Усалгаатай газар тариалангийн мэргэжилтнүүдийг бэлтгэж эхэллээ
“Хүнсний ногооны үйлдвэрлэл ба усалгаатай газар тариалан төсөл”-ийн хүрээнд ХААИС-тай хамтран усалгаатай газар тариалан бүхий сумдын 20 хүнийг усжуулагч-оператор, газар тариалангийн техник, тоног төхөөрөмжийн оператороор бэлтгэж эхэлснийг ХХААХҮЯ-наас мэдээллээ. Мөн сумуудын ногоочид, хөдөө аж ахуйн мэргэжилтнүүдийг услалтын системийг ашиглах график гаргаж, зөв таримал тариалах, усны хэрэглээ болон урсгал зардлыг тооцох арга зүйд суралцуулах гэнэ. Улсын хэмжээнд газар тариалангийн услалтын систем нь ус ашиглалтын үр ашиг бага, хуучирсан, дэд бүтцийн хувьд тогтворгүй, засвар, үйлчилгээ хийлгүй олон жил орхигдсон байжээ.
2025-11-19
МАН Бага хурлын гишүүдийнхээ тоог нэмж, 597 болгов
МАН-ын XXXI Их хурал төлөвлөснөөсөө нэг өдрөөр сунаж, өчигдөр үүрээр дууссан байна. Эхний өдөр тэд намын даргаараа Тэргүүн шадар сайд бөгөөд Эдийн засгийн хөгжлийн сайд Н.Учралыг 94.5 хувийн саналаар сонгосон юм. Хоёр дахь өдрөө намын үндсэн дүрмээ хэлэлцэн баталсан. Ингэхдээ 44 заалт шинээр нэмж, 57 заалтыг өөрчилж, есийг хасжээ. Тус намын дүрмийн 24.3-т “УИХ-ын сонгуульд олонх болсон бол намын даргыг Ерөнхий сайдад нэр дэвшүүлнэ” гэсэн заалт бий. Үүнийг хасах, өөрчлөх, эсэх нь олон нийтийн анхаарлыг татаж байсан билээ. Гэвч Их хурлын гишүүд эл заалтаа “хөндсөнгүй”. Хэдий тийм ч Засгийн газраа тогтвортой ажиллуулах улс төрийн тохиролцоо хийсэн, Н.Учрал УИХ-ын дарга болно гэсэн мэдээлэл гараад буй.
2025-11-19
Монголын хатги бэтэгтэй сэтгүүл зүй
Монголын сэтгүүл зүй маш их бохирджээ. Яг үнэндээ бохирдсон гэхээсээ бузарт¬сан гэвэл илүү оновчтой баймаар ч, ийн хэлж үл зүрхлэв. Хэн нэгнээс айсандаа бус, өөрийн эрхгүй харамсан гутравч өмөөрөх сэтгэлийг бас яалтай билээ.
2025-11-19
Нүүрсээсээ салж чадахгүй юм бол ядаж үйлдвэр барья
Монгол Улс нүүрсний арвин нөөцтэй бөгөөд энэ нь уул уурхайн гаралтай экспортын бүтээгдэхүүний гол баялаг, эдийн засгийн хөшүүрэг гэдгийг хүн бүр мэддэг. Гэтэл монголчууд байгаа баялгаа зүй зохистой ашиглаж, үр шимийг нь төдийлөн хүртэж чаддаггүй. Боловсруулаад түлж ч хүчрэхгүй, угаарын хийд хордож, олноороо амиа алдсаар. Ямар сайндаа нүүрсний нөөцөөрөө тэргүүлдэг улс орны нэг байтлаа урд хөршөөсөө хагас коксон түлш худалдан авч, гал алдахгүй амь зуухдаа тулж байх вэ дээ. Өнгөрсөн тавдугаар сарын 16-нд Агаарын бохирдлыг бууруулах үндэсний хорооны дэргэдэх эрдэмтдийн зөвлөлийн шийдвэрээр Улаанбаатар хотод хагас коксон буюу хөх нүүрсээр хийсэн шахмал түлш хэрэглэх шийдвэр гаргасан юм.
