Таван бөхөд зөрчлийн хэрэг нээжээ
Үндэсний их баяр наадам болон бусад барилдаанд зодоглосон бөхчүүдийн дундаас ёс зүйгүй авирласан байж болзошгүй гэж үзсэн нэр бүхий таван хүчтэнд Зөрчлийн хуулийн дагуу цагдаагийн байгууллагаас хэрэг нээн шалгаж, заримыг нь шийдвэрлэж байна. Зөрчлийн тухай хуулийн 6.28-д Баяр наадмын тухай хууль зөрчих гэсэн заалт байдаг бөгөөд түүний нэг дэх хэсэгт “Үндэсний бөх, сурын болон шагайн харваа, хурдан морины дүрмийг бөх, уяач, сурын болон шагайн харваач, дасгалжуулагч, эмч зөрчсөн бол хүнийг таван зуун нэгжтэй тэнцэх хэмжээний төгрөгөөр торгоно” гэж хуульчилсны дагуу ёс зүйгүй авирласан байж болзошгүй бөхчүүдээс хуулийн эл заалтыг хэрэгжүүлэх үүднээс тайлбар авахаар дуудаж байгаа юм билээ.
2023-08-04
Орон сууцад буудсан эр өмнө ч галт зэвсэг барьж танхайрч байжээ.
Баянгол дүүргийн 30 дугаар хороо буюу олны нэрлэж заншсанаар X хорооллын 24 дүгээр байрны тагтан дээрээс нэгэн иргэн дээшхэд хэдэн удаа буудаж буй бичлэг өчигдөр олон нийтийн сүлжээнд цацагдаж, буундуутэр хавийн оршин суугчдыг айдаст автуулсан.
2023-08-04
Замын-Үүдийн хилийн цэргийн ангийн захирагчийг шалгаж дууслаа
АТГ-ын Мөрдөн шалгах хэлтэст шалгуулсан хилийн цэргийн эрх бүхий албан тушаалтан цөөнгүй. Тэдний нэг болох өмнөд хилийн Замын-Үүдийн боомт дахь хилийн 0108 дугаар ангийн захирагч, хурандаа .Нямбат, авто замын шалган нэвтрүүлэх заставын дарга, хошууч .Баттүшиг нарт холбогдох хэргийг хууль сахиулах байгууллагынхан шалгаж дуусжээ. Тэд албан тушаал, эрх мэдлээ урвуулан ашиглаж бусдад давуу байдал бий болгосон хэрэгт холбогдсон юм. Бидний авсан мэдээллээр Замын-Үүдийн боомтоор хил нэвтрүүлэх машины дарааллыг зөрчүүлэн, танил талынхаа урдуур нь оруулсан хэмээн буруутгагдаж буй гэнэ.
2023-08-03
Т.Аюурсайхан, Б.Ганхуяг нарын хэргийг шүүхэд шилжүүлэхээр боллоо
“Нүүрсний” гэх хэргийг шалгах ажлын хэсгийнхний мөрдсөн, төрийн өндөр албан тушаалтнуудтай холбоотой нэг ч хэрэг шүүхэд ирээгүй талаар өнгөрсөн долоо хоногт ШЕЗ- өөс хэвлэлийн бага хурал хийхдээ мэдэгдсэн. Тэгвэл НПГ-аас УИХ-ын дэд дарга, Хөдөлмөр, нийгмийн хамгааллын сайдаар ажиллаж байсан Т.Аюурсайхан, “Эрдэнэс Тавантолгой” ХК-ийн гүйцэтгэх захирал асан, Аж үйлдвэрийн гавьяат ажилтан Б.Ганхуяг нарын 11 хүн холбогдсон, албан тушаалаа урвуулан ашигласан, бусдад давуу байдал бий болгосон, үндэслэлгүй хөрөнгөжсөн, зохион байгуулалттай гэмт бүлэглэл байгуулсан, гэрчид нөлөөлсөн, худал мэдүүлэг өгсөн гэх хэрэгт яллах дүгнэлт үйлдэж дуусаад Чингэлтэй дүүргийн Эрүүгийн хэргийн анхан шатны шүүхэд шилжүүллээ.
