БНХАУ өнгөрсөн сард түүхэн дээд хэмжээний нүүрс импортолжээ
БНХАУ өнгөрсөн оны арванхоёрдугаар сард 58.6 сая тонн нүүрс импортолсон нь бүх цаг үеийн дээд үзүүлэлт боллоо. Энэ нь өмнөх оны мөн үеэс 12 хувиар өссөн үзүүлэлт аж. Тодруулбал, тус улсын Гаалийн ерөнхий газрын тайланд дурдсанаар өвлийн улиралд халаалтын эрэлт нэмэгдэж, эрчим хүчний аюулгүй байдлыг хангах зорилгоор урьдчилан нөөц бүрдүүлэх шаардлага тулгарсан, дотоодын нүүрсний үнэ өссөн зэрэг нь импортын хэмжээ ийнхүү цойлоход нөлөөлсөн гэв. Индонез, Австрали, ОХУ зэрэг гол нийлүүлэгч орны хязгаарлалтаас шалтгаалан арваннэгдүгээр сард импортын хэмжээ буурсны дараах огцом сэргэлт энэ болсныг мөн тодотгосон байна.
2026-01-20
“Туулын хурдны зам”-ын талбайд геодезийн хэмжилт хийж дууслаа
Нийслэлийн удирдах ажилтнуудын өчигдрийн ээлжит шуурхай зөвлөгөөнөөр Улаанбаатар хотын хэмжээнд хэрэгжүүлж буй томоохон бүтээн байгуулалтуудын ажлын явц, хэрэгжилтийг хэлэлцлээ. Тухайлбал, Туулын хурдны замын түр барилга, байгууламжийн ажлын гүйцэтгэл 32.4 хувьтай, материалын хангамж, талбайн хайгуул судалгааны хүрээнд хийсэн геодезийн хэмжилт бүрэн дууссаныг холбогдох албаныхан тайлагнав. Инженер геологийн ажлын хүрээнд 40 цооног өрөмдөж, зураг төслийн хүрээнд шугамын сонголт, ерөнхий байрлалын чиг зургийг баталсан байна. Мөн авто зам, гүүрний хоолой, үерийн далангийн нарийвчилсан зураг төслийн ажил 92.9 хувьтай үргэлжилж буй гэв.
2026-01-20
Цусны хавдартай хүүхдэд үүдэл эс шилжүүлэн суулгах эмчилгээг анх удаа амжилттай хийв
Монгол Улсад цусны хавдартай хүүхдэд цусны үүдэл эс шилжүүлэн суулгах эмчилгээг анх удаа амжилттай хийсэн талаараа эмч нар өчигдөр мэдээллээ. Эл эмчилгээг УНТЭ-ийн Цусны үүдэл эс шилжүүлэн суулгах багийн ахлагч, ардын эмч Н.Оюундэлгэрийн санаачилгаар ЭХЭМҮТ, БНТУын “Medical Park” эмнэлэг, мөн ТИКА олон улсын байгууллагын дэмжлэгтэйгээр хэрэгжүүлжээ. 15 настай, М гэх охинд үүдэл эс шилжүүлэн суулгасан байна. Ингэхдээ өөрөөс нь үүдэл эсийг нь ялган авч боловсруулан, хөлдөөгөөд эргэн сэлбэжээ. Тэрбээр таван настайдаа цусны хавдраар оношлогдсон бөгөөд есөн жилийн турш эмчилгээ хийлгэсэн ч өвчин нь удаа дараа сэдэрсэн байна. Харин цусны үүдэл эс шилжүүлэн суулгасны дараа биеийн байдал нь сайжирчээ.
2026-01-20
Өвлийн олимп зохион байгуулах газруудын тоо эрс цөөрч буй гэв
ОУОХ-ны төлөөлөгч К.Штосс уур амьсгалын өөрчлөлттэй холбоотойгоор өвлийн спортын төрөл, тамирчид болон үзэгчдийн тоог цөөрүүлэх, уралдаан тэмцээний товыг наашлуулах зэрэг асуудлыг хэлэлцэж байгааг онцоллоо. Учир нь олимп дууссанаас хойш хоёр долоо хоногийн дараа эхэлдэг паралимпын наадмын үеэр агаарын хэм нэмэгдэж, дулаардаг тул тэмцээн явуулахад хүндрэл учруулдаг байна. Хэрэв тоглолтуудын хугацааг гурван долоо хоногоор наашлуулбал зохион байгуулах боломжтой газрын тоо хоёр дахин нэмэгдэх боломжтой гэж эрдэмтэд үзэж буй юм.
