Монгол Улс 2026-2029 онд Дэлхийн өвийн хорооны гишүүнээр ажиллана
ЮНЕСКО-гийн Дэлхийн өвийн хороонд 2026- 2029 онд ажиллах гишүүний ээлжит сонгуульд Монгол Улс нэр дэвшин, нийт 97 орны саналаар анх удаагаа сонгогдов. Бүгд Найрамдах Узбекистан Улсын Самарканд хотноо нээлтээ хийсэн ЮНЕСКО-гийн 43 дугаар Бага хурал Бүгд Найрамдах Франц Улсын нийслэл Парис хотноо энэ сарын 24-25-нд үргэлжлэн зохион байгуулагдсан бөгөөд тус чуулганы үеэр Дэлхийн байгалийн болон соёлын өвийг хамгаалах тухай 1972 оны конвенцын 25 дугаар Ерөнхий Ассамблей хуралджээ.
2025-11-27
Таллины кино наадмаас Ж.Сэнгэдоржийн “Сэтгэлийн зураг” шагнал хүртэв
Таллины “Хар шөнө” олон улсын кино наадмын үндсэн уралдаант хэсэгт найруулагч Ж.Сэнгэдорж “Сэтгэлийн зураг” (The Muralist) хэмээх шинэхэн бүтээлээрээ шалгарч, Network for the promotion of Asian cinema буюу Азийн киног дэмжих сүлжээний шагнал хүртлээ. Мөн түүний “Silent city driver” буюу “Чимээгүй хотын жолооч” уран бүтээл нь өнгөрсөн жилийн үндсэн өрсөлдөөнт хэсгийн Гран при болон шилдэг зураачийн шагналыг хүртэж байв.
2025-11-26
Донтолтоос сэргийлэх сургалтыг хүүхдийн нас, сэтгэхүйн онцлогт тохируулан олгоно
Боловсролын ерөнхий хуулийн шинэчилсэн найруулгыг өнгөрсөн оны нэгдүгээр сарын 1-нээс улсын хэмжээнд дагаж мөрдөж буй. Эл хуулийн 14.4-т бүх түвшний боловсролын сургалтын хөтөлбөрт дараах агуулгыг заавал тусгаж, боловсролын сургалтын байгууллага өмчийн хэлбэр харгалзахгүй хэрэгжүүлнэ гэж заасан. Тухайлбал, гэмт хэрэг, зөрчлөөс урьдчилан сэргийлэх, гамшгаас хамгаалах, аюулгүй амьдрах арга ухаан, мансууруулах бодис, сэтгэцэд нөлөөт бодисын хэрэглээ, түүний хор уршиг, дэлгэцийн донгоос сэргийлэх зэрэг хэд хэдэн агуулгыг заавал тусгах ёстой.
2025-11-26
Амиа хорловол гэр бүлийг нь шийтгэнэ
Хойд Солонгосын “эцэг” Ким Жон Ун гурван жилийн өмнө “амиа хорлох нь социализмаас урвасан үйлдэл” хэмээн тодотгож орон нутгийн удирдлагууддаа үүнээс урьдчилан сэргийлэх арга хэмжээ авахыг тушаасан. Гэвч ихэвчлэн хэт ядуурал, өлсгөлөнгийн улмаас амиа егүүтгэж байгаа нөхцөл байдалд тохирох шийдлийг удирдлагууд нь хараахан олоогүй бөгөөд жил бүр эл золгүй явдал нэмэгдэх хандлагатай. Бүтэн гэр бүлээрээ амиа хорлосон тохиолдол ч хэдэн арваар тогтохгүй талаар “Миррор” мэдээлж байв.
2025-11-26
Хотын нутаг дэвсгэрт 58 зүйлийн хөхтөн амьтан амьдарч байна
Нийслэлийн нутаг дэвсгэрт 58 зүйлийн хөхтөн амьтан амьдарч байна. Гэвч хотын ногоон бүсэд эмх замбараагүй, стандартгүй барьсан хайс, хашлагаас болж эдгээр амьтан айж үргэхдээ, идэш тэжээл хайх явцдаа сүлбүүлж, эсвэл хашанд хавчуулагдах зэргээр хорогдсоор буй. 2018-2025 онд л гэхэд ийм шалтгаанаар хотын ногоон бүсэд 44 зэрлэг амьтан үрэгдсэний 15 нь Монгол Улсын ховор амьтны жагсаалтад орсон хариун буга байв. Тиймээс нийслэлийн Байгаль орчны газар (НБОГ)-аас зуслангийн бүс болон улсын тусгай хамгаалалтай газар нутгийн хашаанд тавигдах стандарт боловсруулан батлуулж, өнгөрсөн аравдугаар сарын 1-нээс мөрдүүлж байгаа билээ.
