Монгол Улс аз жаргалын үзүүлэлтээр 147 орноос 75 дугаарт нэрлэгдэв
“Дэлхийн аз жаргалын тайлан2025”-ыг өнгөрсөн баасан гарагт танилцуулахад Финланд улс ес дэх жилдээ дараалан дэлхийн хамгийн аз жаргалтай орноор нэрлэгджээ. Оксфордын их сургуулийн Аз жаргалын судалгааны төв, НҮБ-ын Тогтвортой хөгжлийн шийдлийн сүлжээ, “Gallup” байгууллага хамтран улс орнуудын иргэд амьдралын чанараа хэрхэн үнэлснийг сүүлийн гурван жилээр дундчилан уг тайланг танилцуулдаг юм.
2026-03-24
АН-ын ҮБХ-ны шинэ бүрэлдэхүүн өнөөдөр тодорно
АН-ын бүх шатанд дотоод сонгууль өрнөж буй. Өчигдөр тус намын аймаг, дүүргийн намын хороод тус бүрдээ хуралдаж, эдгээр нэгжийн дарга болон Үндэсний бодлогын хороо (ҮБХ)-ны гишүүнийг тодруулах сонгуулиа хийв. Аймаг, дүүргийн намын хорооны даргад нэрээ дэвшүүлэх хүмүүсийг энэ сарын 22-ны 12.00 цаг хүртэл бүртгэсэн байна. Мөн шинэчилсэн дүрмийн дагуу тус намын ҮБХ-нд нийт 378 гишүүн сонгох юм.
2026-03-24
Манай улсын нийт хүн амын 3.9 хувь нь казах угсаатан
Наурызын баяр өчигдөр өргөн дэлгэр болж өнгөрлөө. Энэ үеэр казах түмэн уламжлалт хоол ундаа бэлтгэж, ахан дүүс, хөршүүдтэйгээ золгон мэндчилж, дуу хуур, бүжиг наадам болов. Наурыз нь шинэ жилийн эхлэл, байгаль дэлхий сэргэн мандахыг бэлгэддэг уламжлалт баяр юм. Эл өдөр Сүхбаатарын талбайд “Наурыз-2026” нэгдсэн арга хэмжээг казах түмний соёл, зан заншил, дуу бүжгийг олон нийтэд таниулах зорилгоор зохион байгууллаа.
2026-03-23
1.4 сая га бэлчээрийг нөхөн сэргээжээ
“Дорнод Монголын хуурай хээрийн тогтвортой ландшафт, биологийн олон янз байдлын хамгаалал” төслийн хаалтын үйл ажиллагаа өнгөрсөн баасан гарагт болов. Уг төслийг НҮБ-ын Хөдөө аж ахуйн байгууллага, Дэлхийн байгаль хамгаалах сангийн санхүүжилтээр тус сангийн Монгол дахь хөтөлбөрийн газраас 2021 оноос таван жилийн хугацаанд хэрэгжүүлжээ.
2026-03-23
Ж.Бадраагийн мэндэлсний 100 жилийн ойд зориулсан үзэсгэлэн дэлгэв
Монгол түмний үеэс үед дуулагдсаар ирсэн ХХ зууны манлай бүтээл “Халуун элгэн нутаг”-аас эхлээд “Зандан шоо”, “Гайхмаараа”, “Жаргаах зүрхэн”, “Чандмань эрдэнэ”, “Орь залуу нас”, “Учралын хорвоо” зэрэг олон арван шилдэг дууны шүлэг туурвисан Соёлын гавьяат зүтгэлтэн, урлаг судлаач Жамцын Бадраагийн мэндэлсний 100 жилийн ой энэ онд тохиож байна.
2026-03-23
Мөнхөрсөн үйлс
Италийский тухайн үедээ түүнийг гайхалтай эд байна гэж үзсэн ч шүүхийн шударга бус шийдвэр, эрх чөлөөгүй байдал, гэр бүлээс нь салгаснаас үүссэн сэтгэлийн гуниг шархыг нь түр хугацаагаар ч гэлээ зөөллөхөд нь энэ бүхэн нэмэр болдог байх даа гэж бодоод өнгөрсөн гэдэг. Энэ зөгнөл бодол бодит байдал болж, ердөө 20 жилийн дараа Зөвлөлтийн хүн шоронгийн хоригдлын удирдлагаар бүтээсэн хөлгөөр сансарт нисэхийг Италийский тэр үед яахан төсөөлөх.
