“Жинжий майнинг” ХХК-ийн ажилчдын байранд хүний амь эрсдэх дөхөв
Газрын хэвлийн нөхөн сэргээлтийг 2022-2025 оны хооронд хийх зөвшөөрөл авсан, өдгөө Багахангай-Хөшигийн хөндий чиглэлийн төмөр замын бүтээн байгуулалтад оролцож буй “Жинжий майнинг” компанийн ажилчдын байранд хүний эрүүл мэндэд халдсан хэрэг гарав. Төв аймгийн Сэргэлэн сумын нутаг дахь тус компанийн ажилчдын амрах байранд нэгдүгээр сарын 28-ны 16.40 цагийн үед ийм явдал болсон талаар цагдаагийн байгууллагад мэдээлэл ирсэн аж. Үүний дагуу Төв аймгийн Цагдаагийн газрынхан очиж шалгахад 31 настай М гэх залуу согтууруулах ундаа хэрэглэсэн үедээ Э-ийг нэг бус удаа хутгалж гэмтээсэн байсан гэнэ.
2026-02-02
Байшин шатаж хүн амиа алдсан хэрэгт архи хамт уусан иргэнийг шалгаж байна
Төв аймгийн төвд өнгөрсөн сарын 28-нд айлын байшин шатаж, дотор нь байсан хүн амиа алдсан хэрэг гарлаа. Тус аймгийн Зуунмод сумын Ланс багийн нутаг дахь нэгэн байшин шатаж байгаа тухай мэдээлэл, цагдаа, онцгой байдлын байгууллагад өнгөрсөн долоо хоногийн лхагва гаргийн 15:00 цагийн үед иржээ. Үүний дагуу онцгой байдлын албаныхан очиж галыг унтраахад дотроос нь нэг хүний цогцос олдсон байна. Талийгаач нь 51 настай Н гэх хүн байсан бөгөөд Төв аймгийн Цагдаагийн газрынхан мөрдөн шалгах ажиллагааг шуурхай явуулж, түүнтэй хамт архи уусан 40 настай Н гэх эрийг холбогдуулан шалгаж эхэлжээ.
2026-02-02
Газрын доорх усны баруун эх үүсвэрийг ирэх сард ашиглалтад оруулна
Монгол Улсын Засгийн газар болон АНУ-ын Мянганы сорилтын корпорацын хооронд байгуулсан хоёр дахь компакт гэрээний хүрээнд Улаанбаатар хотын ус хангамжийг нэмэгдүүлэх төслийн барилга угсралтын ажил дуусах дөхсөн бөгөөд ирэх гуравдугаар сард багтаан ашиглалтад өгөхөөр болжээ. Нийслэлийн өсөн нэмэгдэж буй усны хэрэгцээг байгаль орчинд сөрөг нөлөөгүйгээр, урт хугацаанд тогтвортой хангах зорилгоор газрын доорх усны баруун эх үүсвэрийг байгуулан ашиглах, хаягдал усаа дахин боловсруулах боломжийг бүрдүүлж буйгаараа уг төсөл ач холбогдолтой юм.
2026-02-02
Ц.Санжаачойпэл, Б.Амарсайхан нарын дөрвөн хүнд зорчих эрх хасах ял оноов
ХААН банкны нөлөө бүхий хувьцаа эзэмшигч, “Таванбогд групп” ХХК-ийн эзэн Ц.Баатарсайханы хүү, “Говь” ХК-ийн гүйцэтгэх захирал Амарсайхан, УИХ-ын гишүүн асан, “GEM групп”-ийн эзэн, улсын гарди Ц.Цэрэнпунцагийн хөвгүүн Санжаачойпэл, хууль тогтоогч асан, “Эрэл” ХХК-ийг үүсгэн байгуулагч Б.Эрдэнэбатын хүү Тэмүүлэн, иргэн Л.Алтан-Очир нарт холбогдох хэргийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд өнгөрсөн долоо хоногийн пүрэв гарагт хэлэлцэн шийдвэрлэв. Шүүхийн шийтгэх тогтоолыг танилцуулж буйг олон нийтийн сүлжээгээр үзсэн иргэд шийдвэрт илтэд дургүйцэж байгаагаа илэрхийлцгээж байлаа.
2026-02-02
Г.ТЭЛМЭН: Төрийн өмчийг хувьчлах үндсэн чиглэл хэлэлцэх гэж буй энэ үед “Монгол шуудан” компаниас суралцах зүйл их
Улаанбаатар хот, 21 аймаг, 330 сумд 1000 ажилтантай, улсад шимтгэл, хураамжид жилд дунджаар таван тэрбум төгрөг төвлөрүүлдэг “Монгол шуудан” хувьцаат компани хувьд бүрэн шилжих үү гэдэг олон нийтийн анхаарлын төвд байна. Иргэдийн эмзэг мэдээлэл, төрийн тусгай байгууллагуудын нууц мэдээллийг хадгалдаг, дамжуулдаг стратегийн чухал объектын хувьд төрийн мэдэлд байх шаардлагатай юу. Энэ мэт цаг үеийн асуудлаар “Монгол шуудан” ХК-ийн гүйцэтгэх захирал Г.Тэлмэнтэй ярилцлаа.
