“Kodak” дампуурч болзошгүй нь
АНУ-ын Нью-Йорк мужийн Рочестер хотод төвтэй, гэрэл зураг болон дүрс боловсруулах технологийн компани болох “Eastman Kodak”-ийн үйл ажиллагаа өрийн дарамтаас шалтгаалан зогсож болзошгүй байна. Өнгөрсөн жилээс эхлэн тус компани алдагдлаа нөхөхийн тулд зардлаа бага багаар танаж буй. “Kodak”-ийн санхүүгийн захирал Дэвид Буллвинкл өнгөрсөн даваа гарагт хийсэн мэдэгдэлдээ удахгүй барагдуулах 500 сая ам.долларын өрөө төлөх чадамжгүй болсноо дурдсан аж. Үүний дараа компанийн хувьцааны ханш 25 хувиар буурчээ.
2025-08-16
Хүний зүүдийг дүрсжүүлэх MRI технологи бүтээжээ
Японы Киото их сургуулийн профессор Юкиясү Камитанигаар ахлуулсан эрдэмтдийн багийнхан хүний зүүдийг сэргээж, нойрны хийсвэр ертөнцийг дүрсжүүлэх MRI технологи зохион бүтээв. Тус машин нь унтаж байх үеийн тархины үйл ажиллагааг шинжилж, хүний оюун санаанд өрнөж буй үзэгдлүүдийг зургийн кадр мэт цуглуулдаг гэнэ.
2025-08-16
Биологийн шинжлэх ухааны шилдэг эрдэмтэд чуулна
Монгол Улсад биологийн шинжлэх ухаан үүсэж хөгжсөний 60 жилийн түүхэн ойд зориулсан IBCM-2025 олон улсын эрдэм шинжилгээний хурлыг ирэх сарын 18-19-нд Улаанбаатар хотод зохион байгуулахаар төлөвлөж буйг ШУА-ийн Биологийн хүрээлэнгээс мэдээллээ.
2025-08-16
Видео тоглоом нь тархины хөгжилд сайнаар нөлөөлдөг
Тоглоом тоглох нь тархины хөгжилд хэрхэн нөлөөлдөг вэ. Хүмүүсийн олонх нь уг асуултад “Энэ бол цаг үрсэн зүйл” гэж хариулдаг байна. Гэвч сүүлийн 10 гаруй жилийн хугацаанд хийсэн олон арван судалгаагаар тодорхой төрлийн тоглоом нь тархины cognitive flexibility буюу танин мэдэхүйн уян хатан байдлыг сайжруулах давуу талтайг тогтоожээ.
2025-08-16
Судлаачид “Улсын эрх”-ийг сурталчлан таниулахын төлөө нэгдэх нь
“Монголын эмнести интернэшнл”, “Цогц хөгжлийн үндэсний төв” төрийн бус байгууллагынхан МУИС болон “Шихихутаг”, “Отгонтэнгэр” их сургуультай хамтран нэрт соён гэгээрүүлэгч Ж.Цэвээний “Улсын эрх” бүтээлийн 111 жилийн ойд зориулсан эрдэм шинжилгээний хурлыг ирэх аравдугаар сард зохион байгуулах гэж байна. Хуралд оролцох судлаач, түүхчдийг ирэх сарын 10 хүртэл бүртгэж, илтгэлийг нь цахимаар хүлээн авах аж.
2025-08-16
“Урагшаа харсан цонх” кино шагналын төлөө өрсөлдөж байна
Найруулагч П.Лхагвадуламын “Урагшаа харсан цонх” (A south facing window) богино хэмжээний кино 78 дахь удаагийн Локарно олон улсын кино наадмын уралдаант хэсэгт сонгогдон, өнгөрсөн ням гарагт нээлтээ хийсэн байна. Тус арга хэмжээнд гол дүрийн жүжигчин М.Аззаяа, М.Алтаншагай, продюсер Катя Хазак нар оролцон, бүтээлээ танилцуулсан аж.
2025-08-16
Монголч эрдэмтэн Алишиа Кампи хувийн номын цуглуулгаа МУИС-д хандивлажээ
Монголч эрдэмтэн Алишиа Кампигийн хувийн номын сангийн цуглуулгыг МУИС-ийн харьяа Монгол судлалын хүрээлэнгийн уншлагын танхимд шилжүүлжээ. Судлаач, доктор А.Кампи нь Монгол, Америкийн харилцаа, хамтын ажиллагааг хөгжүүлэх, тэр дундаа нүүдэлчдийн өлгий нутаг, ахуй соёл, өв уламжлалыг дэлхий дахинд сурталчлан таниулахад үнэтэй хувь нэмэр оруулсан эрдэмтэн бөгөөд энэ чиглэлээр 80 гаруй ном, судалгааны нийтлэл, өгүүлэл хэвлүүлж, олон улсын уншигчдад хүргэжээ. Тэгвэл эдгээр бүтээлийнх нь дээж болон монгол судлалтай холбоотойгоор түүний цуглуулсан, англи, монгол хэлээрх 300 гаруй номыг уржигдар МУИС-д хандивласан байна.