2026-03-23
Өсвөрийн парламентчид усны асуудлаар чуулав
“Өсвөрийн парламент-2025” хөтөлбөрт Монгол Улсын 21 аймаг есөн дүүргийн ерөнхий боловсролын сургуулийн 11-12 дугаар ангийн 126 сурагч сонгогдон оролцож байгаа билээ.
2026-03-23
Ерөнхийлөгч баруун аймгуудад ажиллаж байна
Ерөнхийлөгч У.Хүрэлсүх энэ сарын 20-ноос эхлэн баруун бүсэд ажиллаж буй аж. Баасан гарагт тэрбээр Завхан, бямба гарагт Ховд, өчигдөр Баян-Өлгий аймагт ажиллаж, иргэдийн төлөөлөлтэй уулзан, зарим аж ахуйн нэгжийн үйл ажиллагаатай танилцжээ. Төрийн тэргүүн өөрийн санаачилсан “Хүнсний хувьсгал”, “Тэрбум мод”, “Эрүүл монгол хүн”, “Цагаан алт” зэрэг хөтөлбөр нь баруун бүсэд хэрхэн хэрэгжиж буйг сонирхсон аж.
2026-03-23
Төвийн бүсийн ачааллыг бууруулах бус, байгаль орчныг сүйтгэх эрсдэлтэй гэв
Хан-Уул дүүргийн нутаг, Туул гол дагуу барьж буй хурдны замыг эсэргүүцсэн иргэд өнгөрсөн баасан гарагт жагсаал зохион байгууллаа. Баянзүрхийн товчоо болон Улаанбаатар-Налайх чиглэлийн авто замаас баруун аймгууд руу салдаг аюулгүйн тойрог хүртэл үргэлжлэх тус хурдны зам нь зургаан эгнээ бүхий 32 километр урттай байх аж. Энэхүү бүтээн байгуулалтын барилгын ажлыг энэ сарын 15-нд албан ёсоор эхлүүлсэн юм.
2026-03-23
Суурьшлын бүсээс мал гаргах нэгдсэн арга хэмжээ зохион байгуулж байна
Нийслэлд мал аж ахуй эрхлэхийг хориглосон бүсээс мал гаргах нэгдсэн арга хэмжээг энэ сарын 18-наас эхлэн зохион байгуулж байна. Өчигдрийн байдлаар төвийн зургаан дүүрэгт 210 гаруй адуу хашаалж, Зөрчлийн тухай хуулиар торгууль ногдуулах зэргээр зохих арга хэмжээ авчээ. Энэ талаар нийслэлийн Хүнс, хөдөө аж ахуйн газрын мэргэжилтэн Б.Шатарбал “Нийслэлийн ИТХ-ын 2024 оны есдүгээр тогтоол, Засаг даргын 2025 оны А/1589 дүгээр захирамжийн дагуу Цагдаагийн удирдах газар Сонгинохайрхан, Баянголыг, Мал эмнэлгийн газар Богдхан уулын дархан цаазат газрын Хамгаалалтын захиргаатай хамтарч Хан-Уул, Баянзүрхийг, манайх Байгаль орчны газартай нийлж зуслангийн бүсүүдийг хариуцан хориглосон бүсээс мал гаргах ажлыг зохион байгуулж байна.
2026-03-23
“2035 он гэхэд хүн төрөлхтөнд хоёр дахь дэлхий шаардлагатай болно”
Дэлхийн байгаль хамгаалах сан (WWF)-гаас уур амьсгалын өөрчлөлттэй тэмцэхэд хувь хүний ойлголт, оролцоог нэмэгдүүлэх зорилгоор “Эх дэлхийн цаг” хөтөлбөрийг Монгол Улсад 16 дахь жилдээ зохион байгууллаа. Хөтөлбөрийн хүрээнд эрдэмтэн судлаачид чуулж, экосистемийн доройтол болон түүнээс гарах арга замын талаар хэлэлцүүлэг өрнүүлсэн юм.
2026-03-23
Бодлогын хүүг 12 хувь хэвээр үлдээв
Монголбанкны Мөнгөний бодлогын хороо өнгөрсөн баасан гарагт хуралдлаа. Уг хурлаар дотоодын эдийн засгийн нөхцөл, цаашдын төлөвт эерэг өөрчлөлт гарсан хэдий ч геополитик, гадаад орчны тодорхой бус байдлаас үүдэн бодлогын хүүг 12 хувьд хэвээр хадгалах шийдвэр гаргалаа. Өнгөрсөн онд хэрэгжүүлсэн мөнгөний бодлогын нөлөөгөөр инфляц буурч, энэ оны хоёрдугаар сарын байдлаар 6.5 хувь буюу зорилтот голч руу дөхсөн байна.
