3.6 сая мал хорогджээ
Ташрамд дурдахад, улсын хэмжээнд 2022 оны эцэст тоологдсон 30.9 сая хээлтэгч малын 68 орчим хувь нь төллөөд байгаа гэнэ. Хонины 71.7, ямааны 62.6, үнээний 54.8, гүүний 44.1, ингэний 33.3 хувь нь төллөсөн гэнэ. Төлийн 85.9 хувь буюу 17.3 сая нь бойжиж буй бөгөөд энэ нь өнгөрсөн жилийн зургадугаар сарын эхний хагасынхаас 26.9 хувиар буурсан дүн болжээ.
2023-06-20
Манай улсын гадаад өр 33.6 тэрбум ам.долларт хүрлээ
Түүнчлэн нийт гадаад өр дээрх хугацаанд 33.6 тэрбум ам.доллар болж, өнгөрсөн оны мөн үеийнхээс 330.7, өмнөх улирлаас 23.1 сая ам.доллароор буурсан байв. Харин аж үйлдвэрийн салбарын индекс тайлант хугацаанд урьдчилсан гүйцэтгэлээр 211.1 болж, үйлдвэрлэгчийн үнэ өмнөх оны мөн үеийнхээс 0.9 хувиар нэмэгджээ. Үнийн өсөлтөд нүүрс олборлолтын зардал 16.1, металлын хүдэр олборлолтынх 11.3, бусад ашигт малтмалынх 11 хувиар нэмэгдсэн нь түлхүү нөлөөлсөн гэнэ.
2023-06-19
Дайвар бүтээгдэхүүний үнэ жилд хоёр дахин өсжээ
“Хүчит шонхор” захад өчигдрийн байдлаар малын зүрх болон үхрийн гүзээ кг нь дунджаар 8000, бөөр 3000, хонины элэг ширхэг нь 2000 төгрөгийн үнэтэй байв. Богийн цувдайг 15 000-20 000, үхрийн хэлийг кг-ыг нь 18 000 төгрөгөөр борлуулж байлаа. Тэгвэл “Долоон буудал” орчмын махны дэлгүүрүүдэд цувдай дунджаар 25 000, үхрийн гүзээ кг нь 10 000, элэг 2500 төгрөгийн үнэтэй байгаа аж.
2023-06-16
Утсаа олон цагаар үзэх нь сурлагын чанарт муугаар нөлөөлдөг гэв
Монголд хүүхдийн эрхийг цахим орчинд хэрхэн хамгаалах, цахим орчинд тулгарч буй эрсдэлийн талаарх мэдлэгийг дээшлүүлэх, шийдэл гаргах, талуудын хамтын ажиллагааг бэхжүүлэх зорилготой дээрх хэлэлцүүлэгт Засгийн газар, төрийн болон иргэний, олон улсын байгууллага, эцэг, эх, багш нарын төлөөлөл болон хүүхдүүд оролцсон байна. Эцэг, эхийн хараа хяналт сул байдгаас хүүхдүүд гэртээ олон цагаар утсаа үзэн, цахим гадуурхалтад өртөх, гэмт хэргийг золиос болох эрсдэл үүсдэг аж.
2023-06-15
Гүний болон зөөлрүүлсэн, цэвэршүүлсэн ус авах худагтай болов
Түүнчлэн энэ нь ус цэвэршүүлэх, зөөлрүүлэх төхөөрөмж бүхий анхны худаг болжээ. Иргэд картаа ашиглан үйлчлүүлэх бөгөөд гүний усны үнэ бусад худгийнхтай адил буюу литр нь 6.8, зөөлрүүлсэн нь 8.6 төгрөг аж. Харин цэвэршүүлсэн усыг иргэд баллонд хийж авч болох бөгөөд 19 литр орчмыг нь 1500 төгрөгөөр худалдах гэнэ.
2023-06-14
Монголын тогтвортой санхүүжилтийн шалгуур үзүүлэлтийг батална
Монгол Улсын Ерөнхийлөгчийн ивээл дор “Ногоон санхүүжилт олон улсын чуулган”-ыг өчигдөр Улаанбаатарт эхлүүллээ. Монголд хоёр дахь удаагаа зохион байгуулж буй уг чуулган нь бүс нутаг, олон улсын түвшинд ногоон санхүүжилтийг нэмэгдүүлэх, хамтын ажиллагааг өргөжүүлэх, харилцан ойлголцлыг бэхжүүлэх, сайн туршлагаа солилцох зорилготой. Чуулганы үеэр “Тогтвортой санхүүжилтийн долоо хоног-2023” манлайллын хөтөлбөр, өндөр түвшний бодлогын хэлэлцүүлэг болж буй юм.
