Супер цомыг хэн өргөх вэ
УЕФА-ийн Супер цомын төлөө “Аваргуудын лиг”-ийн аварга Францын ПСЖ, Европа лигийн аварга, Английн “Тоттенхэм” багууд маргааш Италийн Удине хотын “Staduo Friuli” цэнгэлдэх хүрээлэнд өрсөлдөнө. Европын клубүүдийн хоёр том тэмцээний аварга багуудын тоглолтын өмнөх мэдээллээс хүргэе.
2025-08-13
К.Роналду, Ж.Родригес нар сүй тавилаа
Есөн жилийн дараа Нэрт хөлбөмбөгчин К.Роналду болон түүний найз бүсгүй Жоржина Родригесийн хайр дурлалын романс есөн жил үргэлжилж буй. Тэд дундаасаа хоёр хүүхэдтэй бөгөөд өнгөрсөн хугацаанд баяр хөөртэй, хэцүү олон үеийг даван туулсан юм. Гэхдээ тэд хуримаа хийгээгүй байгаа.
2025-08-13
Хүнд суртлын үнэлгээнд хяналт тавина
Монголын үндэсний худалдаа аж үйлдвэрийн танхим (МҮХАҮТ) хүнд суртлын үнэлгээнд хяналт тавих нь. Тодруулбал, Тэргүүн шадар сайд Н.Учрал, МҮХАҮТ-ын ерөнхийлөгч Б.Лхагважав нар төрийн албаны хүнд суртлыг бууруулж, бизнесийн эрх чөлөөг хангуулах, холбогдох эрх зүйн орчныг сайжруулах талаар санал солилцсон байна.
2025-08-13
АНУ-д гангийн үйлдвэр дэлбэрч хоёр хүн амиа алдав
АНУ-ын Пенсильвани мужийн гангийн үйлдвэрт дэлбэрэлт болсны улмаас хоёр хүн нас баржээ. Тодруулбал, Пенсильвани мужийн Питтсбург хотын ойролцоох “Клэртон” гангийн үйлдвэр уржигдар шөнө дэлбэрсний улмаас хоёр хүн амиа алдаж, 10 иргэн хүнд гэмтэж, нэг нь сураггүй алга болжээ. Дэлбэрэлтийн улмаас амиа алдсан нэг хүнийг хэн болохыг албаныхан одоогоор тогтоож чадаагүй байна. Томоохон хэмжээний дэлбэрэлт үйлдвэрийн нэг хэсгийг бүрэн сүйтгэсэн бөгөөд ослын шалтгааныг одоогоор тогтоогоогүй, мөрдөн шалгах ажиллагааг үргэлжлүүлж буй гэнэ.
2025-08-13
Улаанбаатарт агаарын чанарын гурван станц нэмж суурилуулна
Нийслэлд агаарын чанар хэмжигч суурин харуул бүхий 19 станц бий. Тэгвэл үүний тоог ирэх онд гурваар нэмэх нь. БНСУ-ын Үндэсний ассамблей, Байгаль орчны корпорац, Солонгосын олон улсын хамтын ажиллагааны байгууллага (КОИКА)-ын төлөөлөгчид саяхан манай улсад ажиллахдаа ирэх онд Улаанбаатар хотод нэмэлтээр гурван станц суурилуулж, шаардлагатай бусад багаж, тоног төхөөрөмжийг олгохоор болсноо мэдэгдсэн байна.
2025-08-13
Ирэх оны төсвийн хөрөнгө оруулалтыг 9.6 их наяд төгрөгт багтаана
Монгол Улсын 2026 оны төсвийн төсөлд И-Монголиа болон Засгийн газрын олон нийттэй харилцах 11-11 дугаарын утсаар иргэд, олон нийтээс санал авч буй. Эл санал асуулгын урьдчилсан дүнг Ерөнхий сайдын ахлах зөвлөх Б.Даваадалай Засгийн газрын гишүүдэд танилцуулсан байна. Өчигдрийн байдлаар нийт 154 мянга гаруй иргэн төсөлд саналаа өгчээ. Төсвийн үр ашгийг сайжруулахад ямар бодлого хэрэгжүүлэх вэ гэсэн асуулгад 18395 иргэн хэт тэлэлтийг бууруулах хэрэгтэй гэж хариулсан байна. Мөн 102 мянга гаруй хүн татварын хувь хэмжээг бууруулахыг дэмжжээ.
2025-08-13
Туулын хурдны зам барихаар эхний ээлжид 15 нэгж талбар газрыг чөлөөллөө
Туулын хурдны зам барих ажлын хүрээнд нийт 132 нэгж талбар буюу 134.3 га газрыг чөлөөлөхөөр төлөвлөсөн байна. Тэгвэл үүнээс эхний ээлжид 15 нэгж талбар газрыг Сонгинохайрхан дүүрэгт чөлөөлөөд буйг Нийслэлийн газар зохион байгуулалтын албаны дарга Г.Мөнхбаатар мэдээлэв. Улаанбаатар хотын авто замын сүлжээг өргөтгөж, түгжрэлийг бууруулах чухал төслийн нэг нь энэхүү хурдны зам билээ. 2.3 их наяд төгрөгөөр барьж, 2027 онд ашиглалтад оруулахаар төлөвлөсөн уг бүтээн байгуулалтын гүйцэтгэгчээр Хонгконгийн “Хао Юань групп” шалгарч, ажлаа ийнхүү эхлүүлээд байгаа аж.
