Шатахууны нөөц багасаж 71 545 тонн болжээ
Улсын хэмжээнд өчигдрийн байдлаар 71 545 тонн шатахууны үлдэгдэлтэй байсныг АМГТГ-аас мэдээллээ. Үүнээс А-80 бензиний 2187, АИ-92-ын 24 392, АИ-95-ын 5071, дизелийн түлшний 36 464 тоннын үлдэгдэлтэй байжээ. Энэ нь А-80 автобензиний 13, АИ-92-ын 20, АИ-95-ын 25, дизелийн түлшний 16 хоногийн ердийн хэрэглээтэй тэнцэх үлдэгдэл гэсэн үг аж. Дээрх нөөцийн 5905 тонн нь баруун, 3789 нь Хангай, 15 789 нь төв, 3070 нь зүүн бүсэд байсан гэнэ. Эргэн сануулахад, энэ сарын 20-ны байдлаар манай улс 84 085 тонн шатахууны үлдэгдэлтэй байсан бол өдгөө ийнхүү багасаад буй юм. Тухайн үед А-80 шатахууны 14, АИ-92-ын 23, АИ-95-ын 27, дизелийн түлшний 19 хоногийн нөөцтэй гэж байв.
2023-11-29
Эрчим хүчний оргил ачаалал түүхэн дээд түвшиндээ хүрэв
Гэтэл оргил ачаалал ийнхүү нэмэгдэж, хүчин чадлаас давсан хэрэглээг хангаж буй юм. Манай улс ОХУ-аас эрчим хүч их хэмжээгээр импортлох техникийн боломж байхгүй. Тус улсаас хамгийн ихдээ 310 МВт-ыг импортлох гэрээ байгуулсан талаар зарим эх сурвалж хэлэв. Хэрэв цаашид эрчим хүчний эрэлт импортын техникийн нөхцөлөөс давбал цахилгаан хязгаарлахаас өөр аргагүйд хүрэх аж. Ташрамд дурдахад, 80 МВт-ын суурилагдсан хүчин чадалтай, 200 МВт/цагийн багтаамж бүхий литий-ион төрлийн батарей хуримтлуурын байгууламжийг 220/110/35 кВ-ын дэд станцад залгах туршилт өнгөрсөн баасан гарагт амжилттай болсон байна.
2023-11-27
“Хавх”-нд гацсан эдийн засаг
Ерөнхий сайд уржигдар эдийн засагчидтай уулзсан. Энэ үеэр Монголбанкны ерөнхий эдийн засагч Д.Ган-Очир “Эдийн засгийн сэргэлтийн өрхөд үзүүлэх нөлөө, анхаарах асуудал” сэдвээр мэдээлэл хийсэн юм. Тэрбээр эдийн засгийн хүртээмжтэй өсөлтийг илэрхийлэх хамгийн гол үзүүлэлт болох цалингийн орлогын ДНБ-д эзлэх хувь манай улсад 28 байгааг дурдсан. Энэ нь хөгжиж буй болон хөгжингүй орнуудын дундаж 40 хувиас харьцангуй бага аж. Мөн хэрэглээний зээлийн өсөлт 35.5 хувьтай байгаа гэнэ. Өрхийн орлого ба зарлагын зөрүү нь хэрэглээний зээлийг өсгөхөд нөлөөлж буй юм байна. Эдийн засагч А.Батпүрэв “Өрхийн сарын дундаж орлого 2.2 сая төгрөгт хүрсэн. Ирэх жил ДНБ 70 их наяд төгрөг буюу нэг хүнд ногдох ДНБ 6000 ам.доллар болно” гэж шүгэлдэцгээгээд байх.
2023-11-22
10 МВт-ын хүчин чадалтай “Сэрвэн” станц ашиглалтад оруулав
ЭХЯ-ны захиалгаар Азийн хөгжлийн банкны хөнгөлөлттэй зээлийн санхүүжилтээр Говь-Алтай аймгийн Есөнбулаг сумд 10 МВт-ын суурилагдсан хүчин чадалтай “Сэрвэн” нарны цахилгаан станцыг ашиглалтад оруулж, Алтай-Улиастайн эрчим хүчний системд цахилгаан нийлүүлж эхэлжээ. Эл ажлыг “Сэргээгдэх эрчим хүчийг нэмэгдүүлэх төсөл”-өөс хэрэгжүүлсэн бөгөөд “MCS international” гүйцэтгэсэн аж. Мөн “Диспетчерийн үндэсний төв” ТӨХХК техникийн туслалцаа үзүүлж, “Эрчим хүчний үндэсний төв” ТӨХХК техникийн хяналт хийсэн гэнэ.