2026-02-02
Богдхан ууланд үзүүртэй, төмөр хашаанд буга сүлбүүлж үхжээ
Хан-Уул дүүргийн 23 дугаар хороо, Богдхан уулын дархан цаазат газрын Нүхтийн аманд буга гэмтсэн байна гэх дуудлага өнгөрсөн сарын 30-нд тус газрын хамгаалалтын захиргаанд иржээ. Тус захиргааны хариуцлагатай жижүүр болон байгаль хамгаалагчид газар дээр нь очиход тусгай хамгаалалттай газрын нутаг дэвсгэрт стандарт мөрдөөгүй, үзүүртэй төмөр хашаа давах үедээ буга сүлбүүлж, үхсэн байжээ.
2026-02-02
“Нээлттэй, цэгцтэй АН” үндэсний аян эхлүүллээ
АН-аас “Нээлттэй, цэгцтэй Ардчилсан нам” үндэсний аяныг өчигдрөөс эхлүүлж буйгаа зарлалаа. Улс төрийн намын тухай хуульд нийцүүлэн шинэчлэн найруулж, Дээд шүүхээр баталгаажуулсан үндсэн дүрэм, хөтөлбөрийнхөө хүрээнд тус намынхан бүх шатандаа дотоод бүтэц, зохион байгуулалтын өөрчлөлт хийж эхэлж буй нь энэ юм. Тэд хоёрдугаар сарын 1-нээс гуравдугаар сарын 10 хүртэл гишүүдийн бүртгэлээ шинэчилнэ. Үүний тулд AN+ хэмээх гар утасны аппликэйшн зохиожээ. Гишүүд нь үүгээр дамжуулан бүртгэлээ шинэчлэх юм байна.
2026-02-02
Сэлэнгэ аймгийн Засаг даргыг огцруулжээ
Сэлэнгэ аймгийн ИТХ нэгдүгээр сарын 30-нд хуралдаж, Засаг дарга Н.Лхагвадоржид хариуцлага тооцох асуудлыг хэлэлцсэн байна. Улмаар 41 төлөөлөгчийн 40-ийн саналаар түүнийг огцруулах шийдвэр гаргажээ
2026-02-02
Сошиалыг дагасан “сохор номингууд”
“Мега төсөл” гэх хоосон хийсвэр, уран зөгнөлт ертөнцийг эрх мэдэлтнүүд өөрсдөдөө зориулан бүтээж, ямар ч хамаагүй аргаар олон нийтийг түүндээ итгүүлэн үнэмшүүлэх гэж улайрсан төр засагтайгаа хамт монголчууд “Мета” компанийн бүрэн эрхшээлд орчихлоо. Ямар ард түмэн байна, тийм төр за саг бүрэлдэнэ гэдэгчлэн хэвлэл мэдээлэл, олон нийтийн сүлжээг ашиглан улс төрчид, эрх мэ дэлтнүүд тархи угаах пропаганда хийдэг Зохио мол хүлээн зөвшөөрөгдөлтийн онол өнөөгийн манай улсад жинхэнэ утгаараа биеллээ олж байх шиг. “Datareportal”-аас гаргасан мэдээллээс үзэхэд 2025 оны аравдугаар сарын байдлаар Монгол Улс дахь сошиал медиа идэвхтэй хэрэглэгч (олонх нь фэйсбүүк)-ийн тоо 2.7 сая давж, гурван жилийн өмнөхөөс даруй 400 мянгаар нэмэгджээ.
2026-02-02
“Babybio” оптима-1 нэр, төрлийн сүүн тэжээл авахгүй байхыг анхааруулав
Францын “Vitagermine” компанийн “Babybio” брэндийн “оптима-1” нэр, төрлийн нялхсын сүүн тэжээлийн гурван цуврал бүтээгдэхүүнд “Bacillus cereus” нянгийн хор илэрсэн байж болзошгүйтэй холбогдуулан урьдчилан сэргийлэх зорилгоор зах зээлээс буцаан татан авах тухай шийдвэр гаргасан талаар АНУ-ын Хүнс, эмийн агентлагаас мэдэгдэл гаргажээ.
2026-02-02
Английн иргэдтэй нууцлалын гэрээ байгуулсан албан тушаалтнуудыг шалгаж байна
Хууль зүй, дотоод хэргийн сайд Б.Энхбаяр Баянхонгор аймагт ажиллах үеэрээ нэгэн ноцтой мэдээллийг ил болгов. Анг лийн шүүхээс түүнд “Нууцлалын гэрээгээ зөрчлөө, шүүхээр оруулна” гэсэн агуулга бүхий сануулга ирсэн гэнэ. Ямар учиртай нууцын гэрээ, хэн, хэзээ байгуулсан гэдгийг шалгаад үзтэл Л.Оюун-Эрдэнийн Засгийн газартай хамааралтай байсан аж.
