Үргэлжлэн орж буй борооны улмаас Улаанбаатар-Даланзадгад чиглэлийн автозамыг тодорхойгүй хугацаагаар хаах болжээ. Өнөөдрийн байдлаар Өмнөговь аймгийн Онцгой байдлын газарт иргэдээс Даланзадгад сумаас Баяндалай хүртэлх автозамд үерийн улмаас саатсан тухай 30 гаруй дуудлага иржээ. Даланзадгад сумаас Баяндалай хүртэлх автозам эвдэрч, автомашин зорчиход хүндрэлтэй нөхцөл байдал үүссэн байна. Тиймээс аймгийн онцгой комисс яаралтай хуралдаж, уг замыг хаахаар шийдвэрлэсэн байна.