2025-11-19
Автобус хүлээсэн иргэд өвлийг хэрхэн давахаа мэдэхгүй байна
Дэлхийн хамгийн хүйтэн хотуудын нэг Улаанбаатарт өвөл ирэхтэй зэрэгцэн иргэд авто¬бусны буудал дээр “мөхөөлдөс” болтлоо хэн нь удаан тэсэх вэ гэдэг “туршилт”-д ордог. Амнаас нь уур савсаж, ороолт, малгай нь цантсан хүмүүс өнгөрсөн даваа гарагт төв зам дагуух буудал болгон дээр автобус хүлээн зогсож байв. Залуус утсаараа автобус хаана явж байгааг шалгачхаад гараа халаас руугаа хурдхан шиг хийх бол биедээ ахадсан цүнх үүрсэн хүүхдүүд даарсандаа нааш цааш холхиж ядан тэвчих аж.
2025-11-19
Замын хөдөлгөөн хааж, төрийн түшээдэд давуу эрх олгодгийг болиулах өргөдөлд санал авч эхэлжээ
Улаанбаатар хотын түгжрэл иргэдийн өдөр тутмын амьдрал, ажлын бүтээмж, эрүүл мэнд болон эдийн засагт ноцтой хор хөнөөл учруулсаар байхад төрийн өндөр албан тушаалтнуудад давуу эрх олгон өглөө, оройгүй зам хааж, тусгай зохицуулалтаар хөдөлгөөнийг саатуулдаг байдлыг зогсоох тухай асуудлаар иргэн А.Пүрэв¬рагчаа D-Parliament цахим системд өргөдөл гарган, олон нийтээс санал авч эхэлжээ.
2025-11-19
Шархалсан зүрхээ эдгээх хэн бүхэнд зориулав
Сэтгэл судлаачийн зааварчилгаан дор нүдээ боон, танихгүй нэгэнтэй ярилцаж, дотоод туршлага, ертөнцөө хуваалцан, бусадтай чин сэтгэлээсээ холбогдож болох “Blind therapy” арга хэмжээ тун удахгүй болох нь. “Positive dadal” олон ний¬тийнсэтгэл зүйн эрүүл мэндийг дэмжих төслийнхөн тус арга хэмжээг энэ сарын 22- нд “Туул” ресторанд зохион байгуулах юм байна. Тодруулбал, 21-35 насны, шүүмжлэлгүй ярилцах орон зай хайж буй, шинэ зүйл туршиж үзэх хүсэлтэй, амралтын өдрөө утга учиртай өнгөрүүлэхийг хүсэгч хэн бүхэнд нээлттэй гэнэ.
2025-11-18
Сурагчдад гэмтлийн үед анхан шатны тусламж хэрхэн үзүүлэхийг заалаа
Гэмтэл, согог судлалын үндэсний төв (ГССҮТ)-ийн Нийгмийн эрүүл мэндийн болон Эрдэм шинжилгээ, сургалтын албанаас ерөнхий боловсролын сургуулийн дунд, ахлах ангийн сурагчдыг гэмтлийн үед анхан шатны тусламж хэрхэн үзүүлэх талаар практик сургалтад хамрууллаа. “Зөв дадал, зөв хүн, зөвхөн биднээс” уриатай тус сургалт нь сургуулийн орчин дахь хүүхдийн осол, гэмтлээс урьдчилан сэргийлэх, хүчин зүйлийн нөлөөллийг багасгах, өсвөр насныханд эрүүл мэндийн боловсрол олгох, зөв дадал хэвшүүлэх зорилготой.
2025-11-18
Хамгийн өндөр статустай хоригдол
2007-2012 онд Францын Ерөнхийлөгчөөр ажилласан 70 настай Николя Саркози ялаа эдлэхээр өнгөрсөн аравдугаар сарын 21-нд шоронд суув. Түүнийг 2007 онд сонгуулийн кампанит ажлаа хууль бусаар санхүүжүүлсэн гэмт хэрэг үйлдсэн буруутай болохыг нэг сарын өмнө Парист болсон шүүх хурлаар нотолсон байна. Тэрбээр Ливи улсыг Өрнөдтэй харилцаагаа сэргээхэд нь тусалж, хариуд нь мөнгө авахаар удирдагч Муаммар Каддафитай холбогдохыг туслахдаа зөвшөөрсөн аж.
