Эмэгтэй тоглогчид тивийн томоохон хоёр тэмцээнд өрсөлдөх нь
Малайзын Куала Лампур хотод ирэх дөрөвдүгээр сарын 7-15 хүртэл үргэлжлэх хэйбол биллиардын Азийн аварга шалгаруулах тэмцээнд оролцох эмэгтэй тоглогчдын дөрвөн эрхийн төлөөх шалгаруулалт “Элит биллиард” клубт болов. Эрэгтэйчүүдийн хоёр, эмэгтэйчүүдийн дөрвөн эрхийн төлөө гурван удаа шалгаруулалт болж, нийлбэр дүнгээр шалгарсан тамирчин эрхээ авснаар Азийн аварга шалгаруулах тэмцээнээс гадна тивийн нээлттэй тэмцээнд ч бас оролцох эрх давхар авсан юм.
2026-02-24
Гол, нуурын мөсний зузаан таван см-ээр нимгэрчээ
Манай орны ихэнх гол, мөрөн, нуурын мөсний зузаан өчигдрийн байдлаар өмнөх арав хоногийнхоос 5-25 см-ээр нэмэгдэж, дунджаар 20-175 см-т хүрчээ. Гэвч Эг, Хараа, Чулуут, Халх болон Сэлэнгэ мөрөн орчимд мөсний зузаан таван см-ээр нимгэрсэн байна. Цаг агаарын нөхцөл байдлаас шалтгаалан гол, мөрний нийт уртын дагуу мөсний зузаан харилцан адилгүй, тээврийн хэрэгсэл, мал, хүн явахад хангалттай хэмжээнд хүрч бэхжээгүй байгаа тул цаг хожих, зам товчлох зорилгоор мөсөн дээгүүр зорчихгүй байхыг Онцгой байдлын ерөнхий газраас анхаарууллаа.
2026-02-24
“Үнэт цаас гаргах зардал их учраас хөрөнгө оруулалт татах боломж бага байна”
Монголын үнэт цаасны арилжаа эрхлэгч дийн холбооноос хөрөнгийн зах зээлийн орчин болон үнэт цаас гаргахтай холбоотойгоор үүсэж буй бэрхшээл, шийдвэрлэвэл зохих асуудлыг мэргэжилтнүүд, компаниудын төлөөллийг оролцуулан хэлэлцүүлж, судалгаа гаргасан байна. Судалгаанд оролцогчдын олонх нь үнэт цаас гаргах зардал өндөр учраас хөрөнгө оруулалт татах боломж бага байна гэжээ.
2026-02-24
УИХ-д хариуцлага тооцох цуглаан зохион байгуулна гэв
Монголын хүний төлөө намын дарга Х.Бат-Ялалт тэргүүтэн “Ард нийтийн санал асуулга” хөдөлгөөн үүсгэн байгуулсан аж. Тэд ирэх гуравдугаар сарын 1-нд “Бид итгэхгүй байна” цуглаан зохион байгуулахаар төлөвлөжээ. Үүгээр УИХ-ыг тараах шаардлага тавих юм байна.
2026-02-24
Д.Тогтохсүрэнгийн эрүүл мэндийн байдлаас шалтгаалж батлан даалтад гаргав
“Эрдэнэс критикал минералс” буюу хуучнаар “Монголросцветмет” ТӨҮГ -ын захирал Д.Тогтохсүрэнг албан тушаалаа урвуулсан, хээл хахууль авсан, үндэслэлгүй хөрөнгөжсөн хэрэгт холбогдуулж өнгөрсөн сарын сүүлчээс АТГынхан хойшлуулшгүйгээр албадан саатуулж шалгаж эхэлсэн билээ. Улмаар 30 хоногийн хугацаагаар цагдан хорих таслан сэргийлэх арга хэмжээ аваад байв.
2026-02-24
Франц улстай хамтран иргэний нисэхийн салбарт 23 сая еврогийн төсөл хэрэгжүүлнэ
Зам, тээврийн сайд Б.Дэлгэрсайхан тэргүүтэй төлөөлөгчид Бүгд Найрамдах Франц Улсад ажлын айлчлал хийх үеэрээ Монгол Улсын иргэний нисэхийн салбарт хэрэгжүүлэх 23 сая еврогийн дүн бүхий цогц төслийн гэрээг дэлхийд тэргүүлэгч технологийн компани болох “Thales”-тай байгуулжээ. Тус гэрээний хүрээнд Улаанбаатар хот болон Сайншандад байгуулах Бүсийн нислэгийн хөдөлгөөний удирдлагын төвүүдийн үндсэн систем, тоног төхөөрөмжийг нийлүүлж, суурилуулахын зэрэгцээ кибер аюулгүй байдлыг бэхжүүлэх, хүний нөөцийг чадавхжуулах юм байна.