2023-11-20
Эрчим хүчний шилжилтийн гол “дүр”
Уур амьсгалын өөрчлөлт, дэлхийн дулааралтай холбоотойгоор улс орнууд эрчим хүчний шилжилт хийхэд эргэлзэлгүй чармайж, тогтвортой хөгжлийн хэрэгжүүлэхэд анхаарч буй. Эрчим хүчний шилжилтэд нарны панел, цахилгаан автомашин, салхин цахилгаан станц ашиглах зэрэг нь нөлөөтэй. Тэгвэл ногоон, өндөр технологийн түүхий эд нь литий, кобальт, зэс, никель, хөнгөн цагаан зэрэг эрдэс гэнэ.
2023-11-16
Орон сууцын ам метрийнх нь дундаж үнэ 3.95 сая төгрөгт хүрэв
Эл хугацаанд дээрх дүн Хан-Уул дүүрэгт хамгийн өндөр буюу 4.26 сая төгрөг байв. Тэгвэл Сүхбаатар дүүрэгт шинэ орон сууцын ам метр нь 3.96, Чингэлтэйд 3.73, Баянголд 3.63, Баянзүрхэд 3.47, Сонгинохайрханд 2.6 сая төгрөгийн үнэтэй байсан гэнэ. Тэгвэл өмнөх сард хуучин орон сууцын ам метрийнх нь дундаж үнэ 3.47 сая төгрөг болсон байна. Сүхбаатар дүүрэгт ийм орон сууцын ам метрийнх нь үнэ 3.89 сая болсон нь хамгийн өндөрт тооцогдсон юм. Дээрх хугацаанд Хан-Уулд хуучин орон сууцын ам метр нь 3.87, Чингэлтэйд 3.8, Баянзүрхэд 3.28, Баянголд 2.98, Сонгинохайрхан дүүрэгт 2.54 сая төгрөгийн үнэтэй байсан аж.
2023-11-13
Ураны төслөө урагшлуулахад анхаарахын учиг
Технологийн тэргүүлэгч, гуравдагч хөрш болох Францын Засгийн газар 89.99 хувийг нь эзэмшдэг, 17 улсад цөмийн эрчим хүчний чиглэлээр ажилладаг, 17 мянган ажилтантай, ураны үйлдвэрлэлээр дэлхийн топ гурвын нэгт ордог “Орано” групптэй хамтран ажиллаж, хөрөнгө оруулалт татах ажил гараанаас хөдөллөө. Тодруулбал, манайх 34, Францын тал 66 хувийг нь эзэмшдэг “Бадрах энержи” компани Зөөвч-Овоогийн ордоос бүтээгдэхүүн олборлох бөгөөд хөрөнгө оруулалтын гэрээг энэ онд багтаан байгуулахаар ажиллаж байна.
2023-10-25
Баррель газрын тосны ханш 90 ам.доллартой тэнцэв
Гаазын зурваст юу болох нь тодорхойгүй байгаа, нөхцөл байдал цаашид улам хурцдаж магадгүй гэх болгоомжлолоос шалтгаалж газрын тосны ханш өсөөд байна. Өнгөрсөн баасан гарагт бараг зургаан хувиар дээшлэн баррель нь 91 ам.долларт хүрсэн нефтийн ханш өчигдөр тогтвортой байв. Палестины ХАМАС бүлэглэл Израил руу довтолсон нь зах зээлд нөлөөлж байгааг бид мэдээлсэн билээ.
2023-10-17
Улаанбаатарт орон сууцын үнэ 9.3 хувиар өсжээ
Тодруулбал, Сүхбаатар дүүрэгт ийм орон сууцын ам метрийнх нь үнэ 3.93, Чингэлтэйд 3.77, Баянголд 3.47, Баянзүрхэд 3.33, Сонгинохайрханд 2.78 сая байсан аж. Тэгвэл дээрх хугацаанд хуучин орон сууцын ам метр нь дунджаар 3.44 сая төгрөгийн үнэтэй байсан гэнэ.
