Хөл бөмбөгийн дээд лигт тоглох легионерууд ирлээ
Монголын хөл бөмбөгийн дээд лиг энэ сарын 2-нд эхэлнэ. Тус лигт тоглох легионерууд манайд иржээ. Тухайлбал, олон жил тоглосон туршлагатай тамирчдаас Б.Энхтулга, мөн япон легионер Юши Кавагүчи нар энэ удаа “Төв азарганууд” багийн эгнээнд нэгджээ. Тэгвэл “Брера илч” багт хөл тавьсан шинэ легионер Аото Сайто жигүүрийн байрлалд, аргентин тамирчин Агустин Мациел хагас хамгаалагчаар тоглох нь
2024-03-01
“Алдар”-ын бөхчүүд АВАРГАА БАТАЛЛАА
Бөхийн төрлүүдийн тэмцээнд хүнд жингийн барилдаан олны сонирхлыг их татдаг. Өсвөр үе, залуучуудын УАШТ-ий үнэмлэхүй аварга, Азийн АШТ-ий хүрэл медальт, улсын начин Э.Батмагнай дэвжээнд эргэн ирснээ харуулж, 125 кг-д түүртэлгүй түрүүлснээр шилдэг гэдгээ батлан харуулсан. Тэргүүн байрын төлөө өрсөлдсөн учраа нь ч түүнд амархан ялагдахааргүй бөх. Хэн хэн нь нэгийнхээ барилдааны арга барилыг мэднэ. Ирэх жилийн тэмцээнд улсын хошой аварга Д.Нарантулга түүнээс даагаа нэхэх нь лавтай. Эрэгтэйчүүдийн барилдаанд багийн дүнгээр “Алдар”-ын хүчтэнүүд 151 оноогоор тэргүүлж, “Дархан хасу”-гийнхан (140 оноо) удаалж, Спортын төв сургуулийнхан (135 оноо) III байрт шалгарлаа.
2024-02-29
Н.Алтанбаяр, Т.Жулдыз нар Азийн танхимын болон тулааны спортын VI наадамд оролцох нь
Монголын муайтайн холбооноос насанд хүрэгчдийн УАШТ-ийг энэсарын 24-25-ндзохион байгууллаа. Эрэгтэйчүүдээс 54 кг-ын жинд Б.Батхүлэг (“Гаруда мишээл”), 57 кг-д Ц.Амарсанаа (Хэнтий аймаг), 60 кг-д Б.Амгаланбаяр (“Гаруда” академи), 63.5 кг-д Г.Батболд (“Эхлэл” клуб) алтан медаль хүртжээ. Мөн 67 кг-д Т.Өлзийбат (“Мазаалай мма”), 71 кг-д Н.Алтанбаяр (“Гаруда” академи), 75 кг-д О.Ганзориг (“Ширэн бээлий”), 81 кг-д Ө.Эрдэнэхүү (“Кинг панда” клуб) түрүүлж, улсын аварга боллоо. Тэгвэл эмэгтэйчүүдээс 48 кг-д Э.Намуунаа (“Гаруда” академи), 51 кг-д Ч.Ариун-Энх (“Гаруда”), 54 кг-д Г.Анударь (“One team”), 57 кг-д Э.Ариунзаяа (“Гаруда”), 60 кг-д Б.Санчир (“Гаруда”), 63.5 кг-д Т.Жулдыз (“One team”) нар өрсөлдөгчдөө ялж, алтан медаль хүртжээ
2024-02-28
Э.Эрхэс тивийн АШТ-ээс хүрэл медаль хүртлээ
Филиппиний Нью Кларк хотод зохион байгуулсан Азийн залуучуудын аварга шалгаруулах усанд сэлэлтийн 11 дэх удаагийн тэмцээнд Монголын тамирчид өрсөлдлөө. Тэднээс дасгалжуулагч Х.Батболдын удирдлагад бэлтгэл базаасан, “Сэлэм загас” клубийн тамирчин, ОУХМЭ.Эрхэс 15-17 насны ангилалд 50 метрийн араар даллах сэлэлтийн төрөлд (26.21 секунд) шигшээд шалгарсан юм. Тэрбээр хүрэл медалийн төлөө есөн орны сэлэгчтэй өрсөлдөж, 26.43 секундийн амжилт үзүүлэн, шагналын тавцанд зогсов
2024-02-28
Н.СЭЛЭНГЭ: ДАШТ-ий үед аавын хэлсэн үг айдсыг минь ор мөргүй арилгасан
