Халхгол, Матад сумд байгалийн гамшигт үзэгдэл болж, хоёр хүн нас баржээ

Дорнод аймгийн Матад сумд энэ сарын 21-ний 14.50 цагаас эхлэн орсон цас 17 цаг үргэлжилж, салхины хурд секун­дэд 21-23 метрт хүрч, хүчтэй цасан шуурга шуурч, бай­галийн гамшигт үзэгдэл болжээ. Мөн Халхголд цас 16 цаг үргэлжлэн орж, салхи ши­рүү­ сэн, үзэгдэх орчин хязгаарлагдсан байна. Ца­сан шуур­ганы улмаас нэг гэр бүлийн гурван хүн төөрч, 70 настай өөр нэг иргэн сураггүй бол­жээ. Тод­руулбал, Халхгол сумын Цогтсүмбэр ба­­ гийн нутагт тус сумын харьяат иргэн М энэ са­­ рын 21-ний 15.00 цагт аргамжаатай морио авч­­ рахаар гэрээсээ гараад цасан шуурганд төөрч су­раггүй болсон гэх дуудлага 17.15 цагт онцгой байдлын байгууллагад ирсэн байна. Дууд­­ ла­гын дагуу аймгийн Онцгой байдлын газ­рын Эрэн хайх, аврах анги, Халхгол сум дахь Гал түй­мэр унтраах, аврах 62 дугаар ангийн алба хааг­чид, Хилийн цэргийн ангийнхан эрэн хай­­ жээ. Харамсалтай нь, сураггүй болсон иргэний цогцсыг өчигдөр 12.32 цагт олсон гэнэ.

Мөнмалдаа яваад цасан шуурганд төөр­сөн, нэг гэр бү­лийн гурван хүнийг олсон ч эх­нэр нь осгож нас бар­сан бай­жээ. 11 настай хүү нь аавын­хаа хамт айм­гийнхаа эмнэлэгт хэвтэн эмчлүүлж буй аж.

Халхгол сумд хүчтэй цасан шуурга шуурч, онц­гой нөхцөл байдал үүсэж, айл өр­хийн ха­­ шаа, хороо, мал цасанд дараг­даж, орон нут­гийн зам, даваа хаагдсан тул айм­гийн Онц­гой ко­мисс өчигдөр шуурхай хуралд­сан байна. Комис­сын шийд­вэрээр Чойбал­сан хо­тоос Халх­гол сум чиг­лэ­лийн орон нут­гийн ча­нар­тай авто за­мын хө­дөл­гөөнийг энэ са­рын 24-ний 18.00 цаг хүр­­ тэл түр хязгаарлах гэнэ. Мөн сургууль, цэ­цэрлэ­гийн үйл ажилла­гааг энэ сарын 25 хүр­тэл ца­­ химд шилжүүлэ­хээр шийд­вэрлэжээ.

Ташрамд, энэ сарын 25, 28, ирэх сарын 1-нд зүүн аймгуудын нутгаар цас орж, шуурах тө­лөв­­ тэй байгааг цаг уурын байгууллагаас сэрэмж­­ лүүлэв. Мөн өнөөдөр Завханы хойд болон зүүн, Хөвс­гөлийн өмнөд, Архангайн хойд хэсгээр цасан шуурга шуурч, Говь-Алтай, Баянхонгорын өм­нөд хэсгээр салхи секундэд 18-20, зарим үед 24 метр хүрч ширүүсэхийг анхаарууллаа.

Ч.Туяа