2023-08-03
З.Энхболд хилийн хоригоо цуцлуулж АНУ явах хүсэлт гаргав
Авлига, албан тушаалын хэрэгт холбогдчихоод тийм байдлаар хил давсан хүмүүсийг “Шувуу” ажиллагааны хүрээнд эрэн сурвалжилж, эх оронд нь буцаан авчрахын тулд Засгийн газраас багагүй зардал, чирэгдэл гаргаж буй билээ. Магадгүй шүүгч энэ бүхнийг тооцоолон З.Энхболдод авсан таслан сэргийлэх арга хэмжээг өөрчлөөгүй биз.
2023-08-02
Засгийн газрын “Шүүр” ажиллагаа ямар ч үр дүнгүй байна
Соёлын сайд Ч.Номинг “Шүүр”-дэх гол үндэслэл бол аавынх нь эзэмшиж яваад хүн дайрахыг завдсан 1559 УБЦ дугаартай “Ланд круйзер-200”-гаа ХАСХОМ-тээ үнэн зөвөөр мэдүүлээгүй явдал. Анх сайд болохдоо ч, тавдугаар сарын 31-нд олон нийтэд ил болсон 2022 оны мэдүүлэгтээ ч уг машиныг бүртгүүлээгүй нь Авлигын эсрэг болон Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг зөрчсөн үйлдэл. Тэрбээр сайд болохдоо бүртгүүлсэн ХАСХОМ-тээ “туулах чадвар өндөр “Ланд круйзер-80”-1 хэмээсэн байгаа. Харин аавынх нь жолоодож явсан “Ланд круйзер-200” нь Ч.Номингийн нэр дээр холбогдох байгууллагын мэдээллийн санд бүртгэлтэй.
2023-08-02
"Хөгжлийн хөтөч-дэд бүтэц” төслийн нэгжийн албан тушаалтан М.Батмөнхийг шүүхэд шилжүүллээ
Эл төслийн нэгжид ашиглаж байсан “Ланд круйзер-200” загварын тээврийн хэрэгслийг дуудлагаар худалдан борлуулахаар болсон бөгөөд үүнийг зохион байгуулах ажлын хэсгийн ахлагчаар М.Батмөнх ажилласан гэнэ. Ингэхдээ хамаарал бүхий Б.Б гэх хүнийг дуудлага худалдаанд оролцуулж, худалдан авах нөхцөлийг нь бүрдүүлж, өөртөө эдийн засгийн давуу байдал бий болгосон хэрэгт яллагдагчаар татагдсан байна. Түүнд НПГ-аас Эрүүгийн хуулийн 18.6-1 дэх хэсгийн мөнгө угаах, 22.1-1-ийн эрх мэдэл, албан тушаалаа урвуулан ашигласан гэх заалтын дагуу яллах дүгнэлт үйлджээ.
2023-08-01
УИХ-ын гишүүн Ц.Анандбазарыг Т.Бадамжунайд хахууль өгсөн үндэслэлээр яллагдагчаар татлаа
Ташрамд дурдахад, Т.Бадамжунайг баяр наадамд олны анхаарал хандсан үед батлан даалтад гаргасан. Уг нь энэ сарын 5-нд түүнд авсан цагдан хорих таслан сэргийлэх арга хэмжээг нэг сараар сунгах захирамж шүүгч гаргасан бөгөөд түүний өмгөөлөгч нар Сүхбаатар дүүргийн Эрүүгийн хэргийн анхан шат ны шүүхийн ерөнхий шүүгчид эрүүл мэндийн шалтгаанаар батлан даалтад гаргах шаардлагатай хэмээн хүсэлт тавьсан гэнэ. Шүүгч хүсэлтийг нь хянаж үзээд Т.Бадамжунайг энэ сарын 10-нд хилээр гарахыг нь хязгаарлах таслан сэргийлэх арга хэмжээ авч батлан даалтад гаргасан аж.
