Хүүхдийг зам, тээврийн ослоос сэргийлэх “Шар дарцаг” аянд нэгдээрэй
Нийслэлийн ЗДТГ-аас санаачлан нийслэлийн Боловсролын газар, нийслэлийн Цагдаагийн удирдах газар, Тээврийн цагдаагийн албатай хамтран “Шар дарцаг” аяныг тав дахь жилдээ зохион байгуулж байна. Эл аяныг энэ сарын 7-ноос арванхоёрдугаар сарын 7-ныг дуустал нэг сарын хугацаатай эхлүүлж буйгаа өчигдөр мэдээлэв
Уржигдар 13 цаг 30 мин
Ингэний ариутгасан сүүний кодексийн олон улсын стандартыг батлахыг дэмжлээ
Олон улсын хүнсний стандартчиллын байгууллага болох Кодекс алиментариус комиссын 48 дугаар чуулган Италийн Ром хотноо энэ сарын 11-нд болж өндөрлөлөө. Тус хуралдааны үеэр Монгол Улсын дэвшүүлсэн “Ингэний ариутгасан сүүний кодексийн стандартын санал”-ыг хэлэлцэн зөвшилцсөний үндсэнд нийт 39 улс албан ёсоор дэмжиж, комисст бүртгэсэн байна. Энэ нь монголчуудын хувьд шингэн хүнсний стандарт бие даан боловсруулан, батлуулж буй анхны тохиолдол гэв.
Уржигдар 12 цаг 30 мин
Мэргэжлээс шалтгаалсан өвчин судлалын эмнэлгийн барилгыг хүлээлгэн өглөө
Засгийн газрын шийдвэрээр Хөдөлмөрийн аюулгүй байдал, эрүүл мэндийн төв (ХАБЭМТ)-ийн дэргэд Мэргэжлээс шалтгаалсан өвчин судлалын эмнэлэг шинээр барихаар болж, ажлыг нь 2023 оноос эхлүүлжээ. Тэгвэл тус эмнэлгийг найман давхар, 3500 ам метр талбайтайгаар барьж дуусган, ХАБЭМТ-ийнхөнд энэ сарын 12-нд хүлээлгэн өгчээ.
Уржигдар 11 цаг 30 мин
Монголын шигшээ мөнгөн медаль хүртэв
Улаанбаатар хотын Хандгайт дахь “Олимп спорт цогцолбор”-т зохион байгуулсан спортын хутга шидэлтийн ДАШТ-д дөрвөн орны 150 гаруй тамирчин өрсөлдөв. Цэц мэргэн, авхаалж самбаагаа сорьсон эл тэмцээнд хойд хөршийн баг 27 алт, 26 мөнгө, 23 хүрэл медаль хүртэж түрүүллээ. Монголын шигшээ энэ удаа тус бүр долоон алт, мөнгө, 10 хүрэл нийт 24 медаль авч амжилтаар II, Казахстаны тамирчид нэг мөнгөн медальтай III байр эзэлсэн байна. Тэмцээний үеэр сургалт явуулж, манай улсаас гурван шүүгч олон улсынтэмцээн шүүх эрхийн батламжаа Олон улсын спортын хутга шидэлтийн холбооны тэргүүнээс гардан авчээ.
2025-11-13
Монголын баг “Physical: Asia” шоуны шилдэг дөрөвт тунаж үлдлээ
“Netflix”-ийн “Physical: Asia” шоуны шилдэг дөрвөн багийг уржигдар тодрууллаа. Анх найман багтайгаар эхэлж байсан тус шоунд өдгөө Монгол, Австрали, БНСУ, Япон гэсэн дөрвөн улсын тамирчид тунаж үлдэн, ур чадвар, авхаалж самбаа, хүч чадлаараа өрсөлдөж байна. Шилдэг дөрвөн багаас япончууд тавдугаар даалгаварт ялалт байгуулснаар дараагийн шатанд оролцох эрхээ авчээ. Харин үлдсэн гурван баг “Үхлийн тулаан”-д орох бөгөөд хасагдсан тамирчид эл шоуг өндөрлүүлэх юм. Уг шоуны 10-12 дугаар ангийг энэ сарын 18-нд үзэгчдийн хүртээл болгож, ялагчдыг тодруулах аж.
2025-11-13
Автомашин худалдан авалт 25 хувиар буурчээ
Иргэдийн худалдан авах чадвар буурсан уу, эсвэл Улаанбаатарт автомашин унах нь бэрхшээлтэй болсных уу, суудлын болон ачааны автомашины худалдаа, импортын хэмжээ буурчээ. Тодруулбал, энэ оны эхний 10 сард улсын хэмжээнд суудлын автомашин 82 550, ачааных нь 18 455 импортолсон нь өнгөрсөн жилийн мөн үеийнхээс нийт 25 орчим хувиар багассан дүн болсныг Үндэсний статистикийн хорооны тайланд дуржээ.
