Говь-Алтай аймгийн БОАЖГ-аас “Хавхгүй-Алтай” аяныг зохион байгуулж 460 орчим хавхыг хураан авч, хууль бус агнуураас урьдчилан сэргийлсэн байна. Мөн түүний бэлдэц төмрөөр агнуурт өртдөг ховор нэн ховор амьтдын дүрс бүхий баримал урлалыг нутгийн төмөр хийц баримлын уран дархан залуучуудаар хийлгэн олон нийтэд сурталчлан ажиллаж буй аж.
Нэг хавханд жилд дунджаар арван амьтан өртдөг гэх судалгаа байдаг. Түүнчлэн хавханд ихэвчлэн хамгийн дорой, өвчтэй байгалийн голомтот халдварт тахал тарааж болзошгүй тарвага, зурам зэрэг амьтад өртдөг болох нь тогтоогджээ. Иймд зэрлэг амьтны гаралтай халдварт өвчлөл ялангуяа тарваган тахал өвчнөөс урьдчилан сэргийлэхийг Говь-Алтай аймгийн БОАЖГ-аас уриалж байна
