84 сая мод ургуулжээ
Ерөнхийлөгч У.Хүрэлсүх “Тэрбум мод” үндэсний хөдөлгөөн санаачлан өрнүүлэх зарлиг гаргаснаас хойш гурван жил өнгөрч байна. Уг хөдөлгөөний явц, үр дүнгийн талаар Ерөнхийлөгчийн хэвлэлийн төлөөлөгч Ө.Золбаяр, байгаль орчин, ногоон хөгжлийн бодлогын зөвлөх Н.Батхүү, Ойн газрын дарга Б.Оюунсанаа нар өчигдөр мэдээлэл өглөө.
2024-10-10
Ургацынхаа 80 гаруй хувийг хураажээ
Хүнс, хөдөө аж ахуй, хөнгөн үйлдвэрийн яамнаас мэдээлснээр ургац хураалтын ажил улсын хэмжээнд 80 гаруй хувьтай үргэлжилж байна. Энэ онд улсын хэмжээнд нийт 349.6 мянган га талбайд үр тариа тарьжээ.
2024-10-10
“BHC knights”, “Дархан юнайтед” багийнхан салхи хагална
Монголын сагсан бөмбөгийн дээд лигийн тоглолт “UG аrena”-д амралтын өдөр эхэлнэ. Энэ удаа эрэгтэйчүүдийн 10, эмэгтэйчүүдийн зургаан баг өрсөлдөх нь. Эл улиралд багийн тоглогчид аялан тоглолт анх удаа хийхээрээ онцлогтой. Тухайлбал, Дархан-Уул аймгаар овоглосон “Дархан юнайтед” багийнхан нутагтаа улирлын тоглолтыг хүлээн авах юм.
2024-10-10
“Монголд зочлох жил”-ийг 2028 он хүртэл үргэлжлүүлэхээр болов
Засгийн газрын өчигдрийн хуралдаанаар “Монголд зочлох жил”-ийг 2028 он хүртэл үргэлжлүүлэхээр болж, үүний хүрээнд Монгол Улсыг олон улсад сурталчлах зарим арга хэмжээний тухай тогтоолыг хэлэлцэн баталлаа. Мөн хүний эрхийг дээдэлсэн, авлигагүй төр, шударга ёсыг бэхжүүлэх зорилготой хуулийн төслүүдийн явцыг хэлэлцэв.
2024-10-10
Нийслэлийн ЕБС-иудад “Сүү” төсөл хэрэгжүүлж байна
Нийслэлийн агаарын бохирдол ихтэй бүсэд байрших зарим ерөнхий боловсролын сургуульд “Сүү” зорилтот төслийг хэрэгжүүлж байна. Хүүхдийн хэвийн өсөлт, хөгжлийг дэмжих, бие махбодын дархлааг сайжруулах, агаарын бохирдлоос үүдэлтэй халдварын бус архаг өвчлөлийг бууруулах, урьдчилан сэргийлэх, үндэсний үйлдвэрлэлийг дэмжих зорилгоор нийслэл, дүүргийн мэргэжлийн байгууллага, эцэг эх, асран хамгаалагч, олон нийтийн оролцоо гэсэн хамтын зарчмаар долоон хоногийн гурван өдөр сурагчдад сүү өгч байна.
2024-10-09
Нийтийн тээврийн салбарт 600 автобусаар парк шинэчлэлт хийв
Нийтийн тээврийн салбарт 15 жилийн дараа 600 автобусаар парк шинэчлэлт хийв. Тодруулбал, үйлчилгээнд явж байсан автобусны 50 гаруй хувийнх нь насжилт хэтэрч, парк шинэчлэл хийхээс өмнөх хугацаанд 17 автобус шатсан. Энэ мэт эрсдэлтэй нөхцөл үүссэн учраас нийтийн тээврийн салбарын парк шинэчлэлийг эхлүүлжээ.
2024-10-09
“Инженерийн толгойтой” МОНТЁР
Дулааны гуравдугаар цахилгаан станцын Зуухан цехэд засварчин, мастераар насаараа ажиллаад гавьяаны амралтандаа гарсан Шаравын Шаарий агсан дөрвөн хүү, хоёр охинтой. Түүний дөрвөн хүү дөрвүүлээ аавынхаа ажил мэргэжлийг үргэлжлүүлж, хоёр нь цахилгааны инженер, хоёр нь цахилгаанчид болцгоожээ. Өдгөө том хүү, Ш.Цогтбаяр УБЦТС ТӨХК-ийн Ашиглалт засварын баруун төвийн, гурав дахь хүү Ш.Түвшинбаяр нь Ашиглалт засварын зүүн төвийн Шуурхай үйлчилгээний хэсэгт тус тус ахлах монтёроор ажилладаг. Энэ нийтлэлийн баатар болох том хүү Ш.Цогтбаяр нь 1994 онд нийслэлийн 40 дүгээр сургуульд дунд боловсролыг эзэмшээд өөрийн хүслийг дагаж Барилгын нэгдүгээр техник мэргэжлийн сургуулийг 1996 онд цахилгаанчнаар, Барилгын коллежийг 1999 онд техникчээр, ШУТИС-ийн ЭХИС-ийг 2014 онд цахилгаан автоматикийн инженерээр тус тус суралцан дүүргэсэн байна.