2025-08-13
Дорноговьд экологийн судалгааны суурин байгуулжээ
Байгаль, зэрлэг амьтдыг хамгаалах нийгэмлэг (WCS) Монгол Улсад үйл ажиллагаа явуулж эхэлсний 22 жилийн ойгоо тохиолдуулан Дорноговь аймгийн Хатан¬булаг сумд Говийн экологийн судалгааны суурин байгуулжээ. Тус сумын нутагт дэлхийд нэн ховор, ховорт тооцогддог аргаль, хар сүүлт, цагаан зээр, саарал чоно, мануул, шилүүс зэрэг амьтан нутаглаж, Монгол орны хулангийн хамгийн том популяц байршдаг тул өргөн хүрээний судалгаа шинжилгээ хийж, байгаль хамгааллыг эрчимжүүлэх зорилгоор ийм суурин байгуулсан аж.
2025-08-13
Эзэнгүй нохдыг хоргодох байранд байлгана
Энэтхэгийн дээд шүүхээс хотуудын захирагчдад эзэнгүй нохдыг яаралтай нүүлгэн шилжүүлэхийг даалгалаа. Тодруулбал, нийслэл Дели болон түүний ойролцоох бүс нутагт хүүхэд, ахмадууд нохойд хазуулснаас үүдэн бэртэх, галзуу өвчин тусах тохиолдол сүүлийн саруудад эрс нэмэгдсэн байна.
2025-08-13
“Эмэгтэйчүүд, жендер ба манлайлал-2025” бага хурал болно
Тайландын Хаант Улсын нийслэл Бангкок хотод ирэх сарын 25-26-нд “Эмэгтэйчүүд, жендер ба манлайлал-2025” олон улсын хоёрдугаар бага хурал болно. БНЭУ-ын Рама, Тайландын Шинаватра их сургуулиас хамтран зохион байгуулж буй тус бага хурал “Эрх мэдлийн тогтолцооны шинэчлэл” сэдвийн дор өрнөх юм.
2025-08-13
Хууль зүйн салбарынхан нэмж 1.6 их наяд төгрөг хүсэв
Хууль зүй, дотоод хэргийн салбарын 2026 оны төсвийн төсөлд санал авах хэлэлцүүлэг өчигдөр болов. Тус салбарт УБЕГ, ЦЕГ, Хил хамгаалах, Шүүхийн шинжилгээний, Архивын ерөнхий газар, ШШГЕГ, Дотоод хэргийн их сургууль, Гадаадын иргэн, харьяатын зэрэг байгууллага харьяалагддаг. ХЗДХЯ-ныхан эдгээр байгууллагаас санал авч нэгтгээд, ирэх онд нийт 3.6 их наяд төгрөгийн төсөв батлуулахаар ханджээ.
2025-08-13
“Tech week” технологийн долоо хоног болно
Цахим хөгжил, инновац, харилцаа холбооны яам болон Мэдээллийн технологийн үндэсний паркийнхан “ICT forum 2025” арга хэмжээг ирэх сарын 25-26-нд зохион байгуулах болсноо зарласан. Тэгвэл уг ажлыг зохион байгуулах багийнхан хуралдаж, форумын үеэр болох бусад арга хэмжээний талаар танилцуулав. Хувийн хэвшлийнхний санаачилгаар “Tech week” нэртэй технологийн долоо хоногийг өнөө жилээс эхлэн тогтмол зохион байгуулахаар болжээ. Ирэх сарын 19-26-нд дэлхийн бусад улс орны жишгийн дагуу олон хөтөлбөр, төлөвлөгөөтэйгөөр хэрэгжүүлэх аж.
2025-08-13
Ган үйлдвэрлэлийн цогцолборын төсөлд 412.2 сая ам.долларын хөрөнгө оруулалт шаардлагатай
Хөгжлийн төслүүдийн хэрэгжилтийг эрчимжүү¬ лэх зарим арга хэмжээний тухай Засгийн газрын тогтоол, Ерөнхий сайдын захирамжийн дагуу Дархан, Сэлэнгийн бүсийн “Үйлдвэр технологийн парк”ийн хөгжлийн төлөвлөгөө болон Ган үйлдвэрлэлийн цогцолбор байгуулах төслийн ТЭЗҮ-ийг батлуулан, хөрөнгө оруулагчийг сонгон шалгаруулах үүрэг бүхий ажлын хэсгийг байгуулсан.