2025-11-26
“Хаан Чингэл баатар” туулийг хайллаа
Ташрамд дурдахад, Ерөнхийлөгчийн 2019 оны “Монгол баатарлаг туульсаа дээдлэн дэлгэрүүлэх тухай” 13 дугаар зарлигийн дагуу жил бүрийн өвөл, хаврын тэргүүн сарын шинийн 3-ны өдөр баатарлаг туульс хайлдаг болсон билээ. Уг уламжлалт ёслолыг өнөө жил Богд хааны ордон музей, ШУА, МУИС-ийнхан хамтран зохион байгуулснаараа онцлогтой.
2025-11-25
Вьетнамд хүчтэй аадар борооны улмаас 102 хүн амиа алдав
Вьетнамын өмнөд болон төвийн нутгуудаар олон хоног үргэлжилсэн хүчтэй аадар борооны улмаас хөрсний гулгалт үүсэж, 102 хүн амиа алдаж, 12 иргэн сураггүй алга болжээ. Гамшгийн улмаас улсын хэмжээнд 186 мянга гаруй барилга, байшин эвдэрч, гурван сая орчим толгой мал үрэгдсэнээр нийт хохирлын хэмжээ 300 сая ам.доллар давсан байна. Хамгийн ихээр хохирол амссан муж нь уулархаг бүсэд орших Даклак бөгөөд тэнд 60 гаруй хүн амиа алдсан аж.
2025-11-25
Түдэвийн ертөнц II
Хэрвээ гүйлгэхгүйгээр бодож, тунгааж унших юм бол Түдэв гуайн оюун санааны ертөнцөөр аялах нь маш урт хугацааг эзэлнэ. Унших тусам шинэ шинэ онцлог нь нүдний өмнө тодорч, тэгэх тусам гайхах, энэих хүнтэй уулзаж, учирч явсандаа бахархах сэтгэл өөрийн эрхгүй төрнө.
2025-11-25
Афганистанд Америк буцаж ирэх гэж байна уу
Дэлхийн олон улс алан хядагч байгууллага хэмээн үздэг лалын эрс байр суур ьтай “Талибан” хөдөлгөөн 2021 оны наймдугаар сард Афганистаны засгийн эрхийг авахад түр хугацааны явдал гэж үзэж байлаа. Талибуудын үед тус улс олон улсын түвшинд тусгаарлагдана гэж ажиглагчид хэлдэг байв. Дөрвөн жилийн дараа эргэн харахад байдал арай л өөр байна.
2025-11-25
“Эрдэнэс Тавантолгой” ХК оны хамгийн өндөр дүнтэй борлуулалтаа энэ сард хийжээ
Монгол Улсын Засгийн газраас “Эрдэнэс Тавантолгой” ХК-д тогтоосон онцгой дэглэмийн хугацаа дуусаж, өнгөрсөн аравдугаар сарын 23-нд компанийн гүйцэтгэх захирлын үүрэг гүйцэтгэгч томилогдсон билээ. Энэ хугацаанд “Эрдэнэс Тавантолгой” ХК 31 удаагийн арилжаагаар 206.4 сая ам.долларын үнэ бүхий 2 777 600 тонн нүүрс борлуулсан байна.
2025-11-25
Улс төрийн намуудын эрх зүйн орчныг “амилуулсан” гэв
“Улс төрийн намын ил тод байдал” зөвлөгөөнийг өчигдөр СЕХ болон Нээлттэй нийгэм форумаас зохион байгууллаа. Үүгээр Улс төрийн намын тухай хуулийн хэрэгжилт, тулгарч буй асуудал, бусад улсын туршлага, ил тод байдал, санхүүжилт, түүнд тавих олон нийтийн хяналтын талаар хэлэлцэв. Намуудын төлөөлөл, судлаачид, мөн төрийн байгууллагуудаас уг зөвлөгөөнд оролцжээ. Улс төрийн намын эрх зүйн орчны өөрчлөлт, шинэчлэлт, тулгарч буй сорилтын талаар улс төр судлалын доктор Э.Гэрэлт-Од танилцуулсан.