2023-07-25
Авто ослын улмаас амиа алдсан 30 орчим хүүхдээс олонх нь орон нутгийн замд энджээ
Хөдөө орон нутгийг зорьж байгаа уншигч та замын хажуугаар зам тээврийн ослын улмаас амиа алдсан хүмүүсийн тоо бүхий самбарыг анзаарч буй биз. Зарим нь олон нийтийн сүлжээнд “Нас барсан хүн тоолж байхаар замаа нөх” гэх мэтээр шүүмжилж ч байгаа. Уг нь бол жолооч нарыг ослоос урьдчилан сэргийлэх, автозам барих засварлаж ажлын тусдаа байгууллагууд хариуцаж, хийж гүйцэтгэдгийг хүн бүр л мэддэг нь лавтай.
2023-07-22
Байгаль орчныг хамгаалах чиглэлээр хамтран ажиллах тухай албан бичиг ОХУ-ын талаас ирүүлсэн гэв
Олон нийтийн сүлжээнд “ОХУ-ын ерөнхий прокурор И.Краснов БНХАУ-ын Коммунист намын Төв хорооны Улс төрийн товчооны гишүүн, Улс төр, хууль зүйн хорооны нарийн бичгийн дарга Чэнь Вэньцинтэй уулзах үеэрээ Монгол Улс дахь барууны нөлөөллийг бууруулах чиглэлээр хамтран ажиллах санал тавьсан” гэсэн мэдээлэл гарах болсон. УЕПГ-ын Гадаад харилцаа, эрх зүйн туслалцааны хэлтсийн дарга Ж.Болорпүрэв үүнд “ОХУ, БНХАУ-ын холбогдох албан тушаалтнуудын хоорондоо ярьсан гэх асуудлын талаар бидэнд албан ёсны мэдээлэл ирээгүй, ирэх ч ёсгүй.
2023-07-21
Нянгийн бохирдолтой мах бэлтгэсэн компанийн хятад захирлыг цагаатгасныг хүчингүй болголоо
НПГ-аас тус компани болон захирал, БНХАУ-ын иргэн Чен Бинд Эрүүгийн хуулийн 20.12-4 дэх хэсэг заасан “Нянгийн ерөнхий тоо зөвшөөрөгдөх хэмжээнээс хэтэрсэн, хүний эрүүл мэндэд хүнд хохирол учруулж, амийг нь хохироож болох нянтай хүнсний бүтээгдэхүүнийг зориуд худалдаж, түгээхийг завдсан гэмт хэргийг хуулийг этгээдийн нэрийн өмнөөс үйлдсэн” гэх үндэслэлээр яллах дүгнэлт үйлдсэн юм. Мөн ховор ургамлын жагсаалтад багтдаг зүүн гарын гоёог зохих зөвшөөрөлгүйгээр хадгалсан үйлдэлд нь эл хуулийн 24.8-1-т зааснаар яллах дүгнэлт үйлдэн Сонгинохайрхан дүүргийн Эрүүгийн хэргийн анхан шатны шүүхэд шилжүүлсэн талаар бид өнгөрсөн гуравдугаар сард мэдээлж байсан.
2023-07-20
74 настай иргэн төрсөн дүүгээ хөнөөжээ
Найр наадам хавтгайрсан энэ өдрүүдэд архи, согтууруулах ундаа хэтрүүлэн хэрэглэснээс гэмт хэрэг, зөрчилд холбогдох явдал цөөнгүй гарч байна. Тухайлбал, Архангай аймгийн Хашаат сумд 76 настай иргэн төрсөн дүүгээ хөнөөсөн хэрэг гарсан нь архидалтаас үүдэлтэй гэнэ. 76 настай иргэн Д согтуудаа төрсөн дүү 47-той Ч-тэй маргалдаж, хутгаар амийг нь хохироосон аж. Өдгөө энэ хэргийг аймгийн Цагдаагийн газарт шалгаж буй юм.