2026-03-23
Монгол хүн сансарт ниссэн үйл явдал ба Монголын эртний түүхийн хэлхээ холбоо
Зөвлөлт Холбоот Улсын гарамгай эрдэмтэн Константин Эдуардович Циолковский (1857-1935 он) нь 1903 онд “Тийрэлтэт төхөөрөмжийгашиглансансрын орон зайг судлах нь” өгүүлэлдээпуужинг сансрын нислэгташиглах санаагдэвшүүлж, үндсийг нь тавьсанбайдаг. Анх 1957 оны аравдугаар сарын 4-нд ЗХУ-ын Казахстаны “ТюраТам” одоогийн Байконур туршилтынталбайгаас сансарт хөөргөсөн бөмбөг хэлбэртэй, 83.6 кг жинтэй “Спутник-1” хиймэлдагуул нь дэлхийн бөмбөрцгийг тойрон 92 хоног (1958 оны нэгдүгээр сарын 4-нийг хүртэлх) нисэж, радио дохио илгээж байв. Энэ нь дэлхийд сансрын эрэн үеийг нээсэн түүхэн үйл явдал болсон юм.
2026-03-20
Үл хөдлөх эд хөрөнгийн гэрчилгээг дахин авах шат дамжлагыг цөөрүүлжээ
Улсын бүртгэлийн ерөнхий газрын даргын 2020 оны А/1172 дугаартай Эд хөрөнгийн эрхийн улсын бүртгэлийн талаар авах арга хэмжээний тухай тушаалыг хүчингүй болгосноор хаяж, үрэгдүүлсэн үл хөдлөх эд хөрөнгийн гэрчилгээг дахин авах шат дамжлага цөөрчээ. Өмнө нь энэ тохиолдолд тухай бүрд нь хяналтын улсын байцаагч нарын дүгнэлт гаргуулан, бүртгэл хөтлөх процесс зэрэгт хугацаа маш их алддаг байсан юм.
2026-03-20
Бие даалтын долоо хоног ирэх даваа гарагт эхэлнэ
Боловсролын сайдын Хичээлийн жилийн бүтэц шинэчлэн батлах тухай 2025 оны А/95 дугаар тушаалын дагуу I, II улиралд бие даалтын долоо хоногийг зохион байгуулж буй. Хи чээлийн I улирлын бие даалтын долоо хоног өнгөрсөн аравдугаар сарын 20-24 хооронд болсон. Харин II улирлын бие даалтын долоо хоногийг орон нутагт энэ сарын 23-27, нийслэлд 30наас ирэх сарын 3 хүртэл зохион байгуулах юм.
2026-03-20
Сурагчдадаа шүд угаах орчин тохижуулж өгчээ
Төв аймгийн Зуунмод сумын гуравдугаар сургуулийнхан сурагчдадаа шүд угаах орчин тохижуулж өгчээ. Хүүхдүүдийн амны хөндийн эрүүл мэндийг дэмжих, өвч лөлөөс урьдчилан сэргийлэх зорилготой энэхүү цэгт сурагчид өглөө, үдийн хоолныхоо дараа хүссэн үедээ шүдээ угаах боломжтой. Шүдээ зөв, тогтмол угаах эрүүл дадлыг багаас нь хэвшүүлэх зориулалттай ийм орчин бүрдүүлсэн улсын анхны сургууль нь энэ болж буй аж
2026-03-20
Аюулт үзэгдэл, осол 9.2 хувиар өссөний улмаас 50 хүн нас баржээ
Аюулт үзэгдэл, осол энэ оны эхний хоёр сард 774 удаа бүртгэгдэж, өнгөрсөн оны мөн үеийнхээс 65 тохиолдол буюу 9.2 хувиар өссөнийг Үндэсний статистикийн хорооноос мэдээллээ. Тодруулбал, 2025 оны нэг, хоёрдугаар сард аюулт үэзэгдэл ослын 709 тохиолдол бүртгэгдэж, 28 хүн нас барсан бол энэ оны эхний хоёр сард 774-т хүрч, 50 иргэн амиа алдсан байна
2026-03-20