2025-11-25
Малдаа явсан, автомашинтайгаа төөрсөн иргэдийг эсэн мэнд олжээ
Манай улсын нийт нутгийн 97 хувь нь цасан бүрхүүлтэй, цасны дундаж зузаан 2-13 см бөгөөд зудын урьдчилсан үнэлгээгээр баруун аймгуудад нөхцөл байдал хүндрэх төлөвтэйг цаг уурын байгууллагаас мэдээл сэн билээ. Өнгөрсөн амралтын өдрүүдэд говийн зүүн, зүүн аймгуудын өмнөд хэсгээр цас орж, цасан шуурга шуурсан. Шуурганы улмаас төөрч, сураггүй болсон 15 дуудлага онцгой байдлын байгууллагад иржээ. Тухайлбал, Дундговь, Өмнөговь, Төв аймгийн таван сумд 15 иргэн төөрсөн байна. Дуудлагын дагуу орон нутгийн онцгой байдлын байгууллагын алба хаагчид ажиллаж, тэднийг эсэн мэнд олсон бөгөөд найм нь хүүхэд байж.
2025-11-25
“Инээмтгий хүн” визуал драмын жүжгийг энэ сарын 28-30-нд толилуулна
Францын алдарт зохиолч Виктор Хюгогийн туурвисан бүтээлүүдийн ноён оргил гэгддэг “Инээмтгий хүн” романыг “Про” театрынхан 2023 онд тайзны бүтээл болгосон. Түүгээр үл барам тайзны бүтээл болгохдоо визуал хэлбэрээр туурвиж, олонд хүргэсэн юм. Тэгвэл тус театрынхан “Инээмтгий хүн” визуал драмын жүжгээ Оросын шинжлэх ухаан, соёлын төвийн тайзнаа энэ сарын 28-30-нд дахин үзэгчдийн хүртээл болгох нь.
2025-11-25
Хөрөнгийн зах зээлийн үнэлгээ таван жилд дөрөв дахин өсөв
Өнгөрсөн гуравдугаар улирлын байдлаар манай улсын хөрөнгийн зах зээлийн үнэлгээ 13.2 их наяд орчим төгрөгт хүрсэн нь таван жилийн өмнөхөөс дөрөв дахин өссөн дүн болсныг Санхүүгийн зохицуулах хорооноос мэдээллээ. 2020 онд МХБ-ээр 65 тэрбум төгрөгийн арилжаа хийж байсан бол өнгөрсөн улиралд 848 тэрбум төгрөгийн үнийн дүн бүхий арилжаа хийсэн байна. Түүнчлэн зөвхөн хувьцаа, бонд бус, хөрөнгөөр баталгаажсан үнэт цаас, хадгаламжийн сертификат, хамтын санхүүжилтийн үйлчилгээг нэвтрүүлснээс 2020-2025 онд 100 гаруй нэр, төрлийн шинэ бүтээгдэхүүнийг олон нийтэд нээлттэй санал болгон, биржийн бус зах зээлд 189 үнэт цаас гаргагчийн 374 өрийн хэрэгслийг бүртгэн, 1.13 их наяд төгрөгийг татан төвлөрүүлсэн байна.
2025-11-25
Өрхийн эмнэлгүүд уртасгасан цагаар ажиллаж эхэллээ
Өвлийн эхэн сар гараад дөнгөж дөрөв хонож буй. Гэтэл ханиад, томуу сүүлийн өдрүүдэд эрчимтэй тархаж, эмнэлгүүд хөл гишгэх зайгүй болж байна. Улсын хэмжээнд томуу, томуу төст өвчний тархалт алаг цоог, нийслэл болон Архангай, Баян-Өлгий, Өвөрхангай, Өмнөговь, Төв аймагт идэвхжил өндөр байгааг ХӨСҮТ-өөс сэрэмжлүүллээ. Тус төвийн тандалт, судалгаагаар хүн амын дунд амьсгалын замын синцитиаль, томууны A хүрээний H3N2 вирус өргөн тархаад байгаа аж. Томуугаар өвчлөгсдийн 81.3 хувийг 15 хүртэлх, тэдний дотор тав хүртэлх насныхан тал хувийг нь эзэлж буй гэнэ.