2023-06-14
Банкны салбарын нийт актив 4.7 их наяд төгрөгөөр өсжээ
Цаашид тээвэр ложистикийн хүндрэл аажмаар арилан, эдийн засгийн салбаруудын сэргэлт хурдсах боломжтой аж. Улмаар инфляц аажмаар буурч, хадгаламжийн бодит өгөөж нэмэгдэх бол төсвийн үр ашиггүй зардлуудыг багасгаж буй нь төлбөрийн тэнцлийн дарамтыг бууруулж, ханш тогтворжих нөхцөл болохыг МБХ-ны тайланд дурдсанбайв.
2023-06-13
Мөнгө гуйвуулахдаа тусгай зөвшөөрөлтэй байгууллагаар үйлчлүүлэхийг сануулав
Монгол Улсын хил, гааль нээгдсэн, аялал жуулчлалын улирал эхэлсэнтэй холбоотойгоор иргэд гадаадын улсууд руу мөнгөн гуйвуулга хийх нь нэмэгджээ. Ингэхдээ Санхүүгийн зохицуулах хорооноос олгосон банк бус санхүүгийн цахим төлбөр тооцоо, мөнгөн гуйвуулгын үйл ажиллагаа эрхлэх тусгай зөвшөөрөл бүхий хуулийн этгээдээр үйлчлүүлэхийг анхаарууллаа.
2023-06-12
Өдөрт 70 000-100 000 төгрөгийн цалинтай ажил хийх хүн олдохгүй байна
Одоо (уржигдар) мод үржүүлгийн талбайд нэг хүн л ажиллаж байна. Өвөл ажилладаггүй, тогтмол ажлын байр бий болгож чаддаггүйтэй холбоотой юу ажиллах хүн олдохгүй юм. Хэрэв одоогийнхоос 50 хувиар олон, ядаж 30 хүн ажиллуулбал бүтээмж өндөр, захиалгат ажлуудаа цаг тухайд нь дуусгах боломж бий. Өдрийн хоолтой, өдөрт 70 000-80 000 төгрөгийн цалинтай, хотоос хол ажиллавал ажилчдын унаагаар үйлчилнэ гэж хавраас хойш зар тавиад ирэх хүн цөөн байна” гэж өгүүлэв.
2023-06-12
Экспортын орлого 6.3 тэрбум ам.долларт хүрлээ
Манай улсын гадаад худалдааны бараа эргэлт энэ оны эхний таван сарын байдлаар 9.7 тэрбум ам.долларт хүрч, өнгөрсөн жилийн мөн үеийнхээс 35.3 хувиар өссөнийг Гаалийн ерөнхий газраас мэдээллээ. Тодруулбал, экспортод 6.3 тэрбум ам.долларын бараа, түүхий эд нийлүүлж, импортод 3.4 тэрбумыг зарцуулснаар гадаад худалдааны тэнцэл 2.8 тэрбум гаруй “ногоон”-ы ашигтай гарчээ. Экспортын орлогын 87.1 хувийг эрдэс баялаг, 4.7-г нь үнэт болон хагас үнэт чулуу, гоёлын зүйлс, хоёр хувийг нь ургамлын гаралтай бүтээгдэхүүнээс бүрдүүлжээ.
2023-06-08
Багш, ажилтнуудаас хандив цуглуулахыг хориглов
Үүнээс гадна анги, сургуулийн засвар, тохижилтод зориулан сурагчдаас мөнгө хураах ёсгүйг БЕГ-ын дарга Т.Ням-Очир дурдлаа. Тэрбээр “Ерөнхий боловсролын сургуулиудад албан ёсны зөвшөөрөлтэйгөөр гүнзгийрүүлэн судлах, сонгон суралцах зарим хичээлд нэмэлт төлбөр авах журам бий. Үүнийг л эцэг, эхчүүдээс гаргуулах бөгөөд өөр ямар нэгэн төлбөр, хураамж авах ёсгүй” гэв.
2023-06-08
“Пасспортгүй” барилга олон байна
Улаанбаатарыг ширэнгэн ой болтол барилга барьсан ч ахиад л энд тэнд, өчүүхэн жижиг зайд ч барилгын ажил аль хэзээний л оволзож байдагт бид дасжээ. Ямар нэгэн байдлаар зөвшөөрөл аван, бүтээн байгуулалтаа эхлүүлсэн ч наад захын шаардлага гэж болох “пасспорт”-гүй барилга нийслэлийн төв цэгээс хаашаа хаашаа таван км дотор гэхэд тун олон юм. Мэдээллээ байршуулсан, хашааныхаа стандарыг хангасан барилгын компани хайснаас хийгээгүйг нь эрвэл илүү хялбар аж.