2025-08-15
Говийн бүсэд вандуй, амтат гуа, чинжүү, хулуу тариалж байна
Азийн хөгжлийн банк, Ядуурлыг бууруулах Японы сангийн санхүүжилтээр “Хүнсний ногооны үйлдвэрлэл ба усалгаатай хөдөө аж ахуй” төслийг говийн болон уур амьсгалын VII бүс, Ховд аймгийн Алтай сумд хэрэгжүүлж буй. Тухайлбал, Алтай сумын Боомын аманд усалгааны системтэй талбай байгуулан эрдэнэшиш, вандуй, тарвас, амтат гуа, саримс, чинжүү, хулуу, газрын алим зэрэг нарийн ногоог 2-4 төрлийн сортоор тариалж, арвин ургац хураан авчээ.
2025-08-15
Уулсын сүр жавхлан цогцлох Говь-Алтай
Бурхан буудай, Хантайшир, Хар азаргын нуруу дүнхийх, халтар манан уулсын орон гэгдэх Говь-Алтай аймаг нь уужим тал, хөндий, тавиун хотгор, хонхор, аараг толгод хосолсон байгалийн өвөрмөц тогтоц бүхий газар билээ. Засаг захиргааны 18 сумтай, Алтайн уулсын бүсэд хамаарах тул байгалийн бүс, бүслүүрийн хувьд цөлөрхөг. Нутгийн хойд захаар Завхан гол урсах бөгөөд Зүйл, Сагсай зэрэг адагтаа ширгэдэг гол бий. Мөн Ихэс, Шарга, Тонхил зэрэг нуур, Хөнхөр, Улаанхайрхан, Аргалант хэмээх рашаан устай.
2025-08-15
Хоёр гүрний хүнсний бодлого улс төрөөс ангижирсан нь
“Америкийн үр тариагүйгээр ЗХУ-ын эдийн засаг нурна” гэсэн бодолтой байсан АНУ-ын 39 дэх Ерөнхийлөгч Жимми Картер Зөвлөлтийн цэрэг Афганистанд орсны хариу болгож, ЗХУ-д 17 сая тонн үр тариа нийлүүлэх байсан гэрээгээ цуцалж буйгаа 1980 оны нэгдүгээр сарын 4-нд зарлав.
2025-08-15
Худалдааны салбарын борлуулалтын орлого 0.6 хувь буурч, 30.9 их наяд болов
Худалдааны салбарын төлөв, энэ оны эхний хагас жилийн борлуулалтын тоон үзүүлэлтийг ҮСХ-ноос танилцууллаа. Манай улсын худалдааны салбарын борлуулалтын орлого энэ оны эхний хагас жилд 30.9 их наяд төгрөг болж, өмнөх оны мөн үеийнхээс 0.6 хувь буюу 196.4 тэрбум төгрөгөөр буурсан байна. Тус орлогын 77 хувийг хүнс, ундаа, жимс, хүнсний нэмэлт бүтээгдэхүүнээс бусад төрлийн барааны борлуулалт бүр¬дүүл¬жээ. Гэсэн ч энэ төрлийн бүтээгдэхүүний худалдаа жилийн өмнөхөөс 711.7 тэрбумаар багассан аж.
2025-08-15
Ирэх оны төсвийн орлого 31.6, зарлага 32.9 их наяд төгрөг байна
Монгол Улсын ирэх оны төсөвт олон нийтээс И-Монголиа, 11-11 төвийн утсаар болон танхимын хэлэлцүүлэг хийж санал авах хугацаа өчигдөр өндөрлөв. Хамгийн сүүлийн танхимын хэлэлцүүлгийг эдийн засаг, санхүүгийн салбарын төсвийн асуудлаар Эдийн засгийн хөгжлийн яаманд зохион байгуулсан юм. ЭЗХЯ ирэх оны төсвийн хүрээний мэдэгдэл, 2027-2028 оны төсвийн төсөөллийг боловсруулах үүрэг хүлээдэг аж. ОУВС долоодугаар сарын тайланд дэлхий нийтээр шууд хөрөнгө оруулалт, худалдааны эргэлт буурсныг харуулжээ. Мөн дэлхийн эдийн засгийн өсөлтийг гурван хувь байхаар тооцсон байна. Дэлхийн банкнаас гаргасан дүгнэлт ч үүнтэй ижил байгаа гэнэ.
2025-08-15
216 тарвага хууль бусаар агнаж, худалдсан зөрчил илрүүлжээ
Нийслэлийн иргэдийн эрүүл, аюулгүй орчинд амьдрах эрхийг хангах зорилгоор жил бүр мал, амьтны гоц халдварт өвчнөөс урьдчилан сэргийлэх нэгдсэн арга хэмжээг зохион байгуулдаг. Үүнтэй холбогдуулан нийслэлийн зургаан дүүргийн найман шалган бүртгэх товчоо болон алслагдсан ногоон бүсүүдэд хяналт шалгалт хийхэд энэ оны эхний хагас жилийн байдлаар хоёр үнэг, зэрлэг гахай болон саарал чоно тус бүр нэг, 216 тарвага хууль бусаар агнаж, худалдсан зөрчил илрүүлсэн байна. Харин энэ сард 58 удаагийн үйлдлээр 168 тарвага нэвтрүүлэхээр завдсаныг хурааж авчээ.