2025-11-25
Таван жилийн хугацаанд гэрлэлт 29 хувиар буурч, салалт таван хувиар өсчээ
Монгол гэр бүлийн харилцааны өнөөгийн байдал, өөрчлөлт судалгааг Гэр бүл, хөдөлмөр, нийгмийн хамгааллын яамны захиалгаар Хүн ам, хөдөлмөр, нийгмийн хамгааллын сургалт, судалгааны хүрээлэнгийнхэн гүйцэтгэсэн байна. Уг судалгааны үр дүнг тус хүрээлэнгийнхэн салбарын яамны удирдлагуудад өчигдөр танилцуулав. 2019 оныг 2024 оныхтой харьцуулахад гэрлэлт 29 хувиар буурсан бол гэр бүл цуцлалтын тоо эсрэгээрээ таван хувиар өссөн байна.
2025-11-25
Н.Учралыг Ж.Энхбаяр, түүнийг М.Бадамсүрэн орлоно
МАН-ын Удирдах зөвлөл өчигдөр цахимаар хуралдаж, Тэргүүн шадар бөгөөд Эдийн засгийн хөгжлийн сайдаар УИХ-ын гишүүн, ХХААХҮ-ийн сайд Ж.Энхбаярыг томилуулах шийдвэр гаргажээ. Уг албан тушаалыг хашиж байсан Н.Учрал УИХ-ын даргаар сонгогдсон учраас ийнхүү өөр хүн томилох гэж буй юм. Харин Ж.Энхбаярын оронд УИХ-ын гишүүн М.Бадамсүрэнг томилох нь. Засгийн газрын гишүүнийг чөлөөлөх, томилох нь Ерөнхий сайдын бүрэн эрх байдаг. Эдгээр улс төрчийг туршлага, чадвартай хэмээн Засгийн газрын тэргүүн үнэлсэн гэнэ.
2025-11-25
30 жил “дуншсан” Гандангийн төлөвлөлт дахиад бүтэлгүйтэх вий
Иргэн С.Нарантуяа “Би 1990 оноос Гандангийн дэнжид амьдарч байна. Гандан орчмыг аялал жуулчлалын цогцолбор болгохыг дэмжинэ. Жуулчид ч олноор ирдэг. Тиймээс гудамж талбайг нь засаж, сайжруулбал олон хүн сонирхох нь тодорхой. Гэхдээ улсаас “Ганданг хөгжүүлэх төлөвлөгөө” гэх мэт олон төсөл, хөтөлбөр танилцуулдаг ч одоо болтол бидний тулгамдсан асуудлыг шийдэж чадаагүй л байна. Аялал жуулчлалын бүс болгоно гэж ч олон жил ярьсан. Өнгөрсөн хугацаанд хоёр удаа оршин суугчдаас санал асуулга авсан. Санал асуулгаар иргэд төвлөрсөн шугам сүлжээг нь шийдвэл хувийн амины орон сууц барина гэдгээ илэрхийлсэн” гэв.
2025-11-25
“Мөнх тэнгэрийн бичиг-2025” уран бичлэгийн үзэсгэлэнг тольдоорой
Их эзэн Чингис хааны мэндэлсэн өдрийг тохиолдуулан Ерөнхийлөгчийн ивээл дор жил бүр уламжлал болгон зохион байгуулдаг “Мөнх тэнгэрийн бичиг-2025” уран бичлэгийн олон улсын үзэсгэлэнг Хүүхдийн урлан бүтээх төвийн “Орд” арт галерейд дэлгээд байна. Мөн энэ үеэр “Мөнх тэнгэрийн бичиг-2025” монгол уран бичлэгийн уралдааны шилдгүүдийг тодруулан шагнажээ. Ингэхдээ уран бүтээлч, багш, сурагч, оюутан гэсэн дөрвөн ангилалд шилдгүүдийг тодруулав.
2025-11-24