2023-07-19
БЗС-гийн дарга Д.Гардийг албан тушаалаас нь түдгэлзүүлж, хилээр гарахыг нь хязгаарлав
Тэгвэл АТГ, ЭЦА-ны мөрдөгчдийн гаргасан, БЗС-гийн ажлын албаны дарга Д.Гардийг яллагдагчаар татаж, таслан сэргийлэх арга хэмжээ авхуулах саналыг НПГ-аас шүүхэд хүргүүлснийг өчигдөр хэлэлцэн шийдвэрлэлээ. Түүнд шүүхээс БШУЯ-ны харьяа БЗС-гийн ажлын албаны даргын албан тушаалыг эрхлэхийг тодорхой хугацаагаар түдгэлзүүлж, хилээр гарахыг хязгаарлах таслан сэргийлэх арга хэмжээ авсан байна.
2023-07-07
Монголчууд бид бүгдээрээ “чихгүй толгой” болчихоогүй л байлтай
Тодруулбал, уржигдар 15.00 цагийн үед Сонгинохайрхан дүүргийн 21 дүгээр хорооны нутаг, хуучнаар Партизаны сангийн аж ахуйн замд Сэлэнгэ аймгийн Мандал сум руу явж байсан “Тоёота приус” онхолдож түүнд сууж явсан хоёр настай хүү, 21-31 насны дөрвөн эмэгтэй, нэг залуугийн хамт гэмтжээ. “Нэг зам-нэг соёл” аяны хүрээнд замын хөдөлгөөнд соёлтой оролцох, гүйцэж түрүүлэх үйлдэл зөв, хянамгай хийх, хурдаа тохируулж явахыг анхааруулж байхад манайхан үл ойшоож, тэр ч бүү хэл ТЦА-ны ажилтнуудыг “хурд хэмжлээ”, “айлгаж цочирдууллаа” хэмээн шүүмжилж байсан. Ганц удаа ч болтугай тэдний сэрэмжлүүлгийг анхаарч үзсэн бол ийнхүү олноороо эрүүл мэндээрээ хохирохгүй байсан шүү дээ.
2023-07-07
Хариуцлагагүй жолооч нар жуулчдыг үргээх вий
Монголчууд өөрсдийнхөө амь, эрүүл мэндийг золиод зогсохгүй, манай орны байгалийн сайхныг үзэж танилцахаар ирсэн гадаадын иргэдэд ч хохирол учруулах болов. Тиймээс Тээврийн цагдаагийн албанаас “Орон нутгийн замын хөдөлгөөний соёл-2023” нэгдсэн арга хэмжээний хүрээнд “Нэг зам-нэг соёл” нөлөөллийн аяныг зургадугаар сарын 30-наас наймдугаар сарын 18-ны хооронд орон даяар зохион байгуулж байна.
2023-07-07
АМГТГ-ынхнаас болж Монгол Улс дахиад арбитрт дуудагдах уу
Тэдгээр хэргийн дийлэнх нь уул уурхайн салбарт оруулсан хөрөнгө оруулалт, үл хөдлөх хөрөнгөтэй холбоотой байх бөгөөд гадаадын хөрөнгө оруулагч хохирсон хэргийн 65.9 хувийг залилах, бусад нь хөрөнгө завших, хулгайлах, мөнгө угаах, хүрээлэн байгаа орчны эсрэг, эд хөрөнгийг авахаар заналхийлэх болон авлигын хэрэг эзэлж байна. Хохирсон гэх гадаадын хөрөнгө оруулагчийн 44.5 хувь нь БНХАУ, 8.6 хувь нь БНСУ-ын иргэд, 28.5 хувь нь гадаадын хөрөнгө оруулалттай аж ахуйн нэгж байх ба гэмт хэргийн улмаас учирсан 12 тэрбум төгрөгийн хохирлыг мөрдөн шалгах ажиллагааны явцад нөхөн төлүүлсэн” хэмээсэн юм.
