Үндэсний кино зохиолын шинэ эргэлт-Чимидийн Гомбо
Тэртээ 1970 оны хавар сан... “Анхны алхам” киног анх үзээд тун сонин мэдрэмж төрж билээ. Урьд өмнө үзэж байсан монгол кинонуудаас зохиомж, өгүүлэмжээрээ тэс өөр... Ахуй орчин нь бодит амьдралд тун ойр, үйл явдал гээд байх юмгүй атлаа ганц майхан тойрсон өвгөчүүл, хадланчдын хоорондын харилцаа, диалог яриа нь уйдаахгүй, өөрийн эрхгүй сонирхол татаж, тэдний дунд өрнөх үйл явдал нь сэтгэл хөдөлгөсөөр уг кино төгсдөг сөн. Ямартай ч Монголын кинонд шинэ нэгэн өөрчлөлт гарлаа даа гэж бодож явлаа.
2025-11-05
1127 эрх зүйч шалгалт өгснөөс 100 хүн тэнцжээ
Монголын хуульчдын холбооноос жил бүр уламжлал болгон зохион байгуулдаг хуульчийн мэргэжлийн шалгалтыг өнгөрсөн сарын 22-24-нд Улаанбаатар хотод зохион байгуулсан юм. Шалгалтын дүнг уржигдар танилцуулсан бөгөөд нийт 1127 эрх зүйч оролцсоноос 8.8 хувь буюу 100 хүн тэнцсэн байна. Өөрөөр хэлбэл, сорилгын болон бодлогын шалгалтын нийлбэр дүнгээр 70 ба түүнээс дээш оноо авсан хүмүүс шалгалтад тэнцжээ.
2025-11-05
Нийслэлчүүд өдөрт 1500 гаруй тонн хог хаягдал “үйлдвэрлэж” байна
Нийслэлийн хүн амын өсөлт, бараа бүтээгдэхүүний үйлдвэрлэл, худалдаа, үйлчилгээ жилээс жилд өргөжихийн хэрээр их хэмжээний хог хаягдал ялгарах болжээ. Улаанбаатарчууд өдгөө өдөрт дунджаар 1500 гаруй тонн хог хаягдал “үйлдвэрлэж” буйаж. Тэгвэл 2040 он гэхэд эл үзүүлэлт хоногт 2915 тонн болж нэмэгдэх төлөвтэй байна. Хог хаягдлыг дахин боловсруулах, эсвэл бүрмөсөн устгах ямар нэгэн арга хэмжээ авахгүй л бол байгаль орчинд асар их сөрөг нөлөө үзүүлнэ гэдгийг судлаачид анхааруулсан.
2025-11-05
Монголын багийн хоёр хүн стандарт төрөлд алтан медаль хүртэв
Улаанбаатар хотод зохион байгуулж буй сурагчдын Ази тивийн аварга шалгаруулах шатрын тэмцээнд Монголын тамирчид зургаан насны ангилалд оюунаа сорьж байна. Долоо дахь өдрийн тэмцээний стандарт төрөлд өрсөлдсөн оролцогчдоос аваргууд тодров. Хөвгүүдээс долоо хүртэлх насны ангилалд Б.Бат-Эрдэнэ хүрэл, ес хүртэл насныхад Б.Болдбаатар, 11 хүртэлх насныхад Л.Тулга хүрэл медалийн эзэн боллоо.
2025-11-05
Үндэсний хувьчлалын сан нь нэгж эрхээ эргүүлэн худалдан авна
Үндэсний хувьчлалын сан (ҮХС) буюу хамтын хөрөнгө оруулалтын сан нь Компанийн тухай хуулийн дагуу, МХБ-ээр дамжуулан өөрийн нэгж эрхээ зах зээлээс эргүүлэн татахаар болжээ. Тодруулбал, нэгж эрхийн зах зээлийн ханш нь тухайн үеийн цэвэр хөрөнгийн үнэлгээний 15-аас бага хувиар үнэлэгдэж байвал зах зээлээс эргүүлэн авах юм байна. ҮХС нь өдгөө 50 сая ширхэг нэгж эрх гаргасан бөгөөд үүнийхээ таван хувийг энэ оны дуустал худалдан авах аж.
2025-11-05
Хөшөөтийг хөшигний ард нуух сонирхол-1 буюу “Чөтгөр”-ийн хувьцаа
Монголын баруун хязгаарын Хөшөөтийн нүүрсний ордыг эзэмшиж буй “Mongolian energy corporation”-ын хувьцаа олон улсын захад цахиур хагалж байна. Сүүлийн буюу энэ сарын 2-ны өдрийн ханшаар манай Хөшөөтийн нүүрсний ордыг эзэмшиж буй тус компанийн хувьцааны ханш 2.75 хонконг долларт хүрэв. Хонконгийн биржид 276 тоот кодоор бүртгэгдсэн тус компанийн нэг жилийн хувьцааны дээд ханш 18.06 хонконг долларт хүрч байсан нь дэлхийд байтугай Монголд ч үнэлэгдэж амжаагүй энэ ордын хувьд том рекорд гэж мэргэжилтнүүд үзэж байна.
