“ДЦС-3”-т онцгой дэглэм, бусдад нь өндөржүүлсэн бэлэн байдал тогтоов
Ерөнхий сайд Г.Занданшатар өчигдөр Эрчим хүчний яаманд ажиллаж, удирдлагуудад нь үүрэг, даалгавар өгөв. Тэрбээр энэ сарын 18-нд болсон Засгийн газрын хуралдаанаар төрийн албаны чиг үүргийн давхцал, орон тооны асуудлыг хэлэлцэн, бүх яаманд бүтцийн давхардал, чиг үүргийн шинжилгээ хийж, цомхотгох чиглэл өгснөө онцолсон. Мөн “ДЦС-3” ТӨХК-д 2025 оны зургаадугаар сарын 2-нд осол гарсантай холбогдуулан компанийн үйл ажиллагааг хэвийн горимд шилжүүлэх, болзошгүй эрсдэлээс урьдчилан сэргийлэх зорилгоор Засгийн газрын шууд хяналтад авч, зургаан сарын хугацаатай онцгой дэглэм тогтоох шийдвэр гарсныг танилцуулсан юм.
2025-06-20
АХБ хамгийн өндөр дүнтэй төгрөгийн бонд гаргаж, сүүний үйлдвэрлэлийг дэмжинэ
Азийн хөгжлийн банк энэ оны хоёр дахь төгрөгийн бондоо гаргаж, 55.8 тэрбумыг татан төвлөрүүлжээ. Зургаан жилийн хугацаатай тус бонд нь 10.3 хувийн тогтмол хүүтэй бөгөөд 2020 онд АХБ-наас гаргасан “Номад”-аас хойших хамгийн өндөр дүнтэй төгрөгийн бонд болж буйгаараа онцлог. Энэхүү хөрөнгийг Монголын сүү, сүүн бүтээгдэхүүний үйлдвэрлэлийг дэмжих зорилготой төсөлд зарцуулах юм байна.
2025-06-20
АНУ оюутны виз хүсэгчийн нийгмийн сүлжээг хянаж, шалгана
АНУ-ын Төрийн департаментаас гадаад оюутны болон боловсролын бусад визийн хүсэлтийг хүлээн авахад ашиглах шинэ журам боловсруулжээ. Тодруулбал, виз хүсэг¬ чид хувийн сошиал хэрэглээ, өгөгдлийн сан дахь мэдээллүүдээ тус улсын Элчин сайдын яамны консулын газрын ажилтанд шалгуулах үүрэгтэй болсон аж. Ингэхдээ тэдний нийгмийн сүлжээнд хуваалцсан мэдээлэл, илэрхийлсэн байр суурь дунд АНУ-ын ард иргэд, соёл, засаг захиргаа, төрийн байгууллагад дайсагнасан шинж байгаа, эсэхийг нягтлах гэнэ.
2025-06-20
Нүүрснээс алдсанаа нөхөх том боломж-“Алт-3”
Энэ онд 18 тонн алт олборлож, унцыг нь 1850 ам.доллароор борлуулан нийт 342.8 тэрбум төгрөг төсөвт төвлөрүүлэхээр баталсан. Харин тодотголоор олборлолтын хэмжээг 17 тонн болгон бууруулжээ. Дэлхийн зах зээл дэх алтны ханш 2900 ам.доллар болж өссөнөөр 507.6 тэрбум төгрөгийг төсөвт оруулахаар тооцсон байна. Үүнийг ЭЗХЯ-ны дөрөвдүгээр сард хийсэн тооцоололд суурилсан гэдгийг Сангийн яамны эх сурвалж тодотгосон.
