Г.БОЛОРТУЛГА: Миний зориод ч хүрээгүй амжилтыг шавь нар минь гаргаж байна
МУБИС-ийн Биеийн тамирын сургуулийн аэробик гимнастикийн багш, “Гэйнер” клубийн дасгалжуулагч, ОУХМ Г.Болортулгыг спортын хүрээллийнхэн сайн мэднэ. Түүний бэлтгэсэн тамирчид гадаад, дотоодын тэмцээнд амжилт гаргасаар буй. Тэрбээр УАШТ-д нэг бус удаа түрүүлж, цөөнгүй медаль хүртсэн шавь нартаа итгэл хүлээлгэн олон улсын болон тив, дэлхийн тэмцээнд сойх болжээ. Сүүлийн гурван жилд хилийн дээс хэдэнтээ алхаж, Азийн АШТ зохион байгуулсан орнуудаас ганзага дүүрэн шагналтай ирсэн нь мэргэжил нэгт дасгалжуулагч нарт төдийгүй сонирхон хичээллэдэг хүүхэд, залууст урам зориг төрүүлсэн юм.
2024-07-03
“Булган СП фалконс” багийнхан алтан цом өргөлөө
Монголын хөл бөмбөгийн дээд лигт 10 багийн 137 тоглолт гурван тойргийн системээр хоёр дахь жилдээ болж өндөрлөлөө. 2023-2024 оны улиралд 250 тоглогч лигт бүртгүүлж, 13 улсын иргэншилтэй легионер тоглосон. Энэ удаагийн өрсөлдөөнд “Булган СП фалконс” багийнхан алтан цом өргөж, “Хангарьд” клубийнхэн мөнгө, Португал улсын мэргэжилтэн Педро Мирандагийн удирдлагад бэлтгэл базаасан “Дэрэн”-гийнхэн хүрэл медаль гардав. Дээд лигийн 25 тоглолтыг Төв аймгийн Сэргэлэн сумд байрлах шигшээ багийн бэлтгэлийн төв айрдомд зохион байгуулжээ
2024-07-03
Ц.Уранзаяа тивийн тэмцээнээс мөнгөн медаль хүртлээ
Тэмцээний эхний өдөр чөлөөт бөхийн 17 хүртэлх насныхны эмэгтэйчүүдийн 43, 49, 57, 65, 73 кг-ын жингийн барилдаан өрнөж, шилдгүүд тодорлоо. Манайхаас дасгалжуулагч, Гавьяат тамирчин Б.Одончимэгийн удирдлагад 73 кг-д хүч сорьсон, Төв аймгийн Алтанбулаг сумын харьяат Ц.Уранзаяа шигшээд Тайваний бөхийг 10:0-ээр илүүрхэн, хагас шигшээд Казахстаны тамирчныг 4:1-ээр буулган авч, финалд шалгарсан. Тэрбээр алтан медалийн төлөө Энэтхэгийн тамирчин Кажал Кажалтай барилдсан ч 0:10 харьцаатай ялагдсанаар мөнгөн медаль хүртлээ.