Олон улсын уулчдын холбооноос Канадын Эдмонтон хотод мөсөнд авиралтын ДАШТ-ийг энэ сарын 16-18-нд зохион байгуулахад манайхан оролцож, 16 орны 94 тамирчинтай өрсөлдөж, дэлхийд чансаагаар тэргүүн байрт жагссан. Тэднээс “Сутайн бор” клубийн тамирчин, ах, дүүс болох ОУХМ Н.Хэрлэн, спортын мастер Н.Сэлэнгэ нар хурдны төрөлд мөнгө, хүрэл медаль зүүж, дэлхийд данстай шилдгүүдийн эгнээнд хүч түрэн орсон юм. Яг тэр мөчөөс эхлэн олон улсын холбоод болон өрсөлдөгч тамирчид нь манайхны бэлтгэл хийдэг хана, орчин нөхцөл, ур чадвар, туршлагыг сонирхон судалж, хамтарсан бэлтгэл хийх санал тавих болсон байна. Н.Сэлэнгэ БНСУ-ын Чонсон хотод сарын өмнө болсон “Дэлхийн цом” тэмцээнд медалиас атгаад л алдаж байлаа. Тэгвэл түүний гаргасан энэ удаагийн амжилт мөсөнд авиралт, спорт авиралтаар дурлаж хичээллэдэг охидод урам өгсөн юм
2024-02-27
Б.Ачбадрах, Н.Энхжин нар улсын аварга боллоо
Монголын триатлоны холбооноос өвлийн триатлоны улсын аварга шалгаруулах анхдугаар тэмцээнийг “Мишээл” байгаль орчин, танин мэдэхүйн хүрээлэнд зохион байгууллаа. Хот, орон нутгийн 40 гаруй тамирчин эл тэмцээнд оролцож, цасан замаар хоёр км гүйж, таван км-т дугуй жийж, гурван км-т гүйлтийн цанаар хурд сорив. Эрэгтэйчүүдээс элит ангилалд 10 тамирчин өрсөлдсөнөөс гүйлтийн цанын төрөлд “Хилчин” спорт хорооны тамирчин, ОУХМ Б.Ачбадрах түрүүллээ. Тэгвэл “Канвон-2024” залуучуудын олимпод оролцсон А.Хүслэн (“Алдар” спорт хороо) мөнгө, “Дэлхийн цом”-д V байрын шагналт Н.Алтаншагай (Зэвсэгт хүчний 011 дүгээр анги, “Сеперате” компани) хүрэл медаль хүртсэн юм
2024-02-27
Ах, дүүс боксын олон улсын тэмцээнээс медаль хүртэв
Казахстаны Алматы хотод болсон, “Сидней-2000” олимпын аварга Ирмахан Ивраймовын нэрэмжит өсвөр үе, залуучуудын охидын олон улсын боксын тэмцээнд манай эмэгтэй тамирчид дасгалжуулагч Э.Гаваагийн удирдлагад оролцлоо. Тэднээс өсвөр үеийнхний ангилалд “Хилчин” спорт хорооны тамирчин Ц.Лхам 52 кг-ын жинд түрүүлэв. Түүний амжилтыг буухиалж 46 кг-д А.Алтанзул (“Ихэр бээлий” клуб), залуучуудын ангилалд 50 кг-д Э.Номундарь (“Radiance”) хүрэл медаль хүртжээ. Мөн ОХУ-д болсон олон улсын тэмцээнд эрэгтэйчүүдээс 60 кг-ын жинд Ц.Манал (“Хилчин” спорт хороо) мөнгө, 48 кг-д тулалдсан С.Төгөлдөр хүрэл (Дорнод аймаг, “Талын бүргэд” клуб) хүрэл медалийн эзэн болов
2024-02-27
Ц.БЯМБАЖАВ: Шалтаг хайдаг хүн хэзээ ч амжилт гаргадаггүй
Түүнчлэн “Гуанжоу-2010”, “Инчон-2014” Азийн наадам, “Лондон-2017”, “Доха-2019” “Ороген-2022, “Будапешт-2023” ДАШТ-д уралдаж, “Рио-2016”, “Токио-2020” зуны олимпын наадамд улсаа төлөөлж өрсөлдсөн. “Чиндао-2017” олон улсын марафонд түрүүлж, тэр жилээ БНХАУ-ын Гуандун мужийн Дунгуан хотод болсон Азийн АШТ-ээс хүрэл медаль хүртсэн. “Улаанбаатар” олон улсын марафоноос иж бүрэн медаль гардаж, Японд 2019 онд зохион байгуулсан “KIX Senshu” олон улсын марафонд аваргаар шалгарсан түүнийг зочноор урьж ярилцлаа.