2025-11-18
Асрахуйн сургагч багш нарыг бэлдэж эхэллээ
ГБХНХЯ, Геронтологийн үндэсний төв, Монголын ахмадын холбооныхон хамтран “Ахмад настанд туслах асрахуйн чиглэлээр сургагч багш бэлтгэх” сургалтыг өчигдрөөс эхлүүллээ. Салбарын яамнаас энэ онд ахмадуудын эрэлт, хэрэгцээнд нийцсэн хөгжлийн болон нийгмийн үйлчилгээ үзүүлэх, идэвхтэй насжилтыг дэмжих, эдийн засгийн чадамжийг сайжруулах, хөдөлмөр эрхлэх боломжоор хангах зорилт дэвшүүлэн ажиллаж буй. Үүний хүрээнд ахмад настны асаргааны олон хувилбарт үйлчилгээг хөгжүүлж, хувийн хэвшил, төрийн бус байгууллагын оролцоог дэмжиж буйн нэг хэлбэр нь энэхүү сургалт аж.
2025-11-18
Эрүүгийн хуулийн 13.14 дэх заалтыг Цэцээр шүүнэ
Эрүүгийн хуулийн 13.14 дүгээр зүйл дэх худал мэдээлэл тараах заалт Үндсэн хууль зөрчсөн тухай өргөдлийг энэ сарын 24-нд Цэц дунд суудлын хуралдаанаараа хэлэлцэхээр болсон байна. Уг хуулийн 13.14.1-т “Хүний нэр төр, алдар хүнд, хуулийн этгээдийн ажил хэргийн нэр хүндэд халдсан илт худал мэдээллийг олон нийтэд тараасан бол 450-1300 нэгжтэй тэнцэх хэмжээний төгрөгөөр торгох, эсвэл 240-720 цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ” хэмээн заасан.
2025-11-18
Эмэгтэйчүүд алтан цом гардахын төлөө “Аса арена”-г доргиож байна
“Үндэсний дээд лиг”-ийн тэмцээн “Аса арена”-д үргэлжилж, Монголын волейболчид 30 дахь жилийнхээ ойгоор үзэгчдэд сонирхолтой, гал гарсан, өрсөлдөөнтэй тоглолтыг үзүүлж байна. Эрэгтэй, эмэгтэйчүүдийн баг дотоодын ямар тамирчдыг эгнээндээ нэгтгэж, аль улсаас легионер тоглогчдоо урьж, хүчээ зузаатгасныг талбай дээрх өрсөлдөөнөөс харсан биз ээ. Энэ удаагийн лигт ч гэсэн эмэгтэйчүүдийн багийг бэлтгэл хийлгэсэн туршлагатай дасгалжуулагчид авьяас, ур чадвар, ухаанаа уралдуулах нь эргэлзээгүй.
2025-11-18
Хоёр хувийн татварыг хүчингүй болгох шаардлага хүргүүлэв
Хуульч О.Батхүү үл хөдлөх хөрөнгө борлуулсны хоёр хувийн татварын асуудлаар өчигдөр мэдээлэл хийв. Тэрбээр уг татварыг хүчингүй болгох асуудлаар олон нийтийн өргөдөлд гарын үсэг цуглуулснаар УИХ-аар хэлэлцэх босгыг хангасан юм. Өнгөрсөн есдүгээр сарын 15-нд уг асуудлыг байнгын хороонд шилжүүлсэн ч өнөөдрийг болтол хэлэлцэхгүй байгааг шүүмжилсэн юм.
2025-11-18
Өндөр халуурдаг, хоруу чанар ихтэй вирус зонхилж байна
Улсын хэмжээнд өнгөрсөн долоо хоногт амбулаториор нийт 281 624 хүн үйлчлүүлснээс 5.1 хувь буюу 14 308 нь томуу, томуу төст өвчтэй байжээ. Энэ нь өнгөрсөн долоо хоногоос 0.8 хувиар их, өнгөрсөн оны мөн үеийнхнээс 1.4 хувиар бага үзүүлэлт аж. Тусламж, үйлчилгээ авсан хүмүүсийн 34.4 хувь нь Улаанбаатарт 65.6 нь орон нутагт бүртгэгджээ.
