Азийн үнэт цаасны форумд 20 улсын 100 орчим мэргэжилтэн оролцоно
Ази, Номхон далайн бүсийн нэр хүндтэй арга хэмжээний нэг болох Азийн үнэт цаасны форумын 30 дахь удаагийн ерөнхий чуулганыг энэ сарын 11, 12-нд Улаанбаатар хотод зохион байгуулах гэж байна. Энэхүү чуулганы үеэр хөрөнгийн зах зээлийн хөгжил, шинэ сорилт, боломжууд, хууль, эрх зүйн орчноос эхлээд тулгамдсан, шийдвэрлэх, олон нийтэд таниулах шаардлагатай асуудлуудыг ул суурьтай хөнддөг бөгөөд бүс нутгийн улсууд ээлжлэн зохион байгуулдгаараа онцлог.
2025-09-09
Автомашингүй өдрөөр иргэдэд эрүүл мэндийн үнэгүй үйлчилгээ үзүүлнэ
Нийслэлд уламжлал болсон автомашингүй өдөр энэ бямба гарагт тохиох юм. “Автомашингүй өдөр-2025” арга хэмжээг энэ жил “Эрсдэлгүй эрүүл орчныг хамтдаа” уриан дор зохион байгуулах бөгөөд соёл, урлагийн тоглолт, спортын арга хэмжээ болох аж. Мөн нийслэлийн Эрүүл мэндийн газрын харьяа болон хувийн хэвшлийн эрүүл мэндийн байгууллагынхан амны хөндийн үзлэг, чихрийн шижин, сүрьеэгийн илрүүлэг, цусны даралт ихсэх өвчнөөс сэргийлэх зөвлөгөө, дасгал хөдөлгөөн, эрүүл хооллолтын зөвлөмж, мэдээлэл хүргэх юм байна.
2025-09-09
Хөвсгөл аймагт тарваган тахлын гурван тохиолдол батлагдаж, нэг хүн нас барав
Хөвсгөл аймгийн Цагаан-Уул сумын нутагт тарваган тахал өвчний сэжигтэй гурван тохиол¬дол батлагдсантай холбогдуулан Цагаан-Уул болон Мөрөн сум уржигдраас энэ сарын 15-ныг хүртэлх хугацаанд өндөржүүлсэн бэлэн байдлын зэрэгт шилжээд буй юм. Улмаар дээрх хоёр сумын ерөнхий боловсролын сургууль, цэцэрлэг, сургалт, хичээлээс гадуурх дугуйлан, РС тоглоомын газар болон соёл урлагийн арга хэмжээ, уралдаан тэмцээн, хурал, зөвлөгөөн зэрэг олон нийтийг хамарсан үйл ажиллагааг зогсоох юм байна. Тарваган тахлын нөхцөл байдлын талаар Эрүүл мэндийн яамнаас өчигдөр мэдээлэл өглөө.
2025-09-09
Бэлчээрийн даац 25 сая толгой малаар хэтэрсэн гэв
Үндэсний статистикийн хорооноос гаргасан мэдээллээр энэ оны эхний хагас жилд дотоодын нийт бүтээгдэхүүн 5.6 хувиар өссөн. Үүний 3.6 хувийн өсөлтийг хөдөө аж ахуй дангаараа бүрдүүлжээ. Хүнс, хөдөө аж ахуй, хөнгөн үйлдвэрийн яамнаас хэрэгжүүлж буй үндэсний хөдөлгөөнүүдийн хүрээнд 58 мянган ажлын байр бий болоод байгаа аж. Хөдөө аж ахуйн салбар тэлж буйн хэрээр малын тоо толгой ч дагаад нэмэгджээ.
2025-09-09
Хойд бүсэд хавдрын оношилгоо, эмчилгээний дэд төв нээлээ
Хөвсгөл, Булган, Орхон, Дархан-Уул, Сэлэнгэ аймагт амьдарч буй 525 мянган хүнд үйлчлэх хүчин чадалтай, хавдрын оношилгоо, эмчилгээний дэд төв нээлээ. Эдгээр аймгийн нийт хүн амын 10 гаруй хувь нь хавдрын хяналтад байдаг аж. Мөн эл бүс нутагт хавдраар жилд 900 гаруй хүн нас бардаг, 600 орчим хүн өвдөх эрсдэлтэй гэсэн судалгааг ХСҮТ-өөс гаргажээ.
