Сингапурын Гадаад болон дотоод хэргийн Төрийн ахлах сайд айлчилж байна
Бүгд Найрамдах Сингапур Улсын Гадаад болон Дотоод хэргийн яамны Төрийн ахлах сайд Сим Анн манай улсад айлчилж байна. УИХ дахь Монгол-Сингапурын парламентын бүлгийн дэд дарга Д.Энхтүвшин өчигдөр түүнийг хүлээн авч уулзсан байна. Хоёр улсын хооронд дипломат харилцаа тогтоосны 55 жилийн ой энэ онд тохиож буй юм. Сингапур нь Зүүн өмнөд Ази дахь манай чухал түнш бөгөөд уг бүс нутгийн хамтын ажиллагааны нийгэмлэг буюу АСЕАН-ы нөлөө бүхий гишүүн орон.
2025-08-22
Хичээлийн шинэ жилээр хүний эрхийн талаар таниулахыг уриаллаа
Хүний эрхийн үндэсний комисс (ХЭҮК)-оос их, дээд болон ерөнхий боловсролын сургууль (ЕБС), мэргэжлийн боловсрол, сургалтын байгууллагын суралцагчдад энэ хичээлийн жилийн эхний өдөр Хүний эрхийн түгээмэл тунхаглалын агуулгыг тайлбарлан таниулсан хичээл заахыг бүх шатны боловсролын байгууллагад уриалжээ.
2025-08-22
Аялал жуулчлалынхан Арьяабалын хийдээс ариун цэврийн байгууламж “нэхэж” байна
Монгол Улсад хоёрхон байдаг бясалгалын сүмийн нэг болох Арьяабалын хийдийн жорлон гадаадын жуулчдыг “үргээж”, тэднийг дагалдан яваа хөтөч, тайлбарлагчдыг нүүр хийх газаргүй болгож байна. Монголын нийслэлд ирсэн жуулчид Горхи, Тэрэлжийн байгалийн цогцолборт газар дахь Зуун ламын агуй, Арьяабалын хийд, Мэлхий хад гэсэн үндсэн маршрутаар явж, манай орны үзэсгэлэнт байгаль, шашин соёлын дурсгалт газартай танилцдаг юм.
2025-08-22
Морьт харвааны адууг хулгайлсан хүмүүсийг дахиж шалгуулахаар болжээ
Монголын үндэсний морьт харвааны тамирчдын унадаг 18 агтыг хулгайлсан хэрэг өнгөрсөн зургаадугаар сард гарч, олон нийтийн сүлжээнд хүмүүсийн анхаарлыг татаж байсан билээ. Уг хэргийг морьт харваач залуу тэргүүтэй таван хүн үйлдсэнийг цагдаагийнхан илрүүлэн Хан-Уул дүүргийн Цагдаагийн газрынхан мөрдөн шалгаж буй. Н.Г, Э.Б, Э.Э, Г.С, М.Б нарыг тус дүүргийн Прокурорын газраас Эрүүгийн хуулийн 17.12-3.2 дахь хэсгийн мал хулгайлах гэмт хэргийг зохион байгуулалттай гэмт бүлэг үйлдсэн гэх заалтыг үндэслэн яллагдагчаар тооцсон бөгөөд тухайн үед нь цагдан хорих таслан сэргийлэх арга хэмжээ шүүх авч байв.
2025-08-22
“Токио-2025” дифлимпэд Монголын багийн 25 тамирчин өрсөлдөх нь
Япон Улсын Токио хотноо арваннэгдүгээр сарын 15-26-нд дэлхийн зуны XXV наадам болно. Дифлимп буюу сонсголын бэрхшээлтэй тамирчдын энэ наадамд Монголоос 25 хүний бүрэлдэхүүнтэй баг эх орноо төлөөлөн оролцохоор болжээ. МҮОХ-ноос “Токио-2025” дифлимпэд оролцох баг, тамирчдад амжилт хүсэж, нэгдсэн бэлтгэлийн хослол болон мөнгөн дэмжлэг үзүүлээд байна.