2025-11-18
Дутуу төрөлт нярайн эндэгдлийн тэргүүлэх шалтгаан болжээ
Дутуу төрөлтөөс сэргийлэх дэлхийн өдөр өчигдөр тохиолоо. Жил бүрийн энэ өдөр олон улсад дутуу төрсөн нярайн эрүүл мэндийг хамгаалахад бүх нийтийн анхаарлыг хандуулдаг. Манай улсад ч үүнтэй адил арга хэмжээнүүдийг ЭХЭМҮТ, төрөх эмнэлгүүд зохион байгуулдаг уламжлалтай. Өнөө жил нийслэлийн “Өргөө” амаржих газраас “Дутуу төрөлтөөс сэргийлэх нь” сэдэвт өдөрлөг зохион байгуулав.
2025-11-18
Байгалийн шилдэг гэрэл зурагчдыг шалгаруулав
Монгол Улсын Ерөнхийлөгчийн ивээл дор жил бүр уламжлал болгон зохион байгуулдаг “Монголын байгалийн шилдэг гэрэл зураг-2025” олон улсын уралдааны шилдгүүдийг өчигдөр шалгарууллаа. Тус уралдааны “Зэрлэг амьтан” төрөлд гэрэл зурагчин Г.Батсүхийн “Ой дахь чимээ” тэргүүн байрын шагнал хүртсэн бол Э.Мөнхбаярын “Шунал” бүтээл удаалжээ. Гуравдугаар байрт Б.Баатарсүрэнгийн “Говийн зэрлэг адуу” зураг шалгарсан байна. Мөн “Ахуй” төрөлд Э.Буянзаяа “Хайрын мадгирал” бүтээлээрээ тэргүүлсэн бол хоёрдугаар байрын шагналыг гэрэл зурагчин Б.Эрдэнэбулган “Бүргэдийн анчид”- аараа хүртжээ. Түүнчлэн гуравдугаар байрт гэрэл зурагчин М.Ганзоригийн “Өглөө” хэмээх бүтээлийг шалгаруулсан байна.
2025-11-18
Өрхийн дундаж орлого, зарлага өссөн гэв
Үндэсний статистикийн хорооноос энэ оны эхний 10 сарын нийгэм, эдийн засгийн зарим үзүүлэлтийг танилцууллаа. Тодруулбал, тайлант хугацаанд манай улсын нийт өрхийн дундаж орлого 1.9 сая төгрөг байсан нь өнгөрсөн жилийн мөн үеийнхээс 71 700 төгрөгөөр өссөн дүн аж. Үүнд цалин хөлс 79 400, хөдөө аж ахуйн үйлдвэрлэлийн орлого 9400 төгрөгөөр өссөн нь түлхүү нөлөөлжээ. Мөн нэг өрхийн сарын бодит зарлага 1.9 сая төгрөг болж 2024 оны мөн үеийнхээс 93 700 төгрөгөөр мөн өссөн байна. Уг өсөлтөд хүнсний бус бараа, үйлчилгээний зардал хамгийн их буюу 84.4 мянган төгрөгөөр нэмэгдсэн нь нөлөөлсөн гэнэ.
2025-11-18
Гол, нуурын мөс цөмөрч, автомашин живжээ
Гол, нуур мөстөж, мөсөн бүрхүүл тогтсон ч явганаар болон автомашинтай зорчих, тээвэр хийх нөхцөл бүрдээгүй байгааг онцгой байдлын байгууллагаас сэрэмжлүүллээ. Тухайлбал, өнгөрсөн амралтын өдрүүдэд мөс цөмөрсөн хоёр дуудлага онцгой байдлын байгууллагад ирүүлжээ. Хөвсгөл аймгийн Түнэл сумын Цэнгэл нуур дээгүүр зорчиж явсан зургаан хүнтэй гурван автомашин мөсөнд цөмөрсөн байна
2025-11-18
