Б.Амарсайхан, Ц.Санжаачойпэл, Э.Тэмүүлэн нарын хэргийг ирэх сарын 14-нд дэнсэлнэ
ХААН банкны нөлөө бүхий хувьцаа эзэмшигч, “Таванбогд групп” ХХК-ийн эзэн Ц.Баатарсайханы хүү, “Говь” ХК-ийн гүйцэтгэх захирал Б.Амарсайхан, УИХ-ын гишүүн асан, “GEM групп”-ийн эзэн, улсын гарди Ц.Цэрэнпунцагийн хөвгүүн Санжаачойпэл, хууль тогтоогч асан, “Эрэл” ХХК-ийг үүсгэн байгуулагч Б.Эрдэнэбатын хүү Тэмүүлэн, иргэн Л.АлтанОчир нарт холбогдох хэргийн шүүхийн урьдчилсан хэлэлцүүлгийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шүүгч Д.Сувд-Эрдэнэ удирдан өчигдөр хийлээ.
2025-12-19
Ундны усны нөөц бүхий газарт театр барихыг эсэргүүцэж, шүүхэд нэхэмжлэл гаргажээ
Үндэсний цэцэрлэгт хүрээлэнгийн 40 га газарт Үндэсний их театр, спортын ордон барих тухай шийдвэрийг нийслэлийн ИТХ-ын ээлжит хуралдаанаар энэ оны аравдугаар сарын 16-нд гаргасан билээ. Театр барих газар нь ундны усны нөөц бүхий хамгаалалтын бүсэд хамаарч байна хэмээн иргэд ихэд эсэргүүцсэн. Харин нийслэлийн Засаг даргын нэгдүгээр орлогч Т.Даваадалай “БНХАУ-ын буцалтгүй тусламжаар барих томоохон төсөл, ундын усны эх үүсвэр бүхий газарт” хамаарахгүй хэмээн мэдэгдэж байв. Тэгвэл хуульч, өмгөөлөгч А.Базар, Б.Амгаланбаатар нар нийслэлийн ИТХ-аас гаргасан дээрх шийдвэрийг хүчингүй болгуулах тухай нэхэмжлэлийг шүүхэд гаргасан байна.
2025-12-19
Монголын багаас зургаан тамирчин Зүүн Азийн аварга боллоо
Хонконгод болсон муай тай боксын Зүүн Азийн аварга шалгаруулах тэмцээнд Монголын баг дасгалжуулагч Н.Очхүү, У.Тамир нарын удирдлагад оролцож, эрэгтэйчүүдийн найм, эмэгтэйчүүдийн зургаан жинд өрсөлдлөө. Эрэгтэйчүүдээс 48 кг-ын жинд “Omega team” клубийнхнээс О.Өнөболд шагналын салхи хагалж, хү рэл медаль хүртэв. Түүний амжилтыг үргэлжлүүлж 51 кг-д тулалдсан тамирчдаас “Гаруда” академийн Н.Цогтгэрэл, 57 кг-д “Чингэлтэй ММА& Муай тай” клубийн Ц.Амарсанаа, 60 кг-д Б.Амгаланбаяр, 67 кг-д Б.Гантогтох, 71 кг-д Н.Алтанбаяр (“Гаруда”) аваргаар тодорсон юм.
2025-12-18
С.Ямааранз ахлагчтай “Алдар”-ын харваачид шилжин явах цом гарджээ
Монгол Улсын Ерөнхийлөгчийн нэрэмжит “Шилжин явах цом-2025” үндэсний шагайн харвааны тэмцээн хоёр өдөр болж өндөрлөсөн. Эл тэмцээний насанд хүрэгчдийн ангилалд Архангай аймгийн Хайрхан сумын харьяат, Монгол Улсын үлэмж дархан мэргэн С.Ямааранз ахлагчтай “АПУ” ХК, “Алдар” спорт хорооны баг ур чадвараараа бусдыгаа хошуучлан түрүүлж, шилжин явах цом гардав.