2025-08-21
А.Ариунзаяа хийн гар бууны 10 метрийн төрөлд VII байр эзлэв
Казахстаны Шимкет хотод энэ сарын 15-31-нд үргэлжилж буй буудлага спортын Ази тивийн аварга шалгаруулах XVI тэмцээнд Монголын баг зургаан дасгалжуулагч, 30 тамирчны бүрэлдэхүүнтэй оролцож буй. Уржигдар болсон хийн гар бууны 10 метрийн дасгалд өсвөр, залуучууд, насанд хүрэгчдийн ангилалд өрсөлдсөн манай тамирчид багийн нийлбэр дүнгээр IV, V, VIII, IX байрт тус тус шалгарчээ.
2025-08-21
14 хүртэлх насныхны волейболын УАШТ-д Хэнтийн охид тэргүүлжээ
Баян-Өлгий аймагт энэ сарын 10-16-нд волейболын 14 хүртэлх насныхны УАШТ-д боллоо. Эл тэмцээнд эмэгтэй 62, эрэгтэй 52 багийн 1600 гаруй тамирчин, 230 гаруй багш, дасгалжуулагч оролцжээ. Охидоос волейболын спортын мастер Э.Доржжагдаг, Б.Гэрэлмандах дасгалжуулагчийн удирдлагад оролцсон Г.Цэн-Агий ахлагчтай Хэнтий аймгийн охидын шигшээ баг түрүүлж, алтан медаль, цомын эзэд болов.
2025-08-21
Азийн залуучуудын наадамд тэмээний уралдааны шинэ төрөл нэмжээ
Азийн залуучуудын наадмыг өнөө жил Бахрейн улсын нийслэл Манама хотод зохион байгуулахаар болсон билээ. Аравдугаар сарын 22-31-нд гурав дахь удаагаа зохиогдох тус тэмцээнд 45 орны 4000 гаруй тамирчин спортын 24 төрлөөр 253 багц медалийн төлөө өрсөлдөх аж.
2025-08-21
Пара бочигийн дэлхийн цуврал тэмцээнд Т.Мөнхдэмбэрэл оролцоно
Пара бочигийн дэлхийн цуврал тэмцээнд манай улсаас Т.Мөнхдэмбэрэл оролцох нь. Тэрбээр Казахстан улсын Астана хотноо өнөөдөр эхлэх эл тэмцээний ВС-1 ангилалд оролцохоор Үндэсний шигшээ багийн дасгалжуулагч С.Алтанхундагын удирдлагад бэлтгэлээ хангажээ.
2025-08-21
Хүүхдийн хорт хавдрын 35 нэр, төрлийн эмийг үнэ төлбөргүй нийлүүлнэ
ДЭМБ-ын Номхон далайн баруун бүсээс Монгол Улс сонгогдон, хүүхдийн хорт хавдрын эмийн хангамжийг сайжруулах дэлхийн платформ хөтөлбөрийг хэрэгжүүлэх эхний зургаан орны нэг болсон билээ. Үүний хүрээнд албаныхан өчигдөр хуралдаж, хөтөлбөрийн явцын талаар мэдээлэл солилцлоо. Манай улсад жил бүр хүүхдийн хорт хавдрын 120-140 тохиолдол бүртгэгддэг. Үүний 45-50 хувийг цус, тунгалгийн, 18 хувийг тархи, мэдрэл, 8-9 хувийг яс, зөөлөн эд, 20 хувийг бусад төрлийн хавдар эзэлдэг байна.