2026-01-20
“HUREM” брэнд есөн нас хүрлээ
Биеийн дулаан хадгалах omni heat технологи ашиглан хямд үнэтэй ч чанартай бү- тээгдэхүүн үйлдвэрлэдэг “HUREM” брэнд хэдийнээ өөрийн гэсэн хэрэглэгчтэй болж чаджээ. Монголын загварын салбарт өөрийн өнгө төрх, байр суурийг аажмаар бүрдүүлж чадсан үндэсний үйлдвэрлэгч тус брэндийг дизайнер мэргэжилтэй Ц.Идэр үүсгэн байгуулсан юм.
2026-01-20
Ерөнхий сайд Давосыг зорилоо
Дэлхийн эдийн засгийн 56 дугаар чуулга уулзалт өчигдөр Швейцарын Холбооны Улсын Давос хотноо “Яриа хэлэлцээний амин сүнсийг сэргээх нь (A Spirit of Dialogue)” сэдвийн дор эхэллээ. Энэ сарын 23-ныг дуустал үргэлжлэх уг чуулганд оролцохоор Монгол Улсын Ерөнхий сайд өчигдөр эх орноосоо мордсон байна.
2026-01-20
Онлайн худалдаа нэрийдлээр татвараас зайлсхийж, далд эдийн засаг үүсгэгчид
Фэйсбүүкийн “дэлгэц асах бүрт” л нэг эмэгтэй “За хөөрхнүүд минь, матрын арьсан цүнхийг хямдруулаад 30 000 төгрөг болголоо. Нэмээд зааны дүрстэй баримал, загварлаг хослол, өндөр болгодог амин дэм, үрчлээ арилгадаг тос зарж байна. Эл дансанд мөнгөө шилжүүлээд, төд удалгүй хүргүүлээд аваарай” хэмээн уянгалуулан хэлж, олон түмнийг уриалан дуудаж байхтай таарах болов. Бүр зөвхөн манай наймаачид л олдог байх гэмээр “Guess” брэндийн оосор бүхий “Coach”ийн цүнх ч зарж байгаа юм билээ. Мэдээж иргэд бизнес хийж орлого, ашгаа сайжруулах нь буруу биш. Иргэн баян бол улс баян ч гэдэг.
2026-01-20
Гадаад өр 13, дотоодын зээлийн хэмжээ 21 хувиар өсжээ
Өнгөрсөн оны 1-11 дүгээр сар болон бүтэн жилийнх нь нийгэм, эдийн засгийн зарим үзүүлэлтийг Үндэсний статистикийн хорооноос өчигдөр танилцууллаа. Өнгөрсөн 11 дүгээр сарын эцсийн урьд чилсан гүйцэтгэлээр мөнгөний нийлүү лэлт 45.8 их наяд төгрөгт хүрч, өмнөх оны мөн үеийнхээс 10.5 хувиар өсжээ. Гүйлгээнд гаргасан бэлэн мөнгөний хэмжээ 1.2 их наяд төгрөгт хүрч, жилийн хугацаанд 61.5 тэрбумаар нэмэгдсэн байна.
2026-01-20
Өнгөрсөн оны хамгийн өндөр орлоготой жүжигчнээр “чанга залуу” Дуэйн Жонсон тодорлоо
“Forbes”, “Variety” сэтгүүлийнхэн өнгөрсөн оны холливудын хамгийн өндөр орлоготой оддыг танилцууллаа. Тус жагсаалтыг гаргахдаа тэдний тоглосон киноны кассын орлого болон нэг уран бүтээлд ажиллахад авдаг хөлс зэргийг харгалздаг байна. Үүнд “чанга залуу” хочит Дуэйн Жонсон 88 сая ам.долларын орлогоороо тэргүүлж, “Deadpool”-ээрээ алдаршсан Райан Рейнольдс (85), алиа марзан Кевин Харт (81), “мөсөн хатан” хочит Николь Кидман (31) нар удаалжээ.
2026-01-19
Манай орны цэвдгийн хэмжээ хоёр дахин багасав
Хөвсгөл нуур, Эгийн голын сав газрын захиргаанаас Монголыг дэлхийн хамгийн их цэвдэгтэй таван орны нэг болохыг онцлов. Гэвч уур амьсгалын өөрчлөлт болон хүний үйл ажиллагааны нөлөөгөөр цэвдэгт газар нутгийн хэмжээ эрчимтэй хумигдаж байна. 1970-аад оны судалгаагаар Монгол орны нийт нутаг дэвсгэрийн 60 хувьд нь цэвдэг тархсан байсан бол өдгөө энэ үзүүлэлт 29 хувь болон буурчээ. Өөрөөр хэлбэл, ердөө хагас зуун жилийн дотор цэвдэгт газрын хэмжээ хоёр дахин багассан гэсэн үг.