2025-08-13
Мартаж үл болох сэдэв буюу герман эрдэмтний сануулга
Нэрт жүжигчин Дензел Вашингтон гол дүрийг нь бүтээсэн “Элигийн судар” (The book of Eli) хэмээх кино байдгийг уншигчид андахгүй биз. Дайн дажин, экологийн сүйрлийн улмаас эх дэлхийд маань аюул гамшиг нүүрлэж, аль хэдийн цогцолсон соёл иргэншлийг устган үгүй болгож, хүн төрөлхтөн нэгнээ өчүүхэн ч эргэлзээ тээнэгэлзэлгүй хөнөөж, дусал цэвэр усны төлөө амь хайргүй тэмцэн, хэдэн 10 сая ам.долларын үнэтэй бугуйн цагаа мулталж өгөөд ч давуу эрх эдэлж ахиухныг авах боломжгүй, ер амьдралын үнэнд гүйцэгдсэн шимширмээр ертөнцийн тухай тэнд гардаг даа.
2025-08-13
Нийслэлийн төсвийн зарцуулалтыг шалгуулахаар өргөдөл гаргажээ
Нийслэлийн төсвийн төлөвлөлт, зарцуулалт олон нийтэд ил тод бус, үрэлгэн гэсэн шүүмжлэл байнга гардаг. Сүүлийн үед Улаанбаатар хотод өрнөж буй авто болон явган хүний замын засвар, шинэчлэлийн ажилтай холбоотойгоор ийм шүүмжлэл эрчээ аваад байгаа. Тэгвэл нэр бүхий иргэн нийслэлийн төсвийн зарцуулалтад хяналт шалгалт хийлгүүлэхээр “D-Parliament” цахим системд нийтийн өргөдөл гаргажээ.
2025-08-13
Хүүхэлдэй урлаачдын үзэсгэлэнд саатаарай
Монголын хүүхэлдэйн уран бүтээлчдийн анхдугаар үзэсгэлэнг Урчуудын эвлэлийн галерейн танхимд маргааш олны хүртээл болгох нь. Энэхүү үзэсгэлэнд манай орны өнцөг булан бүрээс ирсэн 20 гаруй хүүхэлдэйн уран бүтээлч оролцож, өөрсдийн шилмэл бүтээлүүдийг нийтэд толилуулах аж.
2025-08-12
Медиа, маркетингийн шилдэг илтгэлүүдтэй танилцаарай
1954 оноос хойш Франц улсын Канн хотноо жил бүр уламжлал болгон зохион байгуулдаг маркетинг, зар сурталчилгааны салбарын хамгийн том арга хэмжээ бол Cannes Lions international festival of Creativity юм. Энэ жилийн фестиваль зургадугаар сарын 16-20-нд зохиогдсон бөгөөд дэлхийн шилдэг брэндүүд, маркетингийн захирлууд, медиа компаниуд гэхчлэн энэ салбарт үйл ажиллагаа явуулдаг 97 орны 12 мянга орчим хүн оролцжээ.
2025-08-12
Ирэх өвөл хатуухан болж, хаваржилт хүндрэх нь
Улсын онцгой комиссын хуралдаан өчигдөр болж, хөдөө аж ахуй, эрчим хүчний салбарын 2025-2026 оны өвөлжилтийн бэлтгэл ажлын явц, цаг уур, орчны шинжилгээний мэдээлэл болон бусад асуудлаар хэлэлцэж, холбогдох шийдвэрүүдийг гаргалаа. Манай улсын нийт нутгийн 0.5 хувь нь маш хүчтэй гантай, 3.2 хувь нь хүчтэй гантай, 9.9 хувь нь гантай, 18.7 хувь нь гандуу, 67.6 хувьд нь зуншлага хэвийн байгааг хуралдааны эхэнд мэдээлэв. Тодруулбал, Увс, Баян-Өлгий, Ховд, Дархан-Уул аймгийн ихэнх, Завхан, Говь-Алтай, Баянхонгор, Төв, Сэлэнгийн зарим сумд гантай болон гандуу байгаа аж. Бэлчээрийн ургамлын гарц, гангийн зураглалын мэдээллээс харахад ирэх өвөл хатуухан болж, хаваржилт хүндрэх эрсдэлтэй байна.
2025-08-12
Түрээсийн харилцаанд итгэлцлээс илүү эрх зүйн баталгаа чухал
Хотын А зэрэглэлийн бүс дэх орон сууцаа хоёр хүүхэдтэй залуу хосод барьцаа мөнгө авалгүй түрээсэлсэн боловч шал, хана, гал тогооны шүүгээ, ариун цэврийн өрөөг минь авах юмгүй болгосон. Турник тогтоогоод, ханануудыг өм цөм нүхэлчихсэн байсан. “Өөрсдөө засаж өгөөрэй” гээд орхитол шалаар нэг шороо, будаг, шохой тараачхаад явсан байв. Амьдарч байгаа гэр орноо ингэж ашиглаж болдог юм уу. Монгол хүн нүүхдээ гэрийн буйраа цэвэрлээд явдаг биз дээ.
2025-08-12