2025-08-21
Оршуулгын үйлчилгээ эрхлэгч компаниуд холбогдох журам, стандартыг мөрдөхгүй байгааг илрүүлэв
Нийслэлийн хэмжээнд нийт 32 байршилд 1130 га газрыг оршуулгын зориулалтаар ашиглаж байгааг Улаанбаатар хотын ерөнхий менежер Г.Батзориг мэдээллээ. Үүнээс зөвшөөрөлтэй 10, зөвшөөрөлгүй долоо, хаагдсан оршуулгын газар зургаа байгаа аж. Улаанбаатар хотыг болон тойрсон оршуулгын газар энэ мэт олон буй учраас нийслэлийн Засаг даргын захирамжийн дагуу хянан шалгаж, үнэлгээ хийснийг тэрбээр хэлсэн.
2025-08-21
Сөөм урагшлаад, төө ухарсан Монголын аялал жуулчлал
Өнгөрсөн онд түүхэндээ анх удаа 809 мянган жуулчин хүлээж авсандаа баярлаж хөөрч байсан Монголын аялал жуулчлалын салбарынхан өнөө жил хий нь гарсан гүзээ шиг шалчийтлаа нурмайжээ. Ердөө жилийн өмнө буюу 2024 оны наймдугаар сард гэхэд л 139.6 мянга гаруй жуулчин хүлээн авч, 19-23 хувийн өсөлт үзүүлэн аархаж байсан бол одоо хамгийн эрэлттэй байх ёстой үедээ ноднингийнхоос хоёр дахин бага буюу 73 мянган аялагчидтай сууж байна.
2025-08-21
Улаанбаатарт 20-28 мм хур тунадас буулаа
Улаанбаатар хотод өчигдөр их хэмжээний бороо үргэлжлэн орж, аюултай үзэгдлийн хэмжээнд хүрч болзошгүйг цаг уурын байгууллагаас өмнөх өдөр нь сэрэмжлүүлсэн билээ. Тэгвэл өчигдрийн 14.00 цагийн байдлаар усархаг бороо 11 аймгийн 78 сумын нутаг, нийслэлийг хамран орсныг Цаг уур, орчны шинжилгээний газраас мэдээлсэн. Үүний улмаас Улаанбаатар хот орчимд Туул голын усны түвшин өмнөх өд¬рийнхөөс 10 см-ээр нэмэгдсэн бол Хэнтий, Дорнодын нутаг дахь Улз гол үерийн аюултай түвшинд хүрчээ.
2025-08-21
ТҮЦ-ийнхэн хаачих вэ
“Мөнгөн завъяа”-гийн буюу олны нэрлэж заншсанаар “Хүнсний 20”-ийн нүхэн гарцын баруун хойд талд явган хүний зам дагуу жижигхэн модон ширээн дээр ус, ундаа, бохь, кофе, чихэр, хуурай, нойтон салфетка зэрэг ойр зуурын хэрэглээний бараа, бүтээгдэхүүн эгнүүлэн тавьсан нэгэн эмэгтэй сууна. Тэрбээр энд худалдаа эрхлээд 10 гаруй жил болж буй бөгөөд хоёр зээ охины хамт амьдардаг аж. ТҮЦийг нь өнгөрсөн дөрөвдүгээр сард албадан ачсаны улмаас ийнхүү ширээ дэлгээд бараануудаа зарж буй гэнэ.
2025-08-21
Уул уурхайн салбарын 54 төсөлд 4.1 их наяд төгрөгийн хөрөнгө оруулалт шаардлагатай
Ашигт малтмал, газрын тосны газар (АМГТГ)-аас тус салбарт үйл ажиллагаа эрхлэгчдийг дэмжих зорилгоор хөрөнгө оруулалт шаардлагатай төслүүдийн мэдээллийг олон нийтэд танилцууллаа. Үүнд уул уурхайн 49 аж ахуйн нэгжийн 54 төсөлд нийт 4.1 их наяд төгрөг шаардлагатай байгааг дурджээ. АМГТГын кадастрын бүртгэлийн системд өмнөх оны жилийн эцсээр 1216 аж ахуйн нэгжийн 1759 ашигт малтмалын тусгай зөвшөөрөл бүртгэлтэй байж.
2025-08-21
