Улаанбаатарт 20-28 мм хур тунадас буулаа
Улаанбаатар хотод өчигдөр их хэмжээний бороо үргэлжлэн орж, аюултай үзэгдлийн хэмжээнд хүрч болзошгүйг цаг уурын байгууллагаас өмнөх өдөр нь сэрэмжлүүлсэн билээ. Тэгвэл өчигдрийн 14.00 цагийн байдлаар усархаг бороо 11 аймгийн 78 сумын нутаг, нийслэлийг хамран орсныг Цаг уур, орчны шинжилгээний газраас мэдээлсэн. Үүний улмаас Улаанбаатар хот орчимд Туул голын усны түвшин өмнөх өд¬рийнхөөс 10 см-ээр нэмэгдсэн бол Хэнтий, Дорнодын нутаг дахь Улз гол үерийн аюултай түвшинд хүрчээ.
2025-08-21
Уул уурхайн салбарын 54 төсөлд 4.1 их наяд төгрөгийн хөрөнгө оруулалт шаардлагатай
Ашигт малтмал, газрын тосны газар (АМГТГ)-аас тус салбарт үйл ажиллагаа эрхлэгчдийг дэмжих зорилгоор хөрөнгө оруулалт шаардлагатай төслүүдийн мэдээллийг олон нийтэд танилцууллаа. Үүнд уул уурхайн 49 аж ахуйн нэгжийн 54 төсөлд нийт 4.1 их наяд төгрөг шаардлагатай байгааг дурджээ. АМГТГын кадастрын бүртгэлийн системд өмнөх оны жилийн эцсээр 1216 аж ахуйн нэгжийн 1759 ашигт малтмалын тусгай зөвшөөрөл бүртгэлтэй байж.
2025-08-21
Эмэгтэй улс төрчдийн нэр хүндийг унагагчид
Манай улсын түүхэнд анх удаа парламентын гишүүдийн 25 хувьд нь эмэгтэйчүүд ажиллаж байна. УИХ-аас Үндсэн хуульд өөрчлөлт оруулж, сонгуулийг холимог системээр зохион байгуулан, тойрогт нэр дэвших 78 хүний 30-аас багагүй хувь нь бүсгүйчүүд байх квот тогтоосон билээ. Мөн намын жагсаалтаар нэр дэвшүүлэх хүмүүсийг заавал хүйсээр сөөлжүүлэхээр тусгасан. Хүйсийн тэгш эрхийг хангах талаар хууль, эрх зүйн орчиндоо ийм дэвшилт өөрчлөлт оруулсны үр дүнд өнөөдөр УИХ-д 32 эмэгтэй сууж байна. Тэдний 24 нь намын жагсаалтаар буюу автоматаар, үлдсэн найм нь тойрогт өрсөлдөн, иргэдийн шууд саналаар УИХ-ын гишүүн болсон юм.
2025-08-21
Тийболын ААШТ-ээс манай тамирчид алт, мөнгө, хүрэл медаль зүүв
Японы Токушима хотноо энэ сарын 16-18-нд зохион байгуулсан тийболын 16 дахь удаагийн Азийн аварга шалгаруулах тэмцээнээс манай улсын баг, тамирчид алт, мөнгө, хүрэл медаль хүртлээ. Тодруулбал, Баянгол дүүргийн SK клубийнхэн алт, Сүхбаатар дүүргийн “Demons” клубийнхэн мөнгөн медалийн эзэн болсон байна. Харин нийслэлийн “Peak” клубийн баг, тамирчид хүрэл медаль хүртжээ.
2025-08-20
“Байгууллагын соёл цалингаас дутуугүй чухал”
Өнөө цагийн залуу ажилчид байгууллагынхаа дотоод соёлыг цалингаас дутуугүй чухалчилдаг болжээ. Тэд цалин, нийгмийн асуудлаарх элдэв амлалт бус, хамт олны дотоод уур амьсгал, байгууллагын соёл, цагийн уян хатан байдал зэрэг олон талт орчныг нарийн судалж, шаардлагатай хэрэгцээгээ удирдлагадаа илэн далангүй танилцуулах хандлагатай байх нь элбэг гэнэ.
2025-08-20
“Урагшаа харсан цонх” Локарногийн кино наадмаас шагнал хүртлээ
Найруулагч П.Лхагвадуламын “Урагшаа харсан цонх” (A south facing window) богино хэмжээний кино 78 дахь удаагийн Локарно олон улсын кино наадмын уралдаант хэсэгт сонгогдон, өнгөрсөн ням гарагт нээлтээ хийснийг бид мэдээлсэн. Тэгвэл тус уралдаант хэсгийн дүн гарч, уг кино асуудлыг бүтээлчээр хөндсөн бүтээлүүдэд олгодог “Pardo verde-special mention” болон залуу шүүгчдийн тодруулсан шилдэг богино хэмжээний кино шагнал буюу “Junior jury award”-ыг тус тус хүртэв.
2025-08-20
Гаалын цонхны үйлчилгээг цахимжуулж, экспортыг нэмэгдүүлнэ
Экспортыг нэмэгдүүлэх талаар авах арга хэмжээний тухай Засгийн газрын тогтоол гарлаа. Тус тогтоолоор Гашуунсухайт хилийн боомтын “Автомат удирдлагатай чингэлэг тээврийн терминал”-ын ухаалаг гарцаар Монголын хөрөнгийн биржээр арилжаалсан нүүрс тээвэрлэх жолоочтой тээврийн хэрэгслийг нэвтрүүлж, тээврийн үйл ажиллагааг тасралтгүй зохион байгуулах арга хэмжээ авахыг холбогдох албан тушаалтнуудад үүрэг болголоо.