2024-06-26
Модон барилдааны холбооны тамирчид шинэ заалтай боллоо
Монголын модон барилдааны холбоо арван нэг дэх жилийнхээ ойн босгон дээр иж бүрэн тоноглолтой спортын шинэ заалтай болж, нээлтээ хийлээ. Тус холбооны тамирчдын заалыг нээхэд хувь нэмэр оруулсан “Srp rising” группийн удирдлага С.Бэхтулга, Г.Солонго болон Хэнтий аймгийн модон барилдааны спортын салбар холбооны тэргүүн Д.Энхбаатар нар баг тамирчид, дасгалжуулагч, хөгжөөн дэмжигчдэд талархсанаа илэрхийлж, хүндэтгэл үзүүллээ
2024-06-25
Т.ДАНЗАНДОРЖ: Наадмын өглөө сайхан бодол тээж ирээд шагайн асарт тухалдаг
Асар майхнаа дэрвэтэл уухайлах шагайн харваачдын түрлэгт наадамчин олны хийморь сэргэдэг гэх яриа бий. Шагай харваа нь бясалган бодох дотоод сэтгэлгээний өрсөлдөөн тул харваач бүр сум тавихдаа орон зайг сайтар тооцоолдог. Тиймдээ ч үндэсний спортын төрлөөс ур чадвар, торгон мэдрэмж, тэвчээр, хатуужил шаггүй шалгадаг наадгай. Ухаан хөгжүүлэхээс гадна хамт олноо хүндэтгэх нөхөрлөлийг батжуулдаг тул монгол эрчүүдийг аливаад алсын бодолтой, уужуу ухаанаар хандах, зөв шийдвэр гаргаж, хүч чадлаа төвлөрүүлэхэд үеийн үед түшиг болж иржээ
2024-06-21
Ц.Оюунчимэг “Дэлхийн цом”-д найм дахь удаагаа түрүүлжээ
Австралийн Квийнслэнд мужийн Голд-Кост хотод зохион байгуулж буй мастеруудын хүндийг өргөлтийн “Дэлхийн цом”-ын тэмцээнд манайхаас хоёр эмэгтэй тамирчин эх орноо төлөөлөн оролцож байна. Гавьяат дасгалжуулагч С.Хөхөө багшийн удирдлагад бэлтгэл базаасан ОУХМ Ц.Оюунчимэг 60-64 насныхны ангилалд +87 кг-ын жинд хүч сорихдоо огцом өргөлтийн төрөлд 49 кг, түлхэлттэй өргөлтийн төрөлд 63 кг, нийлбэр дүнгээр 112 кг-ыг өргөж түрүүллээ. Дээрх тэмцээнд 2013 оноос эхлэн өрсөлдөж, найм дахь удаагаа аваргаар шалгарсан тэрбээр АНУ-д 2019 онд болоход нь 55-аас дээш насныхны +87 кг-д долоо дахь алтан медалиа хүртсэн юм.
2024-06-21
Д.Отгонжаргал, Э.Дэлгэрмаа нар Парист хэсгээ ахалж барилдах нь
Дэлхийн бөхийн нэгдсэн холбоо Унгарт болсон чөлөөт бөхийн тэмцээний дараа сүүлийн чансааг гаргажээ. Уг чансаагаар Францад хэсэг ахлах бөхчүүдийн нэр тодорно. Чансааны нэг болон дөрөвт жагссан бөхчүүд дээд хэсэгт орж, хагас шигшээ хүртэлх барилдаанд учраа таарахгүй. Монголын үндэсний шигшээ багийн эрэгтэйчүүдээс 65 кг-ын жинд хүч сорих олимпын эрх гардсан Гавьяат тамирчин Т.Тулга (11 000 оноо) 25 дугаар байрт эрэмбэлэгдэв. 86 кг-д ОУХМ Б.Бат-Эрдэнэ (18 200) 13 дугаарт жагсаж, 125 кг-д өрсөлдөх Гавьяат тамирчин М.Лхагвагэрэл энэ удаа дэлхийн чансаанд бичигдсэнгүй.
2024-06-20
“Алдар” спорт хорооныхон шилдгээ баталж түрүүллээ
Дээрх тэмцээний сүүлчийн өдөр 50 метрийн гурван байдлын дасгалын өрсөлдөөн өрнөв. Энэ удаа эрэгтэйчүүдээс “Хилчин” спорт хорооны тамирчин, ОУХМ Б.Эрхэмбаяр улсын аваргаар тодорлоо. Түүнтэй тэргүүн байрын төлөө онч сорьсон “Алдар” спорт хорооны тамирчин Н.Баяраа мөнгө, Орхон аймгийн буудагч ОУХМ Д.Лхагвасүрэн хүрэл медаль хүртэв. Эмэгтэйчүүдээс О.Есүгэн (“Хүч” спорт хороо) түрүүлж, Т.Золжаргал (Орхон аймаг) удаалан, Г.Нандинзаяа (“Хүч” спорт хороо) хүрэл медаль зүүсэн юм. Байгууллагын нэгдсэн дүнгээр “Алдар” спорт хорооныхон 120 оноогоор тэргүүн байрт шалгарч, шилдэг буудагчтай гэдгээ батлан харуулав. Орхон аймгийнхан 142 оноогоор дэд, “Хүч” спорт хорооныхон 180 оноогоор III байр эзэлжээ.