2025-06-20
Ерөнхийлөгчийн нэрэмжит тэтгэлгийн стипендийг хугацаанд нь олгохгүй, оюутнуудыг зүдрээсэн хэвээр байна
Монгол Улсын Ерөнхийлөгчийн нэрэмжит “Илгээлт-2100” тэтгэлэгт хөтөлбөрийн хүрээнд гадаадад суралцагчдад амьжиргааны зардал буюу стипендийг нь цаг тухайд нь олгохгүй байгаагаас залуус санхүүгийн хүнд байдалд орж, хичээл сурлагадаа ч анхаарах сөхөөгүй болсон талаараа дахин мэдээллээ. Уг хөтөлбөрийн эхний шалгаруулалтад тэнцэн БНХАУ-ын Бээжин, Польшийн Радом, Британийн Бристол хотод суралцахаар очсон залуус 2023, 2024 онд мөн энэ асуудлаар манай сонинд хандсаны дагуу бид тухайн үед мэдээ, нийтлэл бэлтгэн хүргэж байв. Тэгвэл асуудал одоо ч цэгцрээгүй, залуус санхүүгийн болон сэтгэл зүйн хүнд дарамтад буй гэнэ.
2025-06-20
Чацарганын тос, ингэний сүүний стандартыг олон улсын түвшинд нийцүүлэх нь
Хүнс, хөдөө аж ахуй, хөнгөн үйлдвэрийн яам болон НҮБ-ын Хүнс, хөдөө аж ахуйн байгууллага хамтран Кодексын үндэсний зөвлөлийн хурлыг зохион байгуулсан. Монгол Улсын хүнсний аюулгүй байдлыг хангах, олон улсын жишигт нийцүүлэх хүрээнд кодексын стандартыг нэвтрүүлэх чиглэлээр хэрэгжүүлж буй үйл ажиллагааны явц, цаашдын төлөвлөгөөний талаар хэлэлцэв. Тодруулбал, чацарганын тос, ингэний сүүний стандартыг анх удаа олон улсын түвшинд нийцүүлэн батлуулах хүрээнд төсөл боловсруулж, холбогдох судалгаа, шинжилгээг хийж байгаа талаар танилцуулжээ.
2025-06-20
Шигшээ багийнхан хойд хөршийг зорьжээ
Хутга шидэлтийн спортын шигшээ багийнхан “Азийн аваргууд” олон улсын тэмцээнд оролцохоор хойд хөршийг зорив. Буриадын Улаан-Үд хотод өнөөдөр эхлэх тус тэмцээн дөрөв хоног үргэлжилнэ.
2025-06-19
“Монгол орны газар нутгийн 76.9 хувь нь ямар нэг хэмжээгээр цөлжилтөд өртсөн”
Шинжлэх ухааны академийн Газарзүй, геоэкологийн хүрээлэнгээс хоёр жил тутамд зохион байгуулдаг “Хүрээлэн буй орчны шинжлэх ухаан ба технологи-2025” олон улсын эрдэм шинжилгээний хурал хоёр дахь өдрөө үргэлжилж байна. ШУА-ийн Газарзүй, геоэкологийн хүрээлэнгийн захирал, доктор А.Дашцэрэнгийн хэлэлцүүлсэн “Монгол Улс дахь газрын доройтол болон байгалийн нөөцийн хомсдолын шалтгаанууд” сэдэвт илтгэл хэлэлцүүлэв. Харин БНХАУ-ын ШУА-ийн Эко орчин ба нөөцийн баруун хойд хүрээлэнгийн доктор Ван Тао “Уур амьсгалын өөрчлөлт ба Хятадын хуурай бүсэд салхины улмаас үүсэж буй цөлжилт болон ногоон бүс үүсгэх усны менежмент” сэдвээр илтгэл тавилаа.
2025-06-19
Жуулчдад үүдээ нээж, үнээ нэмсэн Гандангийн өнгө
Жуулчид Гандантэгчэнлин хийд цогцолбор луу нэвтрэхдээ 7000 төгрөг төлдөг байсныг энэ оны хавраас 20 000 төгрөг болгож нэмсэн. Тодруулбал, тус хийдийн захиргааны тэргүүлэгчид өнгөрсөн сарын 2-нд аялал жуулчлалын үйлчилгээний үнэ тарифыг шинэчлэн батлах тухай шийдвэр гаргаж, маргаашаас нь хэрэгжүүлж эхэлсэн билээ.