2023-10-11
Гадаад худалдааны эргэлт 18 тэрбум ам.долларт хүрэв
Энэ нь 2022 оны мөн үеийнхээс 2.77 тэрбум буюу 18.2 хувиар өссөн дүн юм. Дээрх хугацаанд экспорт 11.29, импорт 6.75 тэрбум “ногоон” болсноор гадаад худалдааны тэнцэл 4.54 тэрбумын ашигтай гарсан аж.
2023-10-10
Н.ЭНХБАЯР: Төсвийн зарлагыг ихээхэн өсгөхөөр төлөвлөсөн нь эрсдэл ихтэй
Үнэн хэрэгтээ Монголбанкны своп хэлцлийн хоёр тэрбум ам.доллар чинь нэг талаар Засгийн газрын л өр гэсэн үг юм. Хятадын Ардын банктай байгуулсан 15 тэрбум юань буюу 7.25 их наяд төгрөгийн своп хэлцлийн гэрээг өнгөрсөн долдугаар сард дахиад гурван жилээр сунгасан. Өндөр хүүтэй, нэг улсаас хамааралтай өрийг ийнхүү 10 гаруй жилийн турш сунгасаар ирсэн нь, төлж барагдуулахыг хичээхгүй байгаа нь улс орны эдийн засгийн аюулгүй байдлын хувьд тааламжтай зүйл биш, цаашид бидний өмнө тулгарч болзошгүй эрсдэлтэй өр төлбөр. Нөгөө талаас ямар нэгэн шалтгаанаар свопын хугацааг цаашид дахин сунгахгүй гэвэл энэ өр төлбөрийг Монгол Улсын валютын нөөцөөс л төлнө.
2023-10-05
Уул уурхайн арилжааны зуучлагчаар ажиллах тусгай зөвшөөрөл олгов
Ингэснээр уул уурхайн бүтээгдэхүүний биржээр хайлуур жоншны хүдэр, баяжмал арилжих зохицуулалтын орчин бүрдсэн аж. Түүнчлэн Хөрөнгө оруулалтын санг үүсгэн байгуулах, үйл ажиллагаа эрхлэх тусгай зөвш өөрөл олгох, түүнд хяналт тавих журамд заасан хамтын хөрөнгө оруулалтын сангийн активт тавих шалгуурыг хөнгөвчлөхтэй холбоотой өөрчл өлтийг баталжээ
2023-10-04
Улаанбаатар-Дархан-Уул чиглэлийн авто замын гүйцэтгэл 89 хувьтай байна
АХБ-ны санхүүжилтээр хэрэгжүүлж буй гурван багцын барилгын ажил дуусаж, тээврийн хэрэгслийн хөдөлгөөнийг нээсэн. Тэгвэл үлдсэн хоёр багц болох хоёрдугаар багцынх нь 84, дөрөвдүгээрх нь 78, нийт 89 хувийн гүйцэтгэлтэйгээр 258 хүн, 119 машин механизм, техник хэрэгсэлтэй ажиллаж буй аж. ЕСБХБ-ны санхүүжилтээр барьж байгаа нэмэлт хоёр эгнээ авто замын ажлын явц 73.6 хувьд хүрчээ.
2023-10-04
Монгол Улсын эдийн засгийг 5.7 хувиар өснө гэж төсөөлөв
Азийн хөгжлийн шинэчилсэн төлөвийг гаргаснаа Азийн хөгжлийн банкнаас (АХБ) өчигдөр танилцууллаа. Энэ үеэр Монголын эдийн засгийн төлөвийг танилцуулсан юм. Тус банкныхан манай улсын эдийн засгийг энэ онд 5.4 хувиар өсөж, инфляц 10.9 хувьд хүрнэ хэмээн төсөөлснөө өнгөрсөн дөрөвдүгээр сард мэдээлж байв. Тэгвэл шинэчилсэн төлөвөөр дээрх үзүүлэлтэд бага зэрэг өөрчлөлт орно гэж таамагласнаа дуулгалаа. Тодруулбал, Монголын эдийн засаг энэ онд 5.7 хувиар өсөж, инфляц 10.5 хувьд хүрнэ хэмээн тооцжээ. Мөн ирэх жил ДНБ 5.9 хувиар (өмнө нь эл тоог 6.1-т хүрнэ гэж төсөөлж байв) тэлж, инфляцын түвшин 8.6 хувь байна хэмээн тооцоолсныг АХБ-ны ахлах эдийн засагч Эдвард Фабер дурдав.
2023-09-21