2024-06-19
Г.АМАРСАНАА: Шавь нараа дэлхийн тамирчин болохыг харах дасгалжуулагч хүний бахархал
ОУХМ Г.Амарсанаа “Мон-Алтиус” биеийн тамирын дээд сургуульд багшилдаг. Тэрбээр сургуулийнхаа эмэгтэйчүүдийн сагсан бөмбөг болон гандболын улсын шигшээ багийг дасгалжуулдаг аж. Түүний удирдлагад бэлтгэл базаасан тамирчид дотоод, гадаадын тэмцээнээс цөөнгүй шагнал хүртжээ. Тухайлбал, Монголын гандболын 18, 20 хүртэлх насныхны эрэгтэйчүүдийн шигшээ багийнхан Хонгконгод 2018 онд зохион байгуулсан Олон улсын цомын төлөө тэмцээнд өрсөлдөж, тус бүр хүрэл медаль гардсан билээ
2024-06-18
Хөл бөмбөгчид Азийн цомын төлөө өрсөлдөнө
Малайзын Куала Лумпур хотод байрлах Азийн хөл бөмбөгийн холбооны төв байранд 17 болон 20 хүртэлх насныхны Азийн цомын төлөөх тэмцээний сугалааг зохион байгуулав. Тивийн улсууд нас насны ангиллын тэмцээнд нийт 10 хэсэгт хуваагдаж, хэсгээс цааш шалгарах боломжийн төлөө өрсөлдөх нь. Улмаар 2025 онд шигшээ тэмцээнд шилдэг 16 багийн хооронд тэмцээн өрнөнө. Монголын 20 хүртэлх насны шигшээ багийнхан хоёр дахь хоргоноос сугалуулж, Иран, Лаос, Энэтхэгийн багтай нэг хэсэгт багтжээ. Харин 17 хүртэлх насныхан Япон, Катар,Балба улсын багтай нэг хэсэгт тоглохоор хуваарилагдлаа.
2024-06-18
“Хөлөгт тоглоом” клубийнхэн лигт хошуучиллаа
“Амжилтын гараа лиг-3” 100 буудалт даамын тэмцээнд 12 аймгийн 5-10 насны нийт 150 гаруй тамирчин долоон өрөг тоглож, шилдгүүдээ шалгаруулав. Хөвгүүдээс таван насныхны ангилалд “Сонгодог байрлал” клубийн тоглогч Б.Өлзийбаяр, охидоос Баянзүрх дүүргийн тамирчин Х.Эрин түрүүллээ. Зургаан насныхны ангилалд Б.Содбилэг, О.Гэгээ (“Хөлөгт тоглоом”), долоон насныхад З.Чинтөгс (“Хөлөгт тоглоом”), Х.Энхгэрэл (Өмнөговь аймгийн “Манлайлагч” клуб), найман насныхад Б.Алтан-Эрдэнэ (“Эрин эверист интернэйшнл” сургууль), Н.Гуамарал (Өмнөговь аймаг) тэргүүн байр эзлэв. Тэгвэл есөн насныхад Д.Дамдинпүрэв (Чингэлтэй дүүргийн 57 дугаар сургууль), Н.Дэлгэржаргал (“Оюут” сургууль, “Хөлөгт тоглоом” клуб) нар алтан медаль хүртжээ.