2024-10-09
Ц.Наранбаатар: Эрчим хүч, мэдээллийн технологи хоёр бол салшгүй ойлголт
Эрчим хүчний салбарын “шинэхэн шилдэг инженер”, УБЦТС ТӨХК-ийн Реле хамгаалалт, туршилт тохируулгын албаны Телемеханик, автоматикийн инженер Цоодолын Наранбаатар. Хамт олон нь түүнийг Наабаа гэж дууддаг. Тэрээр 1988 онд Улаанбаатар хотод төрсөн, 2009 онд Их засаг их сургуулийг Сүлжээний инженер мэргэжлээр суралцаж, дүүргэсэн. Өдгөө ШУТИС-ийн Мэдээлэл, холбооны техникийн сургуулийн магистрант. Мэргэжлээрээ шаргуу ажиллаж, багагүй туршлага хуримтлуулж яваа манай залуу инженерүүдийн төлөөлөл. Ц.Наранбаатар эрчим хүчний салбарын 2023 оны шилдэг инженерээр шалгарсан. Анх удаа эрчим хүчний салбар шилдэг инженерээр мэдээллийн технологийн чиглэлийн ажилтан шалгарсан нь салбарынхны сонирхлыг татсан. Тиймээс хийсэн ажлынх нь талаар та бүхэндээ сонирхуулахыг зорьж, түүнтэй ярилцлaa.
2024-10-09
Цалингийн доод хэмжээг 792 000 төгрөг болгосныг 2025 оны дөрөвдүгээр сарын 1-нээс мөрдөнө
Хөдөлмөр, нийгмийн түншлэлийн гурван талт үндэсний хороо өнөөдөр /2024.10.07/ хуралдаж хөдөлмөрийн хөлсний доод хэмжээ 660 мянган төгрөг байгааг 20 хувиар нэмэгдүүлэн 792 мянган төгрөг болгохоор шийдвэрлэлээ. Тогтоолыг 2025 оны дөрөвдүгээр сарын 1-нээс дагаж мөрдөнө. Мөн уул уурхай, барилга, зам тээвэр гэхчлэн тодорхой салбарууд салбарынхаа зохицуулалтаар хөдөлмөрийн хөлсний доод хэмжээгээ тогтоох эрхийг нээлттэй байлгахаар тогтлоо.
2024-10-08
Гэмт хэргийн шинжтэй 74 гомдол, мэдээллийг шалгав
Авлигатай тэмцэх газрын Мөрдөн шалгах хэлтэс 2024 оны 9 дүгээр сарын 30-ны өдрөөс 10 дугаар сарын 06-ны өдрүүдэд гэмт хэргийн шинжтэй 74 гомдол, мэдээллийг шалгав. Үүнээс 12 гомдол, мэдээлэлд хэрэг бүртгэлтийн хэрэг нээх, 1 гомдлыг харьяаллын дагуу шилжүүлэх, 5 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 56 гомдол, мэдээллийг хянан шалгаж байна.
2024-10-07
"Хүрээ" амаржих газрын 9 давхар 180 ортой шинэ эмнэлгийг ашиглалтад орууллаа
Нийслэлийн хоёрдугаар төрөх буюу “Хүрээ” амаржих газрын 9 давхар, 180 ортой шинэ эмнэлгийг өнөөдөр ашиглалтад орууллаа. Тус амаржих газрын үйл ажиллагаа 1959 онд эхэлснээс хойш 65 жилийн дараа ийнхүү шинэ эмнэлэгтэй болж байгаа юм. Энэ хугацаанд “Хүрээ” амаржих газарт 512 мянган иргэнийг өлгийдөн авсан бөгөөд олон эмэгтэйчүүдэд эх барих эмэгтэйчүүдийн тусламж, үйлчилгээ үзүүлжээ. Харин шинэ эмнэлгийн барилгын ажил 2022 оны аравдугаар сарын 7-нд эхэлсэн билээ.
