Нийслэлийн ИТХ-ын төлөөлөгч болон “Үнэн ба зөв” намын нарийн бичгийн даргыг албадан саатуулав

Нийслэлийн ИТХ-ын төлөөлөгч Б.Сэр­гэлэнбаатар болон “Үнэн ба зөв” намын ерөнхий нарийн бичгийн дарга Ш.Мөнхсайхан нарыг өнгөрсөн баасан гарагт АТГ-ын Мөрдөн шалгах хэлтсийнхэн шалгаж, улмаар тухайн өдөрт нь албадан саатуулжээ. Хууль сахиу­лагчид эхлээд Б.Сэргэлэнбаатарын ал­бан өрөө, гэр, хамаарал бүхий аж ахуйн нэгжийн оффист прокурорын зөвшөөрлөөр нэгжлэг хийсэн аж. Улмаар Ш.Мөнх­сайханыг ч давхар шалгах болсон гэнэ. Нийслэлийн ИТХ-ын төлөөлөгч Б.Сэр­гэлэнбаатар 2025 оны зургаадугаар сарын 3-наас “Про­фесионалстрой” гэх компанийн хувь эзэмшигч болсон бөгөөд түүнтэй хамт дээрх намын ерөн­хий нарийн бичгийн дарга Ш.Мөнх­сайхан тус аж ахуйн нэгжийн гүй­цэтгэх захирал, эцсийн өмчлөгч болсон аж. Ул­сын бүртгэлд барил­гын засал чимэглэлийн үйл ажил­ла­гаа явуулахаар 2013 онд бүрт­гүүлж, 2020 онд цут­га­мал болон угсар­мал төмөр бетон арагт бү­тээц бүхий барилга барих зөвшөөрөл авсан уг аж ахуйн нэгжийн хувь эзэмшигч болмогцоо Б.Сэргэлэнбаатар эрх мэдэл, албан тушаалаа ашиглан “Сэлбэ дэд төв”-ийн орон сууцын ба­рилга барих тендерт шалгарахад нөлөөлсөн хэмээн мөрдөн шал­гах ажиллагаа явуулж буй гэнэ.