2025-06-19
Цагаачдын эсрэг Трампын бодлого улам чангарч байна
АНУ-ын Ерөнхийлөгч Дональд Трамп 36 улсын иргэдийг улсдаа нэвтрэхийг онцгойлон хориглох шийдвэрийнхээ хүрээг тэлэх боломжийг судалж байна. Урьд нь тэрбээр Ерөнхийлөгч байсан эхний бүрэн эрхийнхээ хугацаанд хэд хэдэн орны иргэдэд ийм хориг тавьж, түүнд нь Туркменистан улс багтаж байсан билээ. Одоо Афганистан, Мьян¬мар, Чад, БНКонго, Экваторын Гвиней, Эритрей, Хаити, Иран, Ливи, Сомали, Судан, Йемен улсад хориг тавиад, тэр нь хэрэгжээд эхэлчихсэн байгаа. Бурунди, Куба, Лаос, Сьерра Леон, Тонго, Туркменистан, Венесуэл гэсэн долоон улсын иргэдэд хэсэгчилсэн хориг тавьсан. Эдгээр улсын иргэдэд айлчлах болон оюутны виз олгохыг хориглосон. Ажил хийх юм уу, садан төрлийн америкчуудтайгаа уулзахыг нь хориглоогүй.
2025-06-19
Европын физикийн олимпиадаас Монгол Улс анхны мөнгөн медалиа хүртлээ
Болгарын Софи хотод Европын физикийн IX олимпиад энэ сарын 13-17-ны хооронд болж өндөрлөлөө. Олимпиадад 40 орны 200 орчим сурагч, 100 гаруй багш, дасгалжуулагч оролцон, мэдлэг чадвараа сорьсон байна. Монгол Улсаа төлөөлөн таван сурагч оролцсоноос нэг мөнгөн медаль хүртэж, мөн шагналт байрт шалгарсан юм. Энэ нь манай улс уг олимпиадаас анх удаа мөнгөн медаль хүртсэн түүхэн амжилт болжээ.
2025-06-19
Хүний эрхэд халдсан “маркетинг”
Байгууллагын сурталчилгаандаа бусдын дуу, дүрсийг зөвшөөрөлгүй ашигладаг байдал дэн¬дүү олширчээ. Манайд болсон бодит жишээ татъя. Үргэлж нээлттэй байдаг нэгэн фитнес клуб юүтүб сувагтаа 24/7 лайв цацдаг байна. Тэд үүнийгээ тайлбарлахдаа “Шууд дам¬жуулж буй бичлэгийг үзээд бэлтгэлийн заал хэр их хүнтэй байгааг харж болно. Манайх огт хаадаггүй тул хү¬мүүс хүссэн цагтаа ирэх боломжтой” гээд ичсэн шинжгүй, ил цагаан ярьж байна. “Орфей” театр “Амьдрахуй” драмын жүжгээ өнгөрөгч аравдугаар сард нээсэн. Тус зохиол нь ит¬гэл найдвар, зовлон бэрхшээлийг Фү Гуй хэмээх эрийн амьдралаар төлөөлүүлэн өгүүлдэг. Ийм агуулгатай жүжиг үзсэн хүний сэтгэл хөдөлж, уйлах энүү - хэнд. Гэтэл үзэгчдийг мэдрэмждээ автаж, тоглол тод анхаарлаа бүрэн хандуулсан байхад нь зургийг нь дарж, фэйсбүүк хуудастаа нийтэлжээ.
2025-06-19
“Зорчигч тээвэр-5”-д хүний амь эрсэдлээ
Урин дулаан болохтой зэрэгцээд зарим байгууллагад хөдөлмөр хамгаалал, аюулгүй байдлын холбогдох дүрэм, журам зөрчигдөж хүний амь, эрүүл мэнд хохирох хэрэг, зөрчил нэмэгддэг. Ийм хоёр ч хэрэг өнгөрсөн өдрүүдэд гарлаа. Тодруулбал, нийтийн тээврийн үйлчилгээний “Зорчигч тээвэр-5” ОНӨААТҮГ-т механикч нь осолдож нас барсан хэрэг энэ сарын 16- ны 21.30 цагийн үед гарсан гэх мэдээлэл цагдаагийн байгууллагад иржээ.
