Ахиу хэмжээний бороо орно
Үүлэрхэг. Ахиу хэмжээний бороо орно. Салхи зүүн өмнөөс секундэд 5-10 метр, борооны өмнө түр зуур ширүүснэ. 18-20 хэм дулаан байна.
2025-08-20
“Дижитал детокс” үйлчилгээний эрэлт эрчимтэй өсөж байна
Ухаалаг утас, компьютер, интернэтээс тодорхой хугацаанд бүрэн татгалзаж, биеийн болон сэтгэцийн эрүүл мэндээ сэргээхэд чиглэсэн “digital detox retreat” үйлчилгээний эрэлт дэлхий даяар нэмэгдэж байна. Үүнд ихэвчлэн хотын стресс, бухимдал, технологийн хэт хэрэглээндавтаж, ядаргаанд орсон, нойргүйдэлтэй, дундаас дээш орлоготой хүмүүс түгээмэл хамрагддаг гэнэ.
2025-08-19
Цэцэрлэгийн хүүхдээс шээс, цагаан хорхойн шинжилгээ авахгүй
Энэ хичээлийн жилд улсын хэмжээний цэцэрлэгүүдэд 280 орчим мянган хүүхэд хамрагдах төлөвтэй. Тэд бүгд шээс, цагаан хорхойн шинжилгээнд хамрагдаж байж “алба”-ндаа элсдэг журамтай байв. Тэгвэл өнөө жилээс салбарын сайдын холбогдох тушаалаар цэцэрлэгийн хүүхдүүдээс шээс болон шимэгч хорхойн өндөг илрүүлэгч шинжилгээг авахыг хоригложээ. Жил бүрийн намар дүүргүүдийн эмнэлгүүд болон хувийн лабораториудад урт дараалалүүсгэдэгбайсныг ийнхүү болиулсан байна.
2025-08-19
Уураар халдаг дулааны 20 зуухыг шинэчилнэ
Улаанбаатар хотын 2025-2026 оны өвөлжилтийн бэлтгэл ажлын хүрээнд нийт 750 төсөл, арга хэмжээг хэрэгжүүлж, бэлтгэл ажил 63 хувийн гүйцэтгэлтэй үргэлжилж байгааг нийслэлийн ЗДТГ-аас өчигдөр мэдээллээ.
2025-08-19
Нарийн ноолуурын чиглэлийн ямааны 300 ишгийг сэлгэн нутагшуулжээ
“Ханбогд кашимер” ХХК хөдөө аж ахуйн салбарын тогтвортой хөгжлийг хангах, малчдын хоршоодыг дэмжих, орлогыг нь нэмэгдүүлэх, уур амьсгалын өөрчлөлтөөс үүдэлтэй сорилтыг даван туулахад нь тусалж, үржлийн чанарыг сайжруулах зорилгоор нарийн ноолуурын чиглэлийн улаан ямааны 300 ишгийг Сүхбаатар аймгаас Өмнөговьд нутагшуулжээ. Тодруулбал, Сүхбаатар аймгийн Асгат, Баяндэлгэр, Түвшинширээ, Уулбаян сумаас ийм тооны төл худалдан авч, Өмнөговийн Номгон сумын “Лусын сэрчим” хоршоонд бэлэглэжээ.
2025-08-19
Төсвийн тэнцвэржүүлсэн тэнцэл 1.3 их наяд төгрөгийн алдагдалтай гарчээ
Монгол Улсын төсвийн тэнцвэржүүлсэн тэнцэл 2025 оны эхний долоон сард 1.3 их наяд төгрөгийн алдагдалтай гарсныг Үндэсний статистикийн хорооноос мэдээлэв. Улсын нэгдсэн төсвийн нийт орлого, тусламжийн хэмжээ 2025 оны эхний долоон сарын урьдчилсан гүйцэтгэлээр 16.6 их наяд төгрөг болж, өмнөх оны мөн үеэс 1.1 их наяд буюу 6.1 хувиар буурсан байна. Тэр дундаа татварын нийт орлого 14.4 их наяд төгрөг болж, өмнөх оны мөн үеэс 8.7 хувиар буурсан бөгөөд үүнд орлогын албан татвар 946.6 тэрбум, ашигт малтмалын нөөц ашигласны төлбөр 1.2 их наяд төгрөгөөр багассан нь нөлөөлжээ.
2025-08-19
Хувь тавилан минь намайг сонгосон Хувилах өөр хувилбар гэж үгүй...
Ерээд оны эхээр Монголын утга зохиолын ертөнцөд өөрийн өвөрмөц содон шүлгүүдээрээ цахиур хагалан орж ирсэн яруу найрагч бол Ц.Отгонжаргал. МЗЭ-ээс зарласан анхны номын уралдаанд “Хөх морьд” түүврээрээ шалгарч байсан тэрбээр хожим “Над шиг бүсгүй чамд”, “Муруй дүрс” номоохэвлүүлж, оны шилдэг бүтээл шалгаруулах “Алтан-Өд” наадмын эзэн болж байв. “Хувь тавилан минь намайг сонгосон Хувилах өөр хувилбар гэж үгүй…” хэмээн адарч нэг, аргадаж нэг шүлэглэдэг МЗЭ-ийн шагналт, яруу найрагч Ц.Отгонжаргалын бүтээлүүдээс уншигчдадаа дээжлэн хүргэе.