2025-11-13
Хот хоорондын зорчигч тээврийн тасалбарын үнийг нэмлээ
Хот хооронд зорчигч тээврийн үйлчилгээ үзүүлдэг дөрвөн чиглэлийн автобусны тасалбарын үнийг энэ сарын 17-ноос нэмэхээр болсныг Авто тээврийн үндэсний төвөөс мэдээлэв. Тодруулбал, Улаанбаатар-Булган аймгийн Булган сум чиглэлийн нийтийн тээврийн үйлчилгээний тариф хүүхдийнх 16 400 төгрөг байсныг 20 000, том хүнийхийг 32 800-гаас 40 000 болгон нэмжээ.
2025-11-13
Төрийн нууцын жагсаалтыг УИХ баталдаг болох нь
Засгийн газрын өчигдрийн ээлжит хуралдаанд Төрийн болон албаны нууцын тухай хуульд нэмэлт, өөрчлөлт оруулах, Төрийн нууцын жагсаалт батлах тухай хуулийн төслийн үзэл баримтлалыг танилцуулсан байна. Сүүлийн жилүүдэд төрийн байгууллага, албан тушаалтнаас нууцад авах мэдээлэл өргөжсөн, ингэхдээ явцуу ашиг сонирхлын үүднээс ийм зэрэглэлд хамруулах нь нэмэгдсэн аж.
2025-11-13
Эмч нар өнөөдөр ажил хаяхгүй
Эрүүл мэндийн салбарын эмч, сувилагч, ажилтнууд үндсэн цалингаа 3.5 сая төгрөгт хүргэхгүй бол арваннэгдүгээр сарын 13-ны 08.00 цагт улс орон даяар ажил хаяхаа мэдэгдээд байв. Эмч, ажилтнууд тэмцлээ хурцатгаж, уржигдар Сүхбаатарын талбайд суулт зарлаж, хоносон юм. Тэд өчигдөр “Дахин тэвчихгүй” уриан дор нэгдэж, хугацаагүй суулт зарлаж буйгаа мэдэгдлээ. Талбайд байрлуулсан индэр дээр нийслэл, орон нутгийн эрүүл мэндийн байгууллагын төлөөллүүд үг хэлж, үзэл бодлоо илэрхийлсэн юм.
2025-11-13
Хөгжлийн банкны гүйцэтгэх захирал З.Нарантуяаг үүрэгт ажлаас нь чөлөөлөв
Засгийн газрын ээлжит хуралдаанаар Хөгжлийн банкны гүйцэтгэх захирал З.Нарантуяаг үүрэгт ажлаас нь чөлөөлөх шийдвэр гаргалаа. Засгийн газрын Хэвлэл мэдээлэл, олон нийттэй харилцах газрын дарга Н.Баасандамба “Хуулийн дагуу Хөгжлийн банкны гүйцэтгэх захирлыг олон улсад нээлттэй сонгон шалгаруулалтаар томилох учиртай байтал шууд томилсон нь хууль зөрчсөн үйлдэл гэж үзлээ” хэмээн мэдэгдсэн юм.
2025-11-13
Монгол Улсын 2026 оны төсвийг баталлаа
УИХ-ын нэгдсэн чуулганы өчигдрийн хуралдаанаар ирэх оны төсвийг баталлаа. Сүүлийн хоёр өдөр байнгын хороод, нэгдсэн чуулганаар төсөв, түүнтэй холбогдох хуулийн болон дагалдаж оруулж ирсэн төслүүдийн хэлэлцүүлгийг “машиндсан” юм
2025-11-13
“Туул” рестораныг соёлын өвд бүртгэх тогтоолыг ИТХ дахин хэлэлцэх нь
Монгол барилгачид дэлхийн II дайны дараах жилүүдэд буюу 1946-1948 онд барьж ашиглалтад оруулсан “Туул” рестораныг С.Болдхэтийн үүсгэн байгуулсан “Нарантрейд” ХХК-ийнхан буулгаж, оронд нь олон улсын франчайз зочид буудал барих гэж хөөцөлдөж байгаа. Энэ талаар манай сонин өнгөрсөн есдү¬ гээр сарын 1-ний дугаартаа “Туул” рестораныг үгүй болгож, оронд нь дөрвөн одтой зочид буудал барина гэв үү” гэсэн нийтлэлээрээ уншигчдад хүргэсэн билээ. Улаанбаатар хотын анхны нийтийн хоолны үйлчилгээний зориулалттай эл барилгыг 1997 онд дээрх компанийнхан хувьчилж авсан гэдэг. Улмаар 2023 оноос олон улсын сүлжээ зочид буудал байгуулахаар эрхээ авсан хэмээн өөрсдөө тайлбарлаж буй.
2025-11-12