2025-08-20
“Roblox”-ыг хэд хэдэн улсад хориглосон нь маргаан дагуулав
Тоглоомын “Youtube” гэгдэх “Roblox” платформыг дэлхийн хэд хэдэн улсад хориглоод байна. Өсвөр насныхан түгээмэл ашигладаг тус тоглоомын виртуал ертөнц хүчирхийлэл, зохисгүй агуулга бүхий контент нийлүүлж, хүүхдийн хүмүүжил, ёс суртахуунд сөргөөр нөлөөлөх эрсдэлтэй хэмээн Катар, Турк, БНХАУ, Хойд Солонгос, АНЭУ, Индонез тэргүүтэй 10 улс бүрэн хориглож, зарим нь түр хязгаарласан аж.
2025-08-20
Уулчин Б.Гангаамаа Алтай таван богдын дээврийг цэвэрлэх санаачилга гаргажээ
Монгол Улсын Гавьяат тамирчин, уулын спортын олон улсын хэмжээний мастер, уулчин Б.Гангаамаа цахим орчинд нэгэн уриалга гаргажээ. Тэрбээр Баян-Өлгий аймгийн Улаанхус сумын нутагт орших сүрлэг Алтай таван богдод аялж, авирахдаа уулсын үндсэн отогт ариун цэврийн байгууламж, хогийн цэг байхгүйгээс байгаль орчинд хор хохирол учирч буйг анзаарчээ.
2025-08-20
Математикийн олон улсын “VIMC-2025” олимпиадаас Монголын баг цом гардлаа
Математикийн бага, дунд ангиллын олон улсын олимпиадаас Монголын баг олон медаль зүүж, цом хүртсэн сайхан мэдээтэй. Тодруулбал, Вьeтнам улсын Да Нанг хотноо энэ сарын 14-18-нд зохион байгуулсан математикийн “VIMC-2025” олимпиадад манай улсаас нийт 32 сурагч оролцож, олон орны хүүхдүүдтэй өрсөлдөн, хувийн төрөлд есөн мөнгө, 12 хүрэл медаль хүртжээ.
2025-08-20
Хээрийн бүсийн доройтсон бэлчээрийг нөхөн сэргээж байна
Даян дэлхийн байгаль орчны сангийн санхүүжилтээр хэрэгжүүлж буй “Дорнод Монголын хуурай хээрийн тогтвортой ландшафт, биологийн олон янз байдлын хамгаалал” төслийн явцтай газар дээр нь танилцахаар олон улсын мэргэжилтнүүд иржээ. Тодруулбал, НҮБ, Байгаль хамгааллын олон улсын холбоо, Дэлхийн газрын тогтвортой менежментийн олон улсын сүлжээ зэрэг байгууллагын 20 гаруй төлөөлөгч энэ сарын 18-24-нд манай орны хээрийн бүсэд ажиллана.
2025-08-20
Ц.Мөнхтуяаг эгүүлэн татах саналыг АН-ын зарим гишүүн гаргана гэв
УИХ-ын гишүүн Ц.Мөнхтуяаг эгүүлэн татах саналыг удахгүй болох Үндэсний бодлогын хороо (ҮБХ)-ны хурлын үеэр гаргахаа АН-ын гишүүн Ж.Отгонбаяр мэдэгдэж, цөөнгүй хүн дэмжихээ илэрхийлжээ. Ц.Мөнхтуяа АН-аас жагсаалтаар парламентад сонгогдсон юм. Багш мэргэжилтэй тэрбээр боловсролын салбарынхны эрх ашгийг төлөөлж ажиллахаа тунхагладаг.
2025-08-20
ГЗБГЗЗГ-ын дарга асан Ц.Ганхүүгийн хэргийг дахиад шүүхэд шилжүүлэв
Газар зохион байгуулалт, геодез, зураг зүйн газар (ГЗБГЗЗГ)-ын даргаар ажиллаж байсан Ц.Ганхүүд холбогдох хэрэгт НПГ-аас яллах дүгнэлт үйлдэж, Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд дахиад шилжүүллээ. Тэрбээр эрх мэдлээ ашиглан аж ахуйн нэгжийг “шантаажилж” хахууль авсан хэрэгт холбогдсон билээ.
2025-08-20
Н.Баярхүү чансаа өндөр сэтгүүлд бие даасан өгүүллээ хэвлүүлсэн Монголын анхны археологич болжээ
МУИС-ийн Антропологи, археологийн тэнхимийн дэргэдэх Нүүдэлчдийн археологийн хүрээлэнгийн судлаач Н.Баярхүү археологийн салбарт чансаа өндөртэйд тооцогддог сэтгүүлүүдийн нэг “Journal of archaeological science: reports”-д бие даасан судалгааны өгүүллээ хэвлүүлжээ. Хяналт, шалгуур өндөртэй тус сэтгүүлд археологичид ихэвчлэн хамтарсан буюу олон зохиогчтой өгүүллээ хэвлүүлдэг гэнэ. Харин Н.Баярхүү эл сэтгүүлд бие даасан өгүүллээ хэвлүүлсэн Монголын анхны археологич болсныг МУИС-ийн Археологийн судалгааны төвийн захирал, доктор, дэд профессор Ц.Төрбат хуваалцлаа.
2025-08-20