2026-01-19
Мадуро шүүхийн шийдвэр хүлээж, Родригес хоёр нүүр гаргав
Хэдхэн хоногийн өмнө Венесуэлийн Гадаад хэргийн сайдаар томилогдсон 43 настай Николас Мадуро 2006 оны есдүгээр сард Нью-Йорк хотноо НҮБ-ын Ерөнхий Ассамблейн 61 дүгээр чуулганд оролцож байв. Түүний дарга Уго Чавес индрээс үг хэлэв. Хэлсэн үгийг дэлхийн хэвлэл, мэдээллийн бүх хэрэгсэл эш татсан нь нэг Ерөнхийлөгч нөгөөгөө “чөтгөр”, “худалч”, “эзэрхэгч” хэмээн НҮБ-ын индрээс хэлж байгаагүйтэй холбоотой. Жорж Бушийн дараа үг хэлэхдээ тэрбээр “Би чөтгөр гэж нэрлэж байгаа АНУ-ын ноён Ерөнхийлөгч дэлхийг эзэгнэгч мэтээр энэ индрээс ярив” хэмээн Бушийн хэлсэн үгийг Чавес дүгнэхэд Мадуро алга ташив. Хэдэн өдрийн дараа тэрбээр Жон Кеннедигийн нэрэмжит нисэх онгоцны буудлаас эх орондоо буцаж иржээ.
2026-01-19
МЗЭ-ийн Удирдах зөвлөлийн даргаар Дагийраазайн Нямдоржийг сонголоо
Монголын зохиолчдын эвлэл (МЗЭ)-ийн XIX их хурал өнгөрсөн баасан гарагт Улаанбаатар хотноо боллоо. Их хурлаар эвлэлийн ирээдүйн зорилго чиглэл, цаашид хэрэгжүүлэх бодлого, үйл ажиллагааны талаар хэлэлцсэн бөгөөд удирдлагын бүрэлдэхүүнийг буюу Удирдах болон Хяналтын зөвлөлийн дарга, бага хурлын гишүүдийг шинээр томилсноороо онцлогтой. Чуулганд МЗЭ-ийн 360 гишүүн оролцсон бөгөөд тэднийг төлөөлөн ахмад гишүүн, МЗЭ-ийн шагналт Дамбын Цогт-Очир хурлыг нээж үг хэлэв.
2026-01-19
“Улсын их дэлгүүр” нэгж хувьцаанд 21 төгрөгийн ашигтай ажиллажээ
"Улсын их дэлгүүр” (УИД) компани нь 2025 оны санхүүгийн урьдчилсан гүйцэтгэлээр 743.5 сая төгрөгийн цэвэр ашигтай ажиллаж, нэгж хувьцаанд 21 төгрөгийн ашиг олсноо тайлагнажээ. Тус компанийн орлогын үндсэн эх үүсвэр нь үл хөдлөх хөрөнгийн түрээс бөгөөд үүнээс 9.4 тэрбумын орлого олж, 8.6 тэрбум төгрөгийг зарлагадсан байна.
2026-01-19
Улаанбаатар хотод -42, Завханы Тэсэд -52.7 хэмд хүрч хүйтрэв
ЦУОШГ-аас энэ сарын 20 хүртэл нийт нутгаар хүйтний эрч эрс чангарахыг сэрэмжлүүлсээр буй. Тэгвэл өнгөрсөн амралтын өдрүүдэд Монгол оронд энэ өвлийн хамгийн хүйтэн өдөр, шөнүүд тохиолоо. Тухайлбал, Завхан аймгийн Тэс сумд нэгдүгээр сарын 16-17-нд шилжих шөнө агаарын температур -51.2, хөрсөн дээрээ -52.7 хэмд хүрч, цочир хүйтрэв. Мөн Завханмандал, Отгон, Баянтэс сумын нутгаар -40-47 хэмийн хүйтэн хоносон бол Түдэвтэй, Нөмрөг, Отгон, Алдархаан, Тосонцэнгэл, Баянтэс, Завханмандал сумын ихэнх хэсгээр хөрсөн дээр -40-48 хэмтэй хэмжигдсэн байна.
2026-01-19
АХБ-тай хамтран төр, хувийн хэвшлийн түншлэлийн төв байгуулна
Эдийн засаг, хөгжлийн яамныхан Азийн хөгжлийн банк (АХБ)-ны Азийн газрын захирал Мухаммед Эсан Хан тэргүүтэй төлөөлөгчдийг өнгөрсөн баасан гарагт хүлээн авч уулзав. Уулзалтаар Монгол Улс болон АХБ хооронд 2025 онд шинэчилсэн түншлэлийн стратеги нь Засгийн газрын тэргүүлэх зорилтууд болон 2026-2030 оны хөгжлийн үндсэн чиглэлтэй нийцэж байгааг онцоллоо.
