Ширээний теннисчид хамтарсан бэлтгэл хийхээр Харбиныг зорив
Зүүн Азийн үндэсний олимпын хороодын зохион байгуулж буй Залуучуудын ширээний теннисний олон улсын цугларалт өнөөдөр БНХАУ-ын Харбин хотод эхэлж байна. Манай улсаас Монголын ширээний теннисний холбооны дөрвөн тамирчин, шигшээ багийн дасгалжуулагч Ким Ён Сү нар оролцож буй аж. Тэд бусад улсын тамирчидтай хамтарсан бэлтгэл сургуулилалт хийхээс гадна олимпын аваргуудтай уулзаж, нөхөрсөг тэмцээн, соёл, аяллын зэрэг олон талт үйл ажиллагаанд оролцох гэнэ.
2025-08-03
Минимал орчныг мэдрэмжтэйгээр бүрдүүлэх тренд хатаамлын урлаг
Франц, Итали, Япон зэрэг оронд herbarium буюу хатаасан ургамлын урлаг уран зураг шиг болтлоо өндөр хөгжсөн байдаг. Энэ нь хотжилтын нүсэр хэмнэлд хүмүүс гэртээ янз бүрийн ургамал харж, мэлмийгээ баясган тайвшрах хэрэгцээг хангаад зогсохгүй минимал орчныг мэдрэмжтэйгээр бүрдүүлэх тренд болж байгаа тул декорт их ашигладаг. Анхны гарал үүсэл нь Италийн Пиза ботаникийн цэцэрлэгт хүрээлэн гэгддэг бөгөөд хэдэн зууны өмнө хийсэн цэцгийн хатаамлууд өнөөг хүртэл байдаг аж.
2025-08-02
Манай улсын 3900 гаруй иргэн Японд ур чадварын дадлагажигчаар ажилладаг
Гэр бүл, хөдөлмөр, нийгмийн хамгааллын сайд Т.Аубакир Япон Улсын Накашибэцү хотын Эдийн засгийн хэлтсийн дарга Кэйта Ито тэргүүтэй төлөөлөгчдийг өчигдөр хүлээн авч уулзлаа. Манайх тус улстай “Ур чадварын дадлагажигчийн хөтөлбөр” хэрэгжүүлэх хамтын ажиллагааны санамж бичгийг 2017, 2019 онд байгуулж, ур чадвартай ажиллах хүчний хүрээг тэлсээр иржээ.
2025-08-02
Z үеийнхэн хэрэглээний нийгмийг тодорхойлно
Зах зээл дэх хэрэглэгчийн зан төлөвийг судалдаг “NielsenIQ” компанийн саяхан олон нийтэд танилцуулсан тайланд дурдсанаар GenZ үеийнхэн хамгийн чинээлэг бөгөөд зарцуулалттай сегмент болж буйг онцолжээ. 2030 он гэхэд тэдний нийт худалдан авалт 12.6 их наяд ам.долларт хүрч, дэлхийн нийт хэрэглээний 18.7 хувийг дангаар бүрдүүлэх төлөвтэй гэнэ. Түүнчлэн эл үеийнхэн худалдан авалтдаа байгаль орчинд ээлтэй байдал, бизнесийн ёс зүйг чухалчлах болсон нь шинээр гарч ирэх брэнд, бизнесүүдийн бодлогод хүчтэй нөлөө үзүүлэх магадлалтай аж.
2025-08-02
Ажлын дөрвөн хоногтой болсноор ядаргаа
Ажлын өдрийг багасгах судалгаанд оролцсон зургаан орны 2900 гаруй ажилтны ядаргаа багасаж, илүү сайн унтаж амрах болжээ. Бостоны коллежийн судлаачид болох Вэн Фан, Жульет Шор нарын ахалсан шинэ судалгаанд дурдсанчлан цалинг бууруулахгүйгээр ажлын хоногийг багасгах нь ажилтнуудын сэтгэл зүй болон бие махбодод эерэг нөлөөтэйг онцолсон байна. Тодруулбал, АНУ, Британи, Австрали, Канад, Ирланд, Шинэ Зеландын141 байгууллагын ажилтнуудыг зургаан сарын явцадтуршилтад хамруулж, тэдний бүтээмжийг хадгалахын тулд шаардлагатай бүтцийн өөрчлөлт хийсэн гэнэ. Судалгааны үеэр “Таны сэтгэл санаа ямар байна вэ” хэмээх асуултыг зохих хугацааны давтамжтай тавьжээ.