2023-06-07
Р.БҮҮВЭЙБААТАР: Улаан буудайн ургацын хэмжээг 30 хувиар өсгөх боломжтой
Хөдөө аж ахуйн их сургуулийн зөвлөх багш, техникийн шинжлэх ухааны доктор, профессор Р.Бүүвэйбаатартай ярилцлаа. Тэрбээр тус сургуульд 40 гаруй жил багшилж буй бөгөөд 1991 онд анх улаан буудайн үрийн чанарыг дээшлүүлж, ургацын хэмжээг нэмэгдүүлэхэд цахилгаан орон ашиглах талаарх судалгаа хийн техникийн шинжлэх ухааны дэд эрдэмтний зэрэг хамгаалжээ. Улмаар дээрх судалгаагаа гүнзгийрүүлэн 2022 онд Шинжлэх ухааны академиас техникийн шинжлэх ухааны докторын зэрэг авчээ.
2023-06-06
БШУЯ-ны үе үеийн сайд, зарим албан тушаалтныг АТГ-т шалгуулах хүсэлт гаргав
Боловсролын зээлийн сан (БЗС)-гийн асуудлаар шүгэл үлээсэн О.Сийлэгмаа өчигдөр АТГ-т хандан, БШУЯ-ны үе үеийн сайд, зарим албан тушаалтныг шалгуулах хүсэлтээ өглөө. Тэрбээр “Би 2021 оны арваннэгдүгээр сараас БЗС-гийн Гадаад, зээл тэтгэлгийн хэлтэст олгож буй зээлийг хянах, зээлийн эргэн төлөлтийг сайжруулах үүрэгтэй ажлын байранд ажилд орсон. 2022 оны есдүгээр сар хүртэл ажиллахдаа сангийн гадаад зээл, тэтгэлэг олгох явц шударга бус, журам зөрчсөн зүйл олон гарсныг харьяалах дээд байгууллагадаа мэдэгдэж байсан.
2023-05-31
63 компанийн ТУЗ хурал хуралдуулахаас бусад бүрэн эрхгүй болжээ
Тиймээс эл хорооноос тэдгээр компанийн ТУЗ нь хурал хуралдуулахаас бусад бүрэн эрхгүй болсныг мэдээллээ. Тухайлбал, “Мон бийф”, “Монголын төмөр зам”, “Ханын материал”, “Баялаг Шарын гол”, “Агротехимпекс” зэрэг компани үүнд багтсан бөгөөд ТУЗ-тэй нь байгуулсан аливаа гэрээ, хэлцэл, хүчин төгөлдөр бус болохыг анхаарууллаа.
2023-05-30
Малчин өрхийн 57 хувийнх нь гамшгийн эрсдэл даах чадвар дунджаас доогуур байна
Дараа нь ган, зудтай жилд бэрхшээл тулгарсныг дурдсан бөгөөд эдгээрээс үүдэн мал аж ахуйн гаралтай бүтээгдэхүүн, өвс тэжээлийн үнэ 37.2 хувиар өссөн гэжээ. Зудын сөрөг нөлөөллийг бууруулах зорилгоор нийт өрхийн 45 хувь нь банкнаас зээл авсан бол 34 хувь нь зарим малаа зарсан, 17.7 хувь нь бог малын нийлүүлгийг хязгаарласан, 16.6 хувь нь бэлчээрийн нөөцтэй бүс нутагт отор хийсэн гэдгээ илэрхийлсэн байна.
2023-05-25
Үхрийн цул мах кг нь 23 000 төгрөгт хүрчээ
“Хүчит шонхор”, “Дэнжийн 1000” худалдааны төвд өчигдрийн байдлаар үхрийн ястай мах кг нь дунджаар 19 000, цул нь 20 000 төгрөгийн үнэтэй байсан бол хонины ястай махыг 14 500, цулыг нь 15 000-аар борлуулж байв. Энэ нь эдгээр худалдааны төвд борлуулж буй үхрийн махны үнэ сүүлийн зургаан сард кг тутамдаа 7000-8000, хониных нь 4000-5000 төгрөгөөр нэмэгдсэн дүн юм. Харин “Алтжин бөмбөгөр”, Баянгол дүүргийн XIX хороонд байрлалтай “Таван-Эрдэнэ” худалдааны төвд өчигдөр үхрийн цул махыг 22 000-23 000, ястайг нь 21 000, хонины ястай махыг 17 000-18 000 төгрөгөөр борлуулж байлаа.
2023-05-24
“Ирээдүйн инженерүүд”-д амжилттай оролцогчид ШУТИС-д суралцах эрхээр шагнуулав
ШУТИС-ийн нэрэмжит “Ирээдүйн инженерүүд” улсын анхдугаар олимпиадын шилдгүүдийг өчигдөр шалгарууллаа. Шилдэг инженерүүд бэлтгэх аяны эхлэл болгон тус олимпиадыг өнгөрсөн сарын 19-нөөс сарын хугацаанд 12 дугаар ангийн сурагчдын дунд зохион байгуулжээ. Сурагчдын математик, физик, хими, мэдээллийн технологи хичээлийн онолын суурь мэдлэг, инженерийн сэтгэх чадварыг сорьсон байна.
2023-05-23
