Израил, Ираны зөрчил 40 гаруй жилийн түүхтэй
Израил 2025 оны зургаадугаар сарын 13- ны шөнө 40 жилийн зөрчил тэмцлийн түүхэндээ хамгийн өргөн цар хүрээтэй цохилт Иранд өгөв. Ираны цөмийн зэвсгийн объектууд, Натанзе дахь төвд нь цохилт өгөх, түүнчлэн цэргийн удирдлага, цөмийн хөтөлбөрийн тэргүүлэх эрдэмтдийг устгах нь энэ үйлдлийн гол зорилго байжээ. Энэ зорилгоор Израилын 200 гаруй нисэх онгоц Ираны газар нутаг дээрх 100 илүү бай руу довтолсон аж. Уг цохилтод баллистик пуужингийн үйлдвэрүүд, цэргийн бааз, командын байрууд, агаараас эсэргүүцэн хамгаалах систем, пуужингийн төхөөрөмжүүд өртжээ.
2025-06-17
Нийгмийн даатгалын шимтгэлийг бууруулах хуулийн төслийг байнгын хороогоор хэлэлцэнэ
Б.Түвшин, Ч.Лодойсамбуу нарын УИХ-ын 41 гишүүн хамтран боловсруулж, парламентад өргөн барьсан Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төслийг энэ долоо хоногийн лхагва гарагт Нийгмийн бодлогын байнгын хорооны хурлаар хэлэлцүүлэхээр болжээ. Байнгын хороо эл хуулийн төслийг дэмжвэл маргааш нь УИХ-ын чуулганы нэгдсэн хуралдаанаар хэлэлцүүлэх аж. Татвар, нийгмийн даатгалын багц хуулийн шинэчлэлтэй зэрэгцэн парламентын гишүүд нийгмийн даатгалын шимтгэлийн хувь хэмжээ, дарамтыг бууруулах чиглэлээр хоёр хуулийн төсөл өргөн бариад буйн нэг нь энэ билээ. Үүнд тусгасан гол өөрчлөлт нь ажил олгогч болон ажилтнаас давхардуулан авдаг шимтгэлийг болиулах юм. Хөдөлмөрийн гэрээгээр ажил эрхэлдэг хүн болгон нийгмийн даатгалд сар бүр 11.5 хувийн шимтгэл төлдөг. Үүнээс гадна аж ахуйн нэгж ажилтан бүрийн өмнөөс 12.5-14.5 хувийн шимтгэл давхар төлж буй. Тэгвэл ажил олгогчийн ажилтны өмнөөс төлдөг энэ шимтгэлийг зогсоохоор хуулийн төсөлд тусгасан.
2025-06-17
Энэтхэгт гүүр нурж дөрвөн хүн амиа алдав
Энэтхэгийн баруун хэсэгт орших Махараштра мужийн Индрияни голын гүүр уржигдар нурсны улмаас дөрвөн хүн амиа алдаж, 32 иргэн хүнд гэмтжээ. Тус улсын Ерөнхий сайд Девендра Фаднавис “Хохирсон хүмүүсийн найм нь хүнд гэмтэж, зургаа нь гүн шоконд орсон, эрэн сурвалжлах ажлыг одоо ч үргэлжлүүлж байна” гэж мэдээлэв
2025-06-17
18 аймгийн сонгуулийн хороонд саналын хуудас, санал тоолох төхөөрөмж хүлээлгэн өглөө
Аймаг, нийслэл, сум, дүүргийн ИТХ-ын нөхөн сонгуулийг энэ сарын 22 буюу ням гарагт 07.00-20.00 цагт явуулах юм. Энэ жил Баянхонгор, Дархан-Уул аймгийн ИТХ-ын тус бүр нэг, 18 аймгийн 52 сумын ИТХ-ын 61 мандатад нөхөн сонгууль болно. Иймд Сонгуулийн ерөнхий хорооноос Аймаг, нийслэл, сум, дүүргийн ИТХ-ыг 2025 оны нөхөн сонгуулийн саналын хуудас, санал тоолох төхөөрөмж, түүний иж бүрдлийг 18 аймгийн сонгуулийн хороонд өчигдөр хүлээлгэн өгч дуусжээ. Нөхөн сонгууль зохион байгуулах цаг хугацааны хуваарийн дагуу зургаадугаар сарын 19-ний өдрөөс өмнө саналын хуудсыг санал авах байранд хүргүүлэх ёстой. Үүний дараа нөхөн сонгуульд ашиглах сонгуулийн автоматжуулсан хэрэгслийн иж бүрдлийг нам эвсэл, ажиглагч, олон нийтэд нээлттэйгээр шалгаж турших аж.
2025-06-17
Б.БОЛОР-ЭРДЭНЭ: Манай нийгэм хүн төрөлхтний нийтлэг, анхан шатны аксиомыг ч хүлээн зөвшөөрч чаддаггүй
Монголын нийгэм, улс төрийн хүрээнд сүүлийн үед онцлох үйл явдал багагүй тохиолоо. Эдгээр нь олон нийтэд тогтолцооны үр дагавар, шийдвэр, бодлогын үр нөлөөг эргэн харж, дүгнэх боломж олгосон гэхэд хилсдэхгүй. Энэ ярилцлагад зөвхөн эл халуун сэдэв бус, манай үе үеийн Засгийн газрын нийтлэг алдаа, бодлогын доголдлын талаар хөндлөө. Ингээд нийтлэлч Болушка буюу Б.БолорЭрдэнэтэй ярилцсанаа хүргэе.