2025-08-02
Хуучин хувцсаа хандивлаарай
Хуучин хувцсаа хандивлах өдөрлөгийг ирэх сарын 17-ны ням гарагт 13.00-19.00 цагийн хооронд Төв цэнгэлдэх хүрээлэнгийн гадна талбайд зохион байгуулах гэнэ. Хувцасны шүүгээнд тань өмсдөггүй, эсвэл багадсан хувцас байж л байгаа даа. Үүнийгээ хэрэгтэй хүнд ньхандивлах боломжийг эл өдөрлөг олгож буй аж. Өөрөөр хэлбэл, өмсдөггүй, хуучин хувцсаа өдөрлөгийн зохион байгуулагч нарт тушаагаад оронд нь “ногоон оноо” авч болох нь. Хувцсаа хандивласан бүх хүнд үүгээрээ урамшуулал авах боломж бүрдүүлэх юм байна. Хамтран зохион байгуулагч газруудад хөнгөлөлттэй үнээр үйлчлүүлэх гэх мэт урамшуулал багтахаж.
2025-08-02
Монгол, Оросын хилийн бүсэд цоохор ирвэсийн судалгаа хийж байна
Хөвсгөлийн улсын тусгай хамгаалалттай газрын хамгаалалтын захиргааныхан ОХУ-ын Тункений тусгай хамгаалалттай газрын судлаач, байгаль хамгаалагчидтай хамтран цоохор ирвэсийн тархац нутаг, шилжилт хөдөлгөөний судалгааг хоёр орны хилийн бүсэд хийж байна. Судалгааны эхний үе шатны ажлуудыг өнгөрсөн сарын 2026-нд Хөвсгөлийн байгалийн цогцолборт газарт хийсэн бол дараа нь Тункений тусгай хамгаалалттай бүсэд хяналт мониторингоо үргэлжлүүлэх нь.
2025-08-01
“TikTok”-оос “Youtube music” рүү дуу нэмэх боломжтой боллоо
“TikTok” бичлэгээс таалагдсан дуугаа Youtube-ийн жагсаалтдаа шууд нэмэх боломжтой болжээ. Тус компани 2023 оны арваннэгдүгээр сард “Spotify”, “Apple music”, “Amazon music”-ийн дэмжлэгтэйгээр энэхүү функцийг хөгжүүлж эхэлсэн ба АНУ, Британид л эл тохиргоо үйлчилж байв. Харин өнөөгийн байд¬лаар 160 гаруй оронд нэвтрүүлжээ. Хэ¬рэглэгчид бичлэгийн доор харагдах “Дуу нэмэх” цэсийг товшоод “Youtube music”-тээ дуртай бүтээлүүдээ нэмэх аж. Энэхүү тохиргоо нь хөгжмийн стрийминг үйлчилгээнд хэдэн тэрбум ам.долларын урсгал төвлөрүүлэх боломжтойг “TikTok”-ийнхон онцоллоо.
2025-08-01
Булган, Баянхошуу боомт ирэх сарын 30 хүртэл амралтын өдрүүдэд ажиллахгүй
Хилийн боомтуудын энэ сард ажиллах цагийн хуваарийг Хил хамгаалах ерөнхий газраас өчигдөр танилцууллаа. Монгол-Хятадын хилийн авто замын Байтаг боомт наймдугаар сард ажиллахгүй. Учир нь тус боомтыг жил бүрийн тав, долоо, есдүгээр сарын 16-30-нд ажиллуулдаг юм. Мөн тус улстай хиллэдэг авто замын Булган зуны улиралд нямд, Баянхошуу боомт бямба, ням гарагт амардаг болж байгаа аж. Уг шийдвэрийг хоёр улсын Гадаад харилцааны сайд нарын 2025 оны 49 дүгээр ноот бичгийн хүрээнд гаргажээ. Булган боомтын тухайд есдүгээр сарын 30 хүртэл даваагаас бямба гарагт 10.00-21.00 цаг хүртэл ажиллах юм байна. Боомтуудын хуваарь өөрчлөгдсөн даруйд мэдэгдэнэ гэв.