2025-12-18
“MongolZ”-ынхон дэлхийн чансаанд VII байрт жагсав
Цахим спортын “CS2” төрлийн мэргэжлийн багуудын чансааг “Valve”, “HLTV” платформ тогтоодог. HLTV-ээс “StarLadder Budapest Major-2025” тэмцээний дараа дэлхийн чансааг шинэчлэн гаргасан. Мажорт түрүүлсэн “Vitality” энэ удаа дэлхийн чансааг тэргүүлж, “FURIA” удаалж, нэг байраар ухарчээ. Финалд шалгарсан “FaZe Clan” баг урагшилж, эхний 10-аас зургаад би чигдсэн бол “MongolZ”-ынхон өмнөх чансаанаас хойшилж, VII байрт эрэмбэлэгдэв. Тэд өнгөрсөн есдүгээр сард дээрх хоёр платформын чансааг тэргүүлсэн билээ.
2025-12-18
Мэргэжлийн дасгалжуулагчид Японоос ирж ажиллах нь
Японы жүдо бөхийн холбоо болон Монголын жүдо бөхийн холбооны албан ёсны уулзалт Токио хотод болж, хоёр талын хамтын ажиллагааг өргөжүүлэх шийдвэр гарснаар “Judo for Tomorrow” төслийг Монголд дахин хэрэгжүүлэхээр шийдвэрлэсэн. Уг төсөл нь Монголын жүдо бөхийн хөгжлийг дэмжих, өсвөр үеийн тамирчид, дасгалжуулагчдыг чадавхжуулахад чиглэх юм.
2025-12-18
Эрчим хүчний шилжилтийг ил тод, хариуцлагатай хэрэгжүүлбэл хөрөнгө оруулалт татна
Нээлттэй нийгэм форум, Монголын олборлох үйлдвэрлэлийн ил тод байдлын санаачилгаас (ОҮИТБС) Эрчим хүч ний болон Байгаль орчин, ногоон хөгжлийн яам, уул уурхайн компани, зарим төрийн бус байгууллагыг оролцуулан “ОҮИТБС-ын хэрэгжилт: Эрчим хүчний шилжилт” хэлэлцүүлгийг өчигдөр зохион байгууллаа. Энэ үеэр ОҮИТБСын стандартын эрчим хүчний шилжилттэй холбоотой шаардлагууд, тэдгээрийг хэрэгжүү лэх, анхаарах асуудал болон шаардлагыг хэрэгжүүлэх алхам дэд сэдвээр хэлэлцүүлэг өрнүүлсэн юм.
2025-12-18
Сүхбаатар дүүргийн ЗДТГ-ын дарга асан Н.Одончимэг нарыг дахин шалгуулна
Сүхбаатар дүүргийн ЗДТГ-ын даргын үүрэг гүйцэтгэгчээр ажиллаж байсан Н.Одончимэгийг хахууль авч байх үйлдэл дээр нь 2024 оны аравдугаар сард АТГ-ынхан саатуулан шалгаж эхэлсэн билээ. Тэгвэл түүнд холбогдох хэргийн шүүхийн урьдчилсан хэлэлцүүлэг боллоо. Тэрбээр 2020 оны арванхоёрдугаар сарын 16-нд нээсэн Сүхбаатар дүүргийн Нэгдсэн эмнэлгийн барилга барих ажлыг гүйцэтгэгчийг сонгон шалгаруулах СБДХААА/202001005 дугаартай тендерт оролцон шалгарсан аж ахуйн нэгжийн удирдлагаас 55 сая төгрөгийн хахууль авч байсан гэдэг. Уг тендерт С.Гантөмөр, Б.Боролзойхүү хэмээх эцсийн өмчлөгч, гүйцэтгэх захиралтай “Ванхүү” ХХК шалгарсан.
2025-12-18
Чингэлтэй дүүргийн Нэгдсэн эмнэлэгт ирэх оноос хавдрын химийн болон хөнгөвчлөх эмчилгээ хийх нь
Чингэлтэй дүүргийн Нэгдсэн эмнэлгийнхэн ирэх оны нэгдүгээр сараас химийн өдрийн болон хөнгөвчлөх, гемодиализ, чихрийн шижингийн эмчилгээ нэвтрүүлэхэд бэлэн болсноо мэдээллээ. Бэлтгэл ажлыг хангах хүрээнд Халдварт бус өвчний хяналтын нэгж байгуулсан байна. Тус эмнэлэг нь нийт 360 эмч, эмнэлгийн ажилтантай, хэвтүүлэн эмчлэх долоон тасаг, 288 ортойгоор дүүргийн хүн амд 21 төрлийн тусламж, үйлчилгээ үзүүлж буй аж. Өнгөрсөн жил амбулаториор 343 911 үзлэг хийж, 7786 хүн хэвтүүлэн эмчилжээ.