2024-06-14
Манай хөл бөмбөгчид Камбожийн шигшээг 2:1-ээр илүүрхэв
Монголын хөлбөмбөгийн шигшээ багийнхан Камбожийн тамирчидтай Улаанбаатар хотод энэ сарын 11-нд нөхөрсөг тоглолт өрнүүллээ. Манайхан өмнөх долоо хоногт тус улсын Пномпень хотод болсон тоглолтод 2:0-ээр ялагдсан юм. Тэгвэл нутгийнхаа хөлбөмбөгийн ногоон талбайд болсон тоглолтод манайхан 2:1-ээр буулган авав. Тоглолтын эхэн үед эсрэг багийнхан гоол оруулж хошуучилсан ч хоёрдугаар үед манай тоглогчдоос Н.Наранболд гоол оруулж оноо-ны харь цааг тэнцүүлсэн. Г.Гантогтох 61 дэх мину тад дахин гоол хийснээр хожлын салхийг өөрийн талд эргүүлэв.
2024-06-13
Монголын гимнастикчид хошой хүрэл медаль хүртжээ
Вьетнам улсын Ханой хотод зохион байгуулсан аэробик гимнастикийн Азийн АШТ-ий урьдчилсан тоглолтын салхийг 12- 14, 15-17 насныхан хагалсан. Эх орноо төлөөлж өрсөлдсөн Монголын тамирчдаас МУБИС-ийн Биеийн тамирын сургуулийн “Гэйнер” багийн тамирчид 15-17 насныхны ангиллын багийн төрөлд хүрэл медаль хүртлээ. Тэдний амжилтыг аэробик бүжгийн багийнхан буухиалж дээрх насны ангиллын бүжгийн төрөлд мөн III байрт шалгарч, шагналын тавцанд зогсов. Тус тэмцээнийг Монголоос олон улсын шүүгч Э.Анхбаяр, Б.Сумьяадорж нар дэнсэлж байна.
2024-06-12
Б.ДААРИЙМАА: Дэлхийн шилдгүүдээс туршлага хуримтлуулж, шүүгч болох зорилгоо биелүүлсэн
Олон улсын шүүгч Б.Даариймаа хилийн дээс алхаж, гадаадын тэмцээн цөөнгүй дэнсэлсэн. Тухайлбал, Бразилын Сан Паула хотод өнгөрсөн дөрөвдүгээр сард болсон дэлхийн нэр хүндтэй тэмцээний нэг ‘’Арнольд классик” хүчний фестивалийн модон барилдааны төрлийг нөхөр С.Тэлмэнгийн хамт тивээ төлөөлөн анх удаа шүүж, Монголын модон барилдааны спортын түүхэнд нэгэн шинэ хуудас нээв. Тэндээс ирснийхээ дараахан Узбекистаныг зорьж, Нукус хотод зохион байгуулсан Азийн АШТ-д талбайн шүүгчээр ажилласан юм. Тэгвэл өнгөрсөн жил тус улсын Хива хотод хөл тавьж ДАШТ, мөн ОХУ-ын Башкортостанд болсон олимпын бус дэлхийн топ спортуудын олон улсын анхдугаар фестивалийг шүүж, туршлага чамгүй хуримтлуулсан билээ. Ур чадвараараа Азийн чансаа өндөр шүүгчдийн бүрэлдэхүүнд багтдаг түүнийг зочноор урилаа.
2024-06-10
Б.Гүндаваа, З.Нарансолонго нар чансаа өндөр шатарчдын тэмцээнд түрүүлэв
Эрэгтэйчүүдээс “Гэгээн арвай” клубийн дасгалжуулагч, их мастер Б.Гүндаваа найман өргөөс 6.5 оноотой түрүүлэв. Эмэгтэйчүүдийн ангилалд “Стейниц Монголын шатрын академи”-ийн дасгалжуулагч Г.Мөнхбаярын шавь З.Нарансолонго алтан медаль хүртлээ. 2200 хүртэлх чансаатай ангилалд Б.Алдар тэргүүлж, 18 хүртэлх насныхад “Гэгээн арвай” клубийн Б.Тэнүүнболд, 12 хүртэлх насны ангилалд “Стейниц Монголын шатрын академи”-ийн тоглогч Б.Буянхишиг тэргүүн байрт шалгарлаа.
