ХБНГУ-ын Сэргээн босголтын зээлийн банк Сангийн яамтай хэлэлцээрт гарын үсэг зурлаа
Герман, Монголын хоёр талт Хөгжлийн хамтын ажиллагааны хэлэлцээрийн хүрээнд тохиролцсон “Төвийн бүсийн цахилгаан дамжуулах, түгээх сүлжээний үр ашгийг дээшлүүлэх” төслий III үе шатыг хэрэгжүүлэхээр ХБНГУ-ын Сэргээн босголтын зээлийн банк (KfW) манай Сангийн яамтай өнгөрсөн баасан гарагт 17 сая еврогийн хөнгөлөлттэй зээлийн гэрээнд гарын үсэг зурлаа.
2026-06-15
1.9 их наяд төгрөг иргэдийн гарт үлдэх нь
Хүн амын орлогын албан татварын тухай хуульд өөрчлөлт оруулж, бүх төрлийн орлогоос авах эл татварыг нэг хувь болгох төслийг гишүүн Ж.Баярмаа санаачилсан. Засгийн газраас мөн уг хуульд зарим өөрчлөлт оруулах төсөл өргөн барьсан тул ажлын хэсэг байгуулж, нэгтгэсэн юм. Энэ үедээ зөвхөн хоёр сая төгрөгөөс доош орлоготой иргэдийн ХАОАТ-ыг нэг хувь болгох, 792 мянга хүртэл цалинтай бол тэглэхээр тусгасан. Тиймээс иргэдийн 50 гаруй хувь нь эл хөнгөлөлтийг эдэлнэ гэсэн үг.
2026-06-15
“Мета”-гийн үйл ажиллагаа түр доголдсон нь хэрэглэгчдийг сандаргав
“Мета” компанийн эзэмшдэг цахим платформууд богино хугацаанд доголдсон нь мянга мянган хэрэглэгчийг сандаргажээ. Тодруулбал, цахим сүлжээний саатлыг бүртгэж, хянадаг “downdetector.com” сайтад мэдээлснээр тус асуудал өнгөрсөн баасан гаргийн 09.20 цаг орчимд эхэлсэн гэнэ. Цөөнгүй хүн тус домэйн руу энэ талаар гомдол мэдүүлсэн ч хэсэг хугацааны дараа аажмаар хэвийн болсон хэмээжээ.
2026-06-15
Долоодугаар сарын 1-нээс суррон, скүүтерийг зөвхөн 18-аас дээш насныхан унана
Замын хөдөлгөөний аюулгүй байдлын тухай хуульд нэмэлт, өөрчлөлт оруулж, скүүтер, сурронтой холбоотой маргааныг цэгцлэх төслийг өнгөрсөн баасан гарагт УИХ-аар эцэслэн баталлаа. Энэ талаар санаачлагч гишүүн П.Батчимэг мэдээлэл хийв. Уг хуулийн дагуу дээрх тээврийн хэрэгслийг 18-аас дээш насныхан унаж, хөдөлгөөнд оролцох хязгаар тогтоож буй юм.
2026-06-15
Цаг уурын станцын тоог 75-аар нэмжээ
Уур амьсгалын өөрчлөлтийн нөлөөллийг бодитой судлах, цаг агаарын аюулт, гамшигт үзэгдлийн давтамжийг нарийвчлалтай тооцож, эрсдэлээс сэргийлэх шаардлагын хүрээнд дэлхийн улс орнууд техник, багаж хэрэгслийнхээ хүртээмж, хүчин чадлыг нэмэгдүүлэхэд анхаарах болсон. Үүнтэй холбогдуулан манай улсын цаг уурын байгууллага Дэлхийн цаг уурын байгууллага (WMO)-д мэдээлэл дамжуулдаг станцынхаа тоог 75-аар нэмжээ.