2025-12-18
Дроныг гал түймэр унтраах, аврах ажиллагаанд ашиглах туршлага судалж байна
Нисгэгчгүй нисэх төхөөрөмж буюу дроноор гал түймэр унтраах, аврах ажиллагаанд ашиглах туршлага судлахаар Онцгой байдлын ерөнхий газар (ОБЕГ)-ын Холбоо, мэдээллийн технологийн газрын дарга, хошууч М.Отгонпүрэвээр ахлуулсан Гамшиг судлалын хүрээлэн, Үндэсний аврах бригад, нийслэлийн Онцгой байдлын газар, 119 дүгээр ангийн холбогдох алба хаагчид БНХАУ-ыг зорьжээ. Тус улсын Онцгой байдлын удирдлагын яам, манай ОБЕГ хамтран нисгэгчгүй нисэх төхөөрөмжийн хэрэглээ, ур чадварыг дээшлүүлэх сургалтыг Бээжин хотын Гал түймэр унтраах, аврах академийн сургалтын баазад зохион байгуулж буй бөгөөд энэ сарын 21 хүртэл үргэлжлэх аж. Хятадад ой, хээрийн түймрийн үед дронуудыг дөрвөн улиралд ашигладаг юм байна.
2025-12-18
Төсвийн орлого 472 тэрбум төгрөгөөр буурчээ
Манай улсын нийгэм, эдийн засгийн оны эхний 11 сарын зарим үзүүлэлтийг Үндэсний статистикийн хороо (ҮСХ)-ноос өчигдөр танилцууллаа. Тайлант хугацаанд улсын нэгдсэн төсвийн нийт орлого, тусламжийн хэмжээ урьдчилсан гүйцэтгэлээр 27.6 их наяд төгрөг болж, өмнөх оны мөн үеийнхээс 0.6 хувь буюу 171.5 тэрбумаар буурчээ. Харин тэнцвэржүүлсэн орлого, тусламжийн хэмжээ 25.6 их наяд төгрөгт хүрч, 472 орчим тэрбум төгрөгөөр мөн багассан байна.
2025-12-18
Өсвөрийн үндэсний сургагч хүүхдүүд үе тэнгийнхэндээ үлгэрлэнэ
Өсвөр үеийн үндэсний сургагч бэлдэх хөтөлбөрт нийслэлийн ерөнхий боловсролын зургаан сургуулийн 10-11 дүгээр ангийн 30 хүүхдийг хамруулжээ. Эрүүл амьдралын хэв маяг, эерэг харилцааны дадал зуршлыг төлөвшүүлэх, үе тэнгийн сургагч бэлдэх зорилгоор “Эрүүл амьдрал, эерэг харилцаа” хөтөлбөрийн хүрээнд дээрх сургалтыг зохион байгуулсан байна.
2025-12-18
БНСУ-аас сургалтын цахим тоног төхөөрөмжүүд хандивлав
Боловсролын ерөнхий газрынхан БНСУ-ын өмнөд Чүнчон мужийн Боловсролын газартай энэ оны тавдугаар сард хамтран ажиллах санамж бичиг байгуулсан билээ. Үүний хүрээнд тус мужийн Боловсролын газрын Боловсролын хэлтсийн дарга Ким Кён Ху, менежер Жон Жэдун, мэргэжилтэн Гу Санхён, Хан Сон Гён нар Монголд өчигдөр ирэв. Тэд санамж бичигт тусгасны дагуу боловсролын байгууллагуудад цахим тоног төхөөрөмж хандивлахаар болжээ. Энэ удаад МУБИС-ийн харьяа ерөнхий боловсролын сургуульд 60 хромбүүк, ухаалаг дэлгэц нийлүүлэв. Цаашид google хэрэгслүүд боловсролын салбарт хэр үр дүнтэй хэрэгжүүлж байгааг судалж, дараагийн шатны тоног төхөөрөмжүүдээ хаана, хэчнээнийг нийлүүлэхээ шийднэ гэдгээ энэ үеэр хэллээ.