2023-07-05
Хорих ангийн хамгаалалттай бүс рүү тарвага агнахаар буутай хүн нэвтэрчээ
Уг нь Байгаль орчин, аялал жуулчлалын сайдын 2021 оны 193 дугаар тушаалаар тарвага агнахыг гурван жилийн хугацаанд хориглочиоод буй. Гэтэл дээрх хоёр хүн уг шийдвэрийг зөрчсөн гэж үзээд Сонгинохайрхан дүүргийн Цагдаагийн газрынхан Зөрчлийн тухай хуулийн 7.6-4 дэх хэсгийн “Агнуурын бүс нутгаас бусад газарт, эсхүл амьтныг агнах хориотой үед, эсхүл хориглосон хугацаанд агнахыг завдсан”, мөн хуулийн 5.6-гийн “Хууль бусаар галт зэвсэг эзэмшсэн” гэх үндэслэлээр зөрчлийн хэрэг нээн шалгаж буй аж.
2023-07-04
Ё.Баатарбилэгт зургаа, Х.Бат-Эрдэнэд гурван жил зургаан сар хорих ял оноох санал прокурор гаргав
НВЦ компаниас хахууль авсан гэм буруутай нь тогтоогдсон гэж үзсэн, “Хөгжлийн банк”-ны ТУЗ-ийн даргаар ажиллаж байсан Б.Даажамбад нийтийн албанд ажиллах эрхийг таван жил хасаж, дөрвөн жил хорих санал гаргасан бол тус банкны гүйцэтгэх захирлын ажлын албаны дарга Д.Дэлгэрсайханд ижил ял оноох саналаа прокурор илэрхийлсэн. “Хөгжлийн банк”-ны гүйцэтгэх захирал асан Б.Батбаярт таван жил хорих, дэд захирал Б.Чойжилжалбууд албан тушаалаа урвуулсан үйлдэлд нь гурав, хахууль авсанд нь дөрөв, мөнгө угаасанд нь нэг, нэмж нэгтгэн төрийн албанд ажиллаж эрхийг найман жил хасаж, найман жил хорих ял оноох саналаа прокурорууд илэрхийлэв.
2023-07-04
НМХГ-ын хэлтсийн дарга асан Ж.Ганзоригийн хэрэгт дахиад яллах дүгнэлт үйлдүүлнэ
Уг нь өнгөрсөн оны зун түүнд яллах дүгнэлт үйлдүүлж, Хан-Уул дүүргийн Эрүүгийн хэргийн анхан шатны шүүхэд шилжүүлсэн ч нэмэлт ажиллагаа хийлгэхээр буцаах захирамж шүүгч гаргасан юм. НПГ-аас Ж.Ганзоригт Эрүүгийн хуулийн 22.4-5 дахь хэсгийн “Нийтийн албан тушаалтан албаны чиг үүргээ хэрэгжүүлсний хариуд, эсхүл хэрэгжүүлэхийн тулд хясан боогдуулах аргаар хахууль авсан”, 22.1-2-т заасан “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан” хэмээн яллах дүгнэлт үйлдэж байсан билээ.
2023-07-03
ХХААХҮЯ-ны албан тушаалтнуудын хэргийг анхан шатны шүүх дахин хэлэлцэнэ
Ингээд Л.Чой-Ишийн үйлдлийг гэмт хэргийн шинжгүй, М.Энх-Амарын үйлдлийн хөөн хэлэлцэх хугацаа дууссан хэмээн хэргийг нь хэрэгсэхгүй болгоод байв. Харин энэ хэрэгт хяналт тавьсан НПГ-ын хяналтын прокурор нь анхан шатны шүүхийн тогтоолыг эс зөвшөөрч, эсэргүүцэл бичсэний дагуу өчигдөр давж заалдах шатны шүүх хэлэлцээд, анхан шатны шүүхийн тогтоолыг хүчингүй болгож, дахин хэлэлцүүлэхээр боллоо.
2023-06-30
