Монголын ноолууран хувцсыг Лондон хотын үзэсгэлэн, худалдаанд толилуулав

Лондон хотноо хувцас загварын “Sourse fashion-2026” олон улсын үзэсгэлэн, худалдаа зохион байгуулжээ. Өнгөрсөн долоо хоногт болсон уг арга хэмжээнд 25 улсын 250 гаруй үйлдвэр, мэдээлэл солилцож, хамтын ажиллагаагаа өргөжүүлэх зорилгоор 3200 орчим компани, худал­­­­дааны газрын төлөөлөгч оролцсон аж. Тэгвэл уг үзэсгэлэн, худалдаанд манай улсаас “Ханбогд Кашимер” компанийнхан ноос, ноолууран бүтээгдэхүүнээ танилцуулсныг Монго­лын ноос, ноолуурын холбооноос мэдээллээ. Жил бүр зохиогддог “Sourse fashion” арга хэмжээ нь үйлд­вэрлэгчид болон ханган нийлүүлэлтийн сүлжээ­ний төлөөлөл, загвар зохион бүтээгчид, брэндүүд, худал­дан авагчдыг нэг дор цуглуулдгаараа онцлог аж. Мөн хувцасны чиг хандлагыг илэр­­­хийлсэн загваруудыг толилуулдаг юм байна.

Ташрамд дурдахад, манай улс жилд 10 000 гаруй тонн ноолуур бэлтгэдэг нь дэлхийд урд хөршийн дараа орох үзүү­­лэлт билээ. Түүнчлэн 30 000 гаруй тонн ноос бэлтгэ­­дэг. Ноос, ноолуур, сүлжмэл бүтээгдэхүүний салбарт 94 000 орчим компани үйл ажиллагаа явуулж байна.

С.Дулам