Манай сэтгүүлч Ж.Эрдэнэцэцэг шилдэг бүтээлийн эзнээр шалгарав

Хавдар судлалын үндэсний төв (ХСҮТ), НҮБ-ын Хүүхдийн сан хамтран мэргэжлийн сэтгүүлчдийн дунд шилдэг бүтээлийн уралдаан зарласан билээ. Уралдаанд теле­виз, сонин, сайтын сэтгүүлчид олон бү­тээл ирүүлс­эн бөгөөд өчигдөр шилдгүүдээ шал­га­руул­лаа. Тэд хорт хавдрын шалтгаан, эрсдэлт хү­чин зүйлийн хор хөнөөл, нөлөөллийг буу­руулах, урьдчилан сэргийлэх зэрэг өргөн хү­рээ­ний сэдвээр нийтлэл, нэвтрүүлэг, ярилц­лага зэрэг сэтгүүл зүйн бүтээлийг олон нийтэд хүргэжээ.

Энэ онд хавдрын эсрэг анхаарал хан­дуулах өдрийг “Бидний түүх биднийг нэг­т­гэнэ. Хүн төвтэй тусламж, үйлчилгээ” уриан доор тэмдэглэн өнгөрүүлсэн. Үүний хү­рээнд зохион байгуулсан уралдааны хэв­лэмэл бүтээлийн төрөлд манай сонины сэт­гүүлч Ж.Эрдэнэцэцэгийн “Шинжлэх ухаа­наас зө­рүүд­лэхээ больё” бүтээл тэргүүн байрт шал­гарч, цомын эзэн боллоо. Тэрбээр “Өнөө­дөр” сонинд сэтгүүлчээс эхлээд Чөлөөт цаг, танин мэдэхүйн албаны дарга хүртэл 10 гаруй жил үр бүтээлтэй, үлгэр жишээ ажил­лаж буй юм. Нийгмийн хариуцлагын хү­рээнд “Өнөөдөр” сонин Монгол Улсын хүн амын нас баралтын тэргүүлэх шалтгааны нэг бол­сон хорт хавдраас сэргийлэх, бодлогын түв­шинд хүргэх асуудлаар акц өрнүүлж, асуудал дэвшүүлсэн нийтлэл, хэлэлцүүлэг зохион байгуулж ирсэн билээ.

Уралдааны видео бүтээлийн шилдгээр МҮОНТ-ийн сэтгүүлч Г.Бямбалхагвын “Хав-дар” асуудал дэвшүүлсэн дөрвөн цуврал нэвт­рүүлэг шалгарлаа. Мөн тусгай байрт Gogo.mn сайтын сэтгүүлч Э.Энхмаагийн “Эверест на­майг дуудаж байх шиг санагддаг”, Tusgal.mn сайтын сэтгүүлч Ч.Баяржаргалын “Гепатит вирус ба хорт хавдар” бүтээлүүд шалгарсан юм. Шилдэг бүтээлийн эзэд болон нийт оролцсон сэтгүүлчид Эрүүл мэндийн сайд Т.Мөнхсайхан, ХСҮТ-ийн ерөнхий за­хи­рал М.Адилсайхан, НҮБ-ын Хүүхдийн сан­гийн суурин төлөөлөгч Эваристе Коуасси Ком­лан нар  талархал болон дурсгалын зүйл гардууллаа. Мөн энэ үеэр Эверестэд мө­рөө гар­гасан, хавдрын даван туулагч Б.Бат­хи­ши­гийг ХСҮТ-ийн хүндэт тэмдгээр шагнав.

Ч.БОЛОР