2024-10-07
Улаанхуарангийн 4 км замыг цогц гудамж, замын жишгээр шинээр барина
Дэлхийн банкны санхүүжилтээр НЗДТГ-аас хэрэгжүүлж буй “Улаанбаатар хотын тогтвортой авто зам, тээвэр” төслийн хүрээнд Улаанхуарангийн замын өргөтгөл 4 км замыг цогц гудамж, замын жишгээр шинээр барих юм. Уг замын талаар төслийн зохицуулагч Х.Булгаагаас тодрууллаа.
2024-10-07
Үндсэн хуулийн зөрчилтэй “ерөнхийлөгч” гишүүдээ МАН эргүүлэн татаж чадах уу
Гэвч Үндсэн хуулийн өөрчлөлтийн дагуу анх удаа холимог тогтолцоогоор сонгогдсон 126 гишүүнтэй УИХ үйл ажиллагаагаа явуулж эхэлсэн. Анхнаасаа ийм илтэд хуулийн, тэр дотроо Үндсэн хууль, УИХ-ын тухай хуулийн зөрчилтэй гишүүдтэй яваад байгаа нь чухамдаа мордохын хазгай л болж буй. Шулуухан хэлэхэд, хэрвээ эдгээр “ерөнхийлөгч” гишүүн бүрэн эрхтэй хэвээр үлдвэл энэ УИХ цаашдаа хууль тогтоох эрх мэдлийг хэрэгжүүлэхэд улам л хэцүү болно. Өнгөрсөн 30 жилийг тогтолцоотой нь, 76-тай нь газар доогуур ортол муулж байгаад ийм өөрчлөлт хийсэн. Үүгээр орж ирсэн гишүүд нь хүртэл Үндсэн хууль, УИХ-ын тухай хуулиа зөрчөөд сууж байх нь үнэндээ ёс зүйг халиад хуулийн хойморт гарчихсан явдал болж байгаа хэрэг юм. Тиймээс ирэх өдрүүдэд Үндсэн хуулийн зөрчилтэй “ерөнхийлөгч” гишүүдээ МАН, тэгээд УИХ-ын Тамгын газар, УИХ-ын Ёс зүй, дэгийн байнгын хороо эргүүлэн татаж чадах уу гэдгийг харах лүлдэж байна.
ӨДӨР ТУТМЫН СОНИНУУДЫН “ЭРЭН СУРВАЛЖЛАХ” НЭГДЭЛ
2024-10-07
Багануурын шинэ станцыг өвлийн оргил ачааллаас өмнө ашиглалтад оруулна
Нийслэлийн Багануур дүүргийн I хорооны нутаг дэвсгэрт “Багануур” цахилгаан түгээх дэд станцыг түшиглэн 5 га талбайд баригдаж буй 50 мв/200мв.ц-ын хүчин чадалтай батарей хуримтлуурын станцын бүтээн байгуулалт амжилттай үргэлжилж байна. Засгийн газрын Эрчим хүчний сэргэлтийн хүрээнд Нийслэлийн Засаг даргын Тамгын газраас хэрэгжүүлж буй уг төслийн явцтай Монгол Улсын Ерөнхий сайд Л.Оюун-Эрдэнэ танилцлаа.
2024-10-06
Бүх нийтээр мод тарих намрын өдрүүд эхэллээ
Намрын мод тарих өдрүүд “Тэрбум мод” үндэсний хөдөлгөөн эхэлснээс хойш 7 дахь удаагаа тохиож байна. Монгол Улсын Ерөнхийлөгч Ухнаагийн Хүрэлсүх энэ өдөр Хан-Уул дүүргийн Өлзийт хороолол дахь Зэвсэгт хүчний 326 дугаар ангийн харъяа “Ногоон хэрэм” цэцэрлэгт хүрээлэнд мод тарилаа.
2024-10-05
Хүний эрхийн 1400 гаруй сургагч багш бэлтгэжээ
Олон нийтийн хүний эрхийн боловсрол, энэ талаарх мэдлэг, ойлголтыг нь сайжруулах шаардлагатай талаар Хүний эрхийн үндэсний комисс (ХЭҮК)-ынхон өчигдөр мэдээлэв. Үүнтэй холбоотойгоор байгууллага, аж ахуйн нэгжүүд, албан хаагч, ажилтнуудынхаа хүний эрхийн боловсрол, мэдлэг, ойлголтыг нэмэгдүүлэх хүсэлтэй бол ХЭҮК-т албан бичиг илгээхийг зөвлөв.
2024-10-05