2026-06-15
Тост, Тосон бумбын нурууг ЮНЕСКО-д бүртгүүлэв
Парагвай улсын Хернандариас хотод энэ сарын 3-6-нд болсон ЮНЕСКО-гийн Хүн ба шим мандлын хөтөлбөрийн зохицуулах зөвлөлийн ээлжит хурлаар манай улсын Тост, Тосон бумбын нурууны байгалийн нөөц газрыг Шим мандлын нөөц газруудын дэлхийн сүлжээнд бүртгэснийг ЮНЕСКО-гийн Монголын үндэсний комиссоос мэдээлэв. Ингэснээр тус сүлжээнд Монголоос бүртгүүлсэн байгалийн нөөц газрын тоо 13 болов.
2026-06-15
18 настай Б.Тэлмэн Улаанбаатараас Бор-Өндөр лүү гүйж байна
Олон хоног хүсэн мөрөөдсөн томоохон зорилгоо биелүүлэхийн тулд зориг шулуудан Улаанбаатар хотоос Хэнтий аймгийн Бор-Өндөр сум хүртэл нийт 350 км замыг туулахаар гүйж буй хүүг Б.Тэлмэн гэдэг. Тэрбээр энэ хавар 12 дугаар ангиа төгссөн бөгөөд энэ сарын 12-нд хотод улсын шалгалтаа өгчхөөд 15.00 цагийн үед Налайхаас гарч, эхний өдөр 70 орчим км зам гүйжээ.
2026-06-15
Ерөнхийлөгч У.Хүрэлсүхэд БНХАУ-ын Гадаад хэргийн сайд Ван И бараалхлаа
Монгол Улсын Гадаад харилцааны сайд Б.Батцэцэгийн урилгаар ХКН-ын Төв хорооны Улс төрийн товчооны гишүүн, БНХАУ-ын Гадаад хэргийн сайд Ван И манай улсад энэ сарын 13-15-нд айлчилж байна. Айлчлалын үеэр тэрбээр Монгол Улсын Ерөнхийлөгч У.Хүрэлсүхэд бараалхсан юм. Энэ үеэр БНХАУ-ын Төрийн тэргүүн Си Зиньпиний Ерөнхийлөгч У.Хүрэлсүхэд илгээсэн төрсөн өдрийн мэндчилгээг уламжилсан аж.
2026-06-15
Цахилгаан, дулааны үнийг энэ сарын 5-наас таван хувиар нэмжээ
Эрчим хүчний зохицуулах хорооноос гаргасан шийдвэрийн дагуу цахилгаан, дулааны үнийг энэ сарын 5-наас эхлэн таван хувиар нэмжээ. Шинэчилсэн тооцооллоор цахилгааны үнийг нэг кВт тутамд 11 төгрөгөөр нэмж, 224 болгосон байна. Харин дулааны үнийг ам метр тутамд 25 төгрөгөөр нэмснээр 531 төгрөг болгов. Ингэснээр дундаж хэрэглээтэй айл өрхийн нэг сарын төлбөр дээр 2300-2500 төгрөгийн нэмэлт ачаалал ирэхээр байна.
2026-06-15
Скүүтер, суррон, мопедыг явган хүний замаар огт зорчуулахгүй
Мопед, суррон, скүүтер зэрэг бичил цахилгаан хэрэгсэл бидний амьдрал, тэр дундаа авто замын хөдөлгөөнд өдөр бүр оролцож, хэн бүхэнд хамаатай болоод багагүй хугацаа өнгөрлөө. Хэдийгээр та тухайн хэрэгслүүдийг унаж хөдөлгөөнд оролцдоггүй байж болох ч явган хүний замаар амар тайван алхаж чадахгүй байгаа биз. Ингэлээ гээд тас хориглож болохгүй. Залуусын сонголт болсон эдгээр тээврийн хэрэгслийг хууль, эрх зүйн хувьд хэрхэн зохицуулж, аюулгүй байдлыг хангах вэ гэдэг нь нэн тулгамдсан асуудал болжээ.