2026-02-24
Харгис дэглэмийн золиос буюу ГУЛАГ-ийн хоригдлууд Монголд
Монголын үндэсний өдөр тутмын анхны чөлөөт хэвлэл “Өнөөдөр” сонин 1996 оны есдүгээр сарын 20-нд ууган дугаараа өлгийдөж авснаас хойш даруй 30 он улирч, өдгөө 8000 гаруй “дүүтэй” болжээ. “Хэн сэтгэж байна, түүнд зориулав” уриатай “Өнөөдөр” сониныг үүсгэн байгуулагч, Соёлын гавьяат зүтгэлтэн, нэрт сэтгүүлч Ц.Балдорж агсан “Сэтгүүлчийн ажил арилжаа наймаанаас илүү үнэтэй, улс төрөөс илүү хүчтэй, бусдыг уриалан дуудах агуу урлаг билээ” хэмээсэн нь манай редакцын бодлого, үйл ажиллагаа, мэргэжлийн зарчим, алсын харааг өнөө хэр тодорхойлсоор буй
2026-02-24
Халхгол, Матад сумд байгалийн гамшигт үзэгдэл болж, хоёр хүн нас баржээ
Дорнод аймгийн Матад сумд энэ сарын 21-ний 14.50 цагаас эхлэн орсон цас 17 цаг үргэлжилж, салхины хурд секундэд 21-23 метрт хүрч, хүчтэй цасан шуурга шуурч, байгалийн гамшигт үзэгдэл болжээ. Мөн Халхголд цас 16 цаг үргэлжлэн орж, салхи ширүү сэн, үзэгдэх орчин хязгаарлагдсан байна. Цасан шуурганы улмаас нэг гэр бүлийн гурван хүн төөрч, 70 настай өөр нэг иргэн сураггүй болжээ.
2026-02-24
Ажил “уяж”, асуудал төөрүүлдэг ажлын хэсгийнхэн
Монголын төр засгийнхан сүүлийн жилүүдэд аливаа асуудал дэгдэх бүрд хамгийн түрүүнд хийдэг алхам нь “ажлын хэсэг байгуулах” шийдвэр болсон. Улс төрийн хариуцлагаас бултах шилдэг арга нь учраас манайхан ажлын хэсгээр “мэргэшээд” буй гэ хэд болно. Аливаа нэг асуудлаар нийгэмд то моохон хэрэг мандах тоолонд ажлын хэсэг байгуулна.
2026-02-24
Үе тэнгийн дээрэлхэлтээс сэргийлэх агуулгыг сурах бичигт тусгах нь
Боловсролын яамнынхан ерөнхий боловсролын сургуулийн болон цахим орчин дахь үе тэнгийнхний дээрэлхэлтээс урьдчилан сэргийлэх урт хугацааны “Аюулгүй сүлжээ” үндэсний хөтөлбөр хэрэгжүүлэх болсноо зарлалаа. 10 жилийн хугацаанд хэрэгжүүлэх уг хөтөлбөр нь хүүхэд бүрийг эрүүл, аюулгүй, хүндлэл дүүрэн орчинд суралцах нөхцөл бүрдүүлнэ гэдгийг Боловсролын сайд П.Наранбаяр онцолсон.
2026-02-24
Бүргэдийн баярыг ирэх сарын 7-8-нд зохион байгуулна
Махчин шувууг гаршуулан сургаж, ан ав хийж ирсэн уламжлалт арга ухааныг шувуучлахуй хэмээн нэрлэдэг. Бүргэдээр ан хийх энэхүү заншил нь Төв Азийн нүүдэлчдийн дунд 6000 жилийн өмнө үүсэж, өдгөө хүртэл хадгалагдаж ирсэн. Энэхүү уламжлалыг 2010 онд ЮНЕСКО-гийн хүн төрөлхтний соёлын биет бус өвийн төлөөллийн жагсаалтад албан ёсоор бүртгүүлсэн байдаг. Уг наадмын тасалбарын үнэ өнөө жил 15 000 төгрөг байх гэнэ. Мөн иргэдэд автобусаар үнэ төлбөргүй үйлчлэх юм.
