорхойгүй, эргэлзээтэй байдал ноёлж буйн хэрээр хамгийн аюулгүй хөрөнгө оруулалтад тооцогддог алтны ханш тасралтгүй өсөж, бүх цаг үеийн түүхэн дээд түвшнээ шинэ¬¬чилсээр байна. Энэ оны дөрөвдүгээр сард унц алтны ханш олон улсын зах зээлд түүхэндээ анх удаа 3300 ам.долларт хүрч дээд амжилт тогтоосон бол үүнээс хойших дөрвөн сар гаруйн хугацаанд дахин зургаан хувиар өсөж, өдгөө 3500 ам.доллароос давлаа.
2025-09-04
Тарвага хугацаанаасаа өмнө ичиж байгаа нь эрт хүйтрэхийн дохио гэв
Монгол тарвага энэ жил ердийн үеийнхээс харьцангуй эрт буюу сар гаруйн өмнөөс хөеө ноохойгоо хурааж, ичиж эхэлснийг орон нутагт ажиллаад ирсэн экологичид хэлж байна. Хөвсгөл аймгийн Улаан тайгын өмнөд хаялга, Булнайн нуруу, Алтан тэвшийн хөндийг зорьсон МУИС-ийн Биологийн тэнхимийн багш, хөхтөн судлаач Н.Батсайхан тэргүүтэй экологичид энэ талаар мэдээлсэн нь эрт хүйтэрч болзошгүй гэх сэрэмжлүүлгийг олон нийтэд өглөө.
2025-09-03
МЗЭ Бага чуулганаа энэ сарын 19-нд хийнэ
МЗЭ-ийн Удирдах зөвлөл наймдугаар сарын 26-нд хуралдахдаа дөрвөн жилд нэг болдог Бага чуулганаа энэ сарын 19-нд зохион байгуулахаар товложээ. Түүнчлэн Засгийн газрын 2023 оны арваннэгдүгээр сарын 8-ны 401 дүгээр тогтоолоор баталсан журмын дагуу нэр бүхий уран бүтээлч, судлаачдыг Д.Нацагдоржийн нэрэмжит шагналд нэр дэвшүүлэхээр шийдвэрлэсэн байна.
2025-09-03
Удам дамжсан уран бүтээлчдийн ертөнцөөр аялаарай
Монголын дүрслэх урлагийн түүхэнд ул мөрөө тодоор тамгалсан, Төрийн соёрхолт, Ардын зураач Үржингийн Ядамсүрэнгийн мэндэлсний 120 жилийн ойг угтан “Урлахуйн өв” гэр бүлийн үзэсгэлэнг Урчуудын эвлэлийн галерейн танхимд олны хүртээл болгож байна. Энэ сарын 10-ныг дуустал толилуулах эл үзэсгэлэнд түүний гэргий, зээгт наамалч Я.Люня болон үр хүүхдүүд, дүрслэх урлаг, дизайны “Анима” сургуулийн үе үеийн төгсөгчдийн бүтээлүүдийг дэлгэснээрээ онцлогтой.
2025-09-03
“Шунхлай” ХХК 50 тэрбум төгрөгийн бонд гаргалаа
“Шунхлай” ХХК олон нийт, хөрөнгө оруулагчдаас 50 тэрбум төгрөг татан төв¬лөрүүлэх “Шунхлай-2.0” бондын анхдагч зах зээлийн арилжааг өчигдөр эхлүүлж, Монголын хөрөнгийн бир¬жид цан цохих ёслол зохион байгууллаа. Эхний ээлжид 12 сарын хугацаатай, 17 хувийн хүүтэй, нэг бүр нь 100 мянган төгрөгийн нэрлэсэн үнэ бүхий 400 000 ширхэг бондыг хөрөнгө оруулагчдад санал болгож, 40 тэрбум төгрөгийг татан төвлөрүүлэхээр төлөвлөснөө тус компаниас зарлаад байна.