2025-09-09
Дипломат харилцаатай улсын тоо дөрвөөр нэмэгдлээ
Монгол Улс дэлхийн дөрвөн улстай шинээр дипломат харилцаа тогтоогоод байна. УИХ-ын хаврын чуулган завсарлахын өмнө Засгийн газраас Барбадос, Эсватинийн Хаант Улс, Бүгд Найрамдах Тринидад ба Тобаго болон Ботсвана Улстай дипломат харилцаа тогтоох тухай тогтоолын төслүүдийг өргөн барьж, улмаар парламентаар баталсан юм.
2025-09-09
Эзэнгүй хашаанаас эхлүүлэх тэмцлээ эзэнтэй барилга, байгууламжаар үргэлжлүүлбэл ямар вэ
Байгаль орчин, уур амьсгалын өөрчлөлтийн сайд Б.Батбаатар Богдхан уулын дархан цаазат газарт уржигдар ажиллаж, хашааны стандарт, барилгажилт, газар олголтын нөхцөл байдалтай танилцан, холбогдох албаныханд үүрэг даалгавар өгчээ. Тэрбээр Бага тэнгэрийн аманд УИХ-ын гишүүн асан Ц.Анандбазарын хууль зөрчин барьсан гэгддэг “Бага тэнгэр сити” хэмээх нүсэр хотхоны өмнө зогсчихсон “Дархан цаазат газарт хурц үзүүртэй хашаа татаад, амьтны амь хороочхож байгаа нь хууль бус ан хийсэнтэй дүйцэхүйц хэрэг мөн биз.
2025-09-09
Угалзтай өрөөгөөр зочлоорой
Хээ угалз нь Монголын үндэсний уламжлалт хэв маягийг илэрхийлдэг урлагийн нэг төрөл. Тэгвэл энэ чиглэлээр бүтээл туурвидаг зураач Р.Баярсайхан “Угалзтай өрөө” үзэсгэлэнгээ Уран зургийн галерейд дэлгээд байна.
2025-09-08
“Өвсний үндэс” хөтөлбөрийн хүрээнд 87 дугаар цэцэрлэгийг засварлах нь
Японы Засгийн газраас хэрэгжүүлдэг “Өвсний үндэс-хүний аюулгүй байдлыг хангах буцалтгүй тусламж” хөтөлбөрийн хүрээнд Баянгол дүүргийн 87 дугаар цэцэрлэгийг бүрэн засварлаж, шинэчлэхээр болсныг тус улсын Элчин сайдын яамнаас өнгөрсөн баасан гарагт мэдээллээ. “Улаанбаатар хотын Баянгол дүүргийн 87 дугаар цэцэрлэгийн барилгыг засварлах төсөл”-ийн буцалтгүй тусламжийн гэрээнд Элчин сайд М.Игавахара болон дүүргийн Засаг дарга Ө.Сумъяабаатар нар гарын үсэг зурав.
2025-09-08
Б.Шаравын нэрэмжит “Сэрсэн тал” дуу, хөгжмийн III наадам болж байна
Монгол Улсын төрийн дээд шагнал “Чингис хаан” одонт, Хөдөлмөрийн баатар, Төрийн шагналт, Урлагийн гавьяат зүтгэлтэн, нэрт хөгжмийн зохиолч Бямбасүрэнгийн Шаравын нэрэмжит “Сэрсэн тал” дуу, хөгжмийн III их наадам энэ өдрүүдэд болж байна. Энэ удаагийн уралдааныг түүний төрөлх нутаг Хэнтий аймгийн Жаргалтхаан сумд зохион байгуулж буй. Наадмыг соёл урлагийн салбарын ноён оргилууд, хүндтэй зочид төлөөлөгчид зорин ирсэн аж. Тэд уран бүтээлчийн амьдрал, уран бүтээлийн замнал, хөгжмийн ертөнцөд оруулсан үнэт хувь нэмрийг илтгэх “Гэр урлан”-тай нь танилцжээ.