2025-08-19
Нийтийн эзэмшил, ногоон байгууламжийг сүйтгэх ажилд төрийн байгууллагынхан оройлж, хувийнхан “тусалж” байна
Зам, барилга, инженерийн шугам сүлжээний ажил гүйцэтгэх нэрээр нийтийн эзэмшлийн гудамж, талбай, ногоон байгууламжид дур зоргоороо халдаж сүйтгэдэг явдал Улаанбаатар хотод сүүлийн үед гаарлаа. Төрийн байгууллага, хувийн хэвшил гэлтгүй бүгд ийм зөрчил гаргаж байна. Хамгийн сүүлийн жишээ дурдахад, “Хангилцаг” ХХК Хан-Уул дүүргийн 18 дугаар хорооны нутаг, “Хүннү-2222” хорооллын ойролцоо дулааны шугам сүлжээний ажил гүйцэтгэхдээ тухайн бүс дэх ногоон байгууламжийг зөвшөөрөлгүй тайрч сүйтгэн, нийтийн эзэмшилд халдав.
2025-08-19
Г.Занданшатар: Онцгой байдлын алба хаагчдын онцгой нэмэгдлийн урамшууллыг 40 хувь болгож нэмэхээр шийдвэрлэлээ
Ерөнхий сайд энэ үеэр алба хаагчдад хандан “Та бүхний өмнө тулгамдаж буй шийдвэрлэх ёстой асуудалтай танилцлаа. Гал, устай тэмцэж, амь биеэ үл хайрлан зүтгэдэг аврагчдын хувцас, хэрэглэл, шаардлагаатай тоног төхөөрөмжийн хангамж дутагдалтай байгааг харлаа. Тиймээс юуны өмнө Монгол Улсын Засгийн газраас онцгой байдлын алба хаагчдын онцгой нэмэгдлийн урамшууллыг 40 хувь болгож нэмэхээр шийдвэрлэлээ. Ойрын хугацаанд Засгийн газрын хуралдаанаар хэлэлцэж, албажуулан, ирэх жилийн төсөвт тусгана. Бусад бүх төрийн тусгай алба хаагчдын урамшуулал 40 хувь байдаг.
2025-08-19
Үндэсний компаниуд эрэлттэй, тэргүүлэх мэргэжлээр суралцагсдад зориулсан тэтгэлэг зарлаж эхэллээ
Аж ахуйн нэгжийн орлогын албан татварын тухай хуульд өнгөрсөн жил оруулсан нэмэлт, өөрчлөлтийн дагуу бизнес эрхлэгчид нийгмийн хариуцлагын хүрээнд хийсэн ажлынхаа зардлыг албан татвараас хасаж тооцуулах боломж бүрдсэн. Тодруулбал, байгаль хамгаалал, ахмад настан, хөгжлийн бэрхшээлтэй иргэдэд зориулсан орчны тохижилт, асрамжийн үйлчилгээ, эрэлттэй, тэргүүлэх мэргэжлийг дэмжих тэтгэлэг зэрэг хуульд заасан тодорхой үйл ажиллагааг аж ахуйн нэгж хувийн зардлаараа санхүүжүүлсэн тохиолдолд тухайн жилийн орлогод ногдох татварыг нэг хүртэлх хувиар хөнгөлөхөөр тусгаж, 2024 оны наймдугаар сараас хэрэгжүүлж эхэлсэн юм.
2025-08-19
АН-ын ҮБХ-г 14 хоногийн дотор хуралдуулахыг шаардлаа
Энэ тухай шаардлагыг УИХ-ын гишүүн С.Эрдэнэболд, Ц.Баатархүү, Б.Түвшин нарынхүннамынхаа Үндэсний бодлогын хороо (ҮБХ)-ны дарга, гишүүн О.Амгаланбаатарт өчигдөр гардуулжээ. Үүнийг ҮБХ-ны 168 гишүүн нь дэмжиж, гарын үсгээ зурсан юм байна.
2025-08-19
Отгонтэнгэр хайрханы мөнх цасны хэмжээ 84.2 хувиар багасжээ
Сав газрын захиргаад хариуцсан нутаг дэвсгэртээ усны тооллого, судалгаа хийж, гол, нуурын усны түвшин, мөнх цас, мөсөн голуудын талбайн хэмжээ эрс багассан талаарх таагүй статистик мэдээг сүүлийн өдрүүдэд ээлж дараалан хүргэсээр байна. Хяргас нуур, Завхан голын сав газрын захиргааныхан Хангайн нурууны ноён оргил Отгонтэнгэр хайрханы мөнх цасны хэмжээ 2005 оны буюу 20 жилийн өмнөх үеийнхээс 84.2 хувиар буурсныг мэдээллээ. 2005 онд хийсэн судалгаагаар тус хайрхан дахь мөнх цасны талбай 220.6 га байж. Тэгвэл өдгөө 34.7 га хүртлээ багасжээ. 2015 оноос хойш гэхэд л талбайн хэмжээ нь 30 орчим хувиар буюу 11.7 га-гаар буурсан аж.
2025-08-19
Нийгмийн халамжийг багасгаж, татвар бууруулахыг иргэд хүсэв
Монгол Улсын 2026 оны төсвийн төсөлд олон нийтээс авсан саналын нэгдсэн дүн, статистик гарчээ. Санал асуулга энэ сарын 1-15-нд үргэлжилж, орон даяар нийт 189 752 хүн оролцсон байна. Тэдний 99 хувь нь И-Монголиа систем, бусад нь 11-11 төвийн утсаар болон танхимаар саналаа өгсөн аж. Нийт санал өгсөн иргэний 50 хувийг 18-34, 45.6 хувийг 35-54, 4.4 хувийг55-аас дээш насныхан эзэлжээ. Залуу үе улсынхаа төсөвт ийнхүү анхаарч, буруу, зөвийг шүүхэд оролцсон байх нь. Ийнхүү улсын төсвөө боловсруулахад олон нийт анх удаа өргөн бүрэлдэхүүнтэйгээр хувь нэмрээ оруулжээ.
2025-08-19
