Ойн хөнөөлт шавжийн тархалтыг хянах аппликэйшн хэрэглээнд нэвтрүүлжээ

Ойн хөнөөлт шавжийн тархалт, го­лом­тыг тогтоох судалгаа, тэмцлийн аж­лын үр дүнг нэгдсэн байдлаар хя­нах зорилгоор “EarthRanger” апп­ли­кэйш­нийг хэрэглээнд нэвт­рүүлж, ашиг­лаж эхэлснийг Ойн газ­раас мэдээлэв. Одоо­гоор ойн 42 анги, эр­дэм шинжилгээ, су­дал­гааны чиглэлээр үйл ажиллагаа явуулдаг болон төрийн, ху­вийн хэвшлийн 31 аж ахуйн нэгж, бай­гууллагын 130 га­руй хүн тус системд хэ­рэг­лэгчээр бүрт­гүү­лээд буй гэнэ. 
Ойн хө­нөөлт шавжтай холбоотой су­далгаа мони­торинг, тэмцлийн ажлын үр дүнг уг аппликэйшнд цаашид тогтмол оруулж, үүнд үндэслэн ой хамгаалах бод­­лого, төлөвлөгөөг боловсруулах аж. Ин­гэс­нээр энэ чиглэлийн ажилд та­вих олон нийтийн болон мэргэжлийн бай­гуул­ла­гын хяналт сайжирна гэж үзэж байна.

Ж.Сувд