2026-02-23
Арилжааны банк, ББСБ-ууд зээлийн шимтгэлгүй, хүүгээ 10 хувиар бууруулж үйлчилжээ
Нийслэлээс 2026 оныг “Бизнес эрхлэгчдийг дэмжих жил” болгон зарласантай холбогдуулан 22-ын товчооны дэргэдэх авто худалдааны төвд банк болон банк бус санхүүгийн байгууллагууд (ББСБ)-ын “Нээлттэй хаалганы өдөрлөг”-ийг энэ сарын 6-16-нд зохион байгууллаа. Өдөрлөгт банк бус санхүүгийн 15 байгууллага, арилжааны хоёр банк оролцож, иргэдэд зээлийн урьдчилгаа төлөлт, уян хатан нөхцөлөөр нэг цэгийн үйлчилгээ үзүүлсэн байна. Тухайлбал, банк, ББСБ-ууд зээлийн шимтгэлгүй, урьдчилгаагаа 10 хүртэл хувиар бууруулж, зарим нь хүүгийн хувиа 2.3 болгон багасгасан аж.
2026-02-23
Алиса Лю олимпын аварга болж, АНУ-ын 24 жилийн хүлээлтийг эцэслэв
“Милан-Кортина 2026” өвлийн олимпын наадмын эмэгтэйчүүдийн уран гулгалтын төрөлд АНУ-ын тамирчин Алиса Лю алтан медаль хүртэж, дэлхийн спортын ертөнцөд онцлох үйл явдал тохиолоо. Түүний энэхүү ялалт нь 2002 оны өвлийн олимпод Сара Хьюз түрүүлснээс хойш буюу 24 жилийн дараа АНУ-ын эмэгтэй уран гулгагч олимпын оргилд дахин гарсан түүхэн тохиолдол болж байна.
2026-02-23
63 242 төгрөгийн ногдол ашиг тараах нь
“Эрдэнэс Тавантолгой” ХК-ийн Төлөөлөн удирдах зөвлөлийн хурлаар 2025 оны цэвэр ашгаас нийт хувьцаа эзэмшигчдэд ногдол ашиг тараах шийдвэр гаргав. Тус компани 2025 онд 1.1 их наяд төгрөгийн цэвэр ашигтай ажилласан байна.
2026-02-23
Бүх цэргийн их хар сүлдний цагаалах тайлга болов
Билгийн тооллын XVII жарны гал морин жилийн хаврын тэргүүн сарын шинийн 5-ны билэгт сайн өдрийн морин цагт буюу аргын тооллын 2026 оны хоёрдугаар сарын 22-ны 11.40 цагт Бүх цэргийн их хар сүлдний цагаалах тайлга боллоо.
2026-02-23
37 253 эрэгтэйг урьдчилан сэргийлэх үзлэг, оношилгоонд хамруулжээ
Эрүүл мэндийн сайд 21 аймагт ажиллах томилолтынхоо хүрээнд Дорноговьд ажиллав. Хотоос 700 гаруй км-т орших тус аймаг Замын-Үүд сумаар Эрээнтэй хиллэдгээрээ онцлогтой. Газар зүйн энэхүү онцлог нь ард иргэдийн эрүүл мэндэд сөргөөр нөлөөлдөг талаар Нэгдсэн эмнэлгийн дарга нь онцолжээ. Тухайлбал, зам тээврийн осол гэмтэл, бэлгийн замын халдварт өвчний тархалт өндөр аж.
2026-02-23
Могойд ороогдсон “модод”
АНУ-д Британийн Элчин сайд, тус улсын парламентын Лордуудын (дээд) танхимын гишүүн байсан Питер Мандэльсон хэл аманд орж, хормойн явдалтай холбоотой дуулиант хэргийн улмаас олны танил болсон Америкийн санхүүч Жеффри Эпштейнтэй хэлхээ холбоотой байснаас Британийн Ерөнхий сайд Кир Стармерийг огцрохыг түүний хүрээллийнхэн үгүйсгэхгүй байна.
2026-02-23
Дундаж наслалтын зөрүүг багасгах талаар санал солилцлоо
Гэр бүл, хөдөлмөр, нийгмийн хамгааллын яам, Жендерийн үндэсний хорооныхон хамтран эрэгтэй, эмэгтэй хүний дундаж наслалтын зөрүүг багасгах талаар санал солилцлоо. Уулзалтад яамны Төрийн нарийн бичгийн дарга Л.Мөнхзул тэргүүтэй албаныхан, хороог төлөөлж Ажлын албаны дарга А.Адилбиш, шинжээчид оролцож, Жендерийн эрх тэгш байдлыг хангах тухай хуульд заасан чиг үүргийн 2025 оны хэрэгжилтийн үнэлгээ, дүгнэлтийг танилцуулав. Тус хуульд салбарын хөгжлийн бодлого, эрх зүйн орчныг сайжруулах, эрх тэгш байдлыг хангах үзэл баримтлал нэмж тусгах шаардлагатай гэж албаныхан үзжээ.
2026-02-23