2025-08-01
Газрын диваажин, олон ястны өлгий Ховд аймаг
Их нууруудын хотгор руу Монгол алтай нуруу, Хангайн салбар уулс түрсний улмаас бие биеэсээ харьцангуй салангид хэд хэдэн хотгор бий болсны нэг нь Хар ус нуурынх. Тиймээс физик, газар зүйн өвөрмөц онцлогтой. Тус хотгор нь тал бүрээсээ өндөр уулсаар хүрээ¬лэгдсэн тул баруун зүгийн чийглэг агаар бус, харин зүүн урд талаас Төв Азийн их цөлийн хуурай уур амьсгал саадгүй нэвтэрдэг тул цөлөрхөг аж. Энэ цогцолборт газарт 54 хөхтөн амьтан бүртгэгдсэнээс 11 зүйл нь ховор, нэн ховорт хамаардаг. Тэрбайтугай, цоохор ирвэс, монгол бөхөн, зэгсний гахай, минж, тавал атигдаахай бүртгэгдсэнээрээ онцлог.
2025-08-01
П.ЭРДЭНЭПҮРЭВ: Хүннү, Сяньби нь угсаа гарвал, соёлын хувьд нэгдмэл байсныг оршуулгын зан үйлээс харж болно
МУИС-ийн Нүүдэлчдийн археологийн хүрээлэнгийнхэн Сэлэнгэ аймгийн Ерөө сумын нутагт хийсэн археологийн малтлага, судалгааныхаа үеэр Хүннү, Сяньбигийн завсрын үед хамаарах бунхант булшийг саяхан нээн илрүүлсэн билээ. Үүнтэй холбогдуулан эдгээр олдвор нь Монголын түүхэнд ямар ач холбогдолтой талаар ОХУ-ын Барнаул хот дахь Алтайн улсын их сургуулийн Археологи, угсаатан зүй, музейн тэнхимийн докторантур, эл судалгааны багийн гишүүн П.Эрдэнэпүрэвтэй ярилцлаа.
2025-08-01
Бүлэглэн хулгай хийдэг этгээдүүдийг саатууллаа
Хөвсгөл аймгийн нэгэн иргэний гэрт нэвтэрч, хулгай хийсэн 31-46 насны гурван этгээдийг цагдаагийн байгууллагынхан саатуулжээ. “Айлын байшинд хулгай орчихлоо” гэх дуудлага, мэдээлэл өнгөрсөн сарын 27-28-нд шилжих шөнө цагдаагийн байгууллагад ирсэн байна. Үүний дагуу ажиллаж, хулгай хийсэн хүмүүсийг барьж саатуулсан бөгөөд долоодугаар сарын 17- ноос хойш иргэдийн орон байр луу хууль бусаар нэвтэрч, 12 удаа хулгай хийсэн нь тогтоогджээ. Тэд элдсэн хурганы арьс 60 ширхэг, хурган дотортой дээл, мөнгөн аяга, монгол гутал, суран бугуйл, борц, шүрэн толгойгойтой хөөрөг гэх мэт зүйл хулгайлсныг урьдчилсан байдлаар тогтоож, мөрдөн шалгах ажиллагаа явуулж буй аж.
2025-08-01
Бүс нутагт вакцины хамрагдалт буурсны улмаас халдварт өвчин нэмэгдэх хандлагатай гэв
Зүүн өмнөд Ази болон Номхон далайн бүс нутгийн орнуудад тэр дундаа Монгол, Вьетнам, Камбож, Филиппин улсад хүүхдийн вакцинд хамрагдах хувь эрс багассаныг НҮБ болон ДЭМБ-аас мэдээллээ. Үүний хор уршгаар энэ оны эхээр нэр дурдсан орнуудад ханиад, томуу, менингит, улаан бурхны халдвар дэгдэж, олон хүүхэд эндэн, эрүүл мэндийн байгууллагуудад ч ачаалал үүсгээд байна. Вакцины хамрагдалт цаашид ч буурах хандлагатай байгааг тус байгууллагуудаас анхааруулсан. Энэ нь “Ковид-19”-өөс хойш иргэдийн вакцинд үл итгэх байдал нэмэгдсэн, уламжлалт хандлага, эрүүл мэндийн боловсрол дутмагтай холбоотой гэж үзжээ.