2025-09-03
885 сургуульд 19 000 теле хяналтын камер ажиллаж байна
Сургуулийн орчинд, хичээлдээ явах, ирэх замдболонавтобусандгарутас,эдзүйлсээалдсан гэх 400 орчим дуудлага, мэдээлэл цагдаагийн байгууллагад өнгөрсөн онд бүртгэгджээ. Энэ мэт халаасны хулгайн гэмт хэргийн дийлэнх нь сургуулийн орчинд үйлдэгддэг байна. Тиймээс сургууль, цэцэрлэгийн орчны аюулгүй байдлыг бүрдүүлэхийн тулд холбогдох албаныхан наймдугаар сарын 12-20-нд хяналтын камерын үзлэг, шалгалтыг зохион байгуулжээ.
2025-09-03
Онцгой дэглэмээр шалтагласан онц “хортой” томилгоо
Нэгэн эдийн засагч “Монгол Улсын Засгийн газар “Мета” компанид онцгой дэглэм тогтоож, Бүрэн эрхт төлөөлөгчөө томилох л дутуу байна” хэмээн өгүүлсэн нь хэтийдсэн гэхээсээ илүү үнэнд дөхөм ёжлол байв. Төр, хувийн хэвшил гэлтгүй бүхий л салбарын бизнес, компанийн дотоод хэрэгт хутгалдсаар эцэстээ дэлхийн тэргүүлэх технологийн группийн ажилд хүртэл хошуу дүрж, бүс нутгийн үйл ажиллагаа хариуцсан захирлыг нь халуулна гэж даналзахдаа тулсан монгол дарга нарын “бадрангуй”, аархуу үйлдэл түүнийг ийн хошигноход хүргэсэн болов уу.
2025-09-03
“Мунзуй” хэмээх Г.Нямдоржид дахиад яллах дүгнэлт үйлджээ
“Мунзуй” гэх хочоор нь зарим хүн мэддэг иргэн Г.Нямдоржид НПГ-аас дахиад яллах дүгнэлт үйлдүүлэхээр шүүхэд хэргийг нь шилжүүлжээ. Тэрбээр фэйсбүүкээр Б.Б гэх иргэний хаягт холбогдож “чамайг байгаа газраас чинь олж байгаад ална шүү” гэх зэргээр удаа дараа заналхийлсэн хэрэгт холбогдсон аж.
2025-09-03
Шинэ Зеландын хоршооллын аж ахуйг хөгжүүлсэн сайн туршлагыг нэвтрүүлэх талаар хэлэлцэв
Шинэ Зеландын Парламентын төлөөлөгчдийн танхимын дарга Жерард Браунлид Ерөнхий сайд Г.Занданшатарт өчигдөр бараалхав. Хоёр улсын хооронд дипломат харилцаа тогтоосны 50 жилийн ой энэ жил тохиож буй бөгөөд цаашдын хамтын ажиллагааг худалдаа, эдийн засаг, хөдөө аж ахуйн салбарт өргөжүүлэх, тэр дундаа Шинэ Зеландын хоршооллын аж ахуйг хөгжүүлсэн сайн туршлагыг судлан нэвтрүүлэх, уур амьсгалын өөрчлөлтийн эсрэг хамтдаа тэмцэх, иргэд хоорондын солилцоог нэмэгдүүлэх талаар Ерөнхий сайд онцоллоо.
2025-09-03
Нийгмийн даатгалын санд 35 тэрбум төгрөгийн хүүгийн орлого төвлөрүүлжээ
Нийгмийн даатгалын сангийн чөлөөт үлдэгдэл болох 700 тэрбум төгрөгийг арилжааны дөрвөн банканд нэг жилийн хугацаатай, 15 хувийн хүүтэйгээр мөнгөн хадгаламж хэлбэрээр байршуулсан билээ. Тэгвэл банкнуудтай байгуулсан гэрээний дагуу энэ оны наймдугаар сарын хүү болох 8.9 тэрбум төгрөгийн орлогыг санд хүлээн авсныг мэдээллээ.