2025-11-05
Аадар борооны улмаас хөрсний гулгалт үүсэж, 50 гаруй хүн амиа алджээ
Карибын тэнгисийг “Мелисса” хар салхи нөмөрч, Афганистанд газар хөдөлсний дараа Африк болон Номхон далайн бүс нутагт байгалийн гамшиг дахин нүүрлэжээ. Тодруулбал, Кени, Папуа Шинэ Гвиней зэрэг оронд энэ сарын 1-нээс эхлэн тасралтгүй орсон хүчтэй аадар борооны улмаас хөрсний гулгалт үүсэж, 50 гаруй хүн амиа алдсан байна. Тухайлбал, Кенид эл гамшгийн улмаас амиа алдсан хүний тоо 26-д хүрч, 25 иргэн сураггүй болжээ. Мөн авто зам, гүүр нурж, 1000 гаруй айлын орон сууц сүйдсэн аж. Их хэмжээний аадар борооны улмаас үерийн усны түвшин эрс нэмэгдэж, шавар ихээр үүссэн тул аврах ажиллагааг түр хугацаанд зогсоохоос аргагүйд хүрсэн байна.
2025-11-05
Мэдээллийн итгэлцэл сониноос эхэлнэ
Эх орныхоо өдөр болгоны түүхийг бичдэг үндэсний хэмжээний өдөр тутмын сонингүй улс дэлхийд байхгүй л болов уу. Их хот “амь орж”, хөл хөдөлгөөн эхлэхтэй зэрэгцэн аяга кофе уунгаа сонин гарчиглаж, сэтгүүлч, редакцын хөлс хүч, хөдөлмөр шингэсэн даацтай мэдээ, нийтлэлүүдийг уншин өглөөг угтах нь орчин үеийн хүний амьдралын хэв маяг, хэвлэл мэдээллийн боловсролын илрэл билээ.
2025-11-05
Монголбанкны худалдан авсан үнэт металлын хэмжээ буурчээ
Монголбанк энэ оны аравдугаар сард 2.83 тонн үнэт металл худалдан авсан нь өмнөх оны мөн үетэй харьцуулахад 10.3 хувиар буурсан үзүүлэлт юм байна. Үүнээс Дархан-Уул аймаг дахь Монголбанкны хэлтэс 722.6 кг, Баянхонгор аймаг дахь хэлтэс нь 1533 кг үнэт металл худалдан авчээ.
2025-11-05
Замын хөдөлгөөний зөрчил мэдээлбэл урамшуулал олгох нь
Явган хүний замд автомашинаа тавьсан, автобусны зогсоол хаасан, түр болон удаан зогсох хориотой газарт зогссон зэрэг зөрчил, мэдээллийг иргэд зургаар баталгаажуулан“102 Police” аппликэйшнээр дамжуулан Замын хөдөлгөөний удирдлагын төвд мэдээлснээр урамшуулал авах боломжтой боллоо.
2025-11-04
Уур амьсгалын өөрчлөлтөд өртсөн нүүдэлчдийн түүх
Алтайн уулсын орой цэнхэртэн харагдах, говь, хээрийн заагт орших хуурай, цөлөрхөг энэ талд Даваасүрэнгийнхэн аж төрнө. Ган, зудын давтамж нэмэгдэж, өвс тэжээл ховордож, усны эх үүсвэр багассан тус газарт нутгийнхан худаг гаргах, хамтын бэлчээр ашиглах зэрэг арга сэдэн амьдарч буй. Хөдөө нутгийн залуус ердөө хэдхэн километрийн зайд орших урьд хожид үзээгүй шинэ содон ахуй нийгмийг үзэх мөрөөдөлд автаж, хударгалсандээлээ савхин хүрэм, жийнсээр солихыг Улаанбаатарын магтуу ч гэх. Хотыг зорих түмнийг ийм л нүдээр харж, гэр хорооллын янданг нэмлээ гэж гадуурхах нь бий. Харин “Чоно үүр шөнөөр ирдэг” бүтээлд уур амьсгалын өөрчлөлтийн “хуй салхи”-нд өртөн мал сүргээ алдаж, шинэ амьдрал хайн арга ядахдаа нийслэлийг зорьж буй Дагвасүрэнгийн Даваасүрэн, Дашзэвэгийн Отгонзаяа нарын бодит түүхийг өгүүлэх болно.