2025-08-01
Хуулиар хориглосон ч насанд хүрээгүй 18 хүүхэд суррон унаж гэмтжээ
Тээврийн прокурорын газраас энэ оны эхний долоон сард хүүхэд суррон унаж, зам, тээврийн хөдөлгөөнд оролцсон ослыг судалсан байна. Эл хугацаанд сурронтой холбоотой 15 осол бүртгэгдсэн бөгөөд үүний улмаас 18 хүүхэд гэмтэж, эрүүл мэндээрээ хохирчээ. Үүнийг өмнөх оны мөн үеийнхтэй харьцуулахад осолд өртсөн хүүхдийн тоо 10 хувиар буурсан аж.
2025-08-01
Монгол Улс 2030 он гэхэд байгаль хамгаалагчийн орон тоог 40 хувиар нэмэх шаардлагатай
Олон улсын байгаль хамгаалах холбоо (IRF)-ноос 2007 онд санаачилсан Дэлхийн байгаль хамгаалагчдын өдрийг улс орнууд өчигдөр 19 дэх удаагаа тэмдэглэн өнгөрүүллээ. Өнөө жилийн тэмдэглэлт өдрөөр “Бид дэлхийн байгаль хамгаалагчидтай хамт” уриалга дэвшүүлсэн нь байгаль, эх дэл¬хийгээ хайрлан, хамгаалах үйлсэд хоёргүй сэтгэлээр зүтгэж буй эко элч нарын хөдөлмөрийн үнэлэмжийг нэмэгдүүлэх, тэдний нийгмийн асуудал, аюулгүй байдалд бүх нийтийн анхаарлыг хандуулах зорилготой аж.
2025-08-01
Манай улс банкны өрсөлдөх чадварын индексээр есөд эрэмбэлэгдлээ
Монголын банкны холбооноос гаргасан банкны өрсөлдөх чадварын ээлжит индексээр манай улс 37 орноос есдүгээр байрт эрэмбэлэгджээ. 2020 онд Монгол 43 оноотойгоор 28 дугаар байрт жагссан бол өнгөрсөн жилийн үзүүлэлтээр 66.2 оноо авч, эхний аравт багтсан байна. Дөрвөн жилийн хугацаанд оноогоо 23.3, байраа 18-аар ахиулсан гэсэн үг.
2025-08-01
Ардын жүжигчин Э.Амартүвшин дэлхийн шилдэг дуурийн дуучдын чансааг тэргүүлжээ
Ардын жүжигчин Э.Амартүвшинийг дэлхийн шилдэг баритон дуучнаар шалгарууллаа. Тодруулбал, “Ореra world” цахим хуудас 2023 оноос эхлэн олон улсад үнэлэгдсэн дуурийн дуучдыг таван ангилалд хуваан, шилдгүүдийг нь шалгаруулж буй билээ. Тэгвэл өнөө жилийн дэлхийн шилдэг баритоны жагсаалтыг Ардын жүжигчин Э.Амартүвшин 7500 оноогоор тэргүүлжээ
2025-08-01
Татвар төлөгчдийн мөнгөөр тансаглах жишиг
Монгол Улсын 21 аймгийн нэг болох Увсын 100 жилийн ойн баярыг тэмдэглэх арга хэмжээний хүрээнд цэнгэлдэх орчмынх нь цахилгааны асуудлыг шийдэхээр Эрчим хүчний сайд Б.Чойжилсүрэн өөрийн мэдлийн багцаас хоёр тэрбум төгрөг гаргуулснаа ихэд сайрхжээ. “Хуучаа ярих гээд хулгайгаа дэлгэв” гээч нь болов. Төсвийн ерөнхийлөн захирагчийн хувьд тэрбээр салбарынхаа тухайлсан асуудлуудыг шийдэх зорилгоор эзэмшдэг сайдын багц зардалтай. Гэвч тус нутгийнхан бусдаасаа ямар давуу эрхтэй болоод гурван өдөр наадамлах эрчим хүчний хэрэгцээг нь хүртэл татвар төлөгчдийн мөнгөөр шийдвэрлэж өгөх үүрэг хүлээдэг билээ.
2025-08-01