2026-06-12
“Азийн аялал жуулчлалын форум-2026” эхэллээ
Соёл, спорт, аялал жуулчлал, залуучуудын яам, Аялал жуулчлалын мэргэжлийн холбоо, Аялал жуулчлалын боловсрол, хөгжлийн нийгэмлэг, Хонконгийн Политехникийн их сургууль хамтран энэ сарын 11-13-нд Улаанбаатар хотод зохион байгуулж буй “Азийн аялал жуулчлалын форум-2026” эрдэм шинжилгээний салбар хуралдаанаар өчигдөр эхэллээ. 15 дахь удаагийн форумд салбарын судлаач, эрдэмтэн, төр, хувийн хэвшлийн төлөөлөл бүхий 120 гаруй хүн оролцохоор бүртгүүлснээс аялал жуулчлалын боловсрол, судалгааны чиглэлээр дагнадаг 30 гаруй мэргэжилтэн өчигдөр бүтээгдэхүүн, үйлчилгээний төлөвлөлт, зах зээлийн чиг хандлага сэдвээр илтгэл хэлэлцүүлэв.
2026-06-12
Румын улсын Засгийн газрын тэтгэлэг зарлав
Румын улсын Боловсрол, судалгааны яамнаас 2026-2027 оны хичээлийн жилд Монгол Улсын 10 иргэнд тэтгэлэг олгохоор болжээ. Манайд эрэлттэй болон тэргүүлэх чиглэлийн мэргэжлээс сонгон суралцах бол давуу тал бөгөөд тэтгэлгийг бакалаврын хөтөлбөрт тав, магистрынхад гурав, докторынход хоёр оюутан байхаар хуваарилсан байна. Бакалавр, магистрын тэтгэлэгт румын хэлний нэг жилийн бэлтгэл хугацаа өгөх бол докторын хувьд англи, эсвэл франц хэлээр хичээлээ үзэх боломжтой аж. Мөн суралцагч өөрөө хүсвэл нэг жил румын хэлний бэлтгэлд хамрагдах боломжийг ч нээлттэй үлдээжээ.
2026-06-12
“Бие биедээ тусах гэрэл” үзэсгэлэнд саатаарай
Улаанбаатар болон БНСУ-ын Гуанжу хотын уран бүтээлчдийн хамтарсан “Бие биедээ тусах гэрэл” үзэсгэлэн Монголын Уран зургийн галерейд энэ сарын 3-нд нээлтээ хийсэн билээ. Гуанжу хотын Уран зургийн музейн санаачилсан “Соёлт хот Гуанжу” олон улсын төслийг 2015 оноос хойш БНХАУ-ын Гуанжоу, АНУ-ын Сан Антонио, ХБНГУ-ын Берлин, Японы Фүкүока, Италийн Торино, Тайландын Бангкок зэрэг дэлхийн олон хотод амжилттай хэрэгжүүлж, орчин үеийн урлагаа сурталчилж ирсэн түүхтэй. Уг үзэсгэлэнг 2026 онд Улаанбаатар хотод анх удаа зохион байгуулж буй нь энэ юм.
2026-06-12
Кино театрууд эзгүйрэх үү
Дижитал, MP3 хөгжим хэрэглээнд нэвтрэх үед “Пянз, пянз тоглуулагч одоо хэнд ч хэрэггүй боллоо. Музейд тавивал таарна” гэж байв. 1970-аад онд илүү нарийвчлал, хямд өртөгтэй электрон бугуйн цаг гарч, ухаалаг утсаараа зураг дарах боломжтой болоход механик цаг, гэрэл зургийн аппарат зах зээлээс шахагдсан. Гэвч өдгөө дуу хөгжмийг пянзаар сонсох, ном уншихдаа цаасыг нь имрэх, улаан өрөөнд зургаа угаангаа хальсаар гэрэл зураг авахыг илүүд үзэх болсон зэрэг нь бүхэлдээ тансаг хэрэглээ, чамирхал болжээ.
2026-06-12
Бөөн ялалт айсуй
Анагаахын шинжлэх ухаан сүүлийн үед эрчимтэйгээр урагшилж шинэ нээлт, бүтээгдэхүүнүүдэд “дарагдаж” байгаа талаар олон улсын хэвлэлүүд, тэр дундаа мэргэжлийн түвшний алдартай сэтгүүлүүд нийтэлж байна. Тухайлбал, орос эрдэмтдийн бүтээсэн олон миеломыг эмчлэх эмийн клиник туршилт болон энэ чиглэлийн оземпик (оzempic), томууг дарах ксофлуза (хofluza буюу олон улсын нэршил нь балоксавир марбоксил.
2026-06-12
