Жилийн дараа нээлтээ хийх “The Odyssey” киноны тасалбар хэдийн дуусжээ
2026 оны дэлгэцийн хамгийн өндөр хүлээлттэй уран бүтээлүүдийн нэгт зүй ёсоор тооцогдож буй “The Odyssey” бүрэн хэмжээний уран сайхны киноны тасалбар нээлтээ хийхээс жилийн өмнө бүрэн зарагдаж дуусжээ. Ингэснээр “The Odyssey” нь тасалбар борлуулалтын түүхэнд хугацаанаасаа хамгийн эрт дууссан кинонуудын тоонд багтаж байна. Холливудын нэрт найруулагч Кристофер Ноланы энэхүү бүтээл Том Холланд, Мэтт Дэймон, Зендая, Роберт Паттинсон, Энн Хэтвэй, Чарлз Терон зэрэг алдартай жүжигчдийн бүрэлдэхүүнтэй гэдгээрээ ихээхэн анхаарал татаж буй аж.
2025-07-21
Говийн бүсэд дроны уралдаан зохион байгуулна
Монголын дрон нисгэгчдийн холбоо болон дрон сонирхогчдын клуб, “Шамбала-2056” төслийн баг хамтран ирэх сарын 8-10-нд Дорноговь аймгийн Эрдэнэ сумд дроны уралдаан зохион байгуулах нь. Энэ нь үндэсний хэмжээнд мэргэжлийн нисгэгчдийн дунд орон нутагт зохиох анхны уралдаан гэдгээрээ онцлог аж.
2025-07-21
Сяньбигийн үед холбогдох язгууртны бунхант булш илрүүлжээ
Доктор, дэд профессор Т.Идэрхангай ахлагчтай, МУИС-ийн Нүүдэлчдийн археологийн хүрээлэнгийн баг Сэлэнгэ аймгийн Ерөө сумын нутгаас Сяньбигийн үед холбогдох язгууртны бунхант булш илрүүлсэн талаараа мэдээлэв. Энэхүү олдвор нь манай улсын нутаг дэвсгэрээс илрүүлсэн дурсгалуудаас хамгийн томд тооцогдох, огт хөндөгдөөгүй, түүхийн өндөр ач холбогдолтой гэдгээрээ ихээхэн онцлог гэнэ.
2025-07-21
Г.ЗАНДАНШАТАР: Тавантолгойн уурхай ард иргэдийн эзэмшил болохоос авлига, цавчааны газар биш
Засгийн газрын хуралдаанаар “Эрдэнэс Тавантолгой” ХК-д гурван сарын хугацаатай онцгой дэглэм тогтоож, ЗГХЭГ-ын дэд дарга, тус компанийн ТУЗ-ийн дарга У.Бямбасүрэнг Засгийн газрын Онцгой бүрэн эрхт төлөөлөгчийн багийн ахлагчаар энэ сарын 9-нд томилсон билээ. Дотоодын эдийн засгийн өсөлтийг эрчимжүүлэх, гадаад валютын урсгал, нөөцийг нэмэгдүүлэх, Үндэсний баялгийн сангийн тухай хуулийн хэрэгжилтийг хангах ажлын хүрээнд нүүрс тээвэр, хил нэвтрүүлэх ажиллагааны явц, салбар дундын уялдааг сайжруулах, болзошгүй эрсдэлээс урьдчилан сэргийлэх болон компанид тулгарч буй асуудлуудыг шуурхай шийдвэрлэх шаардлагыг харгалзан ийм шийдвэр гаргасан юм. Үүний мөрөөр Ерөнхий сайд Г.Занданшатар уржигдар “Эрдэнэс Тавантолгой” ХК-ийн салбар уурхай, боомтод ажиллан, компаниас хэрэгжүүлж буй төслүүд болон Өмнөговь аймгийн Гашуунсухайтын боомтын зохион байгуулалт, нүүрс тээвэр, хил холболтын төмөр замын ажлын явцтай танилцлаа.
2025-07-21
Дотоодын компаниуд хөрөнгийн зах зээлээс 54 тэрбум төгрөг татан төвлөрүүлэв
Засгийн газар болон дотоодын компаниуд энэ он гарснаас хойш буюу сүүлийн долоон сарын хугацаанд хөрөнгийн зах зээлээс 114 тэрбум төгрөг татан төвлөрүүлснийг Монголын хөрөнгийн биржийн тайланд дурджээ. Тухайлбал, Засгийн газар бонд гаргаж, гадаад, дотоодын хөрөнгө оруулагчдаас 60 тэрбум төгрөгийг татан төвлөрүүлсэн бол дотоодын хувьцаат компаниуд бонд, хөрөнгөөр баталгаажсан үнэт цаасаар 54 тэрбум төгрөгийн санхүүжилт босгожээ.