2026-01-19
Гэрлээгүй үедээ “нийлбэл” яллана
Монголчууд олноор зорчих болсон, Шинэ Гвинейн баруун хэсэгт орших Индонезод энэ сарын 2-ноос хэрэгжүүлж эхэлсэн Эрүүгийн хэргийн шинэ хуульд гэрлэлтээс гадуурх бэлгийн харьцааг гэмт хэрэгт тооцохоор заажээ. Тодруулбал албан ёсны гэр бүл биш бол харилцан тохирсон, эсвэл сайн дураар бэлгийн харьцаанд орсноос үл шалтгаалан гэмтэйд тооцож, нэг жил хүртэлх хугацаагаар хорих, 10 хүртэл сая рупигээр торгох аж. Түүнчлэн гэрлэхээр төлөвлөсөн ч албан ёсоор баталгаажуулаагүй хосууд хамтран амьдрах нь ч гэмт үйлдэл учраас зургаан сар хүртэлх хугацаагаар хоригдох нигууртайн дээр торгуультай. Энэ хууль иргэдэд нь төдийгүй гадаадын жуулчдад ч хамаарна.
2026-01-19
“Урт цагаан” худалдаа, үйлчилгээний төвийг Улсын комисс хүлээн авлаа
Чингэлтэй дүүргийн III хороонд байрлах “Урт цагаан” худалдаа, үйлчилгээний төвийн хуучин барилгыг 2024 оны арваннэгдүгээр сард нурааж, сууриндээр нь далд зогсоол бүхий цэцэрлэгтхүрээлэн, үйлчилгээний төв байгуулахаартөлөвлөсөн. Энэхүү бүтээн байгуулалтын хүрээнд 1.3 га талбайг хамарсан цэцэрлэгт хүрээлэнг өнгөрсөн наймдугаар сард ашиглалтад оруулсан байдаг. Тэгвэл өдгөө гурван давхар үйлчилгээний төв болон 109 автомашины далд зогсоолын барилга угсралтын ажил дуусаж, Улсын комисс хүлээн авчээ.
2026-01-19
Цаасан хайчилбарын ертөнцөөр аялаарай
Залуу уран бүтээлч, архитектор Т.ЭрдэнэОчир анхны бие даасан “Амь цаас” үзэсгэлэнгээ Г.Занабазарын нэрэмжит дүрслэх урлагийн музейд олны хүртээл болголоо. Тэрбээр цаасан хайчилбарын төрлөөр 10 гаруй жил тууштай бүтээл туурвиж буй бөгөөд энэ удаад нүүдэлчдийн амьдралын хэмнэл, цаг хугацаа, гүн ухаан болон алсын харааг өөрийн өвөрмөц арга барил, нарийн мэдрэмжтэй хослуулсан 120 гаруй бүтээл дэлгэсэн гэнэ. Мөн уламжлалт хайчилбарыг орчин үеийн урлагийн хэлбэрт хөрвүүлж, илүү шинэлэг өнцгөөс харуулахыг зорьсноороо онцлогтой. Тухайлбал, Т.Эрдэнэ-Очир “Сүүлчийн нүүдэлчид-2” бүтээлээрээ орчин үеийн хотын амьдралд автомашин хэт давамгайлж, хүн байгаль хоёрын харилцаа алсарч буйг илэрхийлэхийг зорьжээ.
2026-01-19
Илүү их мөнгө хэвлээд байж болдоггүй юм уу
Энэхүү нийтлэлд “Бид зүгээр л илүү их мөнгө хэвлэж болдоггүй юм уу” (Can’t we just print more money?) ном дээрх асуултад хэрхэн хариулсныг авч үзэж, Монгол Улсын жишээн дээр эл чиглэлээр хийсэн судалгааны үр дүнг хуваалцаж байна.
2026-01-19
Бага боловсролын шинэчилсэн хөтөлбөрийг баталлаа
Боловсролын үндэсний зөвлөлийн энэ оны анхны хурлаар бага боловсролын шинэчилсэн хөтөлбөрийг гишүүдийн өгсөн санал, зөвлөмжийг тусган сайжруулж, батлахыг дэмжлээ. Сургуулийн өмнөх болон ерөнхий боловсролын хөтөлбөр нь олон улсын жишигт нийцсэн, нэгдсэн үзэл баримтлал, бүтэцтэй, түвшинхоорондын залгамж холбоог хангасан, технологиордамжуулан хэрэгжүүлэх боломжтой, хүүхдэд ээлтэй, уян хатан байх ёстой байдаг. Тэгвэл 2026-2027 оны хичээлийн жилд үндэсний хэмжээнд хэрэгжүүлэх “Бага боловсролын шинэчилсэн хөтөлбөр”-ийг үүний дагуу боловсруулсан гэв.
2026-01-19