2025-12-18
2035 онд дэлхийд асрахуйн салбарт 300 сая ажлын байр нэмэгдэнэ
Гэр бүл, хөдөлмөр, нийгмийн хамгааллын яам, МУИС-ийн Эдийн засгийн тэнхимтэй хамтран “Асрахуйн эдийн засаг” сэдэвт хэлэлцүүлэг зохион байгууллаа. Асрахуйн эдийн засаг гэдэг нь асаргаа, халамжаас хамааралтай бүлгүүд (хүүхэд, өндөр настан, өвчтэй, хөгжлийн бэрхшээлтэй хүмүүс) болон хөдөлмөрийн насны иргэдийн бие махбод, нийгэм, оюуны болон сэтгэл санааны сайн сайханд шаардлагатай бүтээгдэхүүн, үйлчилгээ, үйлдвэрлэл, хэрэглээг хамардаг өргөн ойлголт болохыг хэлэлцүүлгийн эхэнд дурдсан юм.
2025-12-18
С.Наранцогт: Бодлогын алдаанаас үүдсэн чөтгөрийн тойрогт орчхоод байна
Эдийн засгийн байнгын хорооны өчигдрийн хуралдаанаар Монголбанкны ерөнхийлөгчийн албан тушаалд нэр дэвшигчийн сонсголыг хийв. МАН-ын зүгээс “Эрдэнэс Монгол” ХХК-ийн гүйцэтгэх захирал С.Наранцогтыг уг албан тушаалд нэр дэвшүүлсэн юм. Тэрбээр МУИС-ийг физикч-математикч мэргэжлээр дүүргэсэн, БНСУ-ын Сөүлийн үндэсний их сургуульд инженер-эдийн засагч мэргэжлээр докторын зэрэг хамгаалсан аж. Мөн Сангийн яаманд мэргэжилтэн, хэлтсийн дарга, Төрийн нарийн бичгийн дарга, Эдийн засгийн хөгжлийн дэд сайдаар ажиллаж байсан нэгэн. Тиймээс нэр дэвшигчийг оролцогчид дэмжиж байв.
2025-12-17
Нийтийн хэрэгцээнд зориулж ирэх онд 4344 га газар чөлөөлөх нь
Хотын нутаг дэвсгэрт, тэр дундаа нийтийн эзэмшлийн зам, талбайд зөвшөөрөлгүй барьсан хашаа, гарааш, ТҮЦүүдийг нүүлгэн шилжүүлж, ногоон байгууламж бүхий орч ныг тохижуулах ажил үргэлжилж буй. Уг ажлын хүрээнд энэ онд 3933 нэгж талбар газар чөлөөлөөд байгааг нийслэлийн ЗДТГ-аас өчигдөр мэдээллээ. Эдгээрээс инженерийн дэд бүтцэд 1021, хэсэгчилсэн ерөнхий төлөвлөлтөд 2332, нийгмийн дэд бүтцийн ажлын хүрээнд 580 нэгж талбар чөлөөлсөн байна.
2025-12-17
Миний эрээд байгаа Г.Цэвээн нэг хүн үү, хоёр өөр хүн үү
Шагналын сан төдийгүй нэр хүнд, ач холбогдол, хамрах цар хүрээгээрээ нийгэмд хүлээн зөвшөөрөгдөж, Монголын “Пулитцер” гэгддэг байсан БАЛДОРЖ шагналын 10 жилийн түүхэн дэх шилдэг бүтээлүүдийг “Өнөөдөр” сонин цувралаар уншигчдадаа хүргэж байгаа билээ. 2010 оны БАЛДОРЖ шагналд нэрт сэтгүүлч, зохиолч, Соёлын гавьяат зүтгэлтэн Галсангийн Жамъян “Миний эрээд байгаа Г.Цэвээн нэг хүн үү, хоёр өөр хүн үү” нийтлэл, “М.Хаймжаа: Өвгөнийгөө амьд хүрээд ирэх болов уу гэж 44 жил хүлээж байна” ярилцлагаараа “Шилдэг-10”-т шалгарч байлаа.
2025-12-17