2025-06-19
“Буянт-Ухаа”-д олон улс, орон нутгийн 75 нислэг үйлджээ
“Буянт-Ухаа” олон улсын нисэх буудалд энэ сарын 6-12-нд олон улсын гурав, орон нутгийн 72 нислэг үйлдсэн талаар захиргаанаас нь мэдээлэв. Түүнчлэн тус нисэх буудлыг нөөцийн зориулалтаар ашиглах хүсэлт энэ хугацаанд 139 удаа бүртгэгдэж, үүний дагуу бэлэн байдлаа ханган ажилласан гэж дурдсан байна.
2025-06-19
Ахмадын асуудлыг хүний эрхийн өнцгөөс харах хэрэгтэй гэв
“Идэвхтэй насжилт, ахмадад ээлтэй нийгмийг бүтээх нь” сэдэвт Ази, Номхон далайн бүсийн форумыг өнөөдөр, маргааш хоёр өдөр Улаанбаатар хотод зохион байгуулах юм байна. Энэ талаар ХЭҮК-оос өчигдөр мэдээлэл өгөв. Комиссын гишүүн Х.Мөнхзул “Зүүн Өмнөд Азийн нутгуудад төрөлт буурч, нийт хүн амд эзлэх ахмад настны хувь эрчимтэй өсөж байна. Тухайлбал, 2050 он гэхэд Ази, Номхон далайн бүс нутагт 60-аас дээш насны хүмүүс хоёр дахин нэмэгдэнэ гэсэн тооцоо гарсан. Монгол Улсад ч мөн ялгаагүй, 2050 он гэхэд таван хүн тутмын нэг нь ахмад настан байх нь.
2025-06-19
Улаанбаатарт стандарт, нормд заасан хэмжээнээс 2.4 дахин олон ШТС байна
Нийслэл хотод үйл ажиллагаа явуулж буй шатахуун түгээх болон хийгээр цэнэглэх станцууд, газрын тосны агуулах, тээвэрлэлтийн үйл ажиллагаанд хяналт шалгалт хийж байна. Тодруулбал, хүн амын нягтаршил ихтэй бүсэд үйл ажиллагаа буй шатахуун түгээх 53 станц болон хийгээр цэнэглэдэг станцуудад хяналт шалгалт хийж, орон сууцын хороолол дунд барьсан долоон ШТС-ын үйл ажиллагааг зогсоожээ
2025-06-19
Сандрал, догдлол, найдвар дүүрэн элсэлтийн шалгалт эхэллээ
Төгсөх ангийн сурагчдын хувьд хамгийн чухал, хариуцлагатай үйл явдал болох элсэлтийн шалгалт өчигдөр орон даяар эхэллээ. Үүнээс үүдэн Улаанбаатар хотын замын хөдөлгөөн, явган зорчигч эрс нэмэгджээ. Ялангуяа ерөнхий боловсролын сургуулиудын ойр орчимд хөл хөдөлгөөн ихтэй, бичиг баримтаа “сугавчилсан” хүүхэд энд тэндгүй алхацгааж байв. Сурагчид 12 жилийн хугацаанд юу сурч мэдсэнээ шалгуулж, ирээдүйд хэн болох, ямар ажил, мэргэжил эзэмшихээ энэ өдрүүдэд шийддэг учир сандрал, догдлолтой харагдана. “Бүх зүйлээ авсан”, “За, зүгээр ээ”, “Сайн ойлголоо” гэх дуулгавартай, сандарсан аястай яриа нийтийн тээврийн унаанд ч , сургуулийн орчинд ч сонсогдох аж.
2025-06-19
