Нийслэлд 24 хэм дулаан байна
15-нд ихэнх нутгаар дулаан, Алтайн салбар уулс, Арц Богдын өвөр хоолойгоор салхи, шороон шуурга шуурч, хуурайшилт нэмэгдэх тул болзошгүй ой, хээрийн түймрийн аюулаас сэрэмжтэй байхыг анхааруулж байна.
2025-04-15
Архангай аймаг агаарын чанарын хянах автомат станцтай боллоо
Монгол улс, БНСУ-ын Байгаль орчны яамдын хамтын ажиллагааны хүрээнд буцалтгүй тусламжаар 21 аймгийн Цаг уур, орчны шинжилгээний төвүүдийг агаарын чанарын автомат станцтай болгох ажлыг эхлүүллээ. Анхны автомат станцыг Архангай аймагт суурилуулсан бөгөөд 24 цаг, 365 хоног тасралтгүй ажиллах боломжтойг онцолж байна. Тус автомат станц нь хүхэрлэг хий, азотын ислүүд, байгаль орчны суурь үзүүлэлтүүд, нарийн тоосыг хэмжинэ. Өнгөрсөн хугацаанд 8:00, 12:00, 20:00 цагуудад механик байдлаар төв суурин газруудын агаарын чанарыг хэмждэг байсан бол өнөөдрөөс эхлэн бодит цагийн хэмжилтээр минут тутамд тооцоолох боломжтой болжээ.
2025-04-14
ФОТО СУРВАЛЖИЛГА: Туулын хөвөөг хогоор булах гэж тохижуулаагүй байлтай
Нийслэлчүүдийн ундны усны эх үүсвэр болсон Туул гол бохирдлынхоо түвшнээр Хятадын Шар мөрөнтэй эн зэрэгцэх хэмжээнд хүрснийг тухайн сав газрыг хариуцсан захиргааны дарга Б.Билгүүн “Өнөөдөр” сонины дөрөвдүгээр сарын 7-ны дугаарт өгсөн ярилцлагадаа дурдсан билээ. Иймд Туулын экосистемийг хамгаалах, нэмж бохирдол, ачаалал үүсгэхгүй байхад төр шат шатандаа анхаарах, иргэд дор бүрнээ хариуцлагатай хандахыг тэрбээр онцгойлон сануулсан юм. Тэгвэл бодит нөхцөл байдал ямар байгааг Туулын эрэгт байгуулсан нийтийн цэцэрлэгт хүрээлэн “хэлээдөгч” байна.
2025-04-12
Нийслэлд үүлшинэ
12-нд нутгийн зүүн өмнөд хэсгээр нойтон цас, цас орж, цасан шуурга шуурч, үзэгдэх орчин хязгаарлагдаж, зам, даваа гүвээнд халтиргаа гулгаа, мөстөлт үүсэхийг онцгойлон анхааруулж байна.
2025-04-12
Нийслэлд цас орж, цасан шуурга шуурна
Үүлэрхэг. Цас орж, цасан шуурга шуурна. Салхи баруун хойноос секундэд 7-12 метр, зарим үед секундэд 14-16 метр хүрч ширүүснэ. Хүйтэрч 4-6 хэм хүйтэн байна.
2025-04-11
Улаанбаатарт өдөртөө 17 хэм дулаан байна
Ихэнх нутгаар солигдмол үүлтэй. Баруун аймгуудын нутгийн зарим газар, төвийн аймгуудын нутгийн баруун хойд хэсгээр бага зэргийн бороо, нойтон цас орно. Бусад нутгаар хур тунадас орохгүй. Салхи баруун аймгуудын нутгаар баруун өмнөөс баруун хойш эргэж, бусад нутгаар баруунаас секундэд 6-11 метр, нутгийн зарим газраар секундэд 14-16 метр хүрч ширүүсэж, шороон шуурга шуурна. Увс нуур болон Дархадын хотгор, Монгол-Алтайн уулархаг нутаг, Завхан голын эх, Идэр, Тэс, Байдраг голын хөндийгөөр 6-11 хэм, Хэнтийн уулархаг нутаг, Орхон-Сэлэнгийн сав газар, говийн бүс нутгийн өмнөд хэсэг, Дорнод-Монголын тал нутгаар 18-24 хэм, бусад нутгаар 13-18 хэм дулаан байна.
2025-04-09
Нутгийн баруун хагаст үүлшинэ
Үүлшинэ, хур тунадас орохгүй, салхи хойноос секундэд 5-10 метр, өдөртөө +12…+14 градус дулаан байна. Нутгийн баруун хагаст үүлшинэ. Бусад нутгаар багавтар үүлтэй. Баруун аймгуудын нутгийн өмнөд, говийн аймгуудын нутгийн баруун хэсгээр бороо, нойтон цас орно. Бусад нутгаар хур тунадас орохгүй. Салхи нутгийн баруун хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, Алтайн салбар уулс болон Арц богдын өвөр хоолойгоор секундэд 12-14 метр хүрч ширүүснэ. Увс нуур болон Дархадын хотгор, Монгол-Алтайн уулархаг нутаг, Завхан голын эх, Идэр, Тэс, Байдраг голын хөндийгөөр +1…+6 градус, Алтайн өвөр говь, говийн бүс нутгийн өмнөд хэсгээр +15…+20 градус, говийн бүс нутгийн хойд хэсэг, Орхон-Сэлэнгийн сав газраар +12…+17 градус, бусад нутгаар +8...+13 градус дулаан байна.
2025-04-07