2025-11-04
Уран сийлбэрчдийн “Цой-2025”-д саатаарай
Монголын уран сийлбэрчдийн 12 дахь удаагийн нэгдсэн үзэсгэлэнг Уран зургийн галерейд энэ сарын 2-нд нээлээ. 14 хоногийн турш өдөр бүр 10.00-18.00 цагт нээлттэй байх “Цой-2025” үзэсгэлэнг сонирхогчид сийлбэрчдийн уран бүтээлээ хийх үйл явцыг хажуунаас нь харж ярилцаж, туршлага судлан танилцах боломжтойгоороо онцлог юм. Ахмад сийлбэрчдээс эхлээд шинэ залуу уран бүтээлчид оролцож заншсан энэхүү үзэсгэлэнгийн үеэр ардын гар урлалын олон төрлийг харуулсан бүтээлүүд дэлгэдгээрээ өвөрмөц.
2025-11-04
УБТЗ-аас авсан хөрөнгөө угаасан гэх Ж.Гарьдын хэрэгт шинжээчийн дүгнэлт гаргуулах нь
Монгол-Оросын хувь нийлүүлсэн “Улаанбаатар төмөр зам” (УБТЗ) нийгэмлэгийн даргаар ажиллаж байсан Д.Ж-гийн хүү Ж.Гарьдад холбогдох хэргийг Баянгол, Хан-Уул, Сонгинохойрхан дүүргийн эрүүгийн хэргийн анхан шатны тойргийн шүүхийн шүүгч А.Алтанхуяг өчигдөр хянан хэлэлцээд 60 хоногийндоторбагтааннэмэлт мөрдөн шалгах ажиллагаа хийлгэхээр шийдвэрлэлээ. Ингэхдээ “Санхүү, нягтлан бодох бүртгэлийн тусгай мэдлэг бүхий шинжээчийн дүгнэлт гаргуулаагүй. Энэ нь нотлох баримт цуглуулах, бэхжүүлэх хууль журам зөрчсөн” гэж шүүгч дүгнэсэн юм. Өөрөөр хэлбэл, 600 000 ам.долларын эх үүсвэрт санхүүгийн шинжээчийн дүгнэлт гаргуулах ёстой юм байна.
2025-11-04
“Өмхий үнэр хүхрийнх байх магадлалтай”
Нийслэлийн гэр хорооллын айлуудад сайжруулсан шахмал болон хагас коксон түлшнээс гадна угааж баяжуулсан мидлингийг өнгөрсөн баасан гаргаас борлуулж эхэлсэн. Улмаар нүүрс түлэх үед өмхий үнэр гарч, хоолой хорсож, амьсгалахад ч хүртэл хүндрэл учруулж буй талаар иргэд хэлж байна. Иймд нийслэлийн Агаар, орчны бохирдлын газрынхнаас энэ талаар лавлахад “Юу үнэртээд байгааг бид хэлэх боломжгүй” гэсэн юм.
2025-11-04
Хил дамнасан цаасгүй худалдааны асуудлаар хэлэлцлээ
Ази, Номхон далайн хил дамнасан цаасгүй худал¬дааг хөнгөвчлөх тухай ерөнхий хэлэлцээрийн үндэсний ажлын хэсгийн ээлжит хурлыг Зам, тээврийн яамнаас санаачлан өнгөрсөн баасан гарагт зохион байгуулжээ. Ази, Номхон далайн хил дамнасан цаасгүй худалдааг хөнгөвчлөх тухай ерөнхий хэлэлцээрийг 2022 онд манай улс соёрхон баталсан.
2025-11-04
Үл хөдлөх эд хөрөнгө худалдан авахдаа юу анхаарах вэ
Үл хөдлөх эд хөрөнгө худалдан авч, орон байртай болох нь хүний амьдралын чухал шийдвэр, томоохон алхам билээ. Харин бусдын эл хүсэлд дөрөөлөн худалдан авагчийг мэ¬хэлж, залилах үзэгдэл хавтгайрсан байна. Үүнээс болж иргэд орон сууцдаа орж чадахгүйд хүрэх, хураан хуримтлуулсан мөнгөө алдах зэргээр хохирох нь элбэг. Түүнчлэн байршил муутай, хүүхэд тоглох газаргүй гэх мэт стандартын шаардлага хангахгүй, бөөр бөөрөө дарсан орон сууцад бухимдаж, тав тухгүй амьдрах нь ч бий. Иймээс үл хөдлөх эд хөрөнгө худалдан авах¬даа анхаарах зүйлсийн талаар уншигчдадаа хүргэе.
2025-11-04