2025-06-17
Орон сууцын үнэ 14.3 хувиар өсжээ
Орон сууцын үнийн индекс өнгөрсөн сард 1.29 болж, 2024 оны мөн үеийнхээс 14.3, өмнөх сарынхаас нэг хувиар өссөнийг Үндэсний статистикийн хорооноос мэдээлэв. Тодруулбал, шинэ байрны үнэ жилийн өмнөхөөс 13 хувиар өсөж, нэг ам метр талбайнх нь дундаж ханш 4 548 000 төгрөгт хүрсэн бол хуучных нь 15.3 хувиар нэмэгдэн 4 565 000 болжээ. Хуучин орон сууц Сүхбаатар дүүрэгт хамгийн үнэтэй буюу ам метр нь 5.57, Сонгинохайрханд хямд буюу 3.06 сая төгрөг байна. Харин шинэ байр Сонгинохайрханд хамгийн хямддаа 3.27, үнэтэй нь Сүхбаатар дүүрэгт 5.49 сая төгрөгт хүрчээ.
2025-06-17
Дэлхийн банк цөмийн эрчим хүчний төслүүдийг санхүүжүүлэх нь
Хөгжиж буй орнуудад цөмийн эрчим хүчний төслүүдийг санхүүжүүлэхэд тавьсан хоригоо Дэлхийн банкныхан 12 жилийн дараа цуцаллаа. Олон улсад цахилгаан эрчим хүчний хэрэгцээ жилээс жилд өсөн нэмэгдэж байгаа тул уг эрэлтийг шийдвэрлэх үүднээс тэд дээрх салбарын стратегидаа томоохон өөрчлөлт хийж буйгаа тус банкны ерөнхийлөгч Ажай Банга мэдэгджээ.
2025-06-17
Алдагдалгүй төсвийг хэмнэлт рүү шилжүүлэх үү
Ерөнхий сайд Г.Занданшатар УИХ-ын нэгдсэн чуулганы үеэр хэлсэн үгэндээ “Монгол Улсын 2025 оны төсөвт нэн яаралтай хэмнэлтийн тодотгол хийнэ”, “Төрийн өмчит компаниудын тоог цөөлж, хувьчлалыг эрчимжүүлнэ” гэж мэдэгдэн, бүсээ чангалах үндсэн зарчмаа зарласан. “Нэн яаралтай” гэсэн учраас Төсвийн тухай хуульд нэмэлт, өөрч¬лөлт оруулахаар Сангийн яамныхан ч ажиллаж эхэлсэн бололтой. Гэхдээ эцсийн байдлаар Засгийн газрын бүтэц, бүрэлдэхүүнд ямар өөрчлөлт орохоос шалтгаалж уг төслийг өөрчлөх магадлалтай. Өнгөрсөн хугацаанд гадаад нөхцөлөөс шалтгаалж үүссэн хүндрэлүүдээс харахад төсвийн тодотгол хийх шаардлагатай болсон нь үнэн боловч Төсвийн тухай хуулийн 34.4.1-т заасан үндэслэлүүд бүрдээгүй, товчхондоо төсөвт тодотгол хийх хуулийн шалгууруудыг давж чадахгүй байв
2025-06-17
Гуравдугаар сургуулийнхан хашаагаа цэцгээр гоёжээ
Нийслэлийн гудамж, талбайн өнгө үзэмжийг нэмэгдүүлэх, хотын иргэдэд тайван дулаан, эерэг сэтгэгдэл төрүүлэх үүднээс албан байгууллага, аж ахуйн нэгжүүд гадна талбайдаа мод, зүлэг, цэцэг тарих нь сүүлийн жилүүдэд нэмэгдэж буй. Тухайлбал, нийслэлийн ерөнхий боловсролын гуравдугаар сургуулийнхан энэ зун хашаагаа олон төрлийн цэцгээр гоёжээ.
2025-06-16
Дэлхийн оддын хоолой Монголд эгшиглэнэ
Gen Z үеийн залуусын дунд хүчирхэг хоолойгоороо хэдийн алдаршсан БНСУ-ын дуучин Эйли болон “Bigbang” хамтлагийн Тэян нар Монголд хүрэлцэн ирж, “Super concert” тоглолтоо Төв цэнгэлдэх хүрээлэнгийн тайзнаа энэ сарын 21-нд толилуулах гэж буй билээ. Дэлхийн хэмжээний под од болох дээрх хоёр дуучны амьдралын замнал, уран бүтээлийн түүхээс толилуулъя.
2025-06-16
Холбооны улсын төлөө сүүлчийн тэмцэгч
2020 оны гуравдугаар сарын 2-нд Михаил Горбачевын нас 89 хүрэв. Тэгш ой биш, түүнд хүрэхэд дахиад нэг жил үлдээд байв. Харин төрийн өндөр эрх мэдэлд очсоноос нь хойш гуравдугаар сарын 12-нд яг 35 жил болсон байлаа. Зөвлөлтийн төрийн дээд удирдагчид 2.5 жил болоод л хорвоог орхиод байсан жилүүдийн дараа удахгүй “яваад өгнө” гэж бодох аргагүй залуу хүн эрх мэдлийн толгойд гарч ирсэн юм.
2025-06-16