2024-02-26
Х.Итгэлт чансаа өндөр шатарчдын тэмцээнд түрүүллээ
Чансаа өндөр буюу А ангиллын шатарчдын “Занданшатар” нээлттэй тэмцээн болж, манай шилдэг тамирчид оюунаа сорив. Тус тэмцээнд өрсөлдсөн оролцогчдоос Х.Итгэлт (“Мончесс” клуб) түрүүлж, “Их заргач” клубийнхнээс Б.Амин-Эрдэнэ удаалав. “Босоо ноён”-оос Дэлхийн шатрын холбооны мастер Х.Баясгалан III байрт шалгарсан юм
2024-02-23
П.Мөрөн АНЭУ-ыг зорино
“KTM Mongolia” клубийн тамирчин, Ази тивийн хүрэл медальт, ОУХМ П.Мөрөн “Abu Dhabi desert challenge” тэмцээнд хурд сорихоор АНЭУ руу хөлгийн жолоо залах нь. Тэрбээр мото спортын “Дэлхийн цом” болох “World rally-raid championship”-ын хоёр гараанд оролцож, “Дакар ралли-2025”-д дэлхийн шилдгүүдтэй уралдах эрхийн төлөө өрсөлдөнө. Манай тамирчин өмнө нь ОХУ-ын Зүүн Сибирь болон Эрхүү, Ангарск, Улаан-Үд хотод 2015 онд зохион байгуулсан олон улсын тэмцээнд түрүүлж байв
2024-02-22
Манай тамирчид жолоодлогот загварын ДАШТ-д өрсөлдөнө
Дэлхийн агаарын спортын холбоог 1905 оны аравдугаар сарын 14-нд байгуулж, нисэх загварын спортын тэмцээн хийж эхэлсэн түүхтэй. Тэгвэл манайд Нисэх загварын спортын нийгэмлэгийг 1997 оны есдүгээр сарын 27-нд байгуулж, тамирчдаа олон улсын тэмцээнд оролцуулж иржээ. Энэ жилийн жолоодлогот загварын ДАШТ АНУ-ын Индиана мужийн Манси хотод ирэх наймдугаар сарын 11-17 хүртэл үргэлжилнэ. Эл тэмцээнд Монголын шигшээ багийн долоон тамирчин уран нислэгийн F2B, агаарын тулалдааны F2D ангилалд оролцохоор болсон байна
2024-02-22
“Дархан” багийнхан нэг ч хожигдолгүй тэргүүлэв
Монголын хоккейн холбооны нэрэмжит клубүүдийн цомын аварга шалгаруулах тэмцээн“Степпе арена”-д гурван өдөр болж, аварга багийг тодрууллаа. Уг тэмцээнийг 1990 оноос хойш анх удаа зохион байгуулсан нь онцлог байв. Сонирхогчийн ангилалд найм, лигийнхэд таван баг оролцсон. Лигийн багуудын өрсөлдөөнд Дархан-Уул аймгийн “Дархан” багийнхан нэг ч хожигдолгүй тэргүүллээ
2024-02-21
Дугуйчид өмнөд хөршид бэлтгэлээ базааж байна
Монголын дугуйн холбоо 2013 оноос мэргэжлийн тамирчдыг бэлтгэж, 2022 онд “Ферей Монгол” үндэсний шигшээ багийг байгуулсан. Ингэснээр тамирчдаа хоёр дасгалжуулагчийн удирдлагад бэлтгэл хийлгэж, “Парис-2024” олимпын эрх олгох тэмцээнүүдэд хурд сорьж эхэлсэн билээ. Шигшээ багийнхан дасгалжуулагч Т.Төгөлдөрийн удирдлагад БНХАУ-ын Шиамен хотод нэг сар бэлтгэл базаахаар урд хөршийг зорив
2024-02-21
Б.ЖАЛБАА: Ялна, чадна, түрүүлнэ гэсэн зорилго минь дэлхийн аварга болгосон