2024-06-07
Монголын шүүгчид Төв Азийн багийн АШТ-ийг дэнсэлж байна
Казахстаны Ленгер хотод үргэлжилж буй, өсвөр үеийн Төв Азийн багийн АШТ-д манайхаас бадминтоны тамирчид ур чадвараа сорьж буй. Тус тэмцээнд оролцохоосоо өмнө манайхан Казахстан, Узбекистан, Тажикистан, Киргиз, Ираны тамирчидтай хамтарсан бэлтгэл хийсэн юм. Тамирчдын нэгдсэн бэлтгэлийг Азийн бадминтоны холбооны дасгалжуулагч Тана Арикришнан ахалж, туслах дасгалжуулагчаар ОУХМ М.Золзаяа ажиллажээ. 15 хүртэлх насны ангилалд оролцсон манай тамирчид гурван тоглолт хийнэ.
2024-06-06
Г.Түвшинсайхан олон улсын тэмцээнээс хүрэл цом гардлаа
Чехулсын Хавиров хотод болсон ширээний теннисний “WTT youth contender Havirov-2024” олон улсын нээлттэй тэмцээнд Монголоос “Өсөх-од” клубийн тамирчин Г.Түвшинсайхан оролцож, хүрэл цом, медалийн хамт гардлаа. Тэрбээр Люксембург улсад өнгөрсөн дөрөвдүгээр сард зохион байгуулсан тэмцээнд Д.Уянгын хамт оролцож, III байрт шалгарч байв. Тэд тус клубийн дасгалжуулагч Ч.Энх-Од, А.Билгүүн, мөн “Champions”-ын тамирчин Ө.Мөнх-Өлзий нарын удирдлагад бэлтгэл хийж, дээрх тэмцээнд оролцжээ. Г.Түвшинсайхан Шведийн Хелсинбург хотод энэ сарын 5-8-нд болж буй тэмцээнд өрсөлдөж байна. Үүний дараа Норвегийг зорин, Сандефьорд хотод 10-13-нд зохион байгуулах тэмцээнд тоглох юм.
2024-06-06
Б.Сэр-Одын түүх Парист үргэлжилнэ
Дэлхийн хөнгөн атлетикийн холбоо, Олон улсын олимпын хорооноос “Парис-2024” зуны олимпын 33 дахь наадмын марафоны төрөлд эрэгтэй, эмэгтэй тус бүр 80, нийт 160 тамирчин оролцох журам гаргасан. Эрэгтэйчүүд хоёр цаг найман минут 10 секунд, эмэгтэйчүүд хоёр цаг, 26 минут, 50 секундийн дотор амжилт үзүүлсэн байх ёстой. Марафон гүйлтийн эрх олгох тэмцээн өнгөрсөн сарын 5-нд өндөрлөснөөр Францын нийслэлд наймдугаар сарын 10 (эрэгтэй), 11-нд (эмэгтэйчүүд) улс тус бүрээс хурд сорих марафончид тодорсон. Дэлхийн хөнгөн атлетикийн холбооноос олимпын хөнгөн атлетикийн марафон гүйлтийн төрөлд оролцох тамирчдын нэрийг эцэслэн зарлав. Хэрэв оролцох болзол биелүүлсэн тамирчдын тоо 80-аас цөөн байвал чансааны онооны дарааллаар олимпод оролцох марафончдын квотыг олгох журамтай.
2024-06-06
20, 17 хүртэлх насныхны шигшээ баг Азийн цомын тэмцээнд өрсөлдөнө
Тэмцээний урьдчилсан шатны тоглолтыг есдүгээр сарын 21-29-нд зохион байгуулж, сугалааны дараа хүлээн авах улсыг тодруулах нь. Тэмцээн зохион байгуулах хорооноос мөн17 хүртэлх насныхны цомын шигшээ тоглолтыг Саудын Арабад зохион байгуулахаар шийдвэрлэжээ. Урьдчилсан шатанд 41 улс оролцохоор бүртгүүлж, 10 хэсэгт хуваагдсанаар шигшээд өрсөлдөх юм. Манай шигшээ багийнхан 28-д эрэмбэлэгдсэн байна.
2024-06-05