2025-07-21
Шинэ арслан, гарьд, мэргэн, түрүүгээр магнай тэнийлгэсэн наадам
Төрт ёсны аугаа их уламжлал, үүх түүх, өв соёлоороо гайхуулан бахархах монголчуудын Үндэсний их баяр наадам ид хавтай сайхан болж өндөрлөлөө. Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойн баяр наадам идэр арслан, гарьдтай, шинэ мэргэдтэй, шинэхэн түрүү, айрагтай, монгол түмний хэлдгээр бүтэн жилдээ ярих юмтай байлаа.
2025-07-21
Японы Эзэн хаан Нарүхито, Эрхэм хатан Масако нарын төрийн айлчлал өндөрлөлөө
Ерөнхийлөгч У.Хүрэлсүхийн урилгаар Япон Улсын Цог жавхлант Эзэн хаан Нарүхито, Эрхэм дээд хатан Масако нар манай улсад энэ сарын 6-13-нд төрийн айлчлал хийсэн билээ. Тэд Үндэсний их баяр наадмын хүндэт зочноор заларч, нээлтэд оролцон, Хүй долоон худагт соёолонгийн уралдаан үзэж сонирхож, үндэсний сурын талбай, шагай харвааны асарт зочилсон юм. Энэ үеэр Эрхэм дээд хаан, хатан хоёр наадамчин олонтой мэндчилж, шагай харваж, хүндэтгэл үзүүлэв.
2025-07-21
Монгол сурагчид олон улсын математикийн олимпиадаас зургаан медаль хүртэж, түүхэн амжилт үзүүлэв
Австралийн Күинслэнд мужийн Саншайн Көүст хотод энэ сарын 10-20-нд болсон Олон улсын математикийн 66 дугаар олимпиадад монгол сурагчид өндөр амжилт үзүүллээ. Тодруулбал, манай улсын баг энэ удаа нэг алт, гурван мөнгө, хоёр хүрэл медаль хүртсэн амжилтаар дэлхийд 18 дугаар байрт эрэмбэлэгдэв. Сурагчид нийлбэр дүнгээр 174 оноо авсан нь тус олимпиадын түүхэн дэх Монгол Улсын дээд үзүүлэлт боллоо.
2025-07-21
Ерөнхийлөгч У.Хүрэлсүх Киргиз улсад айлчилж байна
Монгол Улсын Ерөнхийлөгч У.Хүрэлсүхийн Бүгд Найрамдах Киргиз болон Тажикистан Улсад хийх төрийн айлчлал өчигдөр эхэллээ. Тэрбээр Киргиз улсын Ерөнхийлөгч Садыр Жапаровын урилгаар тус оронд энэ сарын 20-23-нд айлчлахаар Бишкек хотод өчигдөр очсон бол үүний дараа Тажикистаны Төрийн тэргүүн Эмомали Рахмоны урилгаар 23-26-нд дараагийн айлчлалаа хийх юм.
2025-07-21
Гавьяагүй “тэмцэгч” С.Ганбаатар
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү. Эдгээр асуултад хариулт өгч, иргэдийн мэдэх эрхийг хангах үүднээс “Өнөөдөр” сонин “126-гийн нэг” булан нээгээд байна. Энэ удаагийн парламентын 126 гишүүний 80 нь анх удаа сонгогдсон. Мөн түүхэндээ хамгийн олон эмэгтэй гишүүнтэй парламент гэхчлэн олон тодот¬голтой билээ. Парламентад иргэдийг хэн хэн төлөөлж байгааг бид цувралаар танилцуулах болно.
2025-07-21
Цэцэрлэгийн багачуудын эрүүл ахуй, хичээлийн хэрэгслийн жагсаалтыг шинэчилнэ
Жил бүрийн намар улсын цэцэрлэгүүд суралцагчдынхаа бэлтгэх зүйлсийн жагсаалтыг өөрсдийнхөө үзэмжээр гаргадаг гэхэд хилсдүүлсэн болохгүй. Эцэг, эхчүүдийн зэхдэг эрүүл ахуйн бараа сэлт, хичээлийн хэрэгслийн нэр, төрөл, тоо ширхэг харилцан адилгүй байдаг учраас үүнтэй холбоотой гомдол, санал ч байнга гарсаар ирсэн. Тэгвэл сургуулийн өмнөх боловсролын хөтөлбөр шинэчлэгдэж буйтай холбоотойгоор цэцэрлэгийн хүүхдүүдийн ахуйн болон хичээлийн хэрэгслийн жагсаалтыг ирэх хичээлийн жилээс шинэчлэхээр болсныг Боловсролын ерөнхий газраас мэдээллээ.