2025-09-08
Амьтдын ертөнцийг хамгийн ойроос тольдлоо
Аварга могой, сармагчин, махчин шувууд, үет амьтан, хоёр нутагтан зэрэг 400-500 орчим амьтныг нэг дор цуглуулсан “Amazing zoo park” арга хэмжээ өнгөрсөн амралтын өдрүүдэд “Буянт-Ухаа” спортын ордонд болж өндөрлөлөө. Хүүхэд, гэр бүлд хамгийн ээлтэй буюу ойроос харж, хүрч, тэврэх боломжтой амьтад эл арга хэмжээнд “зочилсон” юм. Зарим амьтныг хооллож, зургаа хамт авхуулах орчныг бүрдүүлснээрээ онцлог болжээ.
2025-09-08
Их судлаач мөрөөдөлдөө хүрэхийн өмнөхөн амьсгал хураажээ
Тухайн үед далайн чанадын газар орон Оросын сонирхлыг татахгүй байв. Хилээс нь цааш дорно зүгт Номхон далай, Япон, зүүн өмнө тийш Хятад, умардад Мөсөн далай хүртэл судлагдаагүй, онгон зэлүүд нутаг олон мянган километр үргэлжилж байлаа. Тэр цагт Николай Михайлович Пржевальскийн нэр ихэнхдээ түүний нэрийг хадгалсан Монголын цөлийн зэрлэг адуутай холбогдож байв.
2025-09-08
“Монгол Улс байгалийн хийг зөвхөн тээвэрлэгч бус, хэрэглэгч орон болно гэж найдаж байна”
ОХУ-ын Владивосток хотноо 10 дахь жилдээ болсон Дорнын эдийн засгийн чуулга уулзалтыг өнөө жил “Алс Дорнод-Энх тайван, хөгжил цэцэглэлтийн төлөөх хам¬тын ажиллагаа” сэдвийн хүрээнд энэ сарын 3-6-нд зохион байгууллаа. Манай улс ОХУтай хөгжүүлж буй харилцаа, хамтын ажиллагаанд өндөр ач холбогдол өгч, энэхүү чуул¬га уулзалтад дээд, өндөр түвшинд оролцож ирсэн уламжлалтай бөгөөд 2016 оноос хойш Ерөнхийлөгчийн түвшинд дөрөв, Ерөнхий сайд, Гадаад харилцааны болон Сангийн сайдын түвшинд тус бүр нэг гээд нийт долоон удаа оролцжэ
2025-09-08
“Хавдар-2” төвийг барихад БНТУ бүх талаар тусална
Бүгд Найрамдах Турк Улсын Эрүүл мэндийн сайд Кемал Мемишоглу манай улсад энэ сарын 6-7-нд албан ёсны айлчлал хийлээ. Хоёр улсын хооронд дипломат харилцаа тогтоосны 55 жилийн ойн хүрээнд Монгол Улсын Ерөнхийлөгч У. Хүрэлсүх Турк улсад төрийн айлчлал хийх үеэрээ Эрүүл мэнд, анагаахын шинжлэх ухааны салбарт хамтран ажиллах тухай Монгол болон Туркийн Засгийн газар хоорондын хэлэлцээрийг шинэчлэн байгуулсан билээ.
2025-09-08
Инфляцыг 2027 онд таван хувьд тогтворжуулна
Монголбанк эдийн засгийн өсөлтийг тогтвортой хадгалж, иргэдийн бодит орлогыг хамгаалахын тулд одоогийн зургаан хувийн инфляцын зорилтыг дунд хугацаанд бууруулж, 2027 он гэхэд таван хувь орчимд тогтворжуулах бодлого барьж буйгаа Төрөөс мөнгөний талаар 2026 онд баримтлах үндсэн чиглэлийн төслийг өнгөрсөн баасан гарагт танилцуулахдаа мэдээллээ.
2025-09-08