2026-02-02
Нийтийн тээврийн орлого 69.3 хувиар өсжээ
Нийслэлийн нийтийн тээвэрт зөвхөн Улаанбаатар смарт картаар зорчдог байсан бол 2025 онд цахим төлбөрийн систем нэвтрүүлсэн. Ингэснээр жилийн эцсийн орлого нь 69.3 хувиар буюу 23.1 тэрбум төгрөгөөр өссөн байна.
2026-01-31
“Монголын гал тогооноос дэлхийн тавцанд” нийтлэлд “Lhamour” брэндийг онцлов
НҮБ-ийн 2030 он хүртэлх Тогтвортой хөгжлийн зорилтод бодит хувь нэмэр оруулж буй олон улсын компаниуд дунд Монголын “Lhamour” брэндийг онцолсныг үүсгэн байгуулагч Д.Хулан нь дурдлаа. Мөн Австралид үйл ажиллагаа явуулдаг их сургуулиас тус брэндийн талаарх мэдээллийг номонд багтааж, сайн жишиг, загвар үйлдвэр хэмээн оюутнуудад танилцуулах болсон талаар Д.Хулан цахим хуудастаа өчигдөр тэмдэглэв.
2026-01-31
“Сүүлчийн нүүдэлчид”-ийн өчил
Нүүдэлчдийн ондоошил, амьдралын философи, соёл уламжлал, сэтгэлгээний онцлог, баялаг өвийг бодит түүх, баримтад түшиглэн баринтагласан “Сүүлчийн нүүдэлчид” номын нээлт өчигдөр “Чингис хаан” үндэсний музейд боллоо.
2026-01-30
Хэвийн боов, еэвэнгийн экспорт идэвхжиж байна
Хэвийн боов, еэвэнгийн экспортын статистик мэдээг Гаалийн ерөнхий газраас танилцууллаа. Тодруулбал, 2024 онд Швед, Швейцар, БНСУ руу нийт 1975 кг хэвийн боов нийлүүлсэн бол сүүлийн гурван жил АНУ руу тогтмол экспортлох болсон аж. Харин өнгөрсөн онд Швед рүү 469.2 кг еэвэн экспортолсон нь хамгийн өндөр үзүүлэлт болжээ. Монгол Улсын үндэсний үйлдвэрлэлийн бүтээгдэхүүн болох цагаан идээ, хэвийн боов, еэвэнгийн экспорт сүүлийн жилүүдэд идэвхжиж буй гэнэ. АНУ руу л гэхэд 2025 онд 6490 кг хэвийн боов нийлүүлсэн нь өнгөрсөн жилийнхээс хоёр дахин өссөн дүн аж.
2026-01-30
Татварын эрх зүйн орчныг боловсронгуй болгоход саналаа өгөөрэй
Улсын Их Хурлын даргын 2026 оны 29 дүгээр захирамжаар Татварын эрх зүйн орчныг боловсронгуй болгох санал, дүгнэлт гаргах, холбогдох хууль тогтоомжийн төсөл боловсруулах үүрэг бүхий ажлын хэсэг байгуулжээ. Ажлын хэсгийн ахлагчаар УИХын гишүүн Л.Соронзонболд, дэд ахлагчаар Б.Жаргалан гишүүн ажиллаж байгаа бөгөөд татварын эрх зүйн орчныг боловсронгуй болгох санал, асуулгыг иргэд, аж ахуйн нэгжүүдийн дунд өчигдрөөс эхлүүлээд байна.
2026-01-30
“Эдүтэн”-ээр 700 сургуулийн 510 мянган сурагч хичээллэж байна
Манай улс боловсролын салбартаа олон улсын цөөнгүй хөтөлбөр хэрэгжүүлж буйн нэг нь Финландын математикийн сургалтын тэргүү лэх платформ “Эдүтэн” юм. Энэ цахим системээр 2025-2026 оны хичээлийн жилд манай улсын төрийн болон орон нутгийн өмчийн ерөнхий боловсролын нийт 700 сургуулийн 1-6, сонголтоор 7-9 дүгээр ангийн 510 543 суралцагч хичээллэж буй аж.
2026-01-30
“Дакар ралли”-д оролцох тамирчдад хойшид дэмжлэг үзүүлдэг болох нь
“Ралли Рейд”-ийн ДАШТ-ий 2026 оны цувралын эхний тэмцээн болох алдарт “Дакар ралли”-гийн 48 дахь уралдаан Саудын Арабын элсэн цөлд энэ сарын 3-17-нд болж өндөрлөсөн. Тус тэмцээнд “Тал нутгаас Дакарт” төслийн тамирчин, ОУХМ Э.Халиунболд хурд сорьж, 13 дахь гарааны нийлбэр дүнгээр нийт тамирчдаас XVI байрт, “Ралли2” ангилалд VI байрт шалгарснаар Ази тивдээ төдийгүй улсдаа анх удаа шинэ хуудас нээж, түүхэн амжилт гаргасан.
2026-01-30