Монголд спортын олон төрлөөр хичээллэдэг ахмад тамирчин цөөнгүй. Тэдний нэг нь гүйлтийн тэшүүрийн ОУХМ, үндэсний сур харвааны хүндэт мэргэн, шагайн харвааны спортын мастер Б.Жалбаа гуай. Түүнд жилийн дөрвөн улиралд тухалж амрах зав ховор. Өвөл тэшүүрээр гулгаж, зун сур, шагайн харваатай нөхөрлөж, Үндэсний их баяр наадмын алтан шар зурхайд цэц сорих шавь нараа бэлтгэл хийлгэдэг. Манай улс Австри улсад зохион байгуулсан “Инсбрук-1964” өвлийн олимпын IX наадамд биатлон, цана, тэшүүрийн шигшээ багийн тамирчдаа анх удаа илгээхэд тэрбээр өрсөлдөж, залгамж халаа болсон залууст хойшид оролцох жим гаргаж, замыг нь зассан юм. Тэгвэл Францад болсон “Гренобль-1968” өвлийн олимпын X наадамд 37 орны 1158 тамирчин өрсөлдөхөд мөн улсаа төлөөлөн оролцож байлаа. Тэрбээр Инсбрук хотыг 2020 онд дахин зорьж, дэлхийн мастеруудын өвлийн наадамд оролцохдоо мөсөн талбайд нь уралдаж, 5000 метрийн зайд мөнгөн медаль хүртжээ
2024-02-20
Л.Туруунаа хүрэл медаль хүртлээ
ХБНГУ-ын Хайделберг хотод пара жүдо бөхийн “Парис-2024” зуны паралимп наадмын эрхийн оноо олгох гран при тэмцээн болж өндөрлөлөө. Эл тэмцээнд Монголын үндэсний шигшээ багийн дасгалжуулагч Б.Нарантуяагийн удирдлагад долоон тамирчин хүч сорьсон юм. Тэднээс эмэгтэйчүүдийн 70 кг-ын жинд Л.Туруунаа хүрэл медаль хүртэж, шагналын тавцанд зогсов. Тэрбээр пара жүдо бөхийн ДАШТ-ээс медаль хүртсэн Монголын анхны пара тамирчин
2024-02-20
“Медаль хүртээд, улсынхаа нэрийг дуудуулах сайхан санагддаг”
Польшийн Полице хотод өнгөрсөн жилийн аравдугаар сарын сүүлч, арваннэгдүгээр сарын эхээр зохион байгуулсан зуун буудалт даамын өсвөр үе, залуучуудын ДАШТ-д Монголын даамчид 18 орны 350 тамирчинтай оюунаа сорьсон. Тэднээс Сонгинохайрхан дүүргийн ерөнхий боловсролын 42 дугаар сургуулийн 3д ангийн сурагч М.Дөлхүслэн хөвгүүдийн 5-8, “Шинэ Монгол” сургуулийн 5.1 ангийн сурагч Г.Санчир 9-10 насныхны ангилалд өрсөлдөж, шагналын тавцанд зогссон юм. Г.Санчир “Монгени” сургуулийн багш, дасгалжуулагч, ОУИМ Ц.Сүхбатын удирдлагад бэлтгэл хийж, дээрх тэмцээнд дэлхийн аваргаар тодорсон дөрвөн тамирчны нэг. Тэгвэл М.Дөлхүслэн “Сонгодог байрлал” клубийн дасгалжуулагч Д.Чойжилсүрэнгийн шавь. Тэд ур чадвараа богино хугацаанд ахиулснаар өдгөө тив, дэлхийн шилдгүүдийн эгнээнд жагсах болжээ. Монголын тамирчдыг зургаан алт, тус бүр гурван мөнгө, хүрэл медаль гардаж, багаараа аваргын цом өргөхөд нь тэдний амжилт ихээхэн нөлөөлсөн билээ.