2025-09-03
Оросын нөлөө буурч, Хятадынх тэлж буйг харуулав
Шанхайн хамтын ажиллагааны байгууллагын (ШХАБ) гишүүн орнуудын тэргүүн нарын зөвлөлийн 25 дахь хуралдаан наймдугаар сарын 31-нээс есдүгээр сарын 1-нд БНХАУ-ын Тяньжин хотод болов. Ийм дээд хэмжээний уулзалт Хятадад тав дахь удаагаа болсон нь энэ. Урьд нь Шанхай (2001, 2006 онд хоёр удаа), Бээжин (2012), Циндао (2018)-д болж байжээ. Оролцож буй төр, засгийн тэргүүн, олон улсын байгууллагын төлөөлөгчдийн хувьд энэ удаагийнх хамгийн том гэж хэлж болохоор хэмжээнд болж.
2025-09-03
Татварын ачааллыг бууруулах Ерөнхий сайдын тактик
Г .Занданшатарын Засгийн газар ирэх оны улсын нэгдсэн төсвийн тухай хуулийн төслийг энэ сарын 1-нд УИХ-д өргөн барьсан. Харин өчигдөр Засгийн газар бүрэн бүрэлдэхүүнээрээ Төсвийн тухай хуулиа олон нийтэд тайлбарлаж, холбогдох мэдээллийг өгсөн юм.
2025-09-03
“Ногоон”-ы ханш 3616 төгрөгт хүрчээ
Ам.долларын ханш энэ он гарснаас хойш тасралтгүй өс¬¬сөөр дөрөвдүгээр сард 3500, долоодугаар сарын сүүлчээр 3600-гаас давсан бол өдгөө 3615 төгрөгт хүрээд байна.
2025-09-03
Дэлхийн энх тайвны индексээр Монгол 37 дугаарт жагсаж, өмнөх оныхоос найман байр урагшлав
Institute for economics and peace хүрээлэнгийнхэн “Дэлхийн энх тайвны индекс-2025” тайлангаа уржигдар танилцууллаа. Тус хүрээлэнгээс эрхлэн гаргадаг Дэлхийн энх тайвны индексээр Монгол 163 орноос 37, Ази, Номхон далайн бүс нутгийн 19 улсаас зургаадугаарт эрэмбэлэгдсэн байна. Ийнхүү нийлбэр дүнгээр 1.719 оноо авч, 2024 оныхоос найман байраар урагшилжээ.
2025-09-03
Дорнодчууд орон нутагтаа ажиллах боловсон хүчнээ өөрсдөө бэлдэж байна
Дорнодчууд “Нутгийн ирээдүй” нэртэй сургалтын төлбөрийн тэтгэлэг олгох төслийг зургаа дахь жилдээ хэрэгжүүлж буй юм байна. Үүний хүрээнд энэ хичээлийн жилд 12 сумаас сэтгэл судлал, биотехнологи, хөгжим, бүжиг, бага ангийн багш, хүний их эмч, экологи, байгаль хамгаалагч, эрх зүй, эх баригч, нягтлан бодох бүртгэл, тэжээл, бэлчээрийн технологи зэрэг мэргэжлээр 23 оюутанд тэтгэлэг олгожээ.
2025-09-02
Сэргээгдэх эрчим хүчний салбарт ажлын байрны эрэлт нэмэгдэнэ
Дэлхийн эдийн засгийн форумаас танилцуулсан “Ирээдүйн ажлын тайлан 2025”-ыг 800 гаруй компани, 27 салбарын 14 сая ажилтны мэдээлэлд үндэслэн бэлтгэсэн бөгөөд ойрын таван жилд ямар мэргэжил хамгийн эрэлттэй байх, аль нь устах эрсдэлтэй болохыг тодорхойлжээ. 2030 он гэхэд дэлхий даяар 170 сая ажлын байр шинээр бий болох төлөвтэй ба автоматжуулалт, технологийн дэвшлийн нөлөөгөөр 92 сая хүн ажилгүй болох эрсдэлтэй тулгарч болзошгүй байна. Иймд дэлхийн нийт ажилтны 40 гаруй хувь нь ур чадвараа шинэчлэх, дахин суралцах шаардлагатай болохыг дээрх тайланд онцолжээ.
2025-09-02