2025-08-15
Хүн дайрч ослын газраас зугтсан жолоочийг саатууллаа
Төв аймгийн Баянчандмань сумын нутаг, 52-ын давааны замд энэ сарын 8-ны 23.00 цагийн үед нэгэн эмэгтэй авто замын хажуугийн даланд унаж нас барсан тухай мэдээлэл цагдаагийн байгууллагын 102 тусгай дугаарын утсанд иржээ. Үүний дагуу Тээврийн цагдаагийн алба (ТЦА)-ныхан үзлэг шалгалт хийхэд 32 настай эмэгтэй автомашинд дайруулж амиа алдсан нь тодорхой болсон аж. Тухайн орчинд хяналтын камер байхгүй, осол гаргасан тээврийн хэрэгслийн жолооч хэргийн газраас зугтсан байв.
2025-08-15
Геодезийн инженерүүд Хүйтэн уулын өндрийг анх удаа нарийвчлан хэмжив
Монгол Улсын хамгийн өндөр цэг гэгддэг, Алтай Таван богдын ноён оргил Хүйтэн уулын өндрийг геодезийн инженерүүд анх удаа зориулалтын багажаар нарийвчлан хэмжсэнийг Газар зохион байгуулалт, геодез, зураг зүйн ерөнхий газраас мэдээлэв. Таван богд болон Хүйтэн уулын өндрийг өмнө нь аналогийн аргаар хэмжиж тогтоож байсан бол энэ удаа геодезийн орчин үеийн “Trimble R12”, “Trimble catalyst” багаж ашиглан тодорхойлсон байна.
2025-08-15
Хортон шавж устгахад төсөвлөсөн хөрөнгөний 50 хувийг буцаан татжээ
Ойн хөнөөлт шавжийн тархалтыг хязгаарлах, устгах ажилд зориулж 2025 оны улсын төсөвт 30 гаруй тэрбум төгрөг хуваарилжээ. Гэтэл Засгийн газар үүний тэн хагасыг нь хуулийн хугацаанд зориулалтын дагуу ашиглаагүй гэдэг үндэслэлээр төсөв тодотгохдоо эргүүлэн татаж. Үүнээс болж ой бүхий аймгууд шавж устгалаа төлөвлөсөн хугацаанд хийж чадахгүй, тэмцлийн ажил хийхэд хамгийн тохиромжтой үеийг хий дэмий өнгөрөөж буй аж.
2025-08-15
ЦФСТ-ийг “Цөмийн шинжлэх ухаан, технологийн үндэсний хүрээлэн” болголоо
Цөмийн энергийн комиссын II хуралдаан Аж үйлдвэр, эрдэс баялгийн яаманд болж, 2024 оны үйл ажиллагааны тайлан, Монгол Улсын нэгдэн орсон холбогдох олон улсын гэрээний хэрэгжилт болон Олон улсын атомын энергийн агентлагийн зөвлөмжийн дагуу Цөмийн эрчим хүчний хөтөлбөр хариуцсан байгууллага, нэгж байгуулах тухай асуудлыг хэлэлцжээ.
2025-08-15
Орон сууцын үнэ 14.4 хувиар өсөж, ам метр нь 5.5 сая төгрөгт хүрэв
Үндэсний статистикийн хорооныхон Монгол Улсын нийгэм, эдийн засгийн энэ оны эхний долоон сарын үзүүлэлтүүдийг нэгтгэж дууссан бөгөөд тайлангаа ирэх даваа гарагт олон нийтэд танилцуулна. Намар болж орон сууцын эрэлт ид нэмэгдэж буй энэ үед үнэ ханшийнх нь талаарх мэдээллийг тус тайлангаас түүвэрлэн хүргэе.
2025-08-15
“Санхүүгийн ял”-ыг халах зээлийн онооны системийг ирэх сарын 1-нээс мөрдөнө
УИХ-ын гишүүн Н.Батшугарын санаачилсан Зээлийн мэдээллийн тухай хуульд нэмэлт, өөрчлөлт оруулах төслийг парламент өнгөрсөн тавдугаар сард баталсан. “Төрийн мэдээлэл” сэтгүүлд эл хуулийг зургаадугаар сарын 13-нд нийтэлснээр хэрэгжиж эхэлсэнд тооцож болно. Гэвч хууль хэрэгжүүлэх журам, зээлдэгчид өгөх онооны системийг Монголбанк баталж амжаагүй, энэ сард багтаан үүнийг дуусгахаар төлөвлөжээ. Ингэснээр ирэх сарын 1-нээс Зээлийн мэдээллийн тухай хууль бодитоор хэрэгжих боломж бүрдэх нь.
2025-08-15
