Төлөвлөгөөгөөр халдварт бус өвчнөөс урьдчилан сэргийлэх эрх зүйн орчныг, тандалт, мэдээллийн тогтолцоог сайжруулах, нотолгоонд суурилсан шийдвэр гаргах, эрүүл мэндийг дэмжих үйл ажиллагааг өргөжүү лэх, анхан шатны эрүүл мэндийн тусламж, үйлчилгээг бэхжүүлэх, эрт илрүүлэг, оношилгоо, эмчилгээний хүртээмжийг нэмэх гэсэн стратегийн зургаан чиглэлийг хэрэгжүүлэхээр төлөвлөсөн байна. Тухайлбал, тамхи, архины хэрэглээ, эрүүл бус хооллолт, хөдөлгөөний хомсдол, таргалалт зэрэг халдварт бус өвчний гол эрсдэлт хүчин зүйлийг бууруулахад чиглэсэн бодлого, арга хэмжээг эрчимжүүлж, салбар хоорондын хамтын ажиллагааг бэхжүүлэх, эрүүл орчныг бүрдүү лэхэд онцгойлон анхаарч ажиллах гэнэ. Энэ нь Монгол Улсын урт хугацааны хөгжлийн бодлого, Тогтвортой хөгжлийн зорилтуудтай уялдсан бөгөөд 2030 он гэхэд халдварт бус өвч ний шалтгаант цаг бусын нас баралтыг гуравны нэгээр бууруулах үндэсний зорилтыг хэрэгжүүлэхэд чухал нөлөөтэй гэж мэргэжилтнүүд тодотголоо. Ташрамд дурдахад, зам, тээврийн ослын нас баралт, өсвөр насны охидын төрөлтийн түвшин бүс нутгийнхаас өндөр буйг анхаарах шаардлагатай байгаа аж.
Ч.Болор