2024-02-19
Н.Хэрлэн, Н.Сэлэнгэ нар ДАШТ-ээс мөнгө, хүрэл медаль хүртлээ
Олон улсын уулчдын холбооноос Канад улсын Эдмонтон хотод энэ сарын 16-18-нд зохион байгуулсан мөсөнд авиралтын ДАШТ-д Монголын тамирчид өрсөлдсөн. Тэднээс шагналын салхи хагалж хурдны төрөлд “Сутайн бор” клуб, Монголын уулчдын үндэсний холбооны тамирчин, ОУХМ Н.Хэрлэн мөнгөн медалийн эзэн боллоо. Тэгвэл эмэгтэйчүүдээс спортын мастер Н.Сэлэнгэ ахынхаа амжилтыг буухиалж, хүрэл медаль хүртэв
2024-02-19
Х.ТЭРГЭЛ: Тэмцээний үед тамирчдын тоглох техник, ур чадварыг илүү хардаг
Монголын дартсын спортын талбарт өсвөр үеийн тамирчдаас цахиур хагалж, хүч түрэн орж ирсэн тоглогч бол “MGL darts” клуб, “Уужим-Од” ХХК-ийн тамирчин Х.Тэргэл. Тэрбээр энэ спортоор хичээллэн, богино хугацаанд амжилт гаргаж, өдгөө дэлхийн шилдгүүдтэй өрсөлддөг болсон. Дартстай нөхөрлөсөн цагаасаа шаргуу бэлтгэл хийж, ур чадвараа ахиулсан тэрбээр өсвөр үеийнхний УАШТ-ий гурван түрүүтэй. Түүний хувьд 2021-2023 он үеийнхэнтэйгээ ана мана өрсөлдөж, гадаадын тэмцээнд оролцох эрх гардаж, амжилтаа батлан харуулсан жил байв. Ганцаарчилсан төрөлд өрсөлддөг байсан Х.Тэргэл өнгөрсөн жилийн тэмцээнд эрэгтэйчүүдийн дан хосын төрөлд оролцож, хүрэл медаль гардсан юм
2024-02-16
Монголын триатлончид дэлхийн чансаанд багтлаа
Дэлхийн триатлоны холбооноос тамирчдын шинэчилсэн чансааг зарлалаа. Өмнөд хөршийн Харбинд болсон “Дэлхийн цом”-ын тэмцээний V байрт шалгарсан, зэвсэгт хүчний 011 дүгээр ангийн ахлагч Н.Алтаншагай (219.63 оноо) чансааны 11-т эрэмбэлэгдсэн байна. Мөн “Рөүд Монголиа” клубийн тамирчин Л.Баярцэнгэл дээрх тэмцээнд VI байр (203.16 оноо) эзэлсэн амжилтаар чансааны 12-т бичигдэв. Манай триатлончид дээрх тэмцээний элит ангилалд Итали, ХБНГУ, БНХАУ-ын шилдэг тамирчидтай гүйлт, дугуй, гүйлтийн цанын төрлөөр өрсөлдсөн билээ
2024-02-15
Биатлончид Эстонийг зорих нь
Биатлоны үндэсний шигшээ багийн тамирчид 2024 онд төлөвлөсний дагуу Беларусийн Гавьяат дасгалжуулагч, олимп, дэлхийн аварга Александр Попов болон ОУХМ Ц.Мөнх-Эрдэнэ, Б.Бат-Эрдэнэ нарын удирдлагад бэлтгэл базааж, гадаадын тэмцээнд оролцож байгаа. Тэд удахгүй Эстони улсын Отепя хотыг зорьж, энэ сарын 23-наас ирэх сарын 2-нд зохион байгуулах залуучуудын ДАШТ-д өрсөлдөнө.
2024-02-15