2025-07-18
“Амтлаг урхи”
Хятадад байгаа төр, засгийн албаны хүмүүс, тэдний гэр бүлийнхэн, нууц мэдээлэлд ойр байдаг ажилтнуудаа ажиллаж байгаа улсынхаа иргэдтэй ойр дотно юм уу, бэлгийн харилцаанд орохыг АНУ-ын эрх баригчид хоригложээ хэмээн дөрөвдүгээр сарын 3-нд “Associated press” агентлаг мэдээлж байв. Бээжинд сууж байсан АНУ-ын элчин сайд Николас Бёрнс Хятадаас буцахынхаа өмнөхөн ийм шийдвэр гаргажээ. Энэ хориог хүмүүстээ амаар дуулгаж, цахим шуудангаар хүргэснээс биш, албан ёсоор зарлаж мэдээлсэнгүй. Хоригийг эх газрын Хятадад байгаа АНУ-ын бүх төлөөлөгчдийн газрууд, түүний дотор Бээжин дэх ЭСЯ, Гуанжоу, Шэньжин, Ухань болон Хонконгод байдаг консулын газруудад түгээжээ. Хятадын хилийн гадна ажиллаж буй америк хүмүүст энэ тухай дуулгасангүй.
2025-07-17
Зорчигчдод ээлгүй, шорон шиг гүүрэн гарц нэгээр нэмэгдэв
Нийслэлд барьсан гүүрэн гарцууд бүгд шахам явган зорчигчдод ээлгүй. Гүүрэн гарц гэхээсээ илүүтэй ямар ч гоо зүйгүй, яг л төмөр гяндан шиг эдгээр нүсэр байгууламжийг одоогоор Сансарын шатахуун түгээх станцын автобусны буудал, Зуун айл, “Бөмбөгөр” худалдааны төв, 19-ийн үйлчилгээний төв орчимд бариад буй. Нэмээд хэд хэдэн байршилд гүүрэн гарц барихаар нийслэлээс мэдээлсэн билээ. Тэгвэл хамгийн сүүлд буюу өнгөрсөн баасан гарагт Баянзүрх дүүргийн 26 дугаар хороо, Нарны хорооллоос хотын төв хүрэх боломжтой төмөр зам дээгүүрх явган хүний гүүрэн гарцыг ашиглалтад оруулаад байна. Уг гүүрэн гарцыг нийслэлийн төсвөөс 2.8 тэрбум төгрөгөөр барьсан бөгөөд хийц нь бүхэлдээ угсармал металл, Хятадад хэсэг бүрийг нь бэлтгүүлж, энд авчирч угсарсан гэнэ.
2025-07-17
Үл хөдлөх хөрөнгийг авсан үнээс нь бууруулж худалдахыг хориглосон заалтыг хүчингүй болгов
Эд хөрөнгийн эрхийн улсын бүртгэлийн тухай хуульд 2023 онд нэмэлтээр оруулсан “үл хөдлөх хөрөнгийг авсан үнээс нь бууруулж зарах”-ыг хориглосон заалтыг УИХ хүчингүй болгожээ. Энэхүү заалт нь Үндсэн хуулиар хамгаалагдсан өмчлөгчийн болон хүнийг эрхийг ноцтойгоор зөрчсөн хэмээн нэр бүхий иргэд мэдээлэл гаргасны дагуу Үндсэн хуулийн цэц тус асуудлыг хэлэлцээд холбогдох заалтыг түдгэлзүүлэх шийдвэр гаргасан юм. Тэгвэл парламент Цэцийн дүгнэлтийг хүлээж авснаар хуулийн эл заалт албан ёсоор хүчингүй боллоо.
2025-07-17
ХСҮТ-ийн хими, хөнгөвчлөх эмчилгээний тасгийнхан Дөрөвдүгээр эмнэлэгт төвхнөв
ХСҮТ-ийн өргөтгөлийн барилгын хэсэгт иж бүрэн засвар хийж буйтай холбоотойгоор хими, хөнгөвчлөх эмчилгээний тасгуудыг өнгөрсөн сарын 6-наас Сүхбаатар дүүргийн Нэгдсэн эмнэлэг болох “Сэлбэ”-д нүүлгэн шилжүүлсэн билээ. Харин өчигдрөөс хими, хөнгөвчлөх эмчилгээний тасгуудыг буцаан бууринд нь нүүлгэн шилжүүлсэн байна.
2025-07-17
Хонконгт К.Роналдугийн музей нээгдэв
Португалийн шигшээ болон “Аль-Наср” багийн довтлогч К.Роналдуд зориулсан музей Хонконгт нээгдсэн тухай Blooloop мэдээллээ. К11 урлагийн төвд нээгдсэн тус музейд нэрт хөлбөмбөгчийн олон дурсгалт зүйл, тухайлбал 2008 оны “Алтан бөмбөг” байршжээ.
2025-